ATV

Author: ATVLive

  • Suharekë: Arrestohet një 22-vjeçar, i sekuestrohen dy armë dhe qindra fishekë

    Suharekë: Arrestohet një 22-vjeçar, i sekuestrohen dy armë dhe qindra fishekë

    Policia e Kosovës ka njoftuar se ka arrestuar një 22-vjeçar në Suharekë, të cilit i kanë sekuestruar një pushke gjysmë automatike si dhe një pistoletë.

    Përmes një njoftimi në faqen zyrtare, Policia ka bërë me dije se i dyshuari ka pranuar se me datë 27.11.2023 rrethe orës 13:30 kishte shtënë me armën gjysmë automatike në bjeshkët e fshatit Dellocë të Suharekës.

    Rasti ka shkuar në procedure të rregullt, teksa është cilësuar si mbajtje në pronësi kontroll, posedim apo shfrytëzim ia pa autorizuar i armës.

    “Me datë 07.12.2023 Sektori i hetimeve i stacionit policor në Suharekë , ka pranuar një informate (video incizim) se një person i dyshuari ka shtënë me armë zjarri ne një lokacion te panjohur. Pas pranimit te informatës sektori i hetimeve të stacionit policor ne Suhareke, menjëherë ka filluar hetimet ku është identifikuar i dyshuari: F.B, i datëlindjes 2001 m/sh/k. I dyshuari është shoqëruar ne stacionin policor ne Suharekë, është intervistuar ka i njëjti ka pranuar se posedon dy armë.”, thuhet në njoftim.

  • Aksidenti tragjik në Venecia, humbin jetën dy të rinj shqiptarë

    Aksidenti tragjik në Venecia, humbin jetën dy të rinj shqiptarë

    Dy nga viktimat e tragjedisë rrugore që ndodhi rreth orës 03:00 të mëngjesit të së premtes në provincën e Venecias në Itali, janë shtetas shqiptarë.

    Forcat zjarrfikëse kanë arritur të nxjerrin nga lumi ku përfundoi pasi doli nga rruga, makinën “BMË Seria 3” me të cilën udhëtonin 3 të rinj.

    Sakaq, polumbarët kanë nxjerrë nga uji i lumit Reghena edhe trupat e viktimave, dy djem me origjinë shqiptare dhe një vajzë italiane.

    A2CNN raporton se viktimat janë të gjithë në të 20-at e tyre. Vajza 21-vjeçare e quajtur Giulia di Tillio me banim në Portogruaro dhe Egli Gjeci (26 vjeç) e Altin Hoti (22 vjeç), me origjinë shqiptare, të dy banues në Concordia Sagittaria.

    Mediat italiane raportojnë se Hoti ishte drejtuesi i mjetit. Familja e të riut është tronditur nga humbja e tij, pasi në një aksident rrugor po në Portogruaro humbën në maj të këtij viti djalin e vogël,19-vjeçarin Admir Hoti.

    Sakaq, Egli Gjeci kishte shumë pasion për futbollin dhe kishte ndjekur institutin profesional D’Alessi në qytetin, ku edhe humbi jetën.

    Kërkimet e zjarrfikësve në lumë vazhduan disa orë pasi dyshohej se në makinë ishte një djalë i katërt, por kërkimet rezultuan negative.

    Sipas disa dëshmitarëve, makina në të cilën po udhëtonin të rinjtë shkoi drejt në një kthesë, duke kaluar përtej një bordurë përpara se të përfundonte e fundosur në lumë. Prokurori i çështjes ka urdhëruar kryerjen e autopsisë së drejtuesit të mjetit për të kuptuar gjendjen psikofizike në të cilën ka drejtuar para tragjedisë.

  • Lajçak: BE-ja është gati për zgjerim për herë të parë pas një kohe të gjatë

    Lajçak: BE-ja është gati për zgjerim për herë të parë pas një kohe të gjatë

    I dërguari i posaçëm i Bashkimit Evropian për dialogun Kosovë-Serbi, Miroslav Lajçak, ka thënë se për herë të parë BE-ja është e gatshme për zgjerim.

    “Në samitin për Ballkanin, theksova se për herë të parë pas një kohe BE-ja është gati për zgjerim. Është koha për të përfituar nga kjo mundësi”, shkroi Lajçak në platformën X.

    Lajçak mori pjesë të enjten në samitin BE-Ballkani Perëndimor të organizuar nga instituti politik i Brukselit “Friends of Europe”.

    Emisari i BE-së tha se “gjeopolitika e ka hapur derën për integrim në BE, por ajo nuk do t’ju kalojë vetvetiu juve përmes kësaj dere, sepse për një gjë të tillë duhet të përmbushen kushtet”.

    “Për herë të parë e shoh BE-në më të gatshme për Ballkanin sesa Ballkani për BE-në”, u shpreh Lajçak duke përsëritur që vendet e rajonit duhet t’i zgjidhin të gjitha çështjet e hapura mes tyre, në mënyrë që një ditë të mos mund të bllokojnë njëra-tjetrën në rrugën drejt BE-së.

    Në Bruksel po zhvillohet debati kushtuar procesit të zgjerimit të organizuar nga “Miqtë e Evropës”.

  • AAK: Mashtrimi i qeverisë me pagat në sektorin publik vazhdon të dekonspirohet

    AAK: Mashtrimi i qeverisë me pagat në sektorin publik vazhdon të dekonspirohet

    Shefi i Grupit Parlamentar të AAK-së, Besnik Tahiri, ka thënë se Qeveria e Kosovës gjyqësorin e konsideron hiç më shumë se një degë e saj politike.

    Tahiri ka shkruar në Facebook se thënë se kjo qeveri është kundër sundimit të ligjit dhe kundër ndarjes së pushteteve, nuk duhet të çuditemi edhe nëse nuk i zbaton verdiktet e gjykatave.

    “Loja dhe mashtrimi i kësaj qeverie me pagat në sektorin publik vazhdon të dekonspirohet. Gjykata e Apelit e konfirmon edhe njëherë me vendimin e shkallës së parë sipas të cilit Qeveria veproi kundër ligjit me uljen e pagave të prokurorëve dhe gjyqtarëve. Duke qenë që kjo Qeveri është kundër sundimit të ligjit dhe kundër ndarjes së pushteteve, nuk duhet të çuditemi edhe nëse nuk i zbaton verdiktet e gjykatave. Sipas kësaj Qeverie, gjyqësori nuk është asgjë më shumë se sa një degë politike e saj”, ka shkruar Tahiri në Facebook.

  • ​100 biçikleta të reja kanë ardhur në Prishtinë, do të përdoren për transport publik

    ​100 biçikleta të reja kanë ardhur në Prishtinë, do të përdoren për transport publik

    Kryetari i Komunës së Prishtinës, Përparim Rama ka njoftuar se 100 biçikleta të reja të cilat do të përdoren për transport publik, tashmë kanë ardhur dhe shpejt do të fillojnë me krijimin e 10 stacioneve ku do të vendosen.

    Rama ka shkruar në të njëjtën kohë jemi duke krijuar shtigje të reja për biçikleta, të cilat do të lehtësojnë udhëtimin me to, duke e bërë më të sigurt.

    “Përdorimi i biçikletës ndihmon në reduktimin e ndotjes së ajrit e po ashtu në përmirësimin e shëndetit tonë fizik e mendor”, Rama.

  • ​Zemaj: Gjendja në shëndetësi po vazhdon të degradohet

    ​Zemaj: Gjendja në shëndetësi po vazhdon të degradohet

    Lidhja Demokratike e Kosovës, ka kritikuar Qeverinë e Kosovës për degradim të sistemit të shëndetësisë.

    Deputeti i LDK-së, Armend Zemaj tha se gjendja në shëndetësi vazhdon të përkeqësohet çdo ditë e më shumë.

    Zemaj në konferencë për medie të premten tha dorëheqjet e fundit në Spitalin e Përgjithshëm në Mitrovicë janë si pasojë e ndërhyrjes politike.

  • Pesë vitaminat kryesore që duhen marrë gjatë dimrit

    Pesë vitaminat kryesore që duhen marrë gjatë dimrit

    Nëse gjatë muajve të dimrit ndjeni se jeni në humor të keq, jeni të lodhur, nervoz dhe e keni të vështirë të ngriheni në mëngjes, mund të keni atë që quhet çrregullim afektiv sezonal.

    Ekspertët e shëndetit rekomandojnë aktivitetin fizik, ushqimin dhe pijet e ngrohta dhe të provoni hobi të reja si disa nga mënyrat për të luftuar këto simptoma, por rekomandohen edhe vitamina specifike për të luftuar simptomat e lodhjes dhe për të përmirësuar humorin e zymtë të dimrit.

    Për keqtrajtim dhe lodhje, merrni magnez

    Magnezi ndihmon në prodhimin e energjisë primare në qelizat tona dhe është thelbësor për metabolizmin e energjisë. Përveç kësaj, një sasi e pamjaftueshme e magnezit mund të rrisë ndjenjën e lodhjes.

    Për të rritur energjinë, merrni vitaminë B12

    Nëse keni mungesë të vitaminës B12, marrja e saj mund të ndihmojë në rritjen e niveleve tuaja të energjisë, duke ju lënë të ndiheni të rigjallëruar. Ajo gjithashtu mbështet sistemin tonë nervor dhe tretës duke i mbajtur të shëndetshme qelizat tona të gjakut.

    Nëse keni mungesë të B12, mund të përjetoni simptoma të tilla si lodhje, ndjenjë dobësie, gulçim dhe dhimbje koke. Vitamina B12 gjithashtu mund të gjendet natyrshëm në mish, peshk, vezë dhe produkte qumështi.

    Sigurisht, me muajt e ftohtë vijnë edhe sëmundjet sezonale si ftohja dhe gripi. Vitamina C është thelbësore gjatë këtyre muajve për të ruajtur sistemin imunitar, si dhe për të parandaluar dhe lehtësuar inflamacionin.

    Merrni omega 3 për të përmirësuar disponimin tuaj

    Omega 3 mund t’ju ndihmojë të merrni sado pak nxitje që ju nevojitet dhe mund të ketë një efekt pozitiv në disponim.

    Omega 3 zakonisht gjendet në ushqimet e detit, arrat dhe farat, të cilat janë të gjitha ushqime që ne i konsumojmë më pak në muajt e ftohtë për shkak të ndryshimeve sezonale dhe disponueshmërisë së peshkut.

    Megjithatë, është e rëndësishme të theksohet se trupi ynë nuk mund të prodhojë natyrshëm omega 3 siç mundet për vitaminat e tjera, kështu që marrja e suplementeve, veçanërisht në këtë periudhë të vitit, është thelbësore.

    Përmirësoni shëndetin tuaj me vitaminë D

    Vitamina D është ‘vitamina e diellit’ dhe ne marrim shumë më tepër nga ajo në mënyrë natyrale nga rrezet e diellit gjatë muajve të ngrohtë. Natyrisht, gjatë vjeshtës dhe dimrit, ne shohim shumë më pak rrezet e diellit dhe, si rrjedhojë, jemi në rrezik të mungesës së vitaminës D.

    Jo vetëm që është jetike për shëndetin tonë, vitamina D është gjithashtu thelbësore për ruajtjen e funksionit normal të sistemit imunitar dhe niveleve të kalciumit në gjak. Kjo është e rëndësishme për ruajtjen e kockave, dhëmbëve dhe muskujve të shëndetshëm.

    Ndërsa vitaminat mund të jenë të dobishme në forcimin e trupit tonë, nëse jeni duke luftuar me shëndetin tuaj mendor këtë dimër dhe kjo po ndikon në jetën tuaj të përditshme, është më mirë të flisni me mjekun tuaj të përgjithshëm i cili mund t’ju ofrojë mbështetje shtesë, shkruan HuffPost.

  • Dua Lipa impresionon me paraqitjen elegante në “Women In Entertainment 2023”

    Dua Lipa impresionon me paraqitjen elegante në “Women In Entertainment 2023”

    Mbrëmja gala “Women In Entertainment 2023”, e organizuar nga The Hollywood Reporter u mbajt të enjten, më 7 dhjetor, në Hotelin e “Beverly Hills” në Los Angeles.

    Dua Lipa impresionoi publikun në tapetin e kuq e veshur me një fustan të zi pa bretela me një të çarë pranë ijës, shkruan DailyMail.

    Fustani i saj, të cilin e kombinoi me çorape të zeza dhe taka me rripa, kishte një detaj si rrip në pjesën e qafës.

    28-vjeçarja shqiptaro-britanike, e cila e përfundoi pamjen me një makijazh glamuroz që përfshinte blush dhe buzëkuq me shkëlqim, u pa edhe duke treguar tatuazhet e saj delikate ndërsa ecën në tapetin e kuq, duke përfshirë një zemër me tela me gjemba, një palmë dhe të tjera.

    Në tapetin e kuq, Dua Lipa foli për gazetaren e The Hollywood Reporter, ku tha se ndihej shumë me fat që ishte atje dhe shprehu admirimin e saj për artisten Adele, e cila gjithashtu ishte prezente.

    Ndërkohë, në skenë, ajo dukej mahnitëse teksa fliste para të pranishmëve në mbrëmjen gala.

    Ky event, të cilin e organizoi revista The Hollywood Reporter në Beverly Hills Hotel në Los Angeles të enjten në mëngjes, ka pasur shumë të ftuar dhe prezantues të njohur, duke përfshirë yje si: Camila Cabello, Billie Lourd dhe Lily Gladstone.

    Dua, e cila ka fituar tri çmime Grammy, shkëlqeu krahas kolegëve të saj në një event që nderon gratë në industrinë e muzikës/modës dhe aktrimit dhe nënvizon kontributin e tyre të jashtëzakonshëm.

     

  • 43 vjet pa ikonën e fuqishme të muzikës, John Lennon

    43 vjet pa ikonën e fuqishme të muzikës, John Lennon

    ”I just shot John Lennon” (”Sapo kam qëlluar John Lennon”), ishin fjalët të shqiptuara me ton të ftohtë dhe cinik, më 8 dhjetor 1980, nga Mark David Chapman, i cili i dha fund jetës së ish-Beatles.

    Lennon kishte mbushur 40 vjeç vetëm dy muaj më parë, më 9 tetor.

    Dhe 43 vjet më parë vdekja e tij tronditi botën dhe veçanërisht një brez, e cili ishte rritur duke u ushqyer me idealet e paqes, që gjithashtu frymëzoi albumin e tij më të suksesshëm ”’Imagine”’ (1971), kënga me të njëjtin titull i të cilit u shndërrua në një himn ndërkombëtar të pacifizmit.

    Natën e 8 dhjetorit 1980, Lennon ishte në shoqëria e bashkëshortes, Yoko Ono, pasi të dy po ktheheshin në banesën e tyre, brenda ndërtesës ”Dakota”, përballë njërës prej hyrjeve në Parkun Qendror, në rrugën 72.

    Atë mëngjes fotografja e famshme e portreteve, Annie Leibovitz kishte qenë në shtëpinë e çiftit për të bërë një set fotografik për kopertinën e revistës ”Rolling Stone” dhe kishte realizuar foton e famshme në të cilën Lennon krejtësisht i zhveshur përqafon dhe puth Onon, e veshur plotësisht në të zeza.

    Rreth orës 22:50, Chapman u afrua në hyrje të ndërtesës ”Dakota”.

    Pas hyrjes së Lennon me Ono, ai nxori një pistoletë të kalibrit 0,38 milimetra dhe gjuajti me pesë fishekë.

    Katër prej tyre kapën Lennon në shpinë, ndërsa një shpoi aortën. Ish-Beatle mezi shqiptoi fjalën ”Më qëlluan…”, para se të ndërronte jetë.

    Ai u dërgua menjëherë nga një patrullë policie në spitalin ”Roosevelt”, ku u shpall i vdekur në orën 23:15.

    Në 1969 Lennon kishte thënë se ”nuk kam frikë të vdes”.

    Sidoqoftë, 40 vjet më vonë, miti i John Lennon vazhdon të frymëzojë brezat.

    Ai mbetet një nga ikonat më të fuqishme ndonjëherë prodhuar nga kultura popullore, një njeri që falë muzikës dhe angazhimit për paqen ndryshoi botën. / KultPlus.com

  • Kosova me progres të kufizuar në luftën kundër korrupsionit

    Kosova me progres të kufizuar në luftën kundër korrupsionit

    “Kosova ka shënuar progres të kufizuar në luftën të kundër korrupsionit”, kështu u tha në tryezën e rrumbullakët me temën “Ndikimi i korrupsionit në integrimin e Kosovës në Bashkimin Evropian” e cila u mbajt në kuadër të Javës kundër korrupsionit.

    Drejtoresha ekzekutive e Lëvizjes Fol, Mexhide Demolli, tha se korrupsioni ndikon në rrugën e Kosovës drejt anëtarësimit për në BE, për çfarë tha se institucionet duhet të punojnë më shumë në parandalimin e tij.

    “Përderisa Kosova synon integrimin në Bashkimin Evropian kemi sfidë që është luftimi kundër korrupsionit. Ndikimi i korrupsionit në negociatat e BE-së është i dukshëm dhe i drejtpërdrejt, krijon një imazh të paqëndrueshëm për vendin. Është jetike të marrim hapa konkret për ta luftuar këtë. Zbatim të plotë të paanshëm të ligjeve dhe ndëshkim për ata që shkelin ligjin. Po ashtu institucionet ta rrisin transparencën, qytetarët duhet të kenë qasje në këtë drejtim”, tha Demolli.

    Edhe Ambasadorja e Mbretërisë së Holandës në Kosovë, Carin Lobbe tha se Kosova duhet të marrë hapa në drejtimin për të luftuar korrupsionin, duke shtuar se vendimet gjyqësore kanë nevojë për përkushtim.

    “Korrupsioni është shumë i dëmshëm për demokracinë, ekonominë e për individët. Luftimi i korrupsionit është pjesë e sundimit të ligjit. Zbatimi i legjislacionit për luftimin e korrupsionit është një nga ato që duhet të zbatohen. Po ashtu hetimet proaktive dhe vendimet gjyqësor ka nevojë për përkushtim, duhet të kemi po ashtu hetime, përndjekje dhe dënime që kryerësit të përfundojnë në burg. Pra, Kosova duhet të marrë hapa në këtë drejtim”, tha Lobbe.

    Ndërsa, drejtori i Agjencisë për Parandalimin e Korrupsionit, Yll Buleshkaj tha se Kosova është në trend pozitiv në parandalimin dhe luftimin e korrupsionit.

    “Kryesisht duke përfshirë edhe raportin e vendit besoj se është mirë shënon progres edhe pse është i kufizuar. Jemi në trend pozitiv qoftë të parandalimit po ashtu edhe të luftimit. Nganjëherë ky progres po vihet në hije, por duhet të shënohet se ka progres. Kemi një rritje më të madhe të transparencës të zyrtarëve publik. Pra, si institucion besojmë se është duke bërë një progres, jemi duke ngritur kapacitetet, jemi në rrugë të mirë”, tha Buleshkaj.

    Ndërsa, Burbuqe Kastrati nga Lëvizja Fol derisa ka prezantuar të gjeturat e hulumtimit që kanë zhvilluar me qytetarë në 38 komuna, tha se disa nga sfidat që mendojnë qytetarët që ndikojnë në rrugën e Kosovës në BE, janë mosnjohja nga pesë shtetet anëtare të BE-së, mosnormalizimi i marrëdhënieve me Serbinë dhe se BE nuk është e interesuar mjaftueshëm që Kosova të bëhet anëtare e saj.