Author: A.M.

Ylli italian Federico Chiesa,mund të largohet nga gjiganti anglez Liverpool.

Chiesa nuk po gjen minutazhë tek skuadra e Arne Slot,dhe shumë shpejtë mund të ndodhë një largim i italianit nga Anfield.

Përndryshe edhe pse luajti 8 ndeshje këtë sezon,sa i përket statistikave ka bërë paraqitje mjaft të mira ku madje ishte vendimtar edhe në disa ndeshje.

Megjithëkëtë Chiesa nuk e ka fituar besimin e teknikut holandez,dhe se italiani mund të rikthehet në Serie A apo do të bëjë një lëvizje në ndonjë ligë tjetër në Evropë.

Kujtojmë që Federico Chiesa ka kontratë me Liverpoolin deri në vitin 2028,dhe vlera e tij në tregun e transferimeve llogaritet të jetë rreth 18 milionë euro.

Bundesliga gjermane pritet të sjellë xhiron e 8-të këtë fundjavë.

Kampioni aktual Bayern Munich do të luaj në udhëtim kundër Borussia Monchengladbach,ku bavarezët synojnë fitoren e rradhës në të gjitha garat ndaj skuadrës e cila nuk ka ende fitore në Bundesligë.

Ndërkohë Borussia Dortmund e pret skuadrën e Kolnit,ku verdhëezinjët do të synojnë të iu rikthehen fitoreve pas humbjes në “Der Klassiker”,teksa Kolni të mbetet në garë për një vend në top4-she.

Në ndeshjet e tjera që do të zhvillohen në Gjermani Bayer Leverkusen e pret në shtëpi skuadrën e Freiburgut ku synon të këndellet nga humbja e thellë nga PSG në Ligën e Kampionëve,teksa Eintracht Frankfurt e pret në shtëpi ekipin e pozitës së 14-të në tabelë St.Pauli.

Kjo fundjavë pritet të sjellë xhiron e 8-të në Serien A italiane.

Vëmendja pritet të jetë në dy ndeshje,ku kampioni Napoli e pret nënkampionin Inter kurse Juventus i shkon në udhëtim skuadrës së Lazios.

Në ndeshjen Napoli-Inter kampionët aktualë synojnë që të fitojnë këtë derbi në mënyrë që të vazhdojë të mbetet në hap me Milanin në renditjen tabelare,teksa në anën tjetër neuroazzurët do të tentojnë që të marrin pikët e plota për të mbetur në garë për pozitën e parë.

Në anën tjetër në takimin Lazio-Juventus bianconerët do të tentojnë nga seria e gjatë pa fitore në Serie A,dhe të marrë një fitore e cila e rikthen në garë për top4-she kurse Lazio synon pikë për të mbetur në garë për pozitat e larta.

Në ndeshjte e tjera që do të zhvillohen në Itali Milan do e presë në San Siro skuadrën e Pisas,kurse Roma do të luaj në udhëtim ndaj Sassuolos së Aro Muric.

Kjo fundjavë pritet të sjellë xhiron e 9-të në Premierligën angleze.

Kampioni aktual Liverpool pritet të takohet kundër Brentfordit në udhëtim,ku “The Reds”synojnë t’i japin fund serisë prej 3 ndeshjeve pa fitore,ndërkohë në anën tjetër Brentford synon që të shkaktojë befasi.

Arsenal në anën tjetër do e presë në shtëpi skuadrën e Crystal Palace,ku topçinjët dëshirojnë që me fitore të mbesin edhe më tutje lider në Premiership.

Në ndeshjet e tjera që do të zhvillohen në Angli Manchester City luan në udhëtim kundër Aston Villa,kurse Chelsea në Stamford Bridge e pret Sunderlandin e Granit Xhakës.

Manchester United e pret Brightonin,kurse Newcastle United i bën konak Fulhamit.

Kjo fundjavë pritet të sjellë xhiron e 3-të në Procredit Superligën e Kosovës në basketboll,ku në program pritet të zhvillohen ndeshje mjaft interesante.
Ndeshja kryesore pritet të zhvillohet në palestrën “Minatori”,ku kampioni aktual Trepça e pret skuadrën e Bashkimit.
Mitrovicasit në dy ndeshje kanë nga 1 fitore dhe 1 humbje, dhe në këtë takim synojnë që para publikut të vet të shënojnë fitore.
Në anën tjetër prizrenasit synojnë që të vazhdojnë serinë e fitoreve,dhe të mbesin lider në tabelë.
Takimi Trepça-Bashkimi pritet të zhvillohet të dielën me fillim nga ora 19:00.
Të shtunën dhe të dielën pritet të zhvillohen pritet të zhvillohen edhe tre takime të tjera ,ku Sigal Prishtina i shkon në udhëtim Rahovecit 029 kurse Bora e pret skuadrën e Pejës,teksa të dielën zhvillohet edhe ndeshja ndërmjet Golden Eagle Yllit.

Ylli brazilian Neymar,mund të largohet nga gjiganti i mirënjohur Santos.

Sipas raportimeve të mediave Neymar mund të kalojë në MLS tek Inter Miami,që do të thotë se mund të ribashkohet me yje si Lionel Messi dhe Luis Suarez.

Përndryshe Neymar kishte shprehur dëshirën që një ditë të rikthehet në Evropë,edhe pse deri më tani nuk ka pasur interesim nga klubet e ndryshme evropiane.

Ndërkohë në anën tjetër Kupa e Botës vetëm po afrohet,dhe Neymar dëshiron të tregojë se e meriton një vend në Kombëtaren e Brazilit,teksa mbetet të shihet se nëse do të rikthehtet në elitën e futbollit evropian apo do të kalojë në MLS.

Kujtojmë që Neymar ka kontratë deri më 31 dhjetor të këtij viti,teksa skuadra e tij Santos aktualisht po lufton për mbijetesë në kampionatin brazilian.

Sulmuesi brazilian Endrick,duket se është gjithnjë e më larg klubit mbretëror spanjoll Real Madrid.

Sipas raportimeve Real Sociedad po monitoron situatën e 19 vjeçarit,dhe synon që të marrë në formë huazimi Endrickun.

Përndryshe interesim për brazilianin kanë shprehur interesim edhe shumë klube në Evropë,duke përfshirë këtu klube si: Olympique Marseille, Manchester United, Newcastle  United, Brighton, Aston Villa, West Ham United, Juventus dhe Valencia.

Ndërkohë që një huazim tek ekipi bask është gjithnjë i mundur,duke marrë parasysh që drejtuesit e klubit bask kanë marrëdhënie të mira me Real Sociedadin,ku më parë janë huazuar lojtarë si: Martin Odegaard, Alvaro Odriozola, Asier Illarramendi dhe Takefusa Kubo.

Kujtojmë që Endrick ka kontratë me Real Madridin deri në vitin 2030,dhe në tregun e transferimeve braziliani vlen deri në 35 milionë euro.

Sulmuesi polak Robert Lewandovski,tashmë ka hyrë në vitin e fundit të kontratës me Barcelonën.

Kjo do t’i vë në lëvizje shumë klube të mëdha,të cilët dëshirojnë të transferojnë polakun verën e ardhshme.

Përndryshe tre klube të mëdha si Al Nassr, Atletico Madrid dhe AC Milan janë të interesuara për shërbimet e 37 vjeçarit,duke marrë parasysh faktin se klubet në fjalë dëshirojnë një sulmues me përvojë.

Kujtojmë që Robert Lewandovski në 9 ndeshje të zhvilluara për Barcelonën ka shënuar 4 gola në të gjitha garat.

Gjiganti italian Juventus po kalon momente të vështira këtë sezon.

Bianconerët pësuan si mysafir tek Real Madrid në Ligën e Kampionëve me rezultat 1:0,duke e dërguar në 7 numrin e ndeshjeve pa fitore të Juves në të gjitha që prej 16 vitesh.

Përndryshe kjo seri e dobët nisi qysh në ndeshjen kundër Borussia Dortmund,duke vazhduar me 4 barazime të tjera kundër Veronës,Atalantës,Villarealit,Milanit,si dhe dy humbjet kundër Comos dhe Real Madridit.

Natyrisht se këto rezultate mund të vendosin fatin e trajnerit Igor Tudor,i cili nëse vazhdon me këtë seri atëherë shkarkimi është shumë afër.

Kujtojmë që Juventus ndeshjen e rradhës e ka në Serie A,ku në xhiron e 8-të i shkon në udhëtim Lazios.

Federata Sllovene e Futbollit ka njoftuar se biletat për ndeshjen Slloveni-Kosovë janë shitur.

Sipas një njoftimi të bërë Federata Sllovene ka bërë të ditur se më pak se për një muaj,dhe se asnjë biletë më nuk ka mbetur asnjë në dispozicion.

Përndryshe më tutje Federata Sllovene njoftoi se hyrja e tifozëve duhet të jetë me simbole dhe flamuj sllovenë,teksa përjashtim bën tribuna ku do të vendosen tifozët dardanë.

Kujtojmë që ndeshja Slloveni-Kosovë pritet të zhvillohet më 15 tetor,ndeshje e vlefshme për kualifikimet e botërorit të vitit 2026 në grupin B.