Arrestohet një person për armëmbajtje pa leje në Gjakovë

Një person është arrestuar në Gjakovë, pasi gjatë një bastisjeje në rrugën “Fehmi Agani” i janë gjetur armë dhe mjete të tjera të ndaluara.

Rasti ka ndodhur të premten në mbrëmje, ndërsa i dyshuari është shoqëruar menjëherë për procedura të mëtejshme.

Sipas raportit policor, në çantën e të dyshuarit është gjetur dhe konfiskuar një armë me pesë fishekë, si dhe një thikë.

Pas intervistimit dhe me vendim të prokurorit, i dyshuari është dërguar në mbajtje.