Author: A.M.

Paris Saint-Germain ka vendosur Yan Diomanden si një nga objektivat kryesorë për afatin kalimtar të verës, ndërsa trajneri Luis Enrique e vlerëson sulmuesin e ri si një përforcim të rëndësishëm për skuadrën franceze.

Sipas raportimeve nga Spanja dhe Gjermania, trajneri i PSG-së e sheh lojtarin e RB Leipzig si profilin ideal për repartin ofensiv.

Diomande, i cili aktivizohet në krahun e sulmit, është shndërruar në një nga zbulimet më të mëdha të vitit 2026. Paraqitjet e tij në Bundesligë dhe me Përfaqësuesen e Bregut të Fildishtë në Kupën e Botës kanë rritur ndjeshëm interesimin e klubeve më të mëdha evropiane.

Ndonëse është vetëm 19 vjeç, ai konsiderohet si një nga talentet më premtues në futbollin botëror, falë shpejtësisë, aftësisë në duelet një kundër një dhe ndikimit në ndeshje të mëdha.

Pas Kupës së Botës 2026, vëmendja ndaj tij është rritur edhe më shumë.

Ndërkohë, edhe Liverpool FC raportohet se ka bërë një ofertë afër 100 milionë eurove, por ajo është refuzuar nga Leipzig, i cili nuk synon të lehtësojë largimin e një prej lojtarëve të tij më të rëndësishëm.

Gjermania ka siguruar kalimin në fazën eliminatore të Kupës së Botës 2026, pas fitores 2–1 ndaj Bregut të Fildishtë në ndeshjen e dytë të Grupit E. Megjithatë, përzgjedhësi Julian Nagelsmann ka kërkuar që skuadra të mos përfshihet nga euforia.

Në ndeshjen e zhvilluar në “BMO Field” të Torontos, Bregu i Fildishtë kaloi i pari në avantazh në minutën e 30-të me golin e kapitenit Franck Kessie. Por pjesa e dytë i përkiste Gjermanisë dhe veçanërisht Deniz Undav, i cili hyri nga stoli në minutën e 60-të dhe ndryshoi fatin e takimit.

Sulmuesi i Stuttgartit barazoi rezultatin në minutën e 68-të, ndërsa në minutën e katërt të kohës shtesë shënoi edhe golin e fitores, duke i dhënë Gjermanisë tre pikë të rëndësishme dhe kualifikimin në raundin tjetër. Për Undav, ky ishte goli i nëntë në vetëm 11 paraqitje me fanellën e kombëtares gjermane.

Pas ndeshjes, Nagelsmann u shpreh se nuk ka vend për eufori, duke kujtuar se vetëm pak javë më parë situata rreth kombëtares ishte shumë më e vështirë dhe se një fitore nuk ndryshon menjëherë realitetin.

“Nuk kemi nevojë të flasim tani nëse jemi apo jo të klasit botëror. Vetëm tre javë më parë gjithçka ishte në rrëmujë”, deklaroi ai.

Përzgjedhësi gjerman theksoi se fokusi i ekipit mbetet ndeshja e fundit e fazës së grupeve kundër Ekuadorit, duke kërkuar përqendrim maksimal përpara fazës me eliminim direkt.

Holanda shënoi fitore të thellë ndaj Suedisë në grupin F,duke e mposhtur me rezultat të thellë 5-1.

Që nga fillimi i ndeshjes tulipanët ishin dominant gjatë gjithë ndeshjes,ku komfirmuan se janë të gatshëm të shkojnë sa më larg në këtë turne.

Përndryshe përzgjedhësi Ronald Koeman në një konferencë për shtyp deklaroi se është i kënaqur me fitoren ndaj suedezëve,dhe se ekipi i tij ka bërë progres për dallim nga ndeshja kundër Japonisë.

“Natyrisht, kjo ndeshje ishte më e mirë se e fundit. Kjo është ajo që dëshiron, në mënyrë ideale, të fitosh që në fillim të turneut. Por nëse kjo është një shenjë e asaj që na pret, atëherë padyshim që po ecim në drejtimin e duhur. Sigurisht që kishte presion mbi ekipin, pjesërisht për shkak të barazimit (kundër Japonisë). Nëse e fiton ndeshjen e parë, kjo të jep më shumë qetësi. Tani kemi pak më shumë hapësirë frymëmarrjeje me katër pikë dhe me faktin që kemi ende një ndeshje tjetër në grup”, theksoi ndër të tjera tekniku Koeman.

Kujtojmë që Holanda ka grumbulluar 4 pikë pas dy ndeshjeve në grupin F,dhe ndeshjen e fundit pritet ta zhvillojë kundër Tunizisë të ejnten në Kansa.

Federata Algjeriane e Futbollit ka paraqitur një ankesë zyrtare në FIFA lidhur me arbitrimin e ndeshjes së raundit të parë të Kupës së Botës kundër Argjentinës.

Argjentina fitoi bindshëm me rezultatin 3:0, falë tre golave të shënuar nga Lionel Messi, por algjerianët besojnë se vendimet e gjyqtarit polak Szymon Marciniak ndikuan ndjeshëm në rrjedhën e takimit.

Sipas ankesës, incidenti i parë ndodhi në minutën e 31-të, kur Messi ndërhyri ashpër ndaj mbrojtësit algjerian Aissa Mandi pas një dueli për topin. Futbollistët algjerianë kërkuan karton të kuq të drejtpërdrejtë për yllin argjentinas, duke argumentuar se ndërhyrja ishte e rrezikshme dhe e dënueshme me përjashtim. Megjithatë, Marciniak vendosi të mos e ndëshkojë me karton të kuq, ndërsa as dhoma e VAR-it nuk rekomandoi rishikim të vendimit.

Incidenti i dytë, sipas algjerianëve, ndodhi në minutën e 74-të, kur Alexis Mac Allister goditi me bërryl në kokë mesfushorin Ibrahim Maza. Edhe në këtë rast nuk u dha karton i kuq, gjë që ka shkaktuar pakënaqësi të madhe në kampin algjerian.

Në letrën drejtuar FIFA-s, Federata Algjeriane kërkon sqarime se përse zyrtarët e VAR-it nuk ndërhynë në asnjërën prej këtyre situatave, duke theksuar se rastet që mund të ndëshkohen me karton të kuq të drejtpërdrejtë duhet të verifikohen detyrimisht nga sistemi VAR.

Algjerianët janë të bindur se përjashtimi i mundshëm i dy futbollistëve argjentinas do të kishte ndikuar ndjeshëm në zhvillimin e ndeshjes dhe tani presin një përgjigje zyrtare nga FIFA lidhur me ankesën e tyre.

Përzgjedhësi i Brazilit, Carlo Ancelotti, ka konfirmuar se Neymar do të jetë i gatshëm për ndeshjen e ardhshme të Kupës së Botës kundër Skocisë, pasi ka lënë pas problemet me lëndimin.

Pas fitores bindëse 3:0 ndaj Haitit, tekniku italian dha lajmin që tifozët brazilianë prisnin me padurim, duke bërë të ditur se ylli i skuadrës është rikuperuar plotësisht.

“Po, Neymar do të jetë gati për ndeshjen kundër Skocisë”, deklaroi Ancelotti.

Sulmuesi brazilian kishte munguar në ndeshjet e fundit për shkak të problemeve fizike, por tashmë është rikthyer në stërvitje dhe do të jetë në dispozicion të ekipit për sfidën e radhës.

Rikthimi i Neymarit vjen në një moment kyç për Brazilin, i cili synon të sigurojë sa më shpejt kualifikimin në fazën e eliminimit direkt të Botërorit. Përvoja, kreativiteti dhe cilësitë e tij në repartin ofensiv pritet t’i japin një shtysë të madhe skuadrës së drejtuar nga Ancelotti.

Me Brazilin që po afrohet drejt sigurimit të një vendi në fazën tjetër të garës, rikthimi i 34-vjeçarit përbën një lajm shumë të mirë për pesë herë kampionët e botës para përballjes së rëndësishme me Skocinë.

Faza e grupeve në Botëror vazhdon me ndeshje mjaft interesante gjatë 20 dhe 21 qershorit. Vëmendja kryesore do të jetë te përballja mes Holandës dhe Suedisë, e cila zhvillohet më 20 qershor në orën 19:00, ndërsa më vonë, në orën 22:00, Gjermania do të sfidojë Bregun e Fildishtë.

Programi vijon në orët e para të 21 qershorit, kur Ekuadori përballet me Kuraçaon në orën 02:00, ndërsa Tunizia do të luajë kundër Japonisë në orën 06:00.

Ndërkohë, ndeshjet e fundit kanë prodhuar rezultate të rëndësishme. Maroku mposhti Skocinë me rezultat minimal 1:0 dhe hodhi një hap të madh drejt fazës së ardhshme. Brazili, nga ana tjetër, tregoi forcën e tij duke triumfuar 3:0 ndaj Haitit.

Lajmi më i hidhur erdhi për Turqinë, e cila u mposht 1:0 nga Paraguaji dhe i dha fund aventurës së saj në këtë Botëror. Humbja rezultoi fatale për turqit, që mbeten jashtë garës për kualifikim në fazën me eliminim direkt.

Me garën që po hyn në fazën vendimtare, çdo pikë dhe çdo ndeshje po merr rëndësi të veçantë në luftën për një vend në raundin tjetër të Botërorit.

Sipas gazetarit italian Gianluca Di Marzio, Real Madrid po planifikon të aktivizojë klauzolën e riblerjes së Nico Paz nga Como 1907, për ta shitur më pas dhe për të maksimizuar fitimin.

Paz nuk bën pjesë në planet e trajnerit Jose Mourinho për sezonin e ardhshëm, ndërsa Real Madridi është i gatshëm të heqë dorë përfundimisht nga të drejtat e tij.

Gjiganti spanjoll raportohet se nuk është i kënaqur me mundësinë që mesfushori argjentinas të kalojë edhe një sezon te Como dhe po ushtron presion mbi klubin italian për të paguar 60 milionë euro për transferimin e tij të përhershëm.

Megjithatë, skuadra e drejtuar nga Cesc Fabregas nuk ka ndërmend të paguajë një shumë kaq të lartë për 21-vjeçarin. Pavarësisht kësaj, palët pritet të vazhdojnë bisedimet javën e ardhshme në kërkim të një zgjidhjeje.

Aktualisht, qëndrimi i Paz te Como duket gjithnjë e më pak i mundshëm, ndërsa Premier League shihet si destinacioni më i mundshëm i radhës për talentin argjentinas.

Me Real Madridin që mban kontroll të plotë mbi të drejtat e tij sportive, Paz ka pak hapësirë për të vendosur vetë mbi të ardhmen e tij.

Klauzola e riblerjes së tij, me vlerë 10 milionë euro, skadon në fund të këtij muaji, ndërsa një shitje e mundshme mund t’i sjellë Real Madridit të paktën 50 milionë euro fitim.