ATV

Author: ATVLive

  • ​Italia ka marrë mbi 11 mijë kërkesa për azil

    ​Italia ka marrë mbi 11 mijë kërkesa për azil

    Në maj, Italia mori 11,045 kërkesa për azil nga njerëz që kërkonin mbrojtje ndërkombëtare nga konflikti, persekutimi dhe abuzimet e të drejtave të njeriut, sipas të dhënave të Eurostat të publikuara të premten.

    Aplikimet në Itali përfaqësonin 13.7% të 80,375 aplikimeve të shkallës së parë të pranuara në të gjitha vendet e Bashkimit Evropian (BE).

    Kërkesat për azil në të gjithë bllokun u rritën me 27% krahasuar me majin 2022, kur ato arritën në 63,455, tha Eurostat.

    Gjermania mori numrin më të madh të aplikimeve (23,235), e ndjekur nga Spanja (17,405).

    Italia ishte në vendin e tretë, e ndjekur nga Franca (10,850). Këto katër vende së bashku përbënin 78% të të gjitha kërkesave për azil në BE në maj. (ANSA).

  • ​MASHTI: Paratë për tekste shkollore do të dalin nga java e ardhshme

    ​MASHTI: Paratë për tekste shkollore do të dalin nga java e ardhshme

    Ministria e Arsimit, Shkencës, Teknologjisë dhe Inovacionit ka njoftuar se e ka hapur platformën për aplikim për subvencionimin e teksteve shkollore dhe materialeve mësimore. Në njoftim është bërë e ditur se mjetet do të dalin në xhirollogaritë nga fillimi i javës së ardhshme.

    MASHTI ka njoftuar se aplikimi për subvencionimin e teksteve shkollore dhe materialeve mësimore mund të bëhet në platformën “e-Kosova” deri në fund të muajit shtator.

    Ky është linku për aplikim: https://ekosova.rks-gov.net/Service/5

  • Shkencëtarët e NASA-s: Jeta aliene ekziston dhe shumë pranë nesh

    Shkencëtarët e NASA-s: Jeta aliene ekziston dhe shumë pranë nesh

    Shkencëtarët e NASA-s shprehen se besojnë se ka jetë përtej Tokës dhe mund të jetë shumë më afër sesa mendojmë.

    Duke folur në një ekspozitë në hapësirën e thellë në Nju Jork, Dr Michelle Thaller reflektoi mbi shanset e ekzistencës së jetës jashtëtokësore dhe tha: Unë patjetër mendoj se do të gjejmë jetë në një planet tjetër.

    Sipas saj format e jetës së huaj mund të gjenden edhe në një planet fqinj, Venusi. I mbështjellë në një atmosferë intensive që ka shtypur të gjithë zbarkuesit e dërguar për të eksploruar planetin përvëlues dhe toksik, asnjë jetë nuk mund të mbijetojë në sipërfaqen e tij.

    “Nuk e prisja kurrë Venusin,” tha Dr Thaller, një shkencëtare në Qendrën e Fluturimeve Hapësinore Goddard të NASA-s. “Por, Venusi tani është një nga ato ku ne shohim diçka në atmosferë që duket sikur mund të prodhohet nga bakteret”, u shpreh ajo për US Sun.

    Dr Thaller nuk është e vetmja në këtë mendimi, një numër studimesh shkencore propozojnë të njëjtën teori.

    Në drejtim të kundërt, larg Diellit, dy misione janë vendosur për të eksploruar hënat e akullta të Jupiterit për shenja jete nga viti 2030, Lëngu i Agjencisë Hapësinore Evropiane dhe Clipper i NASA-s.

    “Ne shohim shenja të mundshme të jetës në atmosferën e Venusit, dhe ndoshta nën akull në hënat e akullta të Jupiterit dhe Saturnit”, tha Dr Thaller.

    “Sistemi diellor mund të jetë i mbushur me jetë të thjeshtë, jetë mikrobike. Thjesht duhet të jemi 100% të sigurt, për të thënë se kemi gjetur diçka”, u shpreh ajo.

    Në fillim të këtij viti, hëna e akullt e Saturnit Enceladus u zbulua se përmban të gjashtë elementët thelbësorë të nevojshëm për jetën pasi u zbulua fosfori. Megjithatë, nuk janë zbuluar ende shenja përfundimtare të jetës.

    “Nuk kemi ende prova absolute. A mendoj se ka jetë atje? Absolutisht që po”, tha dr Thaller.

  • Java e tretë në ‘Albi Mall’ Superligë, ndeshja kryesore Prishtina – Malisheva

    Java e tretë në ‘Albi Mall’ Superligë, ndeshja kryesore Prishtina – Malisheva

    Këtë fundjavë zhvillohet xhiroja e tretë e ‘Albi Mall Superligës’ së Kosovës në futboll.

    Prishtina në kampin nacional në Hajvali do ta pres skuadrën e pamposhtur Malishevën, ky takim zhvillohet të shtunën me fillim nga ora 17;00. Prishtina pas dy xhirove ka grumbulluar 4 pikë, kurse Malisheva pikët maksimale.

    Po nga ora 17-:00 të shtunën, Feronikeli 74 në Drenas e pret skuadrën e Gjilanit, skuadra nga Anamorava tashmë e ka marrë vetën pasi i ka gjetur sponsorët. Ndërkohë për Feronikelin 74, kjo është ndeshja e parë që e zhvillon në stadiumin e tij. Përndryshe Feronikeli në dy xhirot e para ka pësuar 2 humbje. Kurse Gjilani e ka zhvilluar vetëm një takim me Prishtinën, ndeshje e cila përfundoi pa fitues.

    Te dielën zhvillohen edhe dy takime tjera, të cilat po ashtu luhen nga ora 17:00.

    Pasi stadium i tyre nuk i plotëson kushtet për ndeshje futbolli, Fushë Kosova si vendas do të luaj në Lipjan.

    Në stadiumin ‘Sami Kelmendi’, skuadra e drejtuar nga Burim Shala, do të takohet me skuadrën shumë përforcuar Llapin.

    Aktualisht Fushë Kosova, ka zhvilluar vetëm një ndeshje deri me tani dhe ka pësuar humbje 6:1 nga Malisheva.

    Në sfidën tjetër Dukagjini takohet me Lirinë, të dyja skuadrat në dy xhirot e para nuk kanë arritur të marrin fitore dhe do të mundohen që ti arkëtojnë pikët e plota.
    Kujtojmë që ndeshja derbi Drita – Ballkani është shtyrë përshak të angazhimit të klubit nga Suhareka në garat evropiane. /atvlive.tv

  • SBAShK: Mund të mosmjaftojnë 80 € për libra, çmimet ka gjasa të rriten

    SBAShK: Mund të mosmjaftojnë 80 € për libra, çmimet ka gjasa të rriten

    Sindikata e Bashkuar për Arsim, Shkencë dhe Kulturë (SBAShK), po konsideron mjetet e ndara nga Ministria e Arsimit mund të mosmjaftojnë për t’i blerë librat nga prindërit, tha nënkryetarja e këtij institucioni, Vjollca Shala.

    Ajo pohoi se do të ketë probleme edhe me mënyrën e aplikimit në platformën e-Kosova. Shala pohoi se duke pasur parasysh që tani shitja e librave do të bëhet me pakicë shtëpitë botuese e librarit do t’i ngrisin çmimet.

    “Edhe e dëgjuam dje Ministrin e Arsimit se kishte bërë një subvencionim të mjeteve për tekstet mësimore, librat dhe mjete të tjera mësimore që ishte në shumën prej 80 euro për nxënësit nga klasa e parë deri në klasën e pestë, ndërsa plus 30 euro për ata që janë nga klasa e gjashtë deri në klasën e nënte. Duke pasur parasysh që librat me pakicë tani natyrisht që ka mundësi që shtëpitë botuese dhe librarit t’i ngrisin çmimet. Ne akoma nuk e dimë saktë se sa do të kushtoj një libër, ende nuk e dimë saktë se a do të jenë të mjaftueshme ajo shumë apo jo”, tha ajo.

    Ajo po ashtu theksoi se problem tjetër për këtë formë të pajisjes me tekste shkollore do të jetë edhe mungesa e librarive në komuna, pasi sipas saj, në një pjesë të komunave librarit janë mbyllur, raporton EO.

    “Natyrisht që kjo pjesë do të jetë kogja e vështire, unë personalisht e kam bërë hulumtim e platformës e-Kosova për të aplikuar për këtë subvencionim mirëpo gjatë procesit të hyrjes e pashë se ka probleme nga se ndoshta edhe numri i madh i atyre që dëshirojnë të aplikojnë për këtë subvencionim tani më është shumë i lartë dhe herë pas here kjo faqe po bllokon, nuk po ka mundësi ti qasen atyre. Përveç kësaj problematike natyrisht që ka probleme edhe të tjera ngase kemi prind që nuk kanë njohuri për të hyrë në këtë platformë”.

    “Pastaj kemi prind që nuk kanë qasje në internet. Gjithashtu edhe nëse subvencionohen këto mjete do të ketë probleme edhe nëpër librari ngase kemi komuna që nuk kanë librari fare, pastaj do të krijohen tollovi për blerje të librave ngase ka mbetur një kohë shumë e shkurtë. Mund të ketë edhe ngritje të çmimeve të librave nga njëra librari në librarin tjetër, pasta do të ketë hutime të prindërve se cilin libër duhet ta blejnë, cila shtëpi botuese”, tha ajo.

    Në platformën e-Kosova është publikuar linku në të cilin prindërit mund të aplikojnë për subvencionim të teksteve shkollore për fëmijët nga klasa 1-5.

    Ministria e Arsimit të enjten mbrëma ka njoftuar se do të ndajë 80 euro për nxënësit nga klasa 1 deri në klasën e 5 për blerjen e teksteve dhe materialeve mësimore.

  • ​Falja e 100 eurove tatim, AKK e dërgon Ligjin në Kushtetuese

    ​Falja e 100 eurove tatim, AKK e dërgon Ligjin në Kushtetuese

    Asociacioni i Komunave të Kosovës (AKK), e ka çuar në Gjykatën Kushtetuese Ligjin që mundëson faljen e 100 eurove tatim.

    Dorëzimin e kërkesë për vlerësimin e ligjshmërisë e Ligjit për tatimin në pronë e kanë bërë drejtori ekzekutiv i Asociacionit, Sazan Ibrahimi dhe kryetari i komunës së Prizrenit, Shaqir Totaj.

    Kryetari i Prizrenit, Totaj, theksoi se kjo është ndërhyrje në kompetencat e komunave dhe se me këtë ligj do të humbin miliona euro.

    Totaj theksoi se bashkë me kërkesë për ligjshmëri kanë kërkuar edhe masë sigurie për këtë Ligj dhe se presin nga Kushtetuesja që atë ta shpallë të kundërligjshëm.

    Këtë veprim të komunave, ministri i Financave, Punës dhe Transfereve, Hekuran Murati e ka quajtur të kotë.

    Ai në reagimin e tij në Facebook ka shkruar se krejt çka po duan të bëjnë me këtë potez kasta e vjetër politike, është që të fshihen prapa Gjykatës Kushtetuese, se gjoja ata “do ta kishin miratuar zbritjen e tatimit, por ja që ligji është bllokuar në Gjykatë Kushtetuese”.

    “Po dëshmohet edhe njëherë që britmat këta nuk i kanë as për qytetarin e as për shtetin. Sidoqoftë, edhe ky veprim i tyre është i kotë. Por kjo nuk pin ujë. Sepse ligji i ndryshuar tashmë është në fuqi, dhe secila komunë ka mundësinë të vendosë për faljen ose jo të një pjese të tatimit në pronë për të gjithë tatimpaguesit më së largu me 15 shtator 2023”, ka shkruar Murati.

  • Aksident i rëndë mes dy veturave në hyrje të rrugës së Gadimes në Lipjan

    Aksident i rëndë mes dy veturave në hyrje të rrugës së Gadimes në Lipjan

    Një përplasje e rëndë ka ndodhur në hyrje të rrugës së Gadimes në Lipjan, ku janë përfshirë dy vetura.

    Në vendngjarje kanë mbërritur njësitet policore dhe ambulanca, të cilët aktualisht po merren me rastin.

    Sipas burimeve të ATV-së, nuk raportohet për viktima. Megjithatë, ende nuk ka informacione për shkallën e lëndimeve të pësuar nga personat e përfshirë në këtë aksident.

    Për më shumë detaje, ATV do të ju informojë me kohë.

  • Kryeministri Kurti e viziton “Panairin e Rinisë”

    Kryeministri Kurti e viziton “Panairin e Rinisë”

    Kryeministri Albin Kurti, e ka vizituar “Panairin e Rinisë”, raporton EO.

    Ai ka vizituar të gjithë të rinjtë pjesëmarrës në Panair.

    Panairi u organizua nga Ministria e Kulturës, Rinisë dhe Sportit, në kuadër të agjendës shtetërore të Muajit të Rinisë 2023, në bashkëpunim me UNICEF në Kosovë.

  • Trupi i Prigozhin identifikohet nga gishti i prerë, mediat ruse: Ishin vendosur dy bomba në avion

    Trupi i Prigozhin identifikohet nga gishti i prerë, mediat ruse: Ishin vendosur dy bomba në avion

    Teksa ishin ngritur dyshime nëse Yevgeny Prigozhin ndodhej në avionin privat që u rrëzua mes Moskës dhe Shën Petërsburgut duke e lënë të vdekur së bashku me nëntë persona të tjerë, në një kanal rus është deklaruar se trupi i liderit Wagner tashmë është identifikuar nga gishti dallues gjysmë i prerë në dorën e majtë.

    Prigozhin kishte humbur një pjesë të gishtit të tij gjatë vuajtjes së dënimit në një burg, raportoi kanali rus VChK-OGPU në Telegram.

    Në të njëjtën kohë, ai shtoi se një komandant i lartë i organizatës paraushtarake e njohu trupin nga ky dëmtim, si dhe nënkryetarin e tij, Dmitry Utkin, nga tatuazhet e tij.

    Megjithatë, ndërkombëtarisht, nuk është ende e qartë nëse Prigozhin dhe disa nga togerët e tij janë vrarë dhe nëse kjo është bërë në shenjë “hakmarrjeje” për kryengritjen që filloi në qershor duke sfiduar autoritetin e Presidentit Putin.

    Një zyrtar amerikan i paidentifikuar tha se ishte “shumë e mundshme” që Prigozhin të ishte shënjestruar, ndërsa Ministria Britanike e Mbrojtjes tha se nuk kishte “asnjë provë të qartë”, por ishte “jashtëzakonisht e mundshme” që ai të ishte vrarë.

    Raportime për dy bomba pranë tualetit të avionit

    Ndërkohë, dy media ruse me burime sigurie brenda Kremlinit pohuan se një ose dy bomba mund të jenë vendosur në aeroplan. Në raporte të pakonfirmuara, pretendohej se bombat ishin vendosur në pjesën e pasme të avionit, pranë tualetit.

    Kjo u nxit nga postimi i stjuardesës Kristina Raspopova, 39 vjeç, e cila postoi në rrjetet sociale përpara se avioni të ngrihej se fluturimi i saj ishte vonuar për shkak të “riparimeve” të minutës së fundit.

    Kështu, mendohej se mjetet shpërthyese ishin vendosur gjatë kësaj periudhe, por kjo nuk është konfirmuar.

    Prodhuesi i avionit, megjithatë, pohoi se nuk janë bërë riparime në këtë avion të veçantë që nga viti 2019.

  • ​Mike Dean ka bërë një gabim me qëllim kundër Chelseat për të mbrojtur shokun e tij

    ​Mike Dean ka bërë një gabim me qëllim kundër Chelseat për të mbrojtur shokun e tij

    Gjyqtari i pensionuar i Premier Ligës, Mike Dean, ka ngjallur polemika pasi ai rishikoi një gabim të VAR-it që ai e bëri sezonin e kaluar.

    Asokohe, Dean ishte në krye të dhomës së VAR-it në ndeshjen ku Tottenhami ishte mysafirë i Chelseat në “Stamford Bridge”, në ndeshjen e dytë të sezonit, raporton KosovaPress.

    Kalidou Koulibaly i dha Chelseat epërsinë në minutën e 19’ në atë ndeshje, duke e shënuar debutimin e tij me gol, para se Pierre-Emile Hojbjerg të barazonte rezultatin në minutën e 68’.

    Nëntë minuta më vonë, Reece James kaloi Chelsean në epërsi, ku kishte festime emocionale nga trajneri i Chelseat asokohe, Thomas Tuchel.

    Tuchel, dhe asokohe trajneri i Tottenhamit Antonio Conte, më herët gjatë ndeshjes ishin ndëshkuar me karton të verdhë, pas një përplasje për një ndërhyrje të Rodrigo Bentancur ndaj Kai Havertz.

    Pika më e lartë e dramës erdhi kur Harry Kane shënoi golin e barazimit në minutën e 90+6’. Tuchel dhe Chelsea ishin të nervozuar që goli u lejua pasi që Cristian Romero qartazi i ngreh flokët Marc Cucurellas në zonën e penalltisë.

    Gjyqtari Anthony Taylor e akordoi golin, me Mike Dean duke vulosur vendimin. Që atëherë ai ka pranuar se ka bërë një gabim.

    “Është njëri nga ta që nëse do ta ktheja kohën, çfarë do të bëja? Do ta dërgoja Anthony Taylor te ekrani (i VAR-it). I thashë Anthonyt më pas: Thjesht nuk doja të dërgoja në ekran pas asaj që ka ndodhur në lojë. Nuk doja ta dërgoja sepse ai është shok si dhe gjyqtar dhe mendoj se nuk doja ta dërgoja sepse nuk doja më shumë pikëllim sesa ai kishte tashmë”, tha Dean.

    Tuchel dhe Conte u përfshinë në një tjetër grindje pas ndeshjes, me gjermanin që më vonë vuante një pezullim për rolin e tij, siç raportohet nga “Athletic”. Dy trajnerët u shkarkuan më pas nga klubet e tyre përkatëse.