Author: ATVLive

Të enjten e ardhshme, Kuvendi i Kosovës do të mblidhet për një seancë plenare, ndërsa opozita do të tentojë t’i formojë dy Komisione Hetimore. Njëra ka të bëjë me pagën e Gani Jakupit e tjetra për zhdukjen e mostrave të Astrit Deharit, raporton EO.

Kështu ka bërë të ditur shefi i Grupit Parlamentar të PDK-së, Abelard Tahiri, pas mbledhjes së Kryesisë së Kuvendit.

Propozimin për formimin e komisioneve, tha Tahiri e ka bërë PDK-ja, me ç’rast pret përkrahje edhe nga partitë tjera.

“Vendosem për seancën e radhës të mbahet ditën e enjte. Kemi propozuar themelim e dy Komisioneve Hetimore, njërin që të bëhet hetim në kuadër të Ministrisë së Punëve të Jashtme. Për degradimin që është bërë në të, për rastin e Gani Jakupit ku është paguar me një pagë që kalon çdo limit. Kemi informacione që ka angazhim edhe të tjerëve si rastin e Jakupit. Çështje tjetër është edhe Komisioni Hetimor për humbjen e mostrave të Astrit Deharit në Institutin e Mjekësisë Ligjore. Ku do të bëjë një hetim parlamentar mbi zhdukjen e mostrave të Astrit Deharit”, tha ai.

Ai ka thënë se si PDK ende nuk kanë ndryshuar qëndrim sa i përket marrëveshjeve ndërkombetare, ku sipas rij PDK nuk do t’i votoj ato.

“Marrëveshjet ndërkombëtare janë vendosur në kuadër të kësaj seance. Deri tani nuk ka ndryshuar asgjë që PDK që t’i votoj ato, nëse ndryshon diçka do të njoftoheni. Vendi ynë është duke e thelluar krizën më ndërkombëtarët”.

Banka Qendrore e Kosovës (BQK), ka dalë me njoftim të ri rreth qarkullimit të valutave të tjera, jo euro.

Sipas njoftimit të BQK-së valutë e vlefshme si mjet pagese i ligjshëm është vetëm euroja.

Valutat tjera jo-euro mund të përdoren si vlera për ruajtje në formë fizike apo në llogaritë bankare në valuta jo-euro, për kryerjen e pagesave ndërkombëtare në valuta jo-euro, për kryerjen e pagesave ndërkombëtare në valuta jo -euro dhe për aktivitetet e këmbimit valutor, pa kufizim.

Më poshtë është linku me njoftimin e BQK-së:

Ministri i Shëndetësisë, Arben Vitia gjatë raportimit në Komisionin për Shëndetësi premtoj se së shpejti do të nisin edhe me ligjin e ri për sigurime shëndetësorë. Gjithashtu ka thënë se ligji për ndalimin e duhanit, ligji për inspektorat ligji për barna janë në finalizim

Ministria Vitia gjatë raportimit në Komisionin për Shëndetësi ka përmendur disa të arriturat që kanë shënuar gjatë vitit 2023. Vitia ka thënë se kanë zvogëluar pritjet në disa klinika, ku përmendi edhe Klinikën e Radiologjisë.

“Në Ortopedi kemi bërë renovim të sallave, do të blihen edhe aparatura të reja, e proteza të ndryshme. Po punohet edhe në spitalet tjera. Në Klinikën e Kardiologjisë ka pasur rekord të ndërhyrjeve, kjo po zgjerohet edhe në Prizren, Po ashtu, në Kirurgjinë Vaskulare po investojmë në salla, çdo investim në salla, rrit volumin e punës”, ka theksuar ministri.

Ministri Vitia ka thënë se janë bërë investime edhe në Klinikën e Neurokirurgjisë.

Kryeministri i Maqedonisë së Veriut, Talat Xhaferi, ka thënë zgjedhja e tij në këtë pozitë është një sinjal i fuqishëm për një shoqëri multietnike.

Kështu ka thënë ai pas takimit me anëtarin e Parlamentit Evropian, Ilhan Kjuçukun.

“Takim miqësor dhe bisedë e hapur me Ilhan Kjuçukun për mua është veçanërisht i rëndësishëm mesazhi se zgjedhja ime për Kryeministër është sinjal i fuqishëm për rolin udhëheqës të shtetit tonë dhe provë për një shoqëri të suksesshme multietnike. Me mbështetjen e miqve si Ilhani, anëtarësimi jonë në BE në vitin 2030 është synim real”, ka shkruar ai në Facebook.

Kryediplomati britanik tha të enjten se vendi i tij mund të njohë zyrtarisht një shtet palestinez, pas një armëpushimi në Gaza, pa pritur për rezultatin e bisedimeve shumëvjeçare midis Izraelit dhe palestinezëve për një zgjidhje me dy shtete.

Gjatë një vizite në Liban të enjten, me qëllim uljen e tensioneve rajonale, Sekretari i Jashtëm David Cameron tha për agjencinë e lajmeve Associated Press se nuk do të ketë asnjë njohje ndërsa Hamasi vazhdon të jetë Gazë. Ai tha se njohja mund të vijë ndërsa vazhdojnë negociatat mes Izraelit dhe palestinezëve.

Njohja nga Mbretëria e Bashkuar dhe Kombet e Bashkuara e një shteti të pavarur palestinez “nuk mund të vijë në fillim të procesit, por nuk duhet të jetë në fund të procesit”, tha kryediplomati Cameron, i cili ka shërbyer më parë në postin e kryeministrit të Britanisë.

“Mund të jetë diçka që merret në konsideratë pasi procesi dhe përparimi drejt një zgjidhjeje, bëhet më real”, tha zoti Cameron. “Ajo që duhet të bëjmë është t’i japim popullit palestinez një mundësi drejt një të ardhmeje më të mirë, të ardhmes për të pasur shtetin e tyre”.

Kjo perspektivë është “absolutisht jetike për paqen dhe sigurinë afatgjatë të rajonit”, tha ai.

Britania, Shtetet e Bashkuara dhe vende të tjera perëndimore e kanë mbështetur idenë e një shteti të pavarur palestinez që ekziston përkrah Izraelit, si një zgjidhje për konfliktin më të vështirë të rajonit, por kanë thënë se pavarësia duhet të vijë si pjesë e një zgjidhjeje të negociuar.

Që nga viti 2009 nuk ka patur negociata thelbësore për këtë çështje.

Kryeministri izraelit Benjamin Netanyahu, nga ana e tij, e ka kundërshtuar publikisht krijimin e një shteti të pavarur palestinez pas luftës. Madje ai është mburrur gjatë javëve të fundit se ka luajtur një rol të rëndësishëm në parandalimin e krijimit të shtetit palestinez.

Përpjekjet e disa prej aleatëve kryesorë të Izraelit për të njohur një shtet palestinez pa pëlqimin e Izraelit, mund ta izolojë Izraelin dhe të ushtrojë trysni për të qenë pjesë e diskutimeve.

Zoti Cameron tha se hapi i parë duhet të jetë një “pauzë e luftimeve” në Gazë që përfundimisht do të shndërrohej në “një armëpushim të përhershëm dhe të qëndrueshëm”.

Ai shtoi se në mënyrë që vendi i tij të njohë një shtet palestinez, udhëheqësit e grupit militant Hamas duhet të largohen nga Gaza “sepse nuk mund të kemi një zgjidhje me dy shtete me Gazën ende të kontrolluar nga individët përgjegjës për 7 tetorin”, duke iu referuar sulmit vdekjeprurës të Hamasit ndaj Izraelit që shkaktoi luftën në Gaza.

Deri më tani, Hamasi ka mbajtur qëndrimin se udhëheqësit e grupit militant nuk do të largohen nga Rripi i Gazës si pjesë e një marrëveshjeje për armëpushim.

Zoti Cameron tha se vendi i tij po propozon gjithashtu një plan për të ulur tensionet në kufirin mes Libanit dhe Izraelit, ku grupi militant libanez Hezbollah dhe forcat izraelite kanë shkëmbyer zjarr pothuajse çdo ditë gjatë katër muajve të fundit, duke shkaktuar frikë për një luftë më të gjerë rajonale.

Plani do të përfshijë trajnimin e forcave të ushtrisë libaneze nga Britania për të kryer më shumë aktivitete sigurie në rajonin kufitar, tha ai./voa

Në web-faqen zyrtare të e-Prokurimit është publikuar kontrata për ndërtimin e urës (mbikalimi dhe nënkalimi për vetura dhe automjete) në Veternik të Prishtinës, mbi Rrugën A.

Vlera e parashikuar për ndërtimin e kësaj ure kap shifrën 8 milionë euro.

Ky është projekt i përbashkët mes Komunës së Prishtinës dhe Ministrisë së Infrastrukturës.

Detaje se kur do të nis ky projekt ende nuk janë publikuar.

Rruga në Veternik është cilësuar si një ndër rrugët më të rrezikshme për këmbësorë. Në mungesë të mbikalimeve, qytetarët detyrohen të kalojnë rrugën në vende që janë të rrezikshme për ta.

Në vitet e fundit, në këtë pjesë të Prishtinës, disa qytetarë janë goditur për vdekje nga vetura, po ashtu kanë ndodhur edhe numër i madh i aksidenteve.

Autobusët lokalë, tramvajet dhe metrotë anuluan qarkullimet në pjesën më të madhe të Gjermanisë të premten pasi punonjësit e transportit u larguan nga puna për të hyrë në grevën e tretë në dy javë lidhur me transportin.

Sindikata e punëtorëve të shërbimit “Ver.di” bëri thirrje për një “grevë paralajmëruese”, një taktikë e zakonshme në Gjermani. Nënkryetarja e saj, Christine Behle, tha se “ka ardhur koha për të ushtruar më shumë presion mbi punëdhënësit” pasi negociatat për kontratat e reja të pagave për rreth 90,000 njerëz të punësuar nga mbi 130 operatorë lokalë të transportit nuk kanë arritur të bëjnë përparim, raportoi AP.

Në Berlin, punëtorët u larguan nga puna deri në orën 10:00. Në Hamburg, Këln, Hannover e gjetkë, greva do të zgjasë gjithë ditën. Bavaria, ku nuk ka negociata aktualisht, është i vetmi rajon që nuk u prek.

Punëtorët kërkojnë kushte më të mira pune, si orar më të shkurtër dhe kompensim për orarin gjatë natës.

I akuzuari për krime lufte Dushko Arsiq është shpallur fajtor dhe është dënuar me 13 vite burgim.

Aktgjykimi është shpallur të premten në Gjykatën Themelore në Prishtinë, raporton Betimi për Drejtësi.

Dushko Arsiq po akuzohet se ka marrë pjesë në vrasjen e B.Sh më 20 prill 1999 në Butovc të Prishtinës, si dhe ka maltretuar fizikisht e psiqikisht të dëmtuarin A.K.

Sipas aktakuzës së ngritur nga Prokuroria Speciale më 2 nëntor 2022, thuhet se ekziston dyshimi i bazuar se Arsiq në bashkëkryerje me pjesëtarë të tjerë të Policisë serbe dhe grupet paramilitare, në muajt janar-qershor 1999, ka marrë pjesë në dëbimin dhe shpërnguljen e qytetarëve nga Prishtina dhe rrethina. Aktakuza e ngarkon Arsiqin se bashkë me grupin tjetër kanë filluar të bëjnë plaçkitjen e shtëpive, si dhe më pas me qëllim të dëmtimit të pronës së shqiptarëve ia kanë vënë zjarrin.

Aktakuza e bën përgjegjës Arsiqin edhe për keqtrajtimin e civilëve shqiptarë, plagosje, si dhe për vrasje.

Arsiq akuzohet se ka marrë pjesë në ekzekutimin e tani të ndjerit B.Sh., ashtu që më 20 prill 1999, në fshatin Butovc të Komunës së Prishtinës, në vendin e quajtur “varrezat e Maqedoncve”, derisa viktima kishte qenë duke ecur, e kanë gjuajtur me pushkë automatike dhe pasi që e kanë goditur, e kanë urdhëruar të dëmtuarin A.K., i cili atë kohë ishte 15 vjeçar, që trupin e viktimës B.Sh., ta mbajë në shpinë edhe pse i dëmtuari ka pasur lëndime të konsiderueshme fizike për shkak se i akuzuari paraprakisht e kishte maltretuar fizikisht dhe psiqikisht, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë.

Me këtë, Arsiq akuzohet se ka kryer veprën penale “Krime lufte kundër popullatës civile” nga neni 142 lidhur me nenin 22 të Ligjit Penal të RSFJ-së.

Oda Ekonomike Amerikane në Kosovë vlerëson përpjekjet e institucioneve të Kosovës për përshpejtim të rritjes ekonomike të vendit, megjithatë këto përpjekje vijojnë të kenë efekt të limituar në rritjen e qëndrueshme ekonomike. Në rrethana të tilla, Oda Amerikane vlerëson se imazhi që gëzon Kosova dhe mungesa e një qasje proaktive në promovimin e mundësive për tërheqje të investimeve janë ndër faktorët që pamundësojnë transformimin rrënjësor ekonomik të Kosovës.

Në komunikatën për media thuhet se Oda Amerikane beson fuqishëm që Kosova duhet të lirohet sa më shpejtë që është e mundur nga diskursi i konfliktit dhe jostabilitetit.

“Raporti i fundit i Grupit Ndërkombëtar të Krizave i cili përmend Kosovën si njërën nga dhjetë vendet me rrezik për konflikt vdekjeprurës ose eskalim gjatë vitit 2024, rëndon më tej perceptimin negativ mbi Kosovën, e që pamundëson tërheqjen e investimeve cilësore të huaja. Institucionet e Kosovës duhet të kuptojnë rëndësinë e përmbylljes së marrëveshjes me Serbinë, si thirrje e vazhdueshme edhe e partnerëve strategjikë ndërkombëtarë të Kosovës”, thuhet në raport.

Po ashtu thuhet se: “Si avokuese e fuqishme e lëvizjes së lirë të njerëzve, mallrave, shërbimeve dhe kapitalit, Oda Amerikane vlerëson pozitivisht hapat e ndërmarrë nga Kosova dhe nga Serbia së fundmi për njohjen e targave të veturave, duke vlerësuar se hap tjetër me rëndësi do të ishte largimi i barrierave në tregtinë ndërmjet të dyja shteteve, duke i hapur rrugë zhvillimit të përshpejtuar ekonomik. Prandaj, Oda Amerikane përsërit thirrjen e saj për Qeverinë e Kosovës që të largojë masat aktuale të cilat ndalojnë hyrjen e produkteve finale nga Serbia, të cilat kryesisht godasin interesat komerciale të shteteve partnere të Kosovës, përfshirë Shtetet e Bashkuara të Amerikës. Largimi i barrierave tregtare do ta bënte Kosovën më tërheqëse për investitorët e huaj, meqë ata konsiderojnë mundësitë të cilat u ofrohen nga qasja në tregje më të mëdha dhe përfitimi nga ekonomitë e shkallës në prodhim dhe distribuim.

Më tej në komunikatë thuhet se Oda Amerikane rikujton se në tri dekadat e fundit, Kosova ka bërë një kapërcim të madh, dhe kjo falë bashkërendimit të përpjekjeve të saja me partnerët ndërkombëtar, si Shtetet e Bashkuara të Amerikës dhe Bashkimin Evropian.

“Prandaj, bashkërendimi i mëtejmë i të gjitha synimeve që kanë për qëllim fuqizimin e subjektivitetit të Kosovës duhet vijojë të bëhet në koordinim të ngushtë me partnerët ndërkombëtar, e kjo përfshin edhe zbatimin e Rregullores së miratuar së fundmi nga Banka Qendrore e Kosovës për Operacionet me Para të Gatshme, si dhe kërkesa për shtyrjen e dispozitave të saj të caktuara, me qëllim të lejimit të përgatitjeve të nevojshme për zbatim dhe eliminimit të pasojave të mundshme negative”, thuhet në njoftim.

Në komunikatë thuhet se: “Në frymë të komunikimit e të bashkëpunimit, Oda Amerikane u kërkon institucioneve të degëve legjislative e ekzekutive të Republikës së Kosovës që të promovojnë dialogun e sinqertë publiko-privat, si mjet të rëndësishëm për formulimin dhe zbatimin e politikave, rritjet dhe zhvillimin ekonomik, reformat rregullative dhe efikasitetin e tyre, si dhe rritjen e besimin publik në qeverisje”.

Në fund, Oda Ekonomike Amerikane bënë thirrje për adresimin e rekomandimeve të mësipërme, për të arritur ndryshim rrënjësor në mirëqenien dhe performancën e një shteti, përfshirë bruto produktin vendor, indeksin e zhvillimit njerëzor dhe indeksin e konkurrueshmërisë globale.

Punoni më pak, për të njëjtat para, me më shumë lumturi dhe produktivitet. 45 kompani po testojnë javën katërditore. Projekti fillon në shkurt. Çfarë pritet?

Projekti fillon në shkurt, kur 45 kompani dhe organizata në Gjermani do të fillojnë projektin e punës katërditore në javë brenda për një periudhë prej gjashtë muajsh. Punonjësit marrin pagën e tyre të plotë, edhe pse kalojnë dukshëm më pak kohë në zyrë (ose në punë në shtëpi). E gjitha kjo është iniciuar nga firma e konsulencave “Intraprenör”, e cila punon me organizatën jofitimprurëse “4 Day Week Global (4DWG)”.

Por si duhet të funksionojë kjo – veçanërisht kur kaq shumë kompani në Gjermani po vuajnë nga mungesa e punëtorëve të kualifikuar? A nuk do të ishte më mirë nëse do të bëhej më shumë punë në vend të më pak?

Përkrahësit e idesë thonë: Një javë katërditore do të ndihmonte në mungesën e punëtorëve të kualifikuar, sepse rrit produktivitetin e punonjësve. Argumenti: Ata që punojnë vetëm katër ditë në vend të pesë ditësh, janë më të motivuar për punë dhe për këtë arsye më produktivë. Përveç kësaj, kjo mund të sjellë në punë njerëz që nuk janë të përgatitur të punojnë pesë ditë. Kjo do të reduktonte mungesën e punëtorëve të kualifikuar.

Java e punës katërditore është testuar tashmë në praktikë. Që nga viti 2019, organizata 4DWG ka drejtuar programe të tilla pilot në Britaninë e Madhe, Afrikën e Jugut, Australi, Irlandë dhe SHBA, për shembull. Më shumë se 500 kompani morën pjesë, sipas organizatës joqeveritare (OJQ). Rezultatet duket se konfirmojnë shpresat për efekte pozitive.

Britania duket se ka qenë e suksesshme

Shembull Britania e Madhe: Këtu 2.900 punonjës u përfshinë në eksperimentin katërditor të punës në javë. Ata u punësuan në sektorin financiar, në sektorin e IT-së dhe të ndërtimit, në shitës me pakicë në internet, në studiot e animacionit, në marketing ose ushqime të gatshme.

Sipas studiuesve nga Kembrixhi dhe Bostoni, ditët e tyre të sëmundjes u reduktuan me rreth dy të tretat dhe pothuajse 40 për qind thanë se ndjeheshin më pak të stresuar pas eksperimentit se më parë. Për më tepër, numri i punonjësve që u larguan nga puna ra me 57 për qind. Mbi të gjitha, studiuesit vërejtën një rritje mesatare të shitjeve prej rreth 1.4 për qind. Të paktën 56 nga 61 kompanitë pjesëmarrëse deklaruan se dëshironin të ruanin javën katërditore edhe pas përfundimit të fazës së testimit.

Jo të gjithë duan të punojnë më pak

Pra, nga shkurti e në vazhdim gjermanët do t’i shikojnë me zili punonjësit që përfitojnë nga projekti i testimit të javës katërditore në punë? Jo domosdoshmërisht, siç tregoi një sondazh nga fondacioni Hans Böckler i lidhur me sindikatat. Në sondazh thuhet se tre të katërtat e punonjësve me orar të plotë do të donin një javë katërditore me të njëjtën pagesë. Tetë për qind mendojnë se një javë katërditore është e mirë, madje edhe me paga të reduktuara. Por 17 për qind e të anketuarve refuzojnë shkurtimin e orarit të punës.

Studimet pilot në javën katërditore nuk kanë kuptim

Kompanitë që tani po marrin pjesë në projektin e testimit katërditor në Gjermani aplikuan për pjesëmarrje në këtë projekt disa muaj më parë. Dhe pikërisht këtu fillon problemi, thotë eksperti i tregut të punës Enzo Weber, i cili është kritik ndaj rezultateve të projekteve të mëparshme pilot. Ai kryen kërkime në Universitetin e Regensburgut dhe në Institutin për Tregun e Punës dhe Kërkimet Profesionale.

Për projekte të tilla do të aplikonin vetëm kompanitë për të cilat një javë katërditore është pozitive. Prandaj, ato nuk pasqyrojnë një pasqyrë reale të ekonomisë. Përveç kësaj, jo vetëm që do të shkurtohej orari i punës, por do të ndryshonin edhe proceset dhe organizimi. Nëse atëherë ka një rritje të produktivitetit, nuk duhet të lidhet patjetër me orarin më të shkurtër të punës, thotë Weber.

Rezultatet pozitive janë gjithashtu të diskutueshme sepse shkurtimi i një dite pune ka shumë të ngjarë të rezultojë në intensifikimin e punës në ditët e tjera, beson Weber. Elementet sociale, komunikuese dhe krijuese dëmtohen. “Kompanitë zakonisht nuk i ndiejnë pasojat menjëherë, por më tepër në afat të mesëm.” Megjithatë, studimet janë projektuar të zgjasin vetëm gjashtë muaj.

Dyshime për rritjen e produktivitetit

Holger Schäfer nga Instituti i Ekonomisë Gjermane i lidhur me punëdhënësin (IW Cologne) beson gjithashtu se një javë katër-ditore e prezantuar në të gjithë Gjermaninë do të ishte kundërproduktive. “Ajo që mund të duket e ndjeshme nga pikëpamja mikroekonomike – për shembull, nëse punëtorët e paktë mund të gjurmohen nga konkurrentët me javën katërditore – shpërbëhet kur shikohet nga pikëpamja makroekonomike. Nëse të gjitha kompanitë reduktojnë ditët e punës, një punë deficiti i kohës do të mbetet përfundimisht”, thotë Shepherd.

Për më tepër, nuk ka asnjë tregues se reduktimi i orarit të punës mund të rrisë ndjeshëm produktivitetin. “Shkurtimi i javës së punës nga pesë në katër ditë korrespondon me një ulje të orarit të punës me 20 për qind. Për të kompensuar rënien që rezulton në prodhim, produktiviteti për orë duhet të rritet me 25 për qind.” Schäfer e konsideron këtë si utopike.

Burokacia shtesë

Fakti që një javë katërditore mund të ketë kuptim në kompani individuale është evident në sektorin e artizanatit. Sipas Jörg Dittrich, President i Shoqatës Qendrore të Artizanatit Gjerman, punëdhënësit atje do të rrisnin atraktivitetin e tyre dhe kështu shanset e tyre për të konkurruar për punëtorë të kualifikuar. Sidoqoftë, një javë katërditore nuk do të funksiononte po aq mirë në çdo biznes artizanal. Përfundimi i Dittrich: Një e drejtë ligjore e formuluar përgjithësisht për një javë katërditore nuk do të ndihmonte askënd dhe do të nënkuptonte vetëm burokraci shtesë për kompanitë.

Pavarësisht nga të gjitha argumentet kritike, sindikata IG Metall, për shembull, ka kohë që bën thirrje për shkurtimin e orëve të punës. Edhe sot, njerëzit në industrinë e çelikut punojnë vetëm 35 orë në javë. Edhe në degë të tjera ka kërkesa të ngjashme, si për shembull në hekurudha, ku sindikatat mendojnë se punonjësit me ndërrime duhet të punojnë vetëm 35 orë në javë./DW