Author: A.M.

Ka ndërruar jetë ish-basketbollisti i Golden Eagle Yllit dhe njëherësh ish-anëtari i bordit të FBK-së Arben Fondaj.

Klubi nga Suhareka ka njoftuar vdekjen e Fondaj nëpërmjet një komunikate zyrtare,duke e kujtuar si një ndër njerëzit që ndihmoi në zhvillimin e klubit.

“Arbeni do të kujtohet gjithmonë për kontributin e tij të çmuar në zhvillimin e klubit tonë dhe për dashurinë e sinqertë që kishte ndaj basketbollit dhe qytetit të Suharekës.”

Përndryshe në fund KB Golden Ylli në fund shprehu ngushëllime për familjarët e Fondajt,dhe njëkohëshit edhe të gjithë tifozëve ,klubit, lojtarëve dhe stafit.

Sulmuesi portugez Rafael Leao,mund të vazhdojë karrierën në Premierligën angleze.

Mediat në Angli raportojnë se Leao është vënë në radarin e gjigantit anglez Manchester United,dhe thuhet se janë të gatshëm që të paguajnë rreth 100 milionë për sulmuesin e Milianit.

Përndryshe Milan po mendojnë që ta lënë të lirë Leaon,por me vetëm një kusht që të kenë një balance për largimet e futbollistëve në mënyrë që të konkurrojnë me klube të tjera.

Mbetet se nëse portugezi do të largohet në drejtim të “Old Trafford”,apo do të mbesë në San Siro përtej këtij sezoni.

Kujtojmë që Rafael Leao në 5 ndeshjet e fundit ka arritur të shënoj 4 gola për Milanin në të gjitha garat.

Sulmuesi argjentinas Julian Alvarez,mund të mbetet tek klubi madrilen Atletico Madrid.

Argjentinasi është përmendur kohëve të fundit për një kalim tek Barcelona,i cili është përmendur si zëvendësues i Robert Lewandosvkit në sezonin e ri.

Përndryshe këto lajme janë hedhur poshtë nga agjenti i Alvarez Fernando Hidalgo,duke thënë se këto janë vetëm hipoteza imagjinative.

“Asgjë që po shkruhet nuk është e vërtetë. Ato janë vetëm hipoteza imagjinative për momentin”

Kujtojmë që Julian Alvarez ka shënuar 7 gola në 11 paraqitje për Atletico Madridin në të gjitha garat,si dhe duke përfshirë këtu edhe 3 asistime

Portieri i Kombëtares së Kosovës Visar Bekaj,ka treguar paraqitje të mira me skuadrën e Hatayspor në ligën e parë të Turqisë.

Në ndeshjen kundër Sivasspor Bekaj ishte më meritori në barazimin 1:1,ku madje priti penalltinë e Daniel Avramovski në minutën e 83-të.

Natyrisht se këto paraqitje mund të japin motiv për Bekajn,i cili potencialisht mund të jetë titullar për ndeshjen e Kombëtares së Kosovës kundër Sllovenisë,kjo për faktin se Aro Muric nuk do të luaj për shkak të suspendimit.

Kujtojmë që Visar Bekaj deri më tani ka bërë 11 paraqitje,duke zhvilluar gjithsej 990 minuta në total.

Mesfushori Khephren Thuram,është një prej futbollistëve kyç të gjigantit italian Juventus.
Paraqitjet e mira me “Zonjën e Vjetër”kanë bërë që shumë klube në Evropë të shprehin interesim për francezin,dhe për këtë gjë janë të vetëdijshëm për këtë gjë.
Përndryshe gjiganti anglez Liverpool ka hyrë në garë për shërbimet e Thuram,dhe për të transferuar 24 vjeçarin duhet ta mposhtë Real Madridin e cila ka kohë që po e monitoron francezin.
Ndërkohë tek Juventus nuk e kanë ndërmend ta vë në shtije Thuramin,por mund ta lë të lirë vetëm nëse vije një ofertë e përshtatshme që i plotëson kriteret që kërkon “Zonja e Vjetër”.
Kujtojmë që Khephren Thuram në 13 ndeshje për Juven këtë sezon ka arritur të shënoj 1 gol e bëri 3 asistime,teksa vlera e tij në tregun e transferimeve arrin deri në 40 milionë euro

Los Angeles Lakers ka arritur të shënoj fitore në shtëpi kundër Minnesota Timberëolves,duke mundur me rezultat 128-110.

Ndër basketbollistët më të dalluar ishte ylli slloven Luka Doncic,i cili arriti të shënoj 49 pikë në këtë ndeshje duke shtuar këtu 11 kërcime e 8 asistime.

Përndryshe Doncic shkroi histori në NBA,duke u bërë lojtari i parë që në sy ndeshje rradhazi arrin të shënoj 40 pikë,10 kërcime e 5 asistime,ku konfirmon edhe njëherë formën e lartë që po e kalon slloveni.

Kujtojmë që Los Angeles Lakers ndeshjen e rradhës në NBA e zhvillon kundër Sacramento Kings të martën në orën e 2 të mëngjesit sipas kohës lokale.

Milan nuk ka arritur më shumë se një barazim ndaj Pisas me rezultat 2:2,në kuadër të xhiros së 8-të në Serie A.

Rossonerët e nisë mirë ndeshjen ku në minutën e 7-të Rafael Leao shënoi për 1:0,dhe më epërsinë e Milanit përfundoi pjesa e parë.

Në pjesën e dytë mysafirët u hodhën në sulm për të barazuar,dhe këtë e arritën në  minutën e 60-të Juan Cuadrado shënoi nga penalltia për 1:1.

Në minutën e 86-të M’Bala Nzola kaloi në epërsi Pusan në 2:1,por Milan barazoi në minutat shtesë përmes Athekames në 2:2.

Krejt në fund Saelemakers lëshoi mundësinë për të shënuar golin e futures,dhe kështu Milan nuk nxjerrë më shumë se një pikë ndaj Pisa’s.

Kombëtarja e Kosovës në konkurrencën e femrave pësuan humbje nga Turqia me rezultat 0:4,në kuadër të play-off-it të Ligës B së Ligës së Kombeve.

Pjesa e parë u dominos nga vashat turke ku shënuan 3 gola,dhe qysh pas 4 minutave Kader Hancer shënoi për 1:0 teksa 6 minuta më vonë e njëjta realizoi për 2:0,kurse në minutën e 23 Melike Pekel shënoi për 3:0.

Në pjesën e dytë Turqia shënoi edhe golin e katërt,ku Busem Şeker vulosi fitoren e kësaj kombëtarjeje në 4:0.

Kujtojmë që ndeshja e kthimit në mes dy ekipeve zhvillohet më 28 tetor në Izmir

Intelegjenca Artificiale ka bërë parashikimin se kush do ta fitoj titullin e La Ligës në fund të sezonit.

Sipas analizës së bërë Real Madrid pritet të jetë kampion i Spanjës me 84.87 pikë të mundshme ,dhe atë me gjasa prej 57.44 për qind gjasa.

Përndryshe Barcelona ka ka 81.96 pikë të pritshme dhe vetëm 37.44 për qind mundësi që në fund të sezonit të shpallet kampion,për dallim nga sezoni i kaluar ku katalunasit fituan titullin.

Natyrisht se këto parashikime vijnë para El Classicos të së dielës,ku Real Madrid e pret në “Santiago Bernabeu”rivalin e përbetuar me fillim nga ora 16:15.

Një nga tifozët e klubit Bashkimi nga Prizreni është dënuar me 10 ditë burgim në Mal të Zi, pas incidentit të ndodhur në qytetin Herceg Novi, ku policia ndaloi autobusin e tifozëve të njohur si “Arpagjikët”. Arsyeja e ndalimit, sipas mediave malazeze, ishte një grafiti me mbishkrimin “UÇK”, që autoritetet malazeze e konsideruan shkelje të ligjit për simbole publike.

Sipas raportimeve të mediumeve “Vijesti” dhe “RTHN”, ngjarja ka ndodhur të enjten në mbrëmje, gjatë kthimit të tifozëve nga Italia, ku Bashkimi kishte zhvilluar ndeshjen e dytë në FIBA Europe Cup kundër skuadrës italiane Pallacanestro Reggiana. Dy tifozë u shoqëruan në stacionin policor të Herceg Novit, ndërsa njëri prej tyre u dënua me burgim të shkurtër nga gjykata lokale.

Pas këtij rasti ka reaguar fuqishëm klubi prizrenas Bashkimi, i cili e ka quajtur ndalimin të padrejtë dhe të papranueshëm, duke kërkuar lirimin e menjëhershëm të tifozëve.
Në reagimin e klubit thuhet se “Arpagjikët nuk kanë kryer asnjë krim dhe po mbahen pa arsye”, ndërsa i është bërë thirrje ambasadës së Kosovës në Mal të Zi që të angazhohet për mbrojtjen e qytetarëve të Kosovës dhe kthimin e tyre të sigurt në vend.

Ndërkohë, edhe tifogrupi “Arpagjikët” ka reaguar në rrjete sociale. Ata kanë njoftuar se tifozët janë liruar dhe po vazhdojnë rrugën për në Prizren, ndërsa kanë theksuar se tri shkronjat “UÇK” janë simbol i lirisë dhe krenarisë kombëtare shqiptare.
Në reagimin e tyre thuhet se: “UÇK-ja është dhe do të mbetet krenaria më e madhe jonë. Para se të shkruhet në mure, tri shkronjat e arta janë të skalitura në zemrat tona.”

Megjithë reagimet e shumta nga klubi dhe tifozët, Federata e Basketbollit e Kosovës (FBK) deri tani nuk ka dhënë asnjë reagim zyrtar lidhur me këtë rast që ka ngjallur shqetësim në opinionin sportiv dhe qytetar.