Author: A.M.

Albi Mall Superliga e Kosovës hyn në momentin vendimtar të sezonit, ndërsa xhiroja e 30-të pritet të sjellë përballje dramatike dhe emocione të forta për tifozët e futbollit vendor.

E shtuna nis me ndeshjen Prishtina e Re – Drenica në orën 15:00, në Fushën Sintetike të Kampit Nacional në Hajvali. Pasditja vazhdon me derbin kryesor të javës, Prishtina – Gjilani, i cili nis në orën 20:00 në stadiumin “Fadil Vokrri” në Prishtinë,ku të dyja skuadrat janë në luftë për pozitën e tretë e cila siguron garat evropiane sezonin tjetër

E diela sjell tre përballje të tjera interesante. Ballkani – Ferizaj, Drita – Llapi dhe Dukagjini – Malisheva do të nisin të gjitha në orën 15:00, duke ofruar ndeshje paralelisht në Suharekë, Gjilan dhe Klina. Çdo takim ka rëndësinë e vet, pasi disa ekipe luftojnë për pozita në vendet e para, ndërsa të tjerët për mbijetesë në elitën e futbollit vendor.

Mbrëmje emocionuese në NBA, ku disa prej serive të “playoff”-it prodhuan spektakël dhe përmbysje të rëndësishme.

Në përballjen Atlanta Hawks – New York Knicks, vendasit triumfuan 109-108 në një ndeshje dramatike, duke kaluar në avantazh 2-1 në seri. Heroi i ndeshjes ishte CJ McCollum, i cili realizoi koshin vendimtar 12 sekonda nga fundi. Knicks kishin përmbysur rezultatin në momentet e fundit falë Jalen Brunson, por nuk arritën të finalizonin aksionin e fundit. Ndërkohë, Jonathan Kuminga spikati nga stoli me 21 pikë për Atlantën.

Në përballjen Toronto Raptors – Cleveland Cavaliers, skuadra kanadeze fitoi bindshëm 126-104 dhe ngushtoi serinë në 1-2. Toronto dominoi çerekun e fundit me plot 43 pikë, duke mos u lënë asnjë shans kundërshtarëve. Scottie Barnes dhe RJ Barrett realizuan nga 33 pikë secili, ndërsa për Cleveland zhgënjyen Donovan Mitchell dhe James Harden, ky i fundit me tetë humbje topi.

Fitore e rëndësishme arriti edhe Minnesota Timberwolves, që mposhtën Denver Nuggets 113-96 dhe kaluan në avantazh 2-1 në seri. Minnesota dominoi ndeshjen falë mbrojtjes së fortë dhe kontrollit të ritmit, duke neutralizuar Nikola Jokic, i cili pati një mbrëmje të vështirë në gjuajtje. Vendimtar nga stoli ishte Ayo Dosunmu me 25 pikë dhe 9 asistime.

Barcelona ka qetësuar opinionin sportiv në Spanjë lidhur me gjendjen fizike të talentit të ri Lamine Yamal, pas shqetësimeve për një lëndim të fundit.

Sipas raportit mjekësor të klubit katalanas, lojtari do të mungojë në ndeshjet e mbetura të këtij sezoni në La Liga, duke mos qenë në dispozicion për fazën përmbyllëse të kampionatit.

Megjithatë, burime brenda klubit bëjnë të ditur se lëndimi nuk paraqet rrezik afatgjatë, duke larguar frikën për pjesëmarrjen e tij në Kupën e Botës 2026.

Barcelona pritet të ndjekë një plan të kujdesshëm rikuperimi për Yamal, me synimin që ai të rikthehet plotësisht i gatshëm për sezonin e ri dhe sfidat ndërkombëtare që e presin.

Finalja e Kupës së Kosovës ndërmjet Dukagjinit dhe Ferizajt do të zhvillohet më 21 maj, dhe do të sjellë një fitues të ri të këtij trofeu. Asnjëra nga skuadrat nuk ka arritur ta fitojë këtë çmim më parë, kështu që kjo finale do të shënojë një moment historik për të dy klubet.

Ferizaj, përmes një komunikate zyrtare, ka njoftuar tifozët se ndeshja do të zhvillohet në stadiumin “Fadil Vokrri” në Prishtinë. Skuadra e Ferizajt ka njoftuar gjithashtu se do të japë detaje shtesë rreth organizimit dhe masave për sigurinë e tifozëve më vonë.

“Finalja e Kupës së Kosovës mes klubit tonë, FC Ferizaj, dhe KF Dukagjini do të zhvillohet më 21 maj në Stadiumin ‘Fadil Vokrri’. Për më shumë detaje rreth organizimit dhe informacioneve shtesë, do t’ju njoftojmë me kohë!”, thuhet ndër të tjera në komunikatën e klubit.

Dukagjini, ndonëse ka arritur të jetë pjesëmarrës në finale tre herë më parë, asnjëherë nuk ka mundur ta fitojë trofeun, ndërsa Ferizaj do të përpiqet të arrijë suksesin e parë të këtij lloji. Të dy ekipet do të luftojnë jo vetëm për prestigjin, por edhe për një vend në garat evropiane, që është një motiv shtesë për të dy klubet.

Kjo do të jetë një ndeshje e mbushur me tension, pasion dhe përkushtim, ku asnjëra nga skuadrat nuk ka dëshirë të largohet pa trofe. Tifozët e të dy ekipeve do të jenë pa dyshim një faktor motivues i fuqishëm për lojtarët në këtë finale të paharrueshme.

Manchester City ka filluar të eksplorojë mundësinë e një transferimi të madh për mesfushorin e Chelseat, Enzo Fernandez, gjatë afatit kalimtar veror. Sipas raporteve nga “The Athletic”, interesi i kampionëve të Anglisë është ende në fazat fillestare, ndërsa klubi po përgatitet për jetën pa Bernardo Silvan, i cili ka konfirmuar se do të largohet nga “Etihad” në fund të sezonit.

Pavarësisht periudhës së vështirë që ka kaluar Fernandez, përfshirë edhe vendimin e ish-trajnerit të Chelseat, Liam Rosenior, për ta lënë jashtë formacionit pas disa deklaratave të tij lidhur me Real Madridin, mesfushori argjentinas mbetet një lojtar i rëndësishëm për skuadrën londineze. Ai ka regjistruar 12 gola dhe 6 asistime në 48 paraqitje, duke dëshmuar ndikimin e tij në fushë.

Manchester City nuk është i vetmi klub që po monitoron situatën e Fernandez, pasi edhe Real Madridi është i interesuar. Megjithatë, City po shqyrton edhe opsione të tjera për mesfushën, me Elliot Anderson të Nottingham Forest si një mundësi alternative.

Fernandez ka kontratë me Chelsean deri në vitin 2032, por bisedimet për rinovim nuk kanë avancuar. Agjenti i tij, Javier Pastore, ka deklaruar se nëse nuk arrihet një marrëveshje, lojtari mund të shqyrtojë mundësi të tjera për të ardhmen e tij

Në orët e fundit, media turke “Eagle Media” ka zbuluar planet e Trabzonspor për të ardhmen e futbollistit të kombëtares shqiptare, Ernest Muçi. Sipas kësaj mediaje, Trabzonspor ka vendosur të ushtrojë opsionin e blerjes përfundimtare të kartonit të Muçit nga Besiktas për një shumë prej 8.5 milionë euro, me mundësinë e pagesës në 5 këste.

Në përputhje me marrëveshjen mes dy klubeve, Trabzonspor do të paguajë këtë shumë për të siguruar shërbimet e futbollistit, që aktualisht ndodhet në huazim te ky klub. Sidoqoftë, një zhvillim i ri ka shfaqur një mundësi të re: një ofertë prej 17.5 milionë euro ka mbërritur nga një ekip evropian për Ernest Muçin, dhe klubi turk po e vlerëson seriozisht këtë mundësi.

Për momentin, stafi teknik dhe drejtuesit e Trabzonspor po shqyrtojnë mënyrën më të mirë për të përfituar nga kjo situatë, duke synuar që të shesin kartonin e Muçit për një çmim të lartë pas blerjes përfundimtare nga Besiktas. Kjo lëvizje mund të sjellë një fitim të madh për klubin turk, duke përfituar nga vlera e rritur e futbollistit.

Ylli turk Arda Guler dhe ai brazilian Eder Militao pritet të mungojnë në ndeshjet e fundit të La Ligës me Real Madridin.

Sipas Diaro AS si Guler ashtu edhe Militao pësuan lëndim në bicepsin femoral,dhe pritet që të mungojë deri në 4 javë duke e humbur ndeshjen vendimtare kundër Barcelonës për titullin e kampionit të Spanjës.

Përndryshe të dy nuk rrezikojnë botërorin dhe se synojnë që të jenë të gatshëm me kombëtaret e tyre ku Arda me Turqinë do të tentoj të bëjë një paraqitje fantastike,teksa Militao me Brazilin për të fituar titullin e gjashtë të Kupës së Botës.

Kujtojmë që Arda Guler në 50 ndeshje ka realizuar 6 gola përfshirë dy ndaj Bayernit në Ligën e Kampionëve si dhe bëri 14 asistime,kurse Eder Miliato në 21 ndeshje ka shënuar 2 gola e bëri 1 asistim.

E ardhmja e Andriy Lunin tek klubi mbretëror spanjoll Real Madrid pritet të vendoset gjatë kësaj vere.

Portieri ukrainas sipas Mundo Deportivo mund të largohet nga Santiago Bernabeu,përkundër që Lunin ka kontratë deri në vitin 2030 me “Los Blancos”.

Përndryshe Lunin ka hyrë në një fazë ku dëshiron që të luaj rregullisht në çdo ndeshje,dhe se tek Reali është pothuajse e pamundur marrë parasysh faktin që zgjedhja e parë Thibaut Courtois pritet që të rikthehet nga lëndimi.

Ndërkohë drejtuesit e Real Madrid po synojnë që të gjejnë një portier që mund të jetë zëvendësues i gardianit belg,i cili sipas tyre duhet të trajtohet me kujdes edhe pse nuk për momentin si çështje urgjente.

Kujtojmë që Andriy Lunin ka qenë titullar në ndeshjet e fundit me Real Madrid-it që prej lëndimit të Thibaut Courtois,duke përfshirë edhe dy ndeshjet cerekfinale të Ligës së Kampionëve kundër Bayern Munich në të cilën pësoi 6 gola cka bëri që “Los Blancos” të eliminohet nga Champions.

Kombëtarja e Italisë mund të marrë pjesë në Kupën e Botës 2026 në vend të Kombëtares së Iranit.

Sic raporton Financial Times i dërguari special i presidentit të SHBA-së Donald Trump Paolo Zampolli ka bërë kërkesë FIFA-së që ta përjashtojë Iranin,dhe në vend të saj të merrë pjesë kampioni i katërfisht i botës dhe sipas tij ka mjaft arsye për ta bërë këtë.

“Konfirmoj se u kam sugjeruar Trumpit dhe Infantinos që Italia të zëvendësojë Iranin në Kupën e Botës. Unë jam me origjinë nga Italia dhe do të ishte një ëndërr të shihja Azzurrët në turneun në SHBA. Me katër tituj, ata kanë prejardhjen për të justifikuar përfshirjen e tyre”, tha Zampolli.

Përndryshe kjo lëvizje shihet si një përpjekje për të zbutur marrëdhëniet mes presidentit amerikan Donald Trump dhe kryeministres italiane Giorgia Meloni,ku kohëve të fundit ka pasur akuza nga presidenti amerikan Trump në drejtim të qeverisë italiane lidhur me moslejimin e avionëve ushtarakë amerikanë, të përfshirë në bombardimin e Iranit, të përdorin bazën amerikane në Sicili për t’u furnizuar me karburant.

Në anën tjetër Irani është i gatshëm që të luaj në botërorin e këtij viti,edhe pse ka kërcënuar se do të tërhiqej për shkaqe sigurie dhe se pas sulmeve ajrore amerikane dhe izraelite që vranë udhëheqësin iranian dhe një numër zyrtarësh të lartë dhe qytetarësh,ndërkohë që kishte kërkuar që ndeshjet kombtarja iraniane t’i luante në Meksikë por që kjo kërkesë u hodh poshtë nga FIFA.

Kujtojmë që Italia nuk arriti që të kualifikohej në botëror,kjo pasi humbi në play-off nga Bosnja e Hercegovina pas ekzekutimit të penalltive.

Chelsea FC ka vendosur të ndërpresë bashkëpunimin me Liam Rosenior, duke e bërë zyrtare shkarkimin e tij pas një periudhe të mbushur me tensione, rezultate të dobëta dhe probleme të brendshme në skuadër.

Vendimi erdhi pas humbjes së rëndë ndaj Brighton & Hove Albion, që duket se ishte pika kulmore e krizës. Në ditët pasuese, drejtuesit e klubit zhvilluan takime të shumta për të analizuar situatën, ndërsa presioni mbi trajnerin u rrit ndjeshëm.

Raportimet nga mediat britanike zbuluan një prishje serioze në komunikim mes Rosenior dhe lojtarëve. Brenda dhomës së zhveshjes kishte konfuzion për udhëzimet taktike, dhe shumë futbollistë nuk ndiheshin të qartë për rolet e tyre në fushë. Megjithatë, burime pranë klubit theksuan se problemi nuk lidhej me qëndrimin apo disiplinën e lojtarëve, por me mënyrën se si po menaxhohej ekipi.

Situata u përkeqësua edhe më shumë pasi Rosenior kritikoi publikisht disa lojtarë për mungesë vendosmërie, një lëvizje që nuk u prit mirë brenda skuadrës. Një burim nga dhoma e zhveshjes e cilësoi këtë si një hap të gabuar, duke theksuar se deklaratat publike vetëm sa shtuan tensionin.

Pas ndeshjes me Brighton, pati paqartësi edhe për reagimin e trajnerit në dhomat e zhveshjes. Disa raportime pretendonin se ai nuk iu drejtua fare ekipit, ndërsa të tjera se vetëm i përshëndeti shkurt lojtarët dhe stafin, pa mbajtur një fjalim të plotë.

Paralelisht, bordi i Chelsea kishte nisur të shqyrtonte alternativa për të ardhmen, duke kërkuar një trajner me përvojë në nivelet më të larta. Emra si Andoni Iraola dhe Edin Terzić u përmendën si kandidatë potencialë, ndërsa klubi kishte vendosur që këtë herë të shmangë një tjetër emër pa eksperiencë në nivele të larta.

Me largimin e Rosenior, drejtimin e ekipit e merr Callum McFarlane si trajner i përkohshëm deri në fund të sezonit. Ai pritet të stabilizojë skuadrën në një moment delikat, ndërsa drejtuesit do të vazhdojnë kërkimin për një zgjidhje afatgjatë në pankinë.