Author: A.M.

Ylli i Kombëtares së Kosovës Edon Zhegrova,nuk do të mund të luaj në ndeshjet e tetorit kundër Sllovenisë dhe Suedisë.

Gazeta italiane Tuttosport raporton se Zhegrova nuk do të grumbullohet me “Dardanët”në tetor,dhe se do të mbetet në Torino për të vazhduar rikuperimin nga lëndimi dhe të rikthehet në formë për ndeshjet e rradhës.

Përndryshe edhe tek FFK-ja po e konsiderojnë që t’i dhurojnë pushim Zhegrovës,në mënyrë që të jetë 100% i gatshëm dhe fizikisht të jetë në formën e lartë.

Kujtojmë që Edon Zhegrova nuk ka qenë i grumbulluar në ndeshjet e tetorit për Kombëtaren e Kosovës në ndeshjet kundër Zvicrës dhe Suedisë.

Mbrojtësi anglez Marc Guehi,ka folur për situatën e dështimit të transferimit të tij tek Liverpool në afatin kalimtar veror.

Guehi thotë se për këtë gjë nuk ka shumë për të thënë,dhe se momentalisht është i koncentruar vetëm tek Crystal Palace.

“Nuk kam shumë për të thënë, për të qenë i sinqertë. Jam i përqendruar të luaj futboll dhe të jap maksimumin për këtë klub. Tifozëve dua t’u them faleminderit për mbështetjen, e ndiej fort”

Përndryshe Guehi deklaron se nuk mendon shumë për këto gjëra,dhe se nuk e ka mendjen tek arritjet personale ,duke marrë parasysh që dëshiron të rritet edhe më shumë në aspektin profesional.

Kujtojmë që Marc Guehi ka kontratë deri në qershor të vitit 2026 me Crystal Palace,që do të thotë se një transferim i lirë tek Liverpool mund të ndodhë verën e ardhshme.

Selektori i Kombëtares së Zvicrës Murat Yakin,ka folur për futbollistin Adrian Bajrami që zgjodhi helvetikët para Kombëtares Shqiptare.

Yakin në një konferncë ka deklaruar se Bajrami dëshironte të luante për Zvicrën,dhe thotë se ishte edhe dëshira e tij për të luajtur me helvetikët.

“Ai ka shtuar se Bajrami ishte shumë i qartë se donte të luante për Zvicrën.Sjellja e tij ishte e qartë dhe ne u bindëm shpejt prej tij”

Përndryshe Yakin shton se Bajrami e meriton një shans për të dëshmuar veten tek Zvicra,dhe beson se me Zvicrën ai mund të arrij shumë në arenën ndërkombëtare.

Kujtojmë që Adrian Bajrami ka qenë i ftuar tek Kombëtarja Shqiptare për ndeshjet e muajit shtator kundër Gjibraltarit dhe Letonisë,por më pas vendosi që të përfaqësojë tek Kombëtarja e Zvicrës  .

Mesfushori shqiptar Granit Xhaka,është bërë një ndër liderët tek skuadra angleze Sunderland.

Paraqitjet e mira tek ekipi i sapoinkuadruar në Premierligë ka bërë që Xhaka të nominohet për lojtarin e muajit shtator,duke hyrë në mesin e emrave si: Haaland, Minteh, Zubimendi, Kamada dhe bashkëlojtari i tij tek Sunderland Roefs.

Përndryshe të premten do të dihet se cili do të jetë fitues i këtij çmimi,dhe do të ishte fantastike nëse Xhaka do ta fitonte epitetin si lojtar i muajit në Premierligën angleze.

Kujtojmë që Granit Xhaka që prej se u transferua tek Sunderland bëri 6 paraqitje,duke arritur të bëjë vetëm 3 asistime.

Kombëtarja e Gjermanisë ka bërë publike listën për ndeshjet kualifikuese të botërorit 2026,ku do të takohen kundër Luksemburgut dhe Irlandës së Veriut.

Selektori Julian Nagelsmann ka ftuar 24 lojtarë në grumbullim,duke përfshirë edhe yjet që luajnë në top skuadrat e mëdha evropiane.

Përndryshe Gjermania nga këto dy ndeshje synon 6 pikë në total,në mënyrë që të mbesë në garë për pozitën e parë në grupin A e cila dërgon direkt në botëror.

Kujtojmë që Gjermania ka 3 pikë në dy ndeshjet e para të kualifikimeve për botëror,ku pësoi nga Sllovakia e më pas shënoi fitore ndaj Irlandës së Veriut.

Mbrojtësi i Barcelonës Jules Kounde,ka folur pas humbjes zhgënyjese ndaj PSG në Ligën e Kampionëve.

Kounde ka deklaruar se kampioni i Evropës e meritoi fitoren,dhe se ishin shumë të fortë fizikisht.

“PSG ishin më të fortë fizikisht. Nuk arritëm të ushtronim presionin që dëshironim, kjo është ajo që na mungoi më së shumti. Duhet të pranojmë se ata zhvilluan një ndeshje shumë të mirë. Jemi të zhgënjyer, por jo të surprizuar”

Përndryshe Kounde shtoi se PSG është një ekip me vetëbesim të plotë,dhe se jo më kot nuk e ka fituar Ligën e Kampionëve edicionin e kaluar.

Kujtojmë që PSG ka dy fitore në dy ndeshjet e fazës së ligës në Champions,duke u renditur në vendin e tretë me 6 pikë të grumbulluara.

Ylli francez Michael Olise është shëndrruar në një nga yjet kryesorë tek gjiganti gjerman Bayern Munich.

Paraqitjet e mira këtë sezon ka bërë që shumë klube të interesohen për shërbimet e Olises,dhe tre klubet angleze Manchester City, Liverpool dhe Chelsea po synojnë që të transferojnë anësorin francez.

Përndryshe tre klubet e lartpërmendura janë të gatshëm që të ofrojnë oferta deri në 100 milionë euro për Olisen,por drejtori sportiv Max Eberl është i bindur se francezi do të mbesë në Allianz Arena dhe se nuk do të dëgjojnë kurrfarë ofertash.

Kujtojmë që Michael Olise ka 5 paraqitje deri më tani këtë sezon për Bayern Munich,duke arritur të shënoj 5 gola e bëri 6 asistime në të gjitha garat

Mesfushori portugez Bernardo Silava,ka folur lidhur për të ardhmen e tij se ku do ta vazhdojë karrierën.

Silva ka deklaruar se mund të largohet nga Manchester City në fund të sezonit,dhe thotë se i takon atij të vendosë për të ardhmen e tij.

“E di saktësisht se çfarë do të bëj, por tani nuk është koha për t’u përqendruar në këtë. Duhet të bëj çmos dhe ta kthej klubin aty ku i takon. Kemi pasur shumë kapitenë që janë larguar, por u takon atyre që kanë më shumë përvojë t’ua kalojnë këtë lojtarëve më të rinj”

Përndryshe Silva ka marrë oferta të shumta nga klube të ndryshme,duke përfshirë këtu gjigantin italian Juventus,si dhe poashtu edhe klube nga Arabia Saudite dëshirojnë shërbimet e portugezit,kurse edhe gjiganti portugez Benfica është duke shqyrtuar mundësitë për një rikthim të 31 vjeçarit .

Kujtojmë që Bernardo Silva ka kontratë me Manchester City-in deri në qershor të vitit 2026,teksa këtë sezon ka bërë vetëm 7 paraqitje në këtë sezon.

Ylli i Liverpool-it Mohammed Salah,ka përjetuar një ndër momentet më të sikletshme në karrierën.

Egjiptiani gjatë përgatitjes për të hyrë në fushë është parë duke mbyllur veshët,duke mos duruar zhurëm që krijonin tifozët e Galatasaray-it në ndeshjen kundër Liverpool-it.

Përndryshe tifozët turq njihen për atmosferën e zjarrtë që krijojnë në ndeshjet e garave evropiane,dhe kjo nuk është hera e parë që një futbollist të mos duroj zhurmat në stadiumet turke,pasi edhe më parë Timo Ëerner në kohën kur luante për RB Leipzig u largua pas 15 minutash në ndeshjen kundër Besiktas-it në vitin 2017.

Kujtojmë që Liverpool pësoi humbje në udhëtim nga Galatasaray me rezultat 1:0,ndeshje e cila i takoi xhiros së dytë të fazës së ligës në Champions League.

Ylli turk Kenan Yildiz është duke shkëlqyer me fanellën e Juventusit këtë sezon.

Shumë klube të ndryshme janë të interesuara për shërbimet e Yildiz,dhe sipas raportimeve klubet nga Premierliga Arsenal,Chelsea dhe Manchester United po e tentojnë me ngulm transferimin e turkut.

Përndryshe Juventus nuk e ka ndërmend që ta vë në shitje 20 vjeçarin,dhe për më tepër edhe një ofertë prej 100 milionë eurosh nuk do të mjaftonte për ta bindur që ta vë në shitje turkun.

Tek “Zonja e Vjetër”Yildiz shihet si një pjesë e projektit afatgjatë,ku në të ardhmen pritet të jetë lider tek bianconerët.

Kujtojmë që Kenan Yildiz në 6 ndeshje ka shënuar 2 gola,teksa ka regjistruar 4 asistime në të gjitha garat për Juventus-in.