Author: A.M.

Sulmuesi francez Karim Benzema po kërkon largimin nga ekipi saudit Al Ittihad,kjo pasi prishi marrëdhëniet me drejtuesit e klubit.

Klube të ndryshme në Evropë dhe MLS i janë ofruar Benzemas ,dhe gjiganti turk Besiktas synon transferimin e fituesit të “Topit të Artë”.

Përnryshe sulmuesi francez nuk dëshiron që të nënshkruajë kontratën e re me Al Ittihad,dhe kjo ka bërë që francezi të synoj largimin nga Arabia Saudite.

Megjithatë Benzema për të realizuar transferimin tek Besiktas po kërkon një pagë prej rreth 20 milionë euro,shumë e cila mund të çoj në dështimin e transferimit të francezit në Turqi.

Kujtojmë që Karim Benzema këtë sezon ka shënuar 12 gola në 19 ndeshje këtë sezon për Al Ittihad.

Gjiganti londinez Arsenal po synon të bëjë një skuadër edhe më të fortë për sezonet e ardhshme.

Londinezët tani tentojnë që ta sigurojnë shërbimet e sulmuesit argjentinas Julian Alvarez,dhe për këtë jantë gatshëm që të vënë në shitje dy lojtarë si: Gabriel Martinelli dhe Gabriel Jesus.

Përndryshe kjo po shihet si një strategji nga Arsenal,në mënyrë që të mos shpenzojë më shumë para për një sulmues i cili kërkohet nga shumë klube në Evropë.

Ndërkohë mbetet të shihet se nëse ky shkëmbim mund të realizohet apo jo,marrë parasysh që të dy lojtarët konsiderohen si pjesë të rëndësishme të skuadrës.

Kujtojmë që Julian Alvarez në 29 ndeshje ka realizuar 11 gola e bëri 3 asistime në të gjitha garat këtë sezon për Atletico Madridin.

Gjiganti katalunas Barcelona dëshiron që të mbajë yllin spanjoll Pedri për shumë sezone.

Klubi anglez Manchester City ka paraqitur një ofertë prej 200 milionë euro për Pedrin,por drejtuesit blaugranas e kanë refuzuar këtë ofertë duke e konsideruar si të pashitshëm 24 vjeçarin.

Përndryshe City e sheh si njeriun ideal për të forcuar repartin e mesfushës,megjithatë trajneri Hansi Flick e konsideron Pedrin si një prej emrave që mund të jetë pjesë e projektit sportiv të Barcelonës në sezonet e ardhshme.

Ndërkohë në anën tjetër nëse kjo ofertë e City-it do të pranohej,atëherë do të ishte e rëndësishme për Barcelonën për shkak të situatës financiare që gjendet klubi.

Kujtojmë që Pedri ka një klauzolë lirimi prej 1 miliardë euro tek Barcelona,kurse kontrata e tij me katalunasit deri në vitin 2030.

Tenistja bjelloruse Elena Rybakina ka fituar finalen e Australian Open,duke mundur në finale tenisten numër 1 në botë kazaken Aryna Sabalenka 2:1 në sete 6-4,4-6 dhe 6-4.

Rybakina fitoi setin e parë duke qenë më e mirë se kazakja,por në setin e dytë Sabalenka u tregua më e fortë duke siguruar një epërsi pre 3-0 në setin vendimtar.

Megjithatë në setin e fundit Rybakina fitoi 5 duele me rradhë,dhe në fund mundi Sabalenkan ku i është hakmarrur për finalen e humbur para 3 viteve.

Kujtojmë që Elena Rybankina fitoi grandslamin e dytë të pas asaj të US open në vitin 2019.

Janë zhvilluar ndeshje interesante në ligën më të fortë të basketbollit në botë NBA.

Denver Nuggets shënoi fitore në shtëpi kundër Los Angeles Clippers me rezultat 122:109.

Nikola Jokic me 31 pikë e 12 kërcime ishte më efikasi te Nuggets,teksa Peyton Ëatson me 21 pikë dhe Jamal Murray me 20 të tjera kontribuan në fitoren e kësaj skuadre.

Në anën tjetër tek Clippers James Harden me 25 pikë e 9 kërcime,dhe Kaëhi Leonard me 21 pikë e 6 asistime ishin më të mirët,por këto shifra ishin të pamjaftueshme për të shmangur humbjen.

Në ndeshjen tjetër Detroit Pistons mundi në udhëtim skuadrën e Golden States Ëarriors me rezultat 131:124.

Cade Cunnigham me 29 pikë e 11 asistime si dhe Jalen Duran me 21 pikë e 13 kërcime ishin të mirët për Pistons,kurse tek Ëarriors Stephen Curry me 23 pikë dhe De’Anthony Melton me 18 pikë e 5 kërcime ishin basketbollistët më efikas.

Shtëpia evropiane e futbollit UEFA ka bërë disa ndryshime për skuadrat që janë kualifikuar për fazën tjetër të Ligës së Kampionëve.

Ekipet që janë renditur në vend të parë dhe të dytë do t’i zhvillojnë ndeshjet e kthimit në shtëpi,teksa ekipet e vendit të tretë dhe të katërt do të kenë këtë përparësi në 1/8 e finales dhe në çerekfinale.

Por gazeta spanjolle AS bën të ditur se një skuadër që është e pozicionuar disa vende më poshtë eliminon skuadrën e vendit të dytë në pjesën e mbetur të Champions mund të luaj ndeshjen e kthimit si vendas,dhe kjo është e paraparë edhe në seksionin 9.04 të Rregullores së Ligës së Kampionëve të UEFA-së.

Kujtojmë që në top 8shen e Ligës së Kampionëve u kualfikuan skuadra si: Arsenal, Bayern Munich, Liverpool, Tottenham, Barcelona, Chelsea, Sporting Lisbona dhe Manchester City,teksa ekipe të tjera përfunduan në pozitat 9 deri në 24.

Sulmuesi i Kombëtares së Kosovës Vedat Muriqi është shpallur lojtar i muajit në La Ligën spanjolle.

Muaji janar ishte fantastik për reprezentuesin dardan,ku në 5 ndeshje shënoi 4 gola përfshirë ketu edhe hattrickun kundër Athletic Bilbaos.

Përndryshe Muriqi për të fituar këtë çmim mposhti lojtarë të ndryshëm të ekipeve në La Liga,dhe natyrisht se kjo është krenari për të gjithë shqiptarët ku një lojtar nga Kosova fiton epitetin e lojtarit më të mirë.

Kujtojmë që Vedat Muriqi është golashënuesi i dytë më i mirë në LaLiga me 14 gola pas Kylian Mbappes,teksa la mbrapa emra si:Ferran Torres,Robert Leëandovski dhe Lamine Yamal.

Sulmuesi kosovar Emir Sahiti është transferuar në formë huazimi tek ekipi izraelit Maccabi Tel Aviv.

Sahiti pritet të jetë në huazim deri në fund të sezonit tek ekipi izraelit,ku këta të fundit arritën marrëveshje me klubin gjerman Hamburg ku përfshihet edhe opsioni i blerjes nga Maccabi Tel Aviv.

Përndryshe Sahiti u prononcua për herë të parë si lojtar i Maccabi Tel Aviv,duke deklaruar se është i lumtur që ka ndërmarrë një hap të tillë.

“Jam shumë i lumtur dhe emocionuar që i bashkohem Maccabi Tel Aviv, klub me histori të pastër dhe tifozë të devotshëm. Nga bisedat e para, e ndjeva vizionin e klubit dhe e dija që ishte hapi i duhur”

Kujtojmë që Emir Sahiti deri më tani pati 5 për ekipin gjerman Hamburg këtë sezon,por nuk arriti të shënonte të paktën një gol ose të dhuronte një asistim.

Sulmuesi brazilian Vitor Roque ishte transferuar para dy viteve tek gjiganti katalunas,dhe atë me bujë shumë të madhe duke u konsideruar si një prej sulmuesve të së ardhmes në futbollin botëror.

Megjithatë Roque nuk arriti që të ambientohet me ekipin katalunas,duke bërë që të huazohet tek Real Betis por as aty nuk arriti që të bënte diçka.

Përndryshe për situatën e 20 vjeçarit ka folur edhe drejtori sportiv i Barcelonës Deco,i cili tregoi arsyet pse Roque dështoi tek blaugranasit.

“Nga pikëpamja e cilësisë, nuk mendoj se kemi bërë një gabim. Plani ynë ishte të nënshkruanim me një pasardhës të ardhshëm të Robert Lewandoëskit. Vitor Roque ishte zgjedhja perfekte, por u detyruam ta sillnim në janar, shumë më herët sesa ishte planifikuar fillimisht”.

Kujtojmë që Vitor Roque është rikthyer në Brazil tek Palmeiras,ku në 4 ndeshje ka shënuar vetëm 1 gol.

Drejtori i Juventusit Giorgio Chiellini ka dhënë një paralajmërim të fortë për bianocerët pas hedhjes së shortit të fazës së play-off-it në Ligën e Kampionëve.

Chiellini thotë se Galatasaray është një kundërshtar tejet i fortë,por thotë se Juve do të mundohet të luaj lojën e vet dhe të siguroj kalimin tutje.

“Është një skuadër e fortë, me individë të shkëlqyer, lojtarë vërtet shumë të mirë. Ndeshjen e dytë do ta luajmë në shtëpi, kështu që gjithçka nuk përfundon në Stamboll.Por duhet të shkojmë në atë stadium dhe të luajmë lojën tonë, të nxjerrim në pah dobësitë e tyre që i kanë, por njëkohësisht të kufizojmë potencialin e madh dhe cilësinë individuale që ata kanë, jo vetëm në sulm”

Tutje Chiellin shton se sulmuesi i ekipit turk Victor Osimhen është një futbollist i kualitetit të lartë,dhe se vetë si mbrojtës nuk do të mund ta markonte aq lehtë nigerianin.

Kujtojmë që ndeshja e parë mes Galatasaray-it dhe Juventusit në fazën e play-off-it të Champions zhvillohet më 17 shkurt në RAMS Park,teksa ajo e kthimit më 24 shkurt në Allianz Stadium.