ATV

Author: ATVLive

  • Këtu mund të votoni për Edon Zhegrovën që të shpallet lojtari më i mirë i sezonit në Francë

    Këtu mund të votoni për Edon Zhegrovën që të shpallet lojtari më i mirë i sezonit në Francë

    Edon Zhegrova po vazhdon të tregojë paraqitje të larta me klubin e Lille në Ligue1 të Francës.

    Sulmuesi i Kombëtarës së Kosovës ka trazuar rrjetin francez me lojën e bukur si titullar me klubin e tij.

    Zhegrova me këto paraqitje fantastike, shumë lehtë mund të shpallet edhe lojtari më i mirë i sezonit në Francë.

    Edon Zhegrova po prin në këtë garë e lojtarit më të mirë të sezonit me 35% të votave, pas tij është Lees-Melou me 30%.

    Mbappe 15%

    Aubameyang 14%

    Dembele 3%

    Ju mund të votoni në linkun më poshtë, për t’ia dhënë një mundësi yllit kosovar që të shpallet më i miri i sezonit në Francë.

    VOTO duke klikuar KËTU

  • ​Vihet gurthemeli i Klinikës së Hematonkologjisë e Nefrologjisë

    ​Vihet gurthemeli i Klinikës së Hematonkologjisë e Nefrologjisë

    Sot kanë nisur punimet për ndërtimin e objektit të ri të Klinikës së Hematonkologjisë dhe Nefrologjisë me hapësira moderne për pacientët, në vlerë prej 4 milionë e 299 mijë e 23 eurosh.

    Ministri i Shëndetësisë, Arben Vitia, tha se përmes këtij investimi do të sigurohen më shumë shërbime cilësore për qytetarët dhe së shpejti do të shtohet shërbimi i Plazmaferezes, derisa po vazhdon edhe angazhimi që të ofrohet shërbimi për biopsinë e veshkës.

    “Për herë të parë në Klinikën e re të Hematonkologjisë do të mundësohet transplantimi i palcës kockore te leukemitë akute, shërbim ky që deri më tani nuk është arritur të bëhet në Kosovë dhe pacientët tanë nuk do të kenë më nevojë që të kërkojnë trajtim jashtë vendit për transplantimin autolog të palcës kockore”, tha ai.

    Drejtori i SHSKUK Elvir Azizi dhe drejtorët e këtyre dy klinikave morën pjesë në fillimin e punimeve për ndërtimin e objektit të ri të Klinikës së Hematonkologjisë dhe Nefrologjisë.

  • ​Arizona voton për shfuqizimin e ndalimit të abortit

    ​Arizona voton për shfuqizimin e ndalimit të abortit

    Ligjvënësit e Arizonës votuan të mërkurën për të shfuqizuar një ndalim të abortit që u miratua për herë të parë në vitin 1864, kur shteti ishte ende një territor.

    Projektligji i shfuqizimit kaloi me një votim 16-14 në Senatin e Shtetit të kontrolluar nga republikanët, me dy senatorë republikanë që thyen radhët për ta mbështetur atë së bashku me çdo senator demokrat, duke krijuar një mosmarrëveshje brenda Partisë Republikane, e konsideruar tradicionalisht si pro abortit.

    Ndalimi i diskutueshëm lejonte vetëm abortet për të shpëtuar jetën e një pacienti, pa përjashtime për viktimat e përdhunimit.

    Guvernatorja Katie Hobbs, një demokrate që pritet të nënshkruajë shfuqizimin të enjten, tha: “Gratë e Arizonës nuk duhet të jetojnë në një shtet ku politikanët marrin vendime që duhet të jenë midis një gruaje dhe mjekut të saj”.

    Shfuqizimi nuk do të hyjë në fuqi deri në 90 ditë pas shtyrjes së legjislaturës për verën. Në fillim të këtij muaji, republikanët denoncuan vendimin e Gjykatës së Lartë të Arizonës që shpalli të zbatueshëm ndalimin 160-vjeçar të abortit. /AA

  • Gjermania thyen zinxhirin më të madh të mashtrimit me ‘call center’, përfshirë Kosovën Policia gjermane

    Gjermania thyen zinxhirin më të madh të mashtrimit me ‘call center’, përfshirë Kosovën Policia gjermane

    Autoritetet në Gjermani, me ndihmën e Europolit, kanë thyer zinxhirin më të madh të mashtrimit përmes ‘call center’ të cilat ishin të vendosura në vendet e Ballkanit Perëndimor, përfshirë Kosovën, dhe në Liban.

    Ministri i Brendshëm i Republikës së Baden-Wuerttembergut, Thomas Strobl, e ka konsideruar si “rastin më të madh të mashtrimit në Evropë deri më sot”.

    Autoritetet gjermane, me ndihmën e Europolit dhe forcave lokale të policisë, kanë kryer kontrolle në 12 qendra telefonike në Serbi, Bosnjë-Hercegovinë, Kosovë dhe Liban më 18 prill dhe kanë arrestuar 20 persona.

    Siç shkruan “Stuttgarter-Zeitung”, punonjësit e ‘call centerave’ kanë telefonuar njerëz në Gjermani duke u paraqitur si anëtarë të familjes, anëtarë të shërbimeve qeveritare apo qendrave financiare dhe zhvatnin para nga viktimat duke përdorur metoda të ndryshme. Të dyshuarit kërkonin para nga viktimat me pretekstin për të nxjerrë një të afërm nga telashet, ose kërcënuan me dënime për shkeljet e dyshuara të kryera nga viktimat.

    Mashtrimet u zbuluan pasi një punonjës banke vuri re se një klient dëshironte të transferonte 100 mijë euro në një llogari të panjohur jashtë vendit. Që nga dhjetori, hetuesit kanë regjistruar mbi 1 milion telefonata, dhe mashtrimi ka ndodhur në 6000 raste, me dëme mbi 10 milionë euro.

    “Këto akte kriminale janë të ndyra dhe të pamëshirshme, sepse luajnë me frikën dhe vështirësitë e njerëzve”, ka thënë Strobl. Ka paralajmëruar se autoritetet do të veprojnë kundër autorëve “me të gjitha mjetet” në dispozicion të shtetit ligjor.

    Në Gjermani zbulohen rregullisht raste të mashtrimit përmes ‘call centerave’, ku viktimat janë kryesisht të moshuar ose emigrantë.

  • Petkoviq: Serbia mbështet përpjekjet e Lajçakut në procesin e formimit të Asociacionit

    Petkoviq: Serbia mbështet përpjekjet e Lajçakut në procesin e formimit të Asociacionit

    Drejtori i zyrës serbe për Kosovën Petar Petkoviq ka deklaruar se Beogradi vlerëson dhe mbështet shumë përpjekjet që emisari evropian për dialogun, Miroslav Lajçak, ka investuar në fillimin e procesit të formimit të Asociacionit të Komunave me shumicë serbe.

    Këto komente ai i bëri pas një takimi që pati së bashku me ambasadorin e Serbisë në SHBA, Marko Gjuriq me ambasadorët e vendeve të Quintit si dhe përfaqësuesin e Delegacionit të Bashkimi Evropian në Beograd.

    Siç bën të ditur zyra e Petkoviqit, ai dhe dhe Gjuriq në takim siç u tha, përsëritën qëndrimin e Beogradit se drafti i Statutit të Asociacionit i hartuar nga BE-ja, mund të jetë një bazë e mirë për vazhdimin e diskutimeve dhe marrëveshjeve për përfundimin e këtij statute.

    Lidhur me çështjen e dinarit, Petkoviq theksoi se bisedimet në Bruksel kanë qenë të vështira dhe se sipas tij delegacioni i Beogradit ka paraqitur propozimet dhe komentet e tij për këtë çështje.

  • Bie nga sistemi faqja e Euro 2024, dështon shitja e biletave

    Bie nga sistemi faqja e Euro 2024, dështon shitja e biletave

    Rreth 100 mijë bileta ishin paraparë të vendoseshin në shitje online sot për Kampionatin Evropian të futbollit.

    Por, uebfaqja e Euro 2024 ka rënë nga sistemi derisa tifozët e shumtë tentuan ta “kapnin” nga një biletë për evenimentin që do të mbahet gjatë kësaj vere në Gjermani.

    Në mëngjes ishte paraparë që të niste shitja e biletave online, që e përfshin edhe ndeshjen hapëse të mikpritësit Gjermania kundër Skocisë.

    Por, blerësit potencialë mbetën të nervozuar dhe të frustruar pasi përpara ekraneve iu shfaq mesazhi “ERROR”, kur iu bashkuan kërkesës për të blerë biletë.

    Të tjerëve iu bllokua sistemi derisa iu kishte kërkuar që ta shtypnin kodin, i cili nuk u ishte shfaqur në ekran.

    Shumë tifozët i përdorën mediat sociale për ta shfaqur zhgënjimin e tyre, pasi iu mohua një ëndërr për ta parë nga afër një apo më shumë ndeshje të Evropianit.

    Shumë njerëz pritet ta marrin rrugën drejt Gjermanisë mes muajve qershor dhe korrik, ndonëse nuk kanë bileta, me shpresën që ta shijojnë atmosferën përpara stadiumit pasi do të jetë e vështirë të blejnë bileta në “tregun e zi”, ngase në hyrje do të shikohet nëse përputhet emri i biletës me pronarin që e mban atë në dorë dhe që e ka rezervuar personalisht online.

  • Pas 22 vjetësh, 1 euro vlen më pak se 100 lekë

    Pas 22 vjetësh, 1 euro vlen më pak se 100 lekë

    Për herë të parë që nga viti 2002 kur hyri në Shqipëri, euro po këmbehet për më pak se 100 lekë këtë të enjte.

    Sipas kursit të publikuar nga Banka e Shqipërisë, valuta europiane po këmbehet për 99.94 në blerje. Pra nëse shkoni në pikat e këmbimit valutor apo banka të nivelit të dytë, për një euro do të merrni më pak se 100 lekë, raporton A2CNN.

    Nga ana tjetër, në shitje euro vijon të qëndrojë mbi nivelin e 100 lekëve. Me më pak se 94 lekë po këmbehet dollari ndërsa paundi me 117.31 lekë.

  • ​Këto janë klubet e licencuara nga FFK për garat evropiane

    ​Këto janë klubet e licencuara nga FFK për garat evropiane

    Federata e Futbollit të Kosovës (FFK) ka publikuar shtatë klubet që i ka licencuar për garat evropiane të UEFA-s.

    Komisioni i Shkallës së Parë për Licencimin e klubeve për garat e UEFA-s ka licencuar shtatë nga tetë klubet që e kanë nisur procesin e licencimit, raporton KosovaPress.

    Klubet e licencuara janë Ballkani, Drita, Llapi, Malisheva, Prishtina, Gjilani dhe klubi i futbollit i femrave Mitrovica.

    Ndërkaq, skuadra që nuk është licencuar për garat e UEFA-s për edicionin 2024/25 është KF Dukagjini.

  • ​“50 mijë euro për një sportist”, lansohet programi “Super sportistët”

    ​“50 mijë euro për një sportist”, lansohet programi “Super sportistët”

    Ministria për Kulturë, Rini e Sport sot ka lansuar programin “Super Sportistët”, në të cilin do të investohen 4 milionë euro për katër vitet e ardhshme për sportistët e rinj të sporteve olimpike.

    Qëllimi i programit është rritja e numrit të normave olimpike për Lojërat Olimpike Los Angjelos 2028.

    Zëvendësministrja e Ministrisë së Sportit, Daulina Osmani, me këtë rast tha se ky program iu dedikohet top sportistëve të vendit, e që në vendin tonë fatmirësisht janë të shumtë.

    Ajo shtoi se programi ka për synim mbështetjen e sportistëve në rrugëtimin e tyre drejtë rezultateve kulminante, duke ndryshuar kështu praktikën e deritanishme që sportistët janë mbështetur vetëm pasi kanë fituar medalje apo kanë arritur rezultate në gara të ndryshme ndërkombëtare.

    “Kjo politikë përkundër asaj parasheh mbështetjen e sportistëve përgjatë rrugëtimit të tyre drejt suksesit, një politikë që i ka munguar vendit tonë e që shpeshherë edhe barrë për prindërit, për sportistët, për klubet e federatat kështu me radhë për të gjithë ata që janë përfshirë në performancën elitarë të sportistëve tanë, e që përmes këtij programi po synomë që tani e tutje t’i tejkalojmë këto barriera të përbashkëta…Programi ka afat kohor prej 12 vitesh, i cili është i ndarë në tri faza kryesore ku synim ka rezultatet e sportistëve në Lojërat Olimpike “LA2028”, Lojërat Mesdhetare 2030”, tha Osmani.

    Ndërsa, Presidenti i Komitetit Olimpik të Kosovës, Ismet Krasniqi, theksoi se programi do të identifikojë menjëherë 20 super sportistë të cilët brenda vitit do të mbështeten me nga 50 mijë euro dhe kjo do të bëjë t mundur që Kosova në ciklet e ardhshme të Lojërave Olimpike të paraqitet me më shumë sportistë por edhe me nivel shumë më të lartë të cilësisë e kualitetit.

    “Kjo mbështetje mbi të gjitha edhe financiare sepse Komiteti Olimpik i Kosovës përveç 75 bursave të cilat i ka ndarë deri më tani, sportistët e përzgjedhur do të kenë edhe një mbështetje shtesë në vlerë totale prej katër milionë eurove duke iu falënderuar fondeve të ndara nga Qeveria e Republikës së Kosovës dhe Ministrisë për Kulturë, Rini dhe Sport. Mbështetja prej katër milionë eurove për katër vit do t’iu sigurojë këtyre 20 super sportistëve një shumë prej 50 mijë euro për secilin sportist gjatë gjithë vitit”, bëri të ditur Krasniqi.

    Kurse, kampionia olimpike, Majlinda Kelmendi theksoi se me këtë program, po i jepet një mbështetje shumë e madhe sportistëve të rinj, duke shtuar se është e sigurt se ky program do të sjellë në pah shumë kampion në të ardhmen e afërt për sportin e Kosovës. Kelmendi rikujtoi kohën e punës së saj duke thënë se për shumë stërvitje shpenzimet i kishte paguar vet trajneri Driton Kuka.

    “Unë më shumë se të gjithë sportistët tjerë e kam përjetuar se si është të ushtrosh pa kushte ose në kushte jo të mira, pa përkrahje sepse ju të gjithë e dini që deri ën vitin 2013, derisa unë jam bërë kampione botërore për të rritur pothuajse çdo garë edhe çdo përgatitje e ka paguar trajneri Driton Kuka. Fati im më i madh ën jetë është që e kam takuar Tonin dhe e kam pasur trajner…Jam shumë e sigurt që nga ky program dhe projekt voluminoz në të ardhmen do të kemi sportistë dhe kampion shumë të mëdhenj”, tha Kelmendi

    I kënaqur me këtë program dhe me përkushtimin e sportit nga ana e shtetit u shpreh edhe trajneri Driton Kuka. Ai tha se ky koncept do të bëjë të mundur vazhdimësinë e sukseseve të Kosovës në sport.

    “Fillimisht janë evidentuar tetë sporte të cilat janë për momentin prioritet në vendin tonë, na bazë të rezultateve, jo në bazë të preferencave tona. Gjatë rrugëtimit, patjetër që nëse ndonjë sportistë i ndonjë sporti tjetër, përveç këtyre teë sporteve tregon sukses, patjetër që do të merret parasysh. Në vitin e parë janë këto tetë sporte, nëse dikush nesër e bën një rezultat në ndonjë sport tjetër, pak na qet telashte, por në parim, në të ardhmen patjetër sepse projekti është katër vjeçar që është aprovuar e ne pretendojmë të shkojmë tutje. Lojërat Mesdhedtare në Prishtinë janë shumë me rëndësi për vendin tonë për t’u prezantuar., kështu që unë po mendoj se aty ka hapësirë gjithmoën për të ardhur ndonjë sportist tjetër për ta prezantuar vendin.”, theksoi Kuka.

    Kuka ka shtuar gjithashtu se si kryesues i komisionit për identifikimin e supersportistëve do të jap kontributin e tij për të gjetur talentët më të mirë në vend, por edhe me përkushtim për shpenzimin e arsyeshëm të këtij buxheti të ndarë nga ana e Ministrisë së Sportit për këtë program.

    Programi, i përpiluar nga profesionistë të fushës, nga KOK-u, MKRS dhe gazetaria sportive, udhëhiqet nga kryemjeshtri i normave dhe medaljeve të arta olimpike, Driton Kuka.

  • Opozita për raportin e DASH-it: Qeveria po e mbron korrupsionin

    Opozita për raportin e DASH-it: Qeveria po e mbron korrupsionin

    Deputetët e partive opozitare në Kuvendin e Kosovës kanë kritikuar Qeverinë e udhëhequr nga Albin Kurti për mosluftim të korrupsionit brenda ekzekutivit dhe, siç thanë, për mbrojtjen e të akuzuarve për rastet korruptive.

    Seanca u mbajt lidhur me publikimin e raportit të Departamentit amerikan të Shtetit për të drejtat e njeriut, në të cilin, ndër të tjera, si problem ishte theksuar “korrupsioni serioz në Qeveri”.

    Shefi i Grupit Parlamentar të subjektit më të madh opozitar, Partia Demokratike e Kosovës, Abelard Tahiri, gjatë seancës së jashtëzakonshme të enjten, që u thirr për të diskutuar për këtë raport, tha se gjetjet e raportit janë edhe një arsye më shumë që vendi të shkojë në zgjedhje sa më shpejt.

    “Kërkojmë që t’i trajtojmë gjetjet dhe t’i japim rekomandime kësaj qeverie për t’i adresuar deri në kohën kur vendi do t’i drejtohet kutive të votimit dhe vendi do ta krijojë një qeveri, e cila do të jetë shpresë për qytetarët”, tha ai.

    Sipas tij, Kosova me ekzekutivin aktual, nuk mund të anëtarësohet as në organizata ndërkombëtare, në kohën kur, sipas tij, ministrja e Punëve të Jashtme dhe Diasporës, Donika Gërvalla, përballet me akuzë për mosdeklarim të pasurisë.

    Në raportin e fundit të DASH-it për të drejtat e njeriut në botë për vitin 2023, që u publikua javën e kaluar, thuhet se në Kosovë ka pasur “disa raportime për korrupsion në Qeveri” dhe se “zyrtarët, nganjëherë, përfshihen në praktika korruptive pa u ndëshkuar”.

    Mimoza Kusari-Lila, shefe e Grupit Parlamentar të partisë në pushtet, Lëvizja Vetëvendosje (LVV), tha se raporti është krejtësisht normal dhe nuk ka “asgjë të jashtëzakonshme” në të.

    Duke folur për korrupsionin në qeveri, Kusari-Lila tha se raporti i DASH-it është bazuar në hetime penale dhe jo aktakuza.

    “Në raport përmendet korrupsioni në Qeveri duke u bazuar në hetime penale, pra nuk flitet për aktakuza sepse nuk ka të tillë, as për procese gjyqësore as dënime për korrupsion, vetëm për kallëzime. Këto kallëzime mund të bëhen nga individ, opozita apo trupa të kontrolluar prej tyre”, tha ajo.

    Armend Zemaj, nga subjekti opozitar Lidhja Demokratike e Kosovës (LDK), tha se raporti i publikuar më 22 prill ka konfirmuar edhe njëherë mendimin e partisë së tij se Qeveria Kurti nuk e lufton korrupsionin.

    “Raporti rrënoi përtokë një propagandën e shumicës se e kemi luftuar korrupsionin. Në fakt ju po i luftoni ata që e luftojnë korrupsionin, tani që kemi raportin i cili e ka konfirmuar secilin shqetësim si LDK, tani me vulën e SHBA-së jeni hajna të certifikuar, sepse Qeveria juaj po emërtohet korrupsion serioz qeveritar”, tha ai.

    Besnik Tahiri, shef i Grupit Parlamentar të Aleancës për Ardhmërinë e Kosovës (AAK) tha se Qeveria Kurti është “rrethuar me terrin e arbitraritetit dhe arrogancës”.

    “Në të gjitha aferat që lidhen me keqmenaxhimin e parasë publike, aferat korruptive që janë publike, ka pasur mbrojte në formë të një luftëtari të një mbrojte të një të zeze”, tha ai.

    Raporti i Departamentit amerikan të Shtetit për të drejtat e njeriut për vitin 2023 ka konstatuar se Kosova vazhdon të përballet me probleme serioze në pavarësinë e gjyqësorit, kufizime serioze në lirinë e shprehjes dhe të mediave, përfshirë kërcënime apo dhunë kundër gazetarëve, dhe me problemin e dhunës me bazë gjinore.

    Në raportin e DASH-it u përmend se më 2023 nuk ishte raportuar për ndonjë ndryshim të madh sa i përket situatës me të drejta të njeriut në Kosovë. /REL