Një aksident me fatalitet ka ndodhur mesditen e sotme në Komoran, shkruan Insajderi.
Policia ka njoftuar se një person ka mbetur i vdekur si pasojë e lëndimeve të marra nga aksidenti.
Viktima ka qenë duke vozitur një motociklet.
Flora Ahmeti, zëdhënëse e policisë tha për Insajderin se aksidenti ka ndodhur mes një motociklisit dhe dy automjeteve në lëvizje.
Njoftimi i plote:
Sot rreth orës 13:30 kemi pranuar informatën se në rrugën “Nazmi Gashi ” në Komoran, ka ndodhur një aksident trafiku me pasoja fatale.
Në këtë aksident, kanë qenë të përfshira, një motoçikletë dhe dy automjete në lëvizje.
Si pasojë e aksidentit, lëndime të rënda trupore ka pësuar motoçiklisti, i cili nuk ka arritë të përballojë plagët dhe i njëjti ka ndërruar jetë. Vdekjen e tij e ka konstatuar ekipi mjekësor në vendngjarje.
Aktualisht policia ka nisë një hetim për zbardhjen e rrethanave që kanë quar deri te ky aksident trafiku.
Leave a Reply