Author: ATVLive

Kryetari i LDK-së, Lumir Abdixhiku, në emisionin CONTEXT në ATV, tha se prishjen e koalicionit me PDK-në Komunën e Prishtinës nuk e sheh si problem, por si një proces normal politik.

“Jo, nuk ka telashe, është pjesë normale e politikës, kështu e kam pa unë. S’jam marrë shumë me atë çështje, nuk jam marrë fort, sepse unë kam një parim që kryetarët e komunave le të lirë të veprojnë, si në Pejë, si në Lipjan, si në Viti e në Istog e Prishtinë. Në Prishtinë kam një rol më të theksuar sepse kam qenë i angazhuar në Prishtinë dhe sepse kam bërë rivitalizimin e strukturës në Prishtinë, por nuk e shoh një problem. Është mospajtim njerëzve që kanë pasur një bashkëqeverisje të respektueshëm në dy anët”, tha Abdixhiku.

Pas prishjes së koalicionit me PDK-në, ai thotë qeverisjen komunale do ta vazhdojnë me forcat më të mira të LDK-së.

“Ndjej keqardhje që s’kanë arritur të vazhdojnë tutje, por tani vazhdojmë me forcat më të mira që i kemi brenda LDK-së. Ne do të japim njerëzit më të mirë në qeverisje lokale, aq sa kemi hapësirë për t’i dhënë, në mënyrë që projekti i Prishtinës të ketë sukses, ky është qëllimi i çdo partie. Nuk jemi në pushtet për të përfituar për vete, po për të dhënë një shërbim sa më mirë për qytetarët. Unë besoj që me njerëzit më të mirë që i kemi dhënë dhe ka një ekip të shkëlqyeshëm në Prishtinë, të Lidhjes Demokratike të Kosovës. Kemi arritur edhe të bëjmë rikthimin e madh në Prishtinë, në përcepcion publik, sipas matjeve që i kemi”, tha Abdixhiku. /atvlive.tv

Intervistën e plotë të tij në CONTEXT e gjeni në videon më poshtë:

Përgatiti: Kastriot Tahiri

Gjykata ka vërtetuar akuzat e Prokurorisë se Arsim Limani, një vit më parë, tentoi të privojë nga jeta gazetarin Alban Selimi, përmes vënies së flakës së garazhit në shtëpinë e tij.

Për veprën penale vrasje e rëndë në tentativë, Limani të enjten u dënua me katër vjet burgim.

“Andaj gjykata të njëjtin e gjykon me dënim me burgim prej katër vjet duke e llogaritur edhe dënimin e shqiptuar edhe kohën e kaluar në masën e paraburgimit dhe atë të arrestit shtëpiak nga data 18 mars 2023 deri me datën 15 shkurt 2024”, tha kryetarja e grupit gjykues, Medie Bytyçi.

Limani u obligua të paguajë 300 euro për shpenzimet e procedurës penale dhe 500 në fondit për kompensimin e viktimave të krimit, të gjitha këto në afat kohor prej 15 ditësh.

E kënaqur me vendimin e Gjykatës, është edhe pala e dëmtuar.

“Ajo që dihet është që personi tashmë i dënuar për veprën penale nuk ka treguar se cila ka qenë motivi dhe shtytësi i kësaj i vepre dhe kjo do te jetë një dilemë që do të më përcjell. Dihet që hetuesia e ka humbur një CD gjatë procesit gjyqësor dhe po shpresoj që prokuroria e shtetit të hetoj atë pjesë dhe të dihet cili ishte arsyeja që humbi CD-ja një proces kaq të ndjeshëm kur sulmohet një gazetar”, tha gazetari i RTK-së, Alban Selimi.

“Për momentin jemi të kënaqur edhe me rrjedhën e gjykimit, një gjykim i shpejt dhe me konkludimin dhe gjykim që sot ka ardhur në gjykimin gjyqësor”, tha Kujtim Kërveshi, avokati mbrojtës i gazetarit Alban Selimit.

Gjatë gjykimit, i akuzuari e kishe pranuar veprimin e vënies së zjarrit në shtëpinë e të dëmtuarit, por sipas tij nuk kishte pasur qëllim të lëndoj askënd dhe se veprimet e tij e kishte bërë me qëllim të lënies së një mesazhi.

Ngjarja kishte ndodhur më 16 mars të vitit të kaluar në Fushë-Kosovë, ku i akuzuari, ishte afruar tek dera e garazhës dhe kishte hedhur një shishe benzinë të ndezur me ç’rast garazhën e kanë përfshirë flakët. I njëjti në duart e policisë kishte përfunduar tri ditë më vonë.

Kryetari i LDK-së, Lumir Abdixhiku, në emisionin CONTEXT në ATV, deklaroi se të gjitha dyert e bashkëpunimit me Lëvizjen Vetëvendosje janë të mbyllura.

Ai thotë se Albin Kurti i ka akuzuar se LDK është me Vuçiqin, andaj siç thotë ai, “për dikë që thua se ‘je me Vuçiqin, s’ke çfarë kërkon të ulësh në tavolinë.”

“Është e natyrshme me i pasë dyert e bashkëpunimit mshelë me dikë që beson që ti je me Vuçiqin. Jo, është shumë shumë e rëndësishme, sepse kur Albin Kurti thotë kryetari i Vetëvendosjes thotë’ ti je me Vuçiqin’, nuk ka çka lyp me mua në tavolinë, s’është mirë, s’është mirë për Republikën e Kosovës. Ai mendon se Lidhja Demokratike e Kosovës është me Vuçiqin. Ai nuk është mirë me komuniku me LDK-në, s’mund me komuniku me dikë që është me Vuçiqin. Është gabim. Ose duhet me i lidh me i lidh në burg, sepse janë tradhtarë, sepse kanë bërë tradhti ndaj vendit, ose duhet me dal me kërku falje e me thanë “jam një palaço’”, tha Abdixhiku.

Ai thotë me LV-në nuk ka e as që duhet të ketë bashkëpunim, pasi që LDK është parti pavarësiste që synon ta kthejë Kosovën në orientim euro-atlantik.

“Jo, nuk ka bashkëpunim të tillë dhe s’duhet të ketë bashkëpunim të tillë. Ne jemi partie e qendrës së djathtë, ne jemi parti pavarësiste. Jemi parti që synojmë ta kthejmë Republikën e Kosovës në orientim euro-atlantik, zhvillimor, të flasim për projekte konkrete dhe përçarjen e madhe që kanë instalu ta zhbëjmë, ta shërojmë këtë polarizim”, tha Abdixhiku. /atvlive.tv

Intervistën e plotë të tij në CONTEXT e gjeni në videon më poshtë:

Kryetari i LDK-së, Lumir Abdixhiku, në emisionin CONTEXT në ATV, tha se kryeministri i Kosovës Albin Kurti është populist dhe se afër vetës mban njerëz mediokër në politikë.

Ai thotë se dy prej tyre janë ministraje Punëve të Jashtme dhe tjetri është bartës i procesit të dialogut.

“Ka një fenomen Kurti, pra me ardhjen e Kurtit është dhe ardhja e individëve mediokër në politikë dhe këta individë të mediokër në politikë, për leximin tim, dy i kemi në institucionet kryesore, në njërën e kemi ministrin e Punëve të Jashtme dhe në tjetrin e kemi bartës të procesit të dialogut, që në çdo rrethanë janë politikanë mediokër, mesatarë, që në jetën normale s’do të kishin as karrierë minimale kështu dalluar. Në aspektin individual duket se janë konfliktuozë, pra s’janë në gjendje të bëjnë një relacion shoqëror, social, mes vete, me shqiptarë, lërë më me të jashtmit”, tha Abdixhiku.

Ai veçoi deklaratën e sotme të kryernegociatorit Besnik Bislimi ndaj Basjhkimit Evropian.

“Po tani kur ke një popullist në krye të shtetit, rreth institucioneve kryesore vendos njerëz mediokër dhe këta njerëz mediokër më pas bëjnë dhe deklarata të çmendura, siç ishte deklarata e sotme, për shembull, e kryernegociatorit, që ishte edhe kërcënuese ndaj Bashkimit Evropian, ‘mos na detyroni të destabilizojmë veriun’. Dhe ti ndalesh tani mendon, ka dy vite që Serbia të akuzon që Kosova bëhet destabilizuese, pra për dy vite fushata e Serbisë në Kosovë dhe jashtë, në çdo rrethanë, në çdo forum ndërkombëtar është: faktor destabilizues është Qeveria e Kosovës, ata mund ta destabilizojnë, ata po e destabilizojnë dhe kryenegociatori ynë, një mediokër politik, del dhe thotë ‘mos na detyroni ta eskalojmë situatën në veri’. Pra, e pranon që është faktor destabiliteti”, tha Abdixhiku. /atvlive.tv

Intervistën e plotë të tij në CONTEXT e gjeni në videon më poshtë:

Përgatiti: Krenare Mulliqi

Tri amendamentet kushtetuese për procesin e vettingut në sistemin e drejtësisë nuk kaluan në Kuvend. Për ndryshime kushtuese në sallë duhej të ishin 14 deputetë nga komuniteti joshumicë por ishin vetëm 8.

Megjithatë gjatë prezantimit të amendamenteve, ministria e Drejtësisë Albulena Haxhiu tha se ka tendencë për të penguar reformën në drejtësi.

E pavarësisht kritikave si rrallë herë partitë opozitare pajtoheshin me ndryshimet.

Debat më të ashpër pati në mes të dy deputeteve që dikur kishin ide të përbashkëta.

Pas përfundimit të kësaj seance, deputetët e filluan edhe një seancë tjetër plenare në të cilën parashihej votimi i 9 marrëveshje ndërkombëtare, por partia më e madhe opozitare paralajmëroi se nuk i voton.

Kështu asnjëra prej marrëveshjeve ndërkombëtare nuk u votuan.

Përgatiti: Nora Luta

Përfundimisht avokati Gregory Kehoe nuk do të jetë pjesë e mbrojtjes së Hashim Thaçit, në gjykimin që po zhvillohet ndaj tij dhe të tjerëve në Gjykatën Speciale, në Hagë.

Trupi gjykues e ka miratuar tërheqjen e avokatit kryesor nga përfaqësimi juridik i Thaçit, dhe vendimi është aprovuar me 14 shkurt nga administratorja e gjykatës.

“Paneli miraton kërkesën për ndërprerje dhe kërkesën për tërheqje për z. Kehoe dhe z. Reeder, e cila do të hyjë në fuqi për z. Kehoe në ditën kur një këshilltar i ri drejtues caktohet nga sekretari për të përfaqësuar z. Thaҫi; (b) Fton sekretarin që të ndërmarrë të gjithë hapat e nevojshëm për të emëruar avokatin kryesor për z. Thaҫi sa më shpejt që të jetë e mundur; (c) Rrëzon kërkesën për emërim dhe kërkesën për pagesë; Kehoe konfirmoi se një kontratë ndërmjet anëtarëve përfundoi më 31 janar 2023 dhe se asnjëra palë nuk dëshironte të vazhdonte marrëdhënien e tyre profesionale”, thuhet në vendimin e Gjykatës Speciale.

Tërheqja e mbrojtësit kryesor në këtë fazë të procesit gjyqësor, sipas Institutit të Kosovës për Drejtësi dëmton cilësinë e mbrojtjes.

Shala thekson se rasti i Thaçit dhe të tjerëve, është kompleks.

Kehoen do ta zëvendësojë avokati Lluka Mishetiq.

Në fund të janarit me arsyetimin që nuk janë kryer obligimet ndaj tyre, Gregory Kehoe, dhe anëtarët e kompanisë “Greenberg Legal Associates”, kishin kërkuar të tërhiqen nga mbrojtja e Hashim Thaçit në Dhomat e Specializuara.

Këta ishin angazhuar nga Thaçi, derisa Ministria e Drejtësisë kishte sqaruar se nga buxheti i shtetit paguhet avokati Mishetiq, dhe se pagesat ndaj tij janë kryer me rregull.

Përgatiti: Arian Hajdaraj

Tregimin për ngjarjen e 31 marsit 1999, kur në këtë luginë të Pastasellës bashkë me 120 burra u vunë në pushkatim, Beqir Krasniqi do ta marrë me vete në varr përgjithmonë.

85 vjeçari që ishte i mbijetuar i kësaj masakre, vdiq në fshatin Pastasellë të Rahovecit.

“Fati deshi që të vdës pak ditë pasi I mbushi 85 vjeç…”, tha Afrim Krasniqi, djali i Beqir Krasniqit.

I moshuari në vitin 2009 kishte dëshmuar në Tribunalin e Hagës porse sipas birit të tij, nuk ishte pajuar me procesverbalin.

“Neve na kanë nda burrat veç edhe na kanë thanë me nejt si në xhami. Grupin e parë e kam pa me sy kur I kanë vra”, kishte thënë i ndjeri Beqir Krasniqi në dëshminë e tij në Hagë.

Tani për ta treguar krimin që kanë përjetuar, i gjallë ka mbetur vetëm Tahir Krasniqi.

“Prej qityne kena pshtu veç 13 burra. 12 prej tyne kanë vdek. Sot Beqiri. Veç unë kam mbet gjallë..”, tha Tahir Krasniqi.

“Na kanë marrë na kanë çu te prroi… Na kanë pushkatu me nga dy rrafalla. 17 njerëz kanë gjuajte”, tha ai.

Derisa mosha ia rëndon shëndetin, i mbijetuari i fundit, druan se do vdesë para se drejtësia të shkojë në vend për 106 burrat e vrarë.

Me këtë merak mbylli sytë edhe Beqir Krasniqi.

“Baba ka shku me marakun që nuk ka shku në ndonjë seancë me dëgju që u dënu dikush për këtë masakër…”, tha Afrim Krasniqi, djali i Beqir Krasniqit.

Beqir Krasniqi u varros në varrezat e fshatit vetëm 400 metra larg vendit ku i kishte shpëtuar plumbave.