ATV

Author: ATVLive

  • ​Shtohen rastet me meningjit, MSh kërkon nga qytetarët për vigjilencë të shtuar

    ​Shtohen rastet me meningjit, MSh kërkon nga qytetarët për vigjilencë të shtuar

    Ministria e Shëndetësisë me qëllim të mbrojtjes së shëndetit të qytetarëve dhe parandalimin e infeksioneve të ndryshme, bazuar në raportin e IKSHPK, kërkon rritjen e vigjilencës sa i përket kontrollit të vazhdueshëm të ujit të pijes dhe klorizimit të tij, kontrollit të shtuar dhe klorizimit të ujit të pishinave.

    Sipas MSh-së bazuar në raportin e ShSKUK-së, numri i rasteve të raportuara për Sindromën meningjeale gjatë muajit korrik-gusht, krahasuar me të njëjtën periudhë të vitit të kaluar ka shënuar rritje.

    “Meningjiti mund të prekë këdo që bie në kontakt me agjensin, por disa grupmosha janë më të rrezikuara. Sipas Organizatës Botërore të Shëndetësisë, meningjiti prek më së shumti moshat e reja ngaqë sistemi imunitar tek personat e rinj, kryesisht foshnjat, fëmijët dhe adoleshentët nuk është zhvilluar mjaftueshëm për të luftuar agjensët”, thuhet në komunikatë.

    Sipas kësaj ministrie, shkaktar i sindromës meningjeale janë infeksionet bakteriale ose virale.

    Ndërsa, siç njofton MSh-ja rrugë e përhapjes së infeksionit mund të jenë pishinat, vendet e freskimit, kontakti dhe uji për pije.

    Ministria e Shëndetësisë ka njoftuar po ashtu edhe për simptomat e meningjitit

    Disa nga simptomat e sëmundjes janë të ngjashme me ato të një gripi normal, por që rëndohen për një kohë shumë të shkurtër. Meningjiti mund të shfaqet menjëherë ose 3-7 ditë pas marrjes së infeksionit.

    Tek simptomat e sëmundjes përfshihen: të vjella, marramendje, temperaturë e lartë e trupit, dhimbje e muskujve, ndjeshmëri ndaj dritës, dhimbje e kokës, konfuzion, gjymtyrë të ftohta, skuqje e lëkurës.

    Ndërsa tek fëmijët mund të ketë edhe simptoma si frymëmarrja e shpejtuar, irritim dhe të qara për një kohë të gjatë, humbje të përqëndrimit dhe mungesë oreksi.

    Sapo të vëreni simptomat e mësipërme apo gjendje të rënduar shëndetësore, duhet menjëherë të konsultoheni tek mjeku.

    Meningjiti trajtohet vetëm në spital.

  • Haradinaj pyet Kurtin: A je me prokurorin a me Mujecin?

    Haradinaj pyet Kurtin: A je me prokurorin a me Mujecin?

    Kryetari i AAK-së, Ramush Haradinaj, e ka pyetur Kurtin nëse është me prokurorin a me Mujecin, asamblistin e VV’së të arrestuar dje në Tiranë nën dyshimin për trafik narkotikësh.

    Ai i ka thënë Kurtit të bëhet i gjallë, pasi ky i fundit ende nuk ka reaguar për arrestimin e Besnik Mujecit.

    “Albin, a je me prokurorin a me Mujecin? Bëhu i gjallë!”

    Haradinaj, përveç postimit, ka lënë edhe një koment: “Deri tani Kurti e ka mbajtur anën e të akuzuarve për korrupsion e krime të tjera. Do të duhej që edhe tani të rreshtohet e ta dijmë pozicionin e tij!”.

  • Një qytet i tërë suedez do të zhvendoset për shkak të një miniere

    Një qytet i tërë suedez do të zhvendoset për shkak të një miniere

    Për më shumë se një shekull, qyteti suedez i Kiruna ka qenë një qendër kryesore minerare, e njohur për bollëkun e mineraleve të çmuara, veçanërisht hekurit. Megjithatë, kjo e kaluar e begatë ka krijuar një realitet shqetësues: nxjerrja e mineraleve ka shkaktuar një ulje të ngadaltë dhe të vazhdueshme të tokës.

    Ndërtesat historike, rrugët dhe strukturat kryesore janë prekur, duke ngritur shqetësime në rritje për sigurinë dhe qëndrueshmërinë afatgjatë të qytetit. Përballë këtij kërcënimi të afërt, udhëheqësit e Kirunës morën një vendim të guximshëm dhe vizionar: të zhvendosnin qytetin tërësisht, duke krijuar një masterplan që lejon ndërtimin e një Kirune të re, në një vend më të sigurt.

    “Ata duan të ndërtojnë hapësira takimi, si një shesh që ne nuk e kishim. Ata gjithashtu duan më shumë zona tregtare, rrugë për këmbësorë dhe, ndoshta më e rëndësishmja, qasje në natyrë. Ne me të vërtetë na pëlqen të jetojmë jashtë”, tha banorja e Kirunës, Clara Nystrwm.

    Konkretisht do të zhvendosen 450 mijë metra katrorë shtëpi, shkolla dhe ambiente publike, tregtare dhe të kohës së lirë. Deri në vitin 2035 pritet të përfundojë procesi i zhvendosjes, që përfshin edhe zhvendosjen e mijëra banorëve, si dhe ruajtjen e trashëgimisë kulturore dhe ndërtimin e një infrastrukture moderne dhe të qëndrueshme. Ky projekt ambicioz synon jo vetëm të garantojë sigurinë e banorëve, por edhe të rivitalizojë qytetin, duke tërhequr breza të rinj banorësh dhe vizitorësh.

    Në fund të fundit, Kiruna e re do të projektohet për të qenë më efikase në energji, me hapësira publike të mirëplanifikuara, banesa moderne dhe zgjidhje të qëndrueshme lëvizshmërie. Aktualisht ky qytet ka 23.000 banorë dhe është një territor sa Sllovenia. I vendosur në një zonë të mbrojtur natyrore, procesi i zhvendosjes së këtij qyteti përfaqëson një përpjekje të paprecedentë në epokën moderne. Ky projekt hedh dritë edhe mbi rëndësinë e marrjes së masave proaktive në luftën kundër ndikimeve të ndryshimeve klimatike dhe shfrytëzimit të burimeve natyrore, raporton A2CNN.

    Ndërsa Kiruna nis udhëtimin e saj të guximshëm të zhvendosjes, ajo bëhet një simbol frymëzues se si shpirti dhe vendosmëria njerëzore mund të mbizotërojnë mes sfidave më të jashtëzakonshme.

  • Policia po heton tri vdekje të ndodhura dje, detaje nga raportet

    Policia po heton tri vdekje të ndodhura dje, detaje nga raportet

    Policia e Kosovës po heton tri raste të vdekjes të ndodhura gjatë ditës së djeshme.

    Rastet kanë ndodhur në Lipjan, Shtime dhe Mitrovicë të Jugut, raporton Indeksonline.

    Më poshtë raportet e Policisë:

    Lipjan 15.08.2023-16:45. Raportohet se viktima mashkull shtetas i Shqipërisë është gjetur pa shenja jete në ambientin e punës. Në vendin e ngjarjes kanë dal njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë dërgohet në IML për obduksion.

    Shtime 15.08.2023-18:00. Raportohet se nga Qendra Integruese Rehabilituese, është dërguar pa shenja jete në emergjencë viktima mashkull kosovar, vdekjen e të cilit e ka konstatuar ekipi mjekësor.Lidhur me rastin me vendim të prokurorit trupi i pajetë dërgohet në IML për obduksion.

    Mitrovicë Jugu 15.08.2023-15;23. Lidhur me rastin, pasi është raportuar se viktima mashkull kosovar kishte rënë nga një lartësi, në vendngjarje ka dalur ekipi mjekësor ku dhe është konstatuar vdekja e viktimës. Me vendim të prokurorit, trupi i pajetë është dërguar në IML për Obduksion, rasti nën hetime.

  • “Ky është njeriu i vetëm që mund ta mposht Aleksandar Vuçiqin”

    “Ky është njeriu i vetëm që mund ta mposht Aleksandar Vuçiqin”

    Kryetari i Partisë së Re Demokratike të Serbisë, Millosh Jovanoviq, është i vetmi person në skenën politike të Serbisë që mund ta mposhtë presidentin e Serbisë Aleksandar Vuçiq, në zgjedhje, tha nënkryetari i kësaj partie Predrag Marseniq.

    Ai tha se, sipas hulumtimeve, ka rënie të vlerësimit si të Partisë Progresive Serbe ashtu edhe të Aleksandër Vuçiqit, thuhet në një deklaratë të DSS e Re.

    Marseniq tha për televizionin “Nova S” se Jovanoviq ka njohuri dhe cilësi dhe se qytetarët e dinë këtë.

    Sipas tij, opozita duhet të ulet, të bisedojë dhe të bëjë kompromise dhe të gjejë një gjuhë të përbashkët dhe jo të akuzojë njëri-tjetrin.

    “Aleksandër Vuçiqit po i vjen fundi. Nuk e dimë nëse do të jetë pas një apo dy viti, por largimi i tij politik sigurisht që po afrohet”, theksoi Marseniq.

    Ai tha se DSS e Re beson se duhet ndryshuar qasja ndaj protestës dhe kërkesat e protestës.

    “Kërkesa jonë që në fillim është që Vuçiq të japë dorëheqjen”, theksoi nënkryetari i DSS-së së Re.

    Kryetari i Partisë së Re Demokratike të Serbisë, Millosh Jovanoviq.
  • Dhunohet një vajzë në Gjakovë, policia jep detaje

    Dhunohet një vajzë në Gjakovë, policia jep detaje

    Një vajzë ka raportuar se është dhunuar dhe sulmuar seksualisht në periudha të ndryshme kohore.

    Në raportin 24 orësh të Policisë së Kosovës, rasti ka ndodhur të martën rreth orës 23:10, në Gjakovë.

    Tutje në raport thuhet se është arrestuar njëri nga të dyshuarit për sulm seksual, ndërsa i dyshuari i dytë ndodhet në kërkim policor ku sipas informacioneve ndodhet jashtë vendit.

    “Viktima femër kosovare ka raportuar se ndaj saj janë kryer veprat e lartcekura nga dy të dyshuar të ndryshëm, në periudha të ndryshme kohore, ku si rredhojë nga njësitë policore njëri nga të dyshuarit (për sulm seksual) është arrestuar dhe dërguar në mbajtje, ndërsa i dyshuari i dytë ndodhet në kërkim policor ku sipas informacioneve ndodhet jashtë vendit”, thuhet në raport.

    Po ashtu sipas raportit, lidhur me rastin me vendim të prokurorit viktima femër kosovare pas intervistimit është dërguar për kontroll mjekësor. Rasti nën hetime.

  • ​Tenton të udhëtojë me dokumente të dikujt tjetër

    ​Tenton të udhëtojë me dokumente të dikujt tjetër

    Një person ka tentuar të udhëtojë nga Aeroporti i Prishtinës, duke prezantuar pasaportën e dikujt tjetër.

    Në raportin e Policisë së Kosovës bëhet e ditur se fjala është për një iranian i cili kishte tentuar të udhëtonte me pasaportë të Uruguait.

    Ngjarja ka ndodhur mbrëmjen e së martës, ndërsa bëhet e ditur se i dyshuari i është dorëzuar njësisë së migrimit për procedura të mëtejme.

  • Rashica arrin në Stamboll, pritje e zjarrtë nga tifozët e Besiktasit

    Rashica arrin në Stamboll, pritje e zjarrtë nga tifozët e Besiktasit

    Drejtori sportiv i Norwich Cityt, Stuart Webber e kishte konfirmuar në fund të sezonit 2022/23 se me shumë gjasë Milot Rashica do të shitej, por ende nuk është finalizuar ndonjë lëvizje.

    Por, interesi në yllin kosovar ekziston, duke përfshirë këtu Galatasarayn si dhe rivalin e tij Fenerbahcen, ndërsa së fundmi është përmendur edhe interesimi nga Besiktasi, raporton KP.

    Kjo gjë u konfirmua mbrëmë nga vetë gjiganti turk, i cili përmes një komunikate në faqen zyrtare e konfirmoi se ka filluar bisedimet me Norwich Cityn për Rashican.

    Tani, Rashica ka mbërritur në Stamboll, për ta finalizuar transferimin e tij te Besiktasi. Ylli kosovar u prit ngrohtë nga tifozët turk dhe këtë gjë më së miri e tregon videoja më poshtë.

  • ​NATO rikofirmon mbështetjen e saj për integritetin territorial të Ukrainës

    ​NATO rikofirmon mbështetjen e saj për integritetin territorial të Ukrainës

    NATO veproi me shpejtësi të martën për të siguruar Ukrainën se ka mbështetjen e NATO-s pas komenteve të një prej zyrtarëve të saj të lartë.

    Duke folur gjatë një paneli diskutimi në Norvegji, Stian Jenssen, shefi i shtabit të sekretarit të përgjithshëm të NATO-s, propozoi që Ukraina t’i jepte një pjesë të territorit të saj Rusisë në këmbim të anëtarësimit në NATO, në mënyrë që t’i jepte fund luftës, shkruan AA, transmeton KosovaPress.

    “Unë mendoj se një zgjidhje mund të jetë që Ukraina të japë një pjesë nga territori dhe në këmbim të anëtarësohet në NATO” tha ai, duke shtuar megjithatë se “duhet të jetë në dorën e Ukrainës që të vendosë se kur dhe në çfarë kushtesh duan të negociojnë,” gazeta tabloide norvegjeze Verdens Gang raportoi më 15 gusht.

    Megjithatë, Jenssen vuri në dukje se kjo ishte vetëm një nga zgjidhjet e mundshme dhe jo qëndrimi i NATO-s për këtë çështje.

    Një burim zyrtar nga Aleanca ka reaguar.

    “Ne mbështesim plotësisht sovranitetin dhe integritetin territorial të Ukrainës, siç riafirmuan liderët e NATO-s në Samitin e Vilniusit në korrik. Ne do të vazhdojmë të mbështesim Ukrainën për aq kohë sa të jetë e nevojshme dhe jemi të përkushtuar për të arritur paqe të drejtë dhe të qëndrueshme”, tha ai.

    NATO ka thënë vazhdimisht se Ukraina duhet të vendosë për kohën dhe kushtet e paqes me Rusinë.

    Zyrtarët ukrainas në mediat sociale kritikuan vërejtjet e Jenssen.

    “Të flasësh për anëtarësimin e Ukrainës në NATO në këmbim të heqjes dorë nga një pjesë e territoreve të Ukrainës është absolutisht e papranueshme”, tha zëdhënësi i Ministrisë së Jashtme të Ukrainës, Oleg Nikolenko në Facebook.

    “Ne gjithmonë kemi supozuar se Aleanca, si Ukraina, nuk tregton territore. Pjesëmarrja e vetëdijshme ose e pavetëdijshme e zyrtarëve të NATO-s në formësimin e narrativës në lidhje me mundësinë e dorëzimit të territoreve nga Ukraina është në duart e Rusisë,” tha Nikolenko.

    Këshilltari presidencial ukrainas Mykhailo Podolyak tha në platformën e rrjeteve sociale “X” se heqja e territorit në këmbim të anëtarësimit në NATO do të nënkuptonte “zgjedhje të qëllimshme të humbjes së demokracisë, inkurajimin e një krimineli global, ruajtjen e regjimit rus, shkatërrimin e ligjit ndërkombëtar dhe kalimin e luftës në brezat e tjerë.”

  • Supergoli i Messit në gjysmëfinalen e Kupës së Ligës MLS

    Supergoli i Messit në gjysmëfinalen e Kupës së Ligës MLS

    Lionel Messi nuk po ndalet së shënuari gola pasi që e gjeti përsëri rrjetën në gjysmëfinalen e Kupës së Ligës MLS kundër Philadelphia Union.

    Pavarësisht se është njëri nga ekipet më të mira në MLS, Philadelphia nuk arriti t’i bëjë ballë Messit dhe skuadrës së tij, të cilët shënuan fitore 4:1, raporton KosovaPress.

    Kjo fitore i siguroi Messit dhe Inter Miamit finalen e kësaj gare, ku atje do të përballen me Nashville në vikend.

    Golat nga Josef Martinez, Messi, Jordi Alba dhe David Ruiz ishin golashënuesit te Inter Miami, por ishte superylli argjentinas ai i cili morri vëmendjen me një super gol nga distanca prej afro 33 metrave.

    Messi po kalon në një formë fantastike që prej se iu bashkua Inter Miamit në verë, duke shënuar nëntë gola në gjashtë paraqitje, por si duket ky ishte goli më i mirë deri tani.

    Golin e gjeni më poshtë.