ATV

Author: ATVLive

  • Xhaferi pas pranimit të detyrës: Kushtetuta dhe ligji do të jenë baza e çdo vendimi dhe veprimi

    Xhaferi pas pranimit të detyrës: Kushtetuta dhe ligji do të jenë baza e çdo vendimi dhe veprimi

    Kryeministri teknik i Maqedonisë së Veriut, Talat Xhaferi deklaroi se Kushtetuta dhe ligji do të jenë baza e çdo veprimi dhe vendimi në qeveri. Pas pranimit të detyrës, ai u shpreh se puna primare e kësaj qeverie është parapërgatitja, organizimi dhe zbatimi i zgjedhjeve demokratike.

    Në qeveri është bërë pranim-dorëzimi i detyrës në mes të ish-kryeministrit Dimitar Kovaçevski dhe kryetarit të qeverisë teknike, Talat Xhaferi.

    Pavarësisht se sa do të zgjas kjo qeveri, Xhaferi u zotua se asnjëherë nuk do të mungojë funksionimi i rregullt institucional.

    “Shpreh kënaqësinë dhe përgjegjësinë që e mora përsipër, duke e përsëritur atë që e thash edhe dje në ekspozenë time në Kuvend, respektivisht kushtetuta dhe ligji do të jenë baza mbi të cilën do e mbështes çdo vendim dhe veprim që e ndërmarrim si qeveri. Duke qenë se jemi në koalicionin qeveritar që punonte me programin e pranuar të punës së qeverisë 2022-2024, natyrisht se edhe qeveria që do e udhëheq unë obligohet që të vazhdojë me zbatimin e plot, efikas dhe të suksesshëm të politikave të pranuara në këtë program. S’do mend se puna primare e kësaj qeverie është parapërgatitja, organizimi dhe zbatimi i zgjedhjeve të lira, fer dhe demokratike, të rregullta dhe presidenciale me 24 prill dhe 8 maj dhe zgjedhjeve të rregullta parlamentare më 8 maj 2024”, deklaroi Xhaferi.

    Pas pranimit të detyrës së kryeministrit, kryeministri teknik, Talat Xhaferi shtoi se avancimi i partneritetit strategjik të Maqedonisë së Veriut me Bashkimin Evropian, NATO-n dhe Shtetet e Bashkuara të Amerikës do të mbeten prioritet primar.

    “Këtë dua ta theksoj edhe më fuqishëm tani në këtë diskurs gjeo-politik, ku çdo hezitim, lëkundje apo mos-pasje e orientimit të qartë evropian, mund të shfrytëzohet nga fuqi të treta të cilat janë në kërkim të aleatëve që mund të kenë polifoni në shprehjen e qëndrimeve shtetërore dhe potencimin e qartë të vlerave dhe përcaktimeve që përfaqësojnë vlerat e mirëfillta demokratike dhe paqedashëse. Kështu që për qeverinë ruajtja dhe promovimi i partneritetit të Republikës së Maqedonisë së Veriut në kuadër të aleancës së NATO-s dhe mbetja besnik ndaj politikës së përbashkët të jashtme dhe sigurisë të Bashkimit Evropian nuk ka alternativë tjetër”, shtoi ai.

    Dimitar Kovaçevski, i cili udhëhoqi qeverinë nga janari i vitit 2022 uroi Xhaferin për postin e kryetarit të qeverisë.

    “Talat Xhaferit i uroj punë të suksesshme si kryetar i kësaj qeverie teknike me ministrat me zëvendësit. Besoj që qeveria do të jetë e përkushtuar fuqishëm në interesat, prioritet e qytetarëve dhe shtetit me kompetencat ligjore. Qeveria e re në periudhën që vijon, në 100 ditët e ardhshme do të organizojë zgjedhje parlamentare dhe presidenciale. Në të njëjtën kohë qeveria, shteti jonë si dhe bota është e drejtuar në sfida të mëdha. Duhet të ndahen dhe rregullohen sipas ligjit të përshtaten edhe nevojat e qytetarëve dhe detyrimeve që i kanë. Të gjitha procedurat ligjore dhe të cilat janë të përgatitura duhet të vazhdojnë për jetën e qytetarëve, bizneset, duhet të realizohen edhe më tutje”, përfundoi ai.

    Kovaçevski dha dorëheqje më 25 janar ndërsa katër ditë më vonë, më 29 janar në Kuvendin e Maqedonisë së Veriut u votua për kryeministër Talat Xhaferi i cili deri atëherë e drejtonte institucionin ligjvënës. Kryeministri i parë shqiptar në Maqedoninë e Veriut është nga radhët e Bashkimit Demokratik për Integrim (BDI).

    Dorëheqja e ish-kryeministrit bazohet në Ligjin për zgjedhje dhe punën e Qeverisë, me qëllim formimin e Qeverisë teknike, e cila do të funksionojë 100 ditë, apo deri në zgjedhjet parlamentare, që do të mbahen më 8 maj.

    Praktika e formimit të qeverive teknike, 100 ditë para zgjedhjeve në Maqedoni të Veriut, është vendosur në vitin 2016. Bazuar në ligjin për zgjedhje, pjesë e qeverise teknike do të jetë edhe opozita maqedonase.

  • ​Ish-presidenti i Federatës Franceze të Futbollit akuzohet për ngacmim seksual

    ​Ish-presidenti i Federatës Franceze të Futbollit akuzohet për ngacmim seksual

    Noël Le Graët është marrë në pyetje nga policia për shkak se po ndiqet penalisht për ngacmim moral dhe seksual: ish-presidenti i Federatës Franceze të Futbollit (FFF) është marrë në pyetje nga policia për presion ndaj një personi, raporton L’Equipe.

    Një hetim u hap nga zyra e prokurorit të Parisit në janar 2023 pas një ankese për “ngacmim seksist”. Seanca u zhvillua në mënyrë të sjellshme dhe shumë profesionale ka thënë Thierry Marembert, avokati i Noël Le Graët, në rubrikat e gazetës franceze. Le Graët iu përgjigj me saktësinë më të madhe pyetjeve të bëra, përcjellë KosovaPress.

    Noël Le Graët dha dorëheqjen në shkurt 2023 pas zbulimeve në shtyp dhe një raporti nga Inspektorati i Përgjithshëm i Arsimit, Sportit dhe Kërkimit (IGESR), sipas të cilit ai nuk ka më legjitimitetin e nevojshëm për të administruar dhe përfaqësuar futbollin francez duke marrë parasysh veçanërisht sjelljen e tij të papërshtatshme ndaj grave.

  • Përurohen nyjat qendrore arsimore në kuadër të RIT Kosova mbështetur nga USAID

    Përurohen nyjat qendrore arsimore në kuadër të RIT Kosova mbështetur nga USAID

    Janë përuruar sot nyjat qendrore arsimore në kuadër të RIT Kosova, të cilat mbështeten nga USAID-i.

    Me rastin e përurimit të laboratorëve të rinj, ambasadori i SHBA-së në Kosovë Jeffrey Hovenier, ka thënë se ky projekt do të nxitë

    bashkëpunimin ndëretnik në nivel lokal, ndërkaq shtoi se do të pajisë të rinjtë kosovarë me shkathtësitë që iu nevojitet në zhvillim ekonomik dhe demokratik të vendit

    Këtë projekt e mirëpriti edhe ministrja e Arsimit, Arbërie Nagavci.

  • ​Rashford mund të dënohet me 760 mijë euro

    ​Rashford mund të dënohet me 760 mijë euro

    Sulmuesi i Manchester United, Marcus Rashford, u arrestua për herë të dytë në klubin e natës Thompson Garage në Belfast, vetëm disa orë para se të humbiste stërvitjen e “Djajve të Kuq”, pasi raportoi se ishte i sëmurë.

    Sulmuesi humbi seancat e së premtes, pavarësisht se u pa në Irlandën e Veriut të mërkurën dhe u ‘sëmur’ disa orë më vonë.

    “Këtë mëngjes Rashford ishte i sëmurë dhe Evans ishte i sëmurë gjithashtu. Kështu që ne duhet të shohim se si ata do të shërohen,” tha trajneri Erik ten Hag në konferencën për shtyp përpara ndeshjes së Manchester United kundër Neëport County në FA Cup, përcjellë KosovaPress.

    Marcus Rashford nuk luajti në fitoren 4-2 të Manchester United ndaj Neëport County. Kur u pyet për mungesën e sulmuesit Erik ten Hag u shpreh:

    “Është një çështje e brendshme. Unë do të kujdesem për të”.

    Rashford, i cili fluturoi për në Belfast të mërkurën për të vizituar mikun e tij Ro-Shaun Ëilliams, mund të përballet me një gjobë prej më shumë se 760,000 euro, e cila do të ishte e barabartë me pagën e dy javëve.

  • Ali Ahmetit nga Shkupi: Të hiqen kufijtë mes Shqipërisë, Kosovës dhe Maqedonisë

    Ali Ahmetit nga Shkupi: Të hiqen kufijtë mes Shqipërisë, Kosovës dhe Maqedonisë

    Kryetari i Partisë Bashkimi Demokratik për Integrim (BDI), Ali Ahmeti apeloi nga Shkupi, që të hiqen kufijtë mes Shqipërisë, Kosovës dhe Maqedonisë së Veriut.

    Ahmeti tha se shembull konkret është ai i vendeve të Bashkimit Evropian që nuk kanë kufij mes tyre.

    “Unë jam ithtar shumë i fortë i Shteteve të Bashkuara dhe Evropës. T’i heqim kufijtë siç i ka hequr Franca dhe Gjermania, të hiqen kufijtë mes Shqipërisë, Maqedonisë dhe Kosovës”, tha Ali Ahmeti në Klan.

    Kërkesa e Ahmetit vjen në momentin më të rëndësishëm për shqiptarët në Maqedoni, pasi vendi do të udhëhiqet përkohësisht nga një shqiptar.

    Ai është Talat Xhaferri, ish kryetar i Parlamentit të Maqedonisë dhe më herët, luftëtar i Ushtrisë Çlirimtare Kombëtare (UÇK) në 2001 kur vendi ishte nën sundim ekstremist maqedonas dhe më në fund u arrit Marrëveshja e Ohrit.

  • Xhaferi e pranon detyrën e kryeministrit në RMV: Kjo do të jetë puna primare e qeverisë

    Xhaferi e pranon detyrën e kryeministrit në RMV: Kjo do të jetë puna primare e qeverisë

    Për herë të parë në histori, sot në zyrën e kryeministrit të Maqedonisë së Veriut do ta drejtojë shqiptari Talat Xhaferi.

    Pas ceremonisë së pranimit të detyrës, kryeministri i ri dhe paraardhësi i tij mbajtën një konferencë për mediat.

    Xhaferi u shpreh se kushtetuta dhe ligji do të jenë baza mbi të cilës ai do ta mbështesë çdo veprim dhe vendim në qeveri.

    Ai u shpreh se detyra primare e kësaj qeveria është parapërgatitja, organizimi dhe zbatimi i zgjedhjeve të lira dhe demokratike.

    “Shpreh kënaqësinë dhe përgjegjësinë për detyrën që e mora përsipër duke e përsëritur atë që kushtetuta dhe ligji do të jenë baza mbi të cilën do e mbështes çdo vendim dhe veprim që e ndërmarrim si qeveri”.

    “Detyra primare e kësaj qeveria është parapërgatitja, organizimi dhe zbatimi i zgjedhjeve të lira, fer dhe demokratike të rregullta presidenciale me 24 prill dhe 8 maj dhe zgjedhjeve të rregullta parlamentare më 8 maj 2024 dhe për këtë qeveria në një procedurë të drejtpërdrejtë, transparente dhe ligjore dhe në bashkëpunim me kuvendin, Komisionin Shtetëror të Zgjedhjeve, BE dhe ShBA, do të zbatojë të gjitha parakushtet ligjore, institucionale, organizative dhe operative për zbatimin e vullnetit të qartë të qytetarëve, duke synuar mundësimin e standardeve më të larta evropiane në procesin e fushatës zgjedhore dhe vet zgjedhjeve, që të zhvillohen zgjedhje me ligjshmëri të plotë”, është shprehur ai.

    Xhaferi do të udhëheqë qeverinë teknike deri në zgjedhjet e jashtëzakonshme më 8 maj.

  • Mali i Zi tronditet nga një ngjarje e rëndë: Ish-polici vret familjarët e më pas veten

    Mali i Zi tronditet nga një ngjarje e rëndë: Ish-polici vret familjarët e më pas veten

    Një ngjarje e rëndë ka ndodhur në Malin e Zi në orët e para të mëngjesit të së dielës. Mediat vendase bëjnë me dije se një ish-efektiv policie në gjendje të rënduar psikologjike ka ekzekutuar familjen e tij e më pas veten.

    Nga të dhënat paraprake dyshohet se motivi i këtij krimi ka qenë gjendja emocionale e autorit pasi nuk përballoi dot vdekjen e djalit.

    Ish-efektiv i policisë me inicialet M.D., ka qëlluar bashkëshorten, djalin e tyre dhe më pas veten, në banesën e tyre në Podgoricë, shkruan Vijesti.

    “Hetimet në vend janë kryer nga prokurori i shtetit në Prokurorinë e Lartë në Podgoricë me pjesëmarrjen e ekspertëve balistikë dhe oficerëve të Departamentit të Sigurisë në Podgoricë.

    Sipas informacioneve të disponueshme, arma e cila është përdorur si mjeti i kryerjes së kësaj vepre ka qenë në posedim privat, teksa në vendngjarje janë gjetur edhe dy armë zjarri.

  • Hovenier i kërkon guvernatorit të BQK-së të shtyjë zbatimin e vendimit për dinarin

    Hovenier i kërkon guvernatorit të BQK-së të shtyjë zbatimin e vendimit për dinarin

    Ambasadori amerikan i Prishtinë, Jeff Hovenier, i ka kërkuar guvernatorit të Bankës Qendrore të Kosovës, Ahmet Ismaili, që të shtyjë zbatimin e vendimit për përdorimin vetëm të valutës euro sa i përket operacioneve me para të gatshme.

    Kërkesë të njëjtë SHBA-ja ka bërë edhe ditë më parë.

    Rregullorja e miratuar nga BQK-ja, që nga serbët në Kosovë është parë si vendim që do t’iu pamundësojë atyre të përdorin dinarin, është paraparë të hyjë në fuqi më 1 shkurt.

    “Sot zhvillova një takim produktiv me guvernatorin e Bankës Qendrore të Kosovës, Ahmet Ismaili. Përsërita shqetësimet e SHBA-së lidhur me zbatimin e rregullores së miratuar për operacionet me para të gatshme. Ne bëjmë thirrje që zbatimi i kësaj rregulloreje të shtyhet, në mënyrë që të japë kohë për tranzicion më efektiv dhe komunikim me publikun që të zbutet ndikimi negativ te qytetarët”, shkroi Hovenier në X, që më herët njihej si Twitter.

    Takimi mes ambasadorit Hovenier dhe guvernatorit Ismaili erdhi një ditë pasi shtetet e QUINT-it – SHBA-ja, Britania, Gjermani, Italia dhe Franca – bënë kërkesën e njëjtë për shtyrjen e zbatimit të vendimit për rregulloren për operacione me para të gatshme.

    Nga Qeveria e Kosovës kanë argumentuar se vendimi i BQK-së është në përputhje me Kushtetutën e Kosovës, por QUINT-i ka thënë se ky vendim “ngre shqetësime në lidhje me ndikimin në veçanti në komunitetet me shumicë serbe”.

    Ndërkaq, Bashkimi Evropian ka thënë më herët se ka kërkuar sqarime nga Kosova për këtë vendim, i cili sipas Listës Serbe – partisë kryesore e serbëve në Kosovë, që gëzon mbështetjen e Serbisë – rrezikon mbijetesën e serbëve në Kosovë.

    Në Kosovë, në të gjitha vendbanimet me shumicë serbe, popullsia përdor dinarin serb për të kryer pagesa dhe ata që punojnë në institucionet serbe në Kosovë, i marrin edhe pagat me dinarë.

    Me dinarë paguhen edhe pensionet, sipas sistemit serb, si dhe shtesat për fëmijë dhe ndihmat sociale.

    Në objektet tregtare, në zonat ku banojnë serbët në Kosovë, përveç euros, përdoret edhe dinari.

  • BE e konfirmon ardhjen e Lajçakut në Prishtinë, dialogu temë kyçe

    BE e konfirmon ardhjen e Lajçakut në Prishtinë, dialogu temë kyçe

    Bashkimi Evropian ka konfirmuar se i dërguari i Posaçëm për dialogun Kosovë-Serbi, Miroslav Lajçak pas vizitës sot në Beograd, nesër do të jetë në Prishtinë.

    Zëdhënësi i BE-së, Peter Stano ka thënë se ky takim është pjesë e kontaktit dhe ndërveprimit të tij të vazhdueshëm me partnerët për t’i ndihmuar të ecin përpara në dialog.

    “Mund të konfirmoj se EUSR Lajčák takohet me presidentin serb Vuçiq sot në Beograd dhe nesër do të jetë në Prishtinë për takime me homologët e Kosovës. Kjo është pjesë e kontaktit dhe ndërveprimit të tij të vazhdueshëm me partnerët për t’i ndihmuar ata të ecin përpara në procesin e Dialogut të lehtësuar nga BE”, tha Stano në një përgjigje dhënë për Reporteri.

    Lajçak do të takohet me Vuçiqin sot në ora 12:30, për të vazhduar më pas për në Prishtinë.

    Këto takime vijnë pikërisht para se të hyjë në fuqi rregullorja e re e BQK-së, për përjashtimin e dinarit serb si valutë e përdorshme për transaksione në vend.

    Gjatë ditës së djeshme, vendet e QUINT-it kërkuan që të pezullohet zbatimi i këtij vendimi.

    Theksojmë se pas 14 shtatorit nuk ka pasur më takime në nivelin më të lartë politik në kuadër të Dialogut.

    Në fund të muajit dhjetor Lajçak kërkoi që si Kosova poashtu dhe Sebia të fillojnë zbatimin e marrëveshjeve të arritura. Kosova të ecë para me themelimin e Asociacionit dhe Serbia paralelisht të përmbushë pjesët thelbësore të obligimeve të saj.

    “Presim që të dyja palët të veprojnë në frymën e dialogut dhe pajtimit me retorikën dhe veprimet e tyre. Situata në veri të Kosovës është e ndjeshme/e brishtë dhe siç e kam thënë shumë herë, nuk mund të kemi as përshkallëzim, as tensione dhe progres në normalizimin e marrëdhënieve njëkohësisht. BE-ja do të vazhdojë të monitorojë nga afër situatën për të siguruar që proceset ligjore dhe sundimi i ligjit respektohen plotësisht. Të gjithë pajtohen se qytetarët e veriut të Kosovës, pavarësisht nëse janë nga komuniteti shumicë apo joshumicë, duhet të gëzojnë të mirat e sundimit të ligjit dhe qeverisjes së mirë. Shumë nga këto çështje do të kanalizoheshin dhe menaxhoheshin përmes Asociacionit. Kjo është një arsye tjetër pse është urgjente që Asociacionit të krijohet pa vonesë. Më duhet gjithashtu të përsëris edhe një herë se dialogu nuk mund të anashkalohet sepse është e vetmja platformë për zgjidhjen e të gjitha çështjeve të hapura dhe burimeve potenciale të fërkimit ndërmjet Kosovës dhe Serbisë. Kjo konfirmohet nga të gjitha deklaratat e fundit zyrtare të Bashkimit Evropian dhe konkluzionet e Këshillit Evropian”, kishte thënë Lajçak.

  • 25 vjet nga deklarata historike e Grupit të Kontaktit në Londër

    25 vjet nga deklarata historike e Grupit të Kontaktit në Londër

    Masakra në Reçak përfundimisht e përjashtoi mundësinë e një marrëveshjeje për paqe në bisedime të drejtpërdrejta shqiptaro-serbe, siç ishte propozuar për disa vite me radhë.

    Pas kësaj masakre u rrit aktiviteti diplomatik në relacionin Uashington-NATO-Bruksel-Grup i Kontaktit, ku dhe të gjithë kishin arritur pajtimin se ideja për organizimin e një Konference duhej të kishte prioritet ndaj politikës së ultimatumeve.

    Më 29 janar 1999, Grupi i Kontaktit, i takuar në Londër në Pallatin Lancaster House, në afërsi të Pallatit Mbretëror “St.James”, doli me Deklaratën historike për mbajtjen e Konferencës në Rambuje, dhe miratoi parimet e pa negociuara, mbi të cilat duhej të ndërtohej Marrëveshja Kalimtare për Kosovën.

    Më 30 janar Këshilli i NATO-s e ripërtëriu vendimin e marr në tetorin e vitit të kaluar, duke vendosur kështu kornizë diplomatike për Konferencën.

    Fryma e Deklaratës së Grupit të Kontaktit nuk la vend dyshimi në vendosmërinë për të gjetur një zgjidhje e për të negociuar para pranverës. Është gati ultimatum, do të shprehet në librin e tij Paskal Milo.

    Në Beograd natyrshëm deklarata e Grupit të Kontaktit nuk është pritur mirë.

    Shqipëria zyrtare nëpërmjet ambasadorit të saj në Francë, Luan Rama kishte kërkuar nga këshilltari i posaçëm i Vedrinit, i ngarkuari për Kosovën, që Shqipërisë t’i jepej statusi i vëzhguesit, gjë që nuk u pranua.

    Si arsyetim këshilltari Fushe do të deklarojë se nuk do të ketë vëzhgues të tjerë nga Ballkani, dhe se në Rambuje nuk do të ketë konferencë ndërkombëtare si ajo e Parisit për Bosnjën.

    Vendosmëria për ndërhyrje ushtarake Grupi i Kontaktit i përkrahur nga Këshilli i Sigurimit të OKB-së, bashkë me NATO-n tanimë ishin pjesë e lojës.

    Qeveria amerikane në veçanti kishte filluar të bënte trysni për aksion të mundshëm ushtarak për ta ndalur represionin në Kosovë.

    Kërcënimi i përdorimit të forcës në raport me Kosovën nga SHBA-ja ishte bërë që nga viti 1992.

    ’Në rast të konfliktit në Kosovë, i cili do të shkaktohej nga veprimi i Serbisë, SHBA-ja do të ishte e gatshme të përdorte forcën ushtarake kundër serbëve në Kosovë dhe në vetë Serbinë’’, i kishte shkruar kryetari i atëhershëm, George Bush, Sllobodan Millosheviqit, kërcënim ky që u përsërit nga administrata e Bill Clinton.

    Ndërsa Javier Solana, sekretari i përgjithshëm i NATO-s kishte deklaruar se Aleanca, në përpjekjet e veta për ta përkrahur bashkësinë ndërkombëtare që të arrihej një marrëveshje e negociuar, kishte ‘’….rishikuar planifikimin ushtarak për një vistër mundësish që të ndalej dhuna dhe të krijoheshin kushtet për negociata. Këto e përfshijnë edhe përdorimin e forcave tokësore e ajrore, e posaçërisht një vistër të gjerë opsionesh për përdorimin vetëm të forcës ajrore. Këto sigurojnë që NATO-ja të mund të vepronte me shpejtësi dhe në formë efikase po të shfaqej nevoja’’.

    Këshilli i Sigurimit i OKB-së, kishte miratuar edhe rezolutat 1160 (1998), sipas së cilës Beogradi duhej të ndërpriste të gjitha veprimet luftarake, si dhe 1199 (1998), që ishin të bazuar në kapitullin e VII të Kartës së OKB-së. Një rezolutë e cila merret duke u mbështetur në Kapitullin e VII të Kartës së OKB-së, çmohet si hap i parë drejt masave më të ashpra të ndërmarra nga KS, të cilat mund të shkojnë deri tek intervenimi ushtarak.