Author: A.M.

Drita ka shkruar një kapitull të ri në historinë e futbollit kosovar këtë sezon. Kampionët e Kosovës e kaluan çdo pritshmëri, duke arritur deri në fazën e grupeve të UEFA Conference League, një realizim që asnjë klub tjetër nga Kosova nuk e kishte arritur më parë.

Aventurën e tyre evropiane e nisën në Champions League, ku Drita bëri histori duke kaluar në raundin e dytë – një arritje që i dha shumë emocion tifozëve dhe e nguli emrin e klubit në arenën ndërkombëtare. Megjithatë, pas eliminimit nga kjo fazë, ata u drejtuan në UEFA Conference League, ku përballë Differdange e patën një sfidë të lehtë, duke fituar në të dy ndeshjet dhe siguruar një vend në fazën e grupeve.

Në fazën e grupeve, Drita tregoi karakter të fortë, duke grumbulluar tetë pikë nga gjashtë ndeshje dhe duke bërë historinë si klubi i parë kosovar që arrin kaq larg. Ky sukses i dha mundësinë për të kaluar në fazën e play-off-it, ku u ndalën nga Celja, me dy humbje të ngushta. Pavarësisht këtij eliminimi, Drita tregoi se mund të konkurrojë me ekipet më të mëdha të Evropës.

Përveç suksesit sportiv, Drita ka arritur të sigurojë mbi 6 milionë euro nga këto ndeshje, një shumë e konsiderueshme që do t’i shërbejë për të përforcuar klubin dhe për të investuar në zhvillimin e tij. Ky sukses ka rritur edhe më shumë rëndësinë e klubit në futbollin kosovar, duke e konsoliduar pozicionin e tij si lider në vend.

Aktualisht, Drita është në krye të Superligës, një pikë përpara rivalëve të Ballkanit dhe Prishtinës, dhe po synon të mbrojë titullin kampion. Pas një sezoni të jashtëzakonshëm, shpresat për të përsëritur aventurën evropiane janë të larta, dhe me këtë mentalitet fitues, Drita po shkruan historinë dhe po e çon futbollin kosovar më lart çdo ditë.

Kjo fundjavë pritet të sjellë xhiron e 22-të në Albi Mall Superligën e Kosovës,ku në program pritet të ketë ndeshje tejet interesante.

Vëmendja pritet të jetë të dielën në stadiumin “Fadil Vokrri”në Prishtinë,ku Prishtina e pret kampionin aktual Drita në derbin e kësaj fundjave në eliten e futbollit vendor.

Kryeqytetasit synojnë të këndellen nga humbja në xhiron e kaluar kundër Gjilanit,dhe synojnë që në derbi kundër kampionëve të Kosovës të marrin 3 pikë dhe të ngriten në tabelë.

Në anën tjetër Drita do të mundohet që ta harroj eliminimin nga Celje në Conference League,dhe ndaj Prishtinës synon fitore dhe të mbetet edhe më tutje lider në tabelë.

Në dy ndeshjet e zhvilluara deri më tani këtë sezon Drita ka fituar një takim,teksa të dyja ekipet barazuan në fillim të sezonit.

Ndeshja derbi Prishtina-Drita pritet të nis nga ora 20:00.

Të shtunën pritet të zhvillohet një takim ku Prishtina e Re e pret skuadrën e Llapit,në ndeshjen e skuadrave që luajnë për mbijetesë në Albi Mall Superligë.

Të dielën pritet të zhvillohen  edhe tre takime të tjera ku Ballkani e pret Drenicën,teksa në anën tjetër Ferizaj i shkon në udhëtim Dukagjinit si dhe Gjilani i bën konak Malishevës.

Kujtojmë që të gjitha ndeshjet përpos Prishtina-Drita pritet të zhvillohen nga ora 13:00.

Sulmuesi nigerian Victor Osimhen ka folur pas kuafikimit të Galatasaray-it në 1/8 e finales së Ligës së Kampionëve,ku ndihmoi gjigantin turk ta eliminonte gjigantin italian Juventus.

Osimhen ka deklaruar për kundërshtarët potencialë të Galatës në këtë fazë,dhe nigeriani ka deklaruar se nuk do të dëshironte Liverpoolin si kundërshtar.

“Dua të jem i sinqertë me ju, takimi me Liverpoolin tani do të jetë si një lloj hakmarrjeje. “Kushdo që takojmë tani… nuk do të thoja shumë, por do të doja të largohesha nga Liverpooli. Por nëse vijnë, po, do ta gërmojmë, edhe pse nuk do të jetë e lehtë”

Përndryshe Osimhen shton në Ligën e Kampionëve nuk ka kundërshtarë të lehtë,ndërkohë për një ndeshje të mundshme me kampionët e Premierligës thotë se nuk do të jetë e lehtë,por shton se skuadra do ta përballojë atë sikurse në ndeshjen e zhvilluar në fazën e ligës.

Kujtojmë që Galatasaray kaloi në 1/8 e finales së Ligës së Kampionëve me rezultat të përgjithshëm 7:5 ndaj Juventus-it,dhe Victor Osimhen shënoi gol në minutën e 105-të të ndeshjes.

Një ndër portierët më të mirë të dekadës së fundit Manuel Neuer ka hyrë në sezonin e tij të fundit tek Bayern Munich.

Neuer ka kontratë deri në qershor të këtij viti,dhe se portieri gjerman nuk ka vendosur ende për të ardhmen e tij.

Përndryshe gazeta gjermane Kicker bën të ditur se Neuer pritet të marrë një vendim lidhur të ardhmen në javët e ardhshme,ndërkohë mbetet të shihet se nëse 39 vjeçari do të qëndrojë edhe për një sezon në Allianz Arena apo do t’i jap fund karrierës.

Kujtojmë që Manuel Neuer ka zhvilluar 28 ndeshje për Bayern Munichun këtë sezon,kurse në anën tjetër në 9 ndeshje e mbajti portën të paprekur.

Marcus Thuram mund të largohet nga gjiganti italian Inter gjatë afatit kalimtar të verës.

Burimet e brendshme të klubit bëjnë të ditur se sulmuesi nuk është më i paprekshëm në planet e Interit.

Thuram u transferua te Nerazzurrët në korrik 2023 dhe ka një kontratë që zgjat deri më 30 qershor 2028 dhe vlerësohet rreth 60 milionë euro. Ky sezon, ai ka shënuar 12 gola dhe ka dhënë 5 asiste në 32 ndeshje me Interin.

Megjithatë, largimi i Thuram nuk pritet të ndikojë shumë në thellësinë e sulmit të Interit, për shka edhe të  konkurrencës me Lautaro Martinez, Francesco Esposito dhe Ange-Yoan Bonny.

Sulmuesi francez ka tërhequr gjithashtu interesin e Barcelonës, dhe ky është një faktor që mund të shtyjë Interin të shqyrtojë çdo ofertë serioze për një nga lojtarët më të vlerësuar sulmues të tij.

Janë zhvilluar ndeshje tejet interesante në ligën më të fortë të basketbollit në botë NBA.

Houston Rockets ka mundur në shtëpi skuadrën e Sacramento Kings,dhe atë me rezultat 128:97.

Reed Sheppard me 28 pikë dhe Alperen Sengun me 26 pikë ,13 kërcime e 11 asistime ishin basketbollistët më efikas tek Rockets,ndërkohë në anën tjetër Russel Ëestbrook me 22 pikë të realizuara ishte basketbollisti më efikas tek Kings.

Në anën tjetër Denver Nuggets poashtu shënoi fitore në shtëpi,duke e mundur Boston Celtics me rezultat 103:84.

Nikola Jokic me 30 pikë e 12 kërcime ishte basketbollisti më efikas tek Nuggets,teksa në anë tjetër për Celtics basketbollistët më të mirë ishin Jaylen Broën me 23 pikë e 11 kërcime si dhe Derrick White me 20 pikë të tjera.

Eric Garcia mund të mbetet tek gjiganti katalunas Barcelona edhe në sezonet e ardhshme.

Raportimet e mediave bëjnë të ditur se Garcia pritet të nënshkruaj kontratë të re me katalunasit deri në vitin 2030,dhe drejtori sportiv Deco e konsideron mbrojtësin si pjesë të rëndësishme të Barcës.

Përndryshe shumë klube të ndryshme kanë shprehur interesim për Garcian,dhe njëra ndër to është edhe kampioni i Francës dhe i Evropës PSG që ka kohë që po e monitoron spanjollin,por Barca është e bindur se Garcia do të mbesë në Camp Nou.

Kujtojmë që Eric Garcia ka bërë 35 paraqitje këtë sezon ka realizuar 1 gol e bëri 2 asistime në të gjitha garat.

Kampioni i Kosovës Drita sonte zhvillon ndeshjen e kthimit në UEFA Conference League,ku në udhëtim luan kundër skuadrës sllovene Celje.

Gjilanasit pësuan humbje në ndeshjen e parë ndaj sllovenëve në Fadil Vokrri me rezultat 3:2,dhe në ndeshjen e kthimit Drita synon përmbysjen dhe të siguroj kualifikimin në 1/8 e finales së garës së tretë më të rëndësishme në Evropë.

Përndryshe trajneri Zekerija Ramadani ka premtuar se skuadra do të bëjë një luftë të madhe për kualifikim,dhe në anën tjetër Ramadani kërkon nga lojtarët të jenë të qetë dhe gjatë 90 minutave të jenë të koncentruar.

Kujtojmë që ndeshja Celje-Drita e vlerfshme për fazën e play-off-it të Conference League  pritet të nis nga ora 18:45.

Real Madrid dhe PSG janë skuadrat e rradhës që kaluan në 1/8 e finales së Ligës së Kampionëve.

Në ndeshjen Real Madrid-Benfica “Los Blancos”fituan edhe ndeshjen e dytë ndaj ekipit portugez,ku golat e Tchouamenit dhe Vinicius Jr ishin të mjaftueshme për kalim tutje teksa portugezët u ngushëlluan me golin e Rafa Silvas.

Në anën PSG barazoi kundër Monacos me rezultat 2:2,por me rezultatin 5:4 kampioni i Evropës kaloi në raundin tjetër.

Marquinhos dhe Kvaratskhelia shënuan për parisienët,teksa Akliouche dhe Teze shënuan për Monacon

Atalanta ka arritur të bëj mrekullinë në ndeshjen e kthimit kundër Borussia Dortmund-it,duke eliminuar skuadrën gjermane me rezultat 4:1 konkretisht 4:3 nga të dy ndeshjet.

Italianët e nisën mjaft mirë ndeshjen ku qysh në minutën e 5-të Gianluca Scamacca shënoi për 1:0,teksa në fund të pjesës së parë Davide Zappacosta dysfishoi epërsinë në 2:0.

Në pjesën e dytë Atalanta shënoi edhe golin e tretë përmes Mario Pasalic në 3:0,dhe me rezultatin e përgjitshëm prej 3:2 italianët kalonin tutje.

Megjitahtë gjermanët arritën të shënonin përmes Karim Adeyemit në 3:1 dhe me rezultati 3:3 ndeshaj mund të shkonte në vazhdime,por në minutat e fundit Atalanta fitoi penallti duke bërë edhe më dramatike këtë ndeshje ku Dortmundi mbeti me një lojtar më pak pasi Rammy Bensabaini u ndëshkua me karton të kuq.

Nga pika e bardhë Lazar Samardzic shënoi golin e cila e kualifikoi Atalantën në 1/8 e finales së Champions,ku ekipi italian do e presë kundërshtarin nga shorti që do të hidhet të premten.