Author: A.M.

Skuadra e Dukagjinit ka siguruar kalimin në çerekfinale të Kupës së Kosovës,duke eliminuar Prishtinën e Re me rezultat minimal 1:0.

Pjesa e parë nuk solli gola përkundër rasteve të krijuara,duke bërë që 45 minutave të parë të përfundojë pa gola 0:0.

Në pjesën e dytë vendasit ishin më konkretë në raste,dhe në minutën e 58-të Albert Berisha shënoi për epërsinë e Dukagjinit në 1:0.

Deri në fund të ndeshjes mysafirët u munduan të gjenin golin që ta dërgonte ndeshjen në vazhdime,por në fund vendasit festuan kalimin në çerekfinale të Kupës ku do të presin kundërshtarin nga shorti që do të hidhet pas disa ditësh.

Kujtojmë që dje kalimin në çerekfinale të Kupës së Kosovës e siguruan Llapi dhe Ferizaj.

Gjiganti italian Inter synon transferimin e një portieri i cili pritet të jetë pasardhësi i Yann Sommer në portën e neuroazzurëve.

E përditshmja italiane “Gazzetta dello Sport”bënë të ditur se Gugliemo Vicario është vënë në radarin e gjigantit italian,dhe pritet që të përgatis një ofertë në drejtim të klubit londinez Tottenham Hotspur për shërbimet e gardianit italian.

Përndryshe Vicario vetë ka shprehur dëshirën që të rikthehet në elitën e futbollit italian,edhe pse është tejet i kënaqur në Premierligën angleze tek Spurs.

Në anën tjetër interesim për Vicarion ka shprehur edhe gjiganti tjetër italian Juventus,ndërkohë që Tottenham për ta lënë të lirë po kërkon rreth 25 milionë euro shumë kjo e përballueshme si për Interin ashtu edhe Juventusin.

Kujtojmë që Gugliemo Vicario ka kontratë me Tottenhamin deri në qershor të vitit 2028.

Trajneri i Barcelonës Hansi Flick ka dhënë deklarata për problemet me të cilat po përballet skuadra me lojtarët të cilët kanë probleme fizike.

Në konferencën për shtyp para ndeshjes gjysmëfinale të Kupës së Mbretit kundër Atletico Madrid-it ,Flick ka përmendur mungesat e Rashord dhe Raphinas por nuk përmendi se kush mund t’I zëvendësojë ata.

“Duhet të kujdesemi për Rafinjan, sepse jep gjithmonë gjithçka. Nuk jam i lumtur me këtë situatë sepse na duhet, ashtu si na duhen Gavi dhe Markus… Megjithatë, këto gjëra ndodhin gjatë sezonit dhe ne po i menaxhojmë”

Përndryshe Flick u përgjigj edhe në pyetjen se nëse ka të bëjë kjo edhe me anën psikologjike,duke thënë se lojtarët duhet të kenë kujdes për anën fizike.

Kujtojmë që Barcelona do të takohet kundër Atletico Madrid-it të ejnten në gjysmëfinalen e parë të Kupës së Mbretit.

Ylli egjiptian Mohamed Salah mund të largohet nga gjiganti anglez Liverpool gjatë verës.

Mediumi “Financial Times”bën të ditur se Liga Profesioniste e Arabisë Saudite po bën presion për transferimin e Salah,teksa agjenti i egjiptianit ka nisur bisedime me Al Ittihad për një marrëveshje.

Përndryshe Al Ittihad po synon që të transferojë një lojtar në repartin ofanziv,dhe Salah është një nga ata që mund të jetë pjesë e projektit për sezonin e ri.

Në anën tjetër Liverpool gjendet para një situate që me një largim të Salah të përfitojë nga ana financiare,teksa rinovimi i kontratës nuk gjendet fare në horizont.

Kujtojmë që Mohamed Salah ka kontratë me gjigantin anglez Liverpool deri në qershor të vitit 2027.

Janë zhvilluar ndeshje tejet interesante në ligën më të fortë të basketbollit në botë NBA.

Los Angeles Lakers ka pësuar humbje të thellë në shtëpi ndaj San Antonio Spurs me rezultat 136:108.

Victor Ëembanyama me 40 pikë e 12 kërcime ishte basketbollisti që kontribuoi në fitoren e Spurs,duke regjistruar performancën më të mirë personale këtë sezon.

Ndërkohë tek Lakers Luke Kennard dhe Dreë Timme shënuan 14 pikë dhe Jaxson Hayes me 13 pikë të tjera,ku në këtë takim vërejt mungesa e Luka Doncic dhe Lebron James.

Në ndeshjen tjetër Houston Rockets mposhti para publikut mundi Los Angeles Clippers me rezultat 102:95.

Kevin Durant me 26 pikë dhe Alperen Sengun me 22 pikë të tjera ishin më të mirët për Rockets,teksa Jabari Smith Jr kontribuoi me 10 kërcime në këtë ndeshje.

Në anën tjetër tek Clippers Kaëhi Leonard me 24 pikë e 8 kërcime ishte basketbollisti më efikas,por këto shifra ishin të pamjaftueshme për të shmangur humbjen.

Mesfushori Valon Berisha është bërë me skuadër të re në afatin kalimtar të janarit.

Berisha ka bërë zyrtare transferimin tek gjiganti zvicran Zurich,duke nënshkruar kontratë deri në fund të sezonit me opsion edhe një vit tjetër.

Përndryshe Berisha deri më tani ishte pjesë e skuadrës austriake LASK Linz,por gjatë fillimit të këtij sezoni nuk pati minutazhë të mjaftueshme duke bërë që ish-reprezentuesi i Kombëtares së Kosovës gjatë gjithë kohës.

Në anën tjetër FC Zurich e konfirmoi transferimin e Valon Berishës në rrjetet socilae,duke i uruar mirëseardhje në skuadër dhe i uruan shumë suksese.

Kujtojmë që Valon Berisha për LASK Linz këtë sezon ka bërë vetëm 10 paraqitje.

SC Gjilani ka bërë goditje në ditën e fundit të afatit kalimtar në futbollin vendor.

Klubi gjilanas ka zyrtarizuar huazimin e Hamdi Namanit nga FC Prishtina,dhe mesfushori pritet të qëndrojë tek skuadra e Debatik Currit deri në fund të sezonit.

Përndryshe kjo marrëveshje është konfirmuar edhe nga vetë klubi kryeqytetas,dhe Namani pritet që të jetë një ndër emrat që mund të kontribuojë tek SC Gjilani në arritjen e objektivit për një vend në garat evropiane.

Kujtojmë që Hamdi Namani ka bërë 21 paraqitje për FC Prishtinën këtë sezon,ku arriti të shënoj 3 gola e bëri 1 asistim

Sulmuesi anglez Harry Kane nuk e ka të qartë të ardhmen e tij tek gjiganti gjerman Bayern Munich.

Drejtuesit bavarezë synonjnë që të arrijnë marrëveshje të re me Kane,por tani kanë dalur zëra se anglezi mund të transferohet në Arabinë Saudite.

Mediumi gjerman Kicker bën të ditur se Kane është vënë në radarin e klubeve saudite,të cilët po synojnë të përgatisin një ofertë marramendëse për sulmuesin për transferim në ligën saudite.

Në anën tjetër Kane ka theksuar se është mjaft i lumtur në Allianz Arena,dhe mendon që në fund të sezonit të fitojë të gjitha trofetë me bavarezët.

Kujtojmë që Harry Kane ka kontratë me Bayern Munich deri në qershor të vitit 2027.

Skuadra e Ferizajt ka siguruar kalimin në çerekfinale të Kupës së Kosovës,ku eliminoi Drenicën pas ekzekutimit të penalltive,teksa koha e rregullt përfundoi 0:0.

Pjesa e parë dhe e dytë solli raste të shumta për shënim,por të dyja ekipet nuk arritën të tundnin rrjetat e njëra-tjetrës dhe ndeshja shkoi në dy herë nga 15 minuta.

Edhe gjatë vazhdimeve si Ferizaj ashtu edhe Drenica nuk mundën të gjenin golin që do ta dërgonte njërën skuadër në fazën tjetër,dhe kështu fituesi është vendosur në ekzekutimin e penalltive.

Më konkretë në gjuatjen e tyre ishin futbollistët e Ferizajt të cilët fituan me rezultat 4:3,dhe kështu Ferizaj u kualifikua në fazën çerekfinale.

Skuadra e Llapi ka arritur të eliminojë skuadrën e Dritës në 1/8 e finales së Kupës së Kosovës,duke e munduar me rezultat 2:1 dhe sigguroi kalimin në çerekfinale.

Pjesa e parë u dominua nga mysafirët të cilët kaluan në epërsi përmes Arbnor Ramadanit në 1:0,dhe me epërsinë e ekipit të Tahir Batatinës përfunduan 45 minutat e parë.

Në pjesën e dytë llapjanët arritën të shënonin edhe golin e dytë,ku Muhamet Hyseni u gjend bukur në zonë dhe realizoi për 2:0.

Drita në anën tjetër arriti të ngushtojë epërsinë përmes Besnik Krasniqit në 1:2,por kjo ishte e tëra çfarë bëri ekipi gjilanas në këtë ndeshje dhe në fund Llapi siguroi kalimin në çerekfinale të Kupës së Kosovës.