Author: ATVLive

Ministria e shëndetësisë e Gazës, e drejtuar nga Hamasi, ka thënë se të paktën 241 persona janë vrarë në 24 orët e fundit, ndërsa operacioni ushtarak i Izraelit vazhdon në territor.

Presidenti palestinez Mahmoud Abbas e ka quajtur luftën një “krim të rëndë” kundër popullit të tij.

Shefi i ushtrisë izraelite Herzi Halevi tha se konflikti me Hamasin do të vazhdojë edhe për “shumë muaj të tjerë”.

Izraeli thotë se ka goditur më shumë se 100 vende të martën, mes raporteve për operacione të afërta tokësore në Gazan qendrore, shkruan BBC, transmeton KosovaPress.

Shpërthime të forta mund të dëgjoheshin nga Rripi i Gazës në të gjithë perimetrin me Izraelin në orët e para të së mërkurës.

Në Bregun Perëndimor të pushtuar, burimet mjekësore palestineze thonë se gjashtë palestinezë u vranë në një sulm izraelit me dron gjatë natës në kampin e refugjatëve Nur Shams në Tulkarem.

Ministria e Shëndetësisë e Gazës tha se 382 persona ishin lënduar gjithashtu gjatë 24 orëve.

Sipas ministrisë, të paktën 20,915 palestinezë janë vrarë – kryesisht fëmijë dhe gra – në më shumë se 11 javë luftime.

Pretendimet e palëve ndërluftuese nuk janë verifikuar në mënyrë të pavarur.

Lufta filloi më 7 tetor pasi Hamasi udhëhoqi një valë sulmesh vdekjeprurëse ndaj komuniteteve brenda Izraelit. Rreth 1200 njerëz, kryesisht civilë, u vranë. Rreth 240 persona u kthyen në Gaza si pengje dhe një numër prej tyre u liruan më vonë.

Një aksident zinxhiror ka ndodhur mëngjesin e sotëm në Sllatinë, raporton KosovaPress.

Në vendin e ngjarjes shihen edhe njerëzit të cilët kanë dalë nga veturat e tyre.

Aty ka dalë edhe Emergjenca, ndërsa ende nuk dihet nëse ka të lënduar.

KosovaPress ka kontaktuar Policinë e Kosovës dhe do t’iu mbajë të informuar lidhur me rastin.

Bixhozi i paligjshëm po sfidon shtetin. Aktivitete të tilla të organizimit të lojërave të fatit në vendin tonë janë të ndaluara me ligj dhe përbëjnë vepër penale, por kjo nuk po i ndalon qytetarët që të veprojnë kundërligjshëm.

Një rast i tillë është zbuluar dje në sheshin ‘Adem Jashari’ në Skenderaj, ku në një lokal po organizoheshin lojëra të fatit.

Burimet e sinjalit kanë bërë me dije se Policia në koordinim me Prokurorinë ka kryer bastisje në lokal, ku kanë gjetur dhe sekuestruar televizorë, tiketa, kompjuterë e pajisje tjera që shërbejnë për zhvillimin e aktivitetit, si dhe para të gatshme.

Lidhur me rastin është arrestuar pronari i lokalit, i cili më pas është shoqëruar në stacion policor për intervistim.

Me urdhër të prokurorit, ndaj 42-vjeçarit kanë nisur hetimet për veprën penale ‘Organizimi i skemave piramidale dhe bixhozit të kundërligjshëm’ dhe i njëjti është dërguar në mbajtje.

Gjatë ditës së sotme kishte shumë qytetarë që u ankuan për fryrjen e faturave të rrymës, ku disa nga to edhe me vlera katër shifrore. Në anën tjetër, disa të tjerë thanë se nuk ka pasur ndonjë ndryshim të madh në krahasim me faturat e muajit të kaluar.

Ministri i Kulturës, Rinisë dhe Sportit, Hajrulla Çeku, në emisionin CONTEXT në ATV, pasi u pyet se sa i ka ardhur fatura e fundit e rrymës, ai iu përgjigj duke thënë se fatura e fundit ka qenë më e lirë se muajin e kaluar.

“Fatura më ka ardhë dhe ka qenë 35-36 euro. Fatura e kaluar ka qenë rreth 70 e diçka euro. Kam më pak”, ishte përgjigja e ministrit Çeku.

Ai tha se pas ankesave të shumta për fryrje të faturave të rrymës, ka dëgjuar shumë qytetarë që i kanë thënë se faturat nuk janë në lartësinë që po thonë disa të tjerë.

“Nuk po them se nuk po i besoj askujt, unë fola vetëm për veten time që në një familje katër anëtarëshe me dy fëmijë të vegjël ku ka mjaftueshëm edhe shpenzime tjera, në kemi qenë edhe të kujdesshëm në shpenzimin e rrymës dhe kjo është fatura që më ka ardhur mua. Aq sa ka pasur ankesa ditëve të fundit, po aq kam dëgju të tjerët që kanë thënë se nuk është në lartësinë që po e thonë disa të tjerë”, tha Çeku. /atvlive.tv

Ministri i Kulturës, Rinisë dhe Sportit, Hajrulla Çeku, në emisionin CONTEXT në ATV, duke komentuar sondazhin në të cilin Lëvizja Vetëvendosje doli të ketë mbështetje prej 48 për qind, tha se tani kjo parti ka mbështetje edhe më të madhe se ç’kishte në shkurtin e vitit 2021.

“Ka dy vite që sondazhet që bëhen nga organizata të ndryshme në Kosovë e konfirmojnë këtë nivel të lartë të mbështetjes së qytetarëve të Kosovës për Lëvizjen Vetëvendosje. Unë besoj se me rezultatet edhe të votës së mërgatës, edhe ata të papërcaktuarit, ne sot, me mbështetjen qytetare jemi më mirë se që kemi qenë në shkurtin e vitit 2021”, tha Çeku.

Ai tha se opozita është në dijeni për këto rezultate, por sipas tij, reagimet e tyre për sondazh9in e fundit ishin për shkak se ky u bë publik.

“Mendoj se ka pasur shumë reagim sidomos nga opozita, jo për faktin që nuk i kanë ditë këto shifra, por sepse janë bërë publike. Ne marrim rezultate të sondazheve rregullisht nga organizata të ndryshme edhe organizata ndërkombëtare që veprojnë në Kosovë dhe bëjnë sondazhe për nevojat e tyre dhe ata kohë pas kohe na japin edhe neve. Unë i besoj kur metodologjia është profesionale dhe shkencore”, tha Çeku. /atvlive.tv

Ministri i Kulturës, Rinisë dhe Sportit, Hajrulla Çeku, në emisionin CONTEXT në ATV, paralajmëroi bizneset dhe kubet se nuk do të mund t’i gëzojnë të drejtat nga Ligji i Sponsorizimit, në qoftë se klubet apo Federatat nuk kanë qenë të licencuara.

“Rregulli dhe udhëzimi ka qenë shumë i qartë, për derisa nuk je i licencuar si klub, qoftë si Federatë, nuk mundesh të drejtat dhe benifitet që t’i jep Ligji në vendin tonë. Pra, as Ligji për Sponsorizime, sepse parakusht për me perfitu nga Ligji për Sponsorizime është që ti me zhvillu aktivitet legal sportiv, kjo i bjen me pasë licencë. Kur nuk ka licencë, nuk ka as sponsorizim. Dy komisionet tona, Komisioni për Sponsorizim dhe Komisioni për Licencim kanë komuniku njëra me tjetrën dhe këta të Licencimit iu kanë thënë këtyre të Sponsorizimit, këta që nuk kanë licencë, nuk mundeni me ua lëshu vërtetimin e Sponsorizimit. Marrëveshjen në të cilën kanë hyrë disa biznese me klube ose Federata pa qenë ato të licencuara, janë marrëveshje të paligjshme”, tha Çeku.

Ai tha se nuk do të ketë dënim ndaj klubeve apo bizneseve nëse kanë bërë marrëveshje të paligjshme, por ndaj atyre nuk do të aplikohet heqja e tatimit.

Çeku përmendi se janë duke u zhvilluar auditime nga ZKA-ja si dhe hetime nga Policia e Kosovës për listën e Sponsorizimeve sidomos të viteve të kaluara.

“Janë tri procese të rëndësishme që po zhvillohen aktualisht në raport me Sponsorizimet. I pari është një auditim i veçantë që po e realizon Zyra Kombëtare e Auditimit vetëm për Sponsorizimet. I dyti proces janë hetimet që po zhvillohen nga Policia e Kosovës. Të dyja këto i kemi inicu ne, me kërkesën tonë, kemi kërku një auditim të veçantë nga ZKA-ja dhe kemi kërkuar hetime nga Policia për listën e Sponsorizimeve sidomos të viteve të kaluara, aty ku kemi dyshu që mund të ketë keq përdorime. I treti proces që po zhvillohet aktualisht është i Komisionit Parlamentar për Arsim, Kulturë dhe Sport. Janë bërë pesë vite nga hyrja në fuqi e këtij Ligji dhe Komisioni po bënë një raport të vlerësimit, zbatimit të këtij Ligji. Të tria këto, besoj shumë do të na ndihmojnë që vitin e ardhshëm ta bëjmë plotësim ndryshimin e këtij Ligji”, tha Çeku. /atvlive.tv

Kryetari i Lidhjes Demokratike të Kosovës (LDK), Lumir Abdixhiku ka reaguar pas ankesave të qytetarëve për faturat e energjisë elektrike.

Abdixhiku ka thënë se tarifat e rrymës janë rritur tri herë për tre vjet.

Ai ka thënë se gjendja aktuale është rezultat i mosnjohjes së realitetit qytetar në vend.

“Tarifat e energjisë elektrike, herën e fundit, janë rritur nga prilli i këtij viti. Para kësaj, ishin rritur edhe dy herë të tjera. Pra gjithsejtë 3 herë për 3 vjet. Gjendja e tanishme është produkt i mosnjohjes së realitetit qytetar në vend. Siç dhe thoshin vet, ‘qytetarët po shpenzojnë shumë sepse rryma është e lirë’”, ka shkruar Abdixhiku në Facebook.

Ai e ka akuzuar Qeverinë për paaftësi.

“Do të gjejnë arsyetime; do të ju mbushin me ankesa, nga privatizimi e deri te luftërat nëpër botë, por e vërteta e vetme është si më poshtë. Paaftësia kushton! Shiheni vet”, ka shkruar Abdixhiku.

Faturat e energjisë për muajin dhjetor kanë nxitur reagime të shumta të qytetarëve, të cilët përmes rrjeteve sociale janë ankuar në drejtim të KESCO-s për dyfishim deri në trefishim të tyre.