Nis takimi me delegacionin serb, diskutohet çështja e të zhdukurve gjatë luftës

Në Gjenevë po mbahet takimi i radhës midis Kosovës dhe Serbisë.

Në këtë takim po diskutohet lidhur me çështjen e personave të zhdukur gjatë luftës së fundit në Kosovë.

Kjo është konfirmuar nga ana e kryetarit të delegacionit të Kosovës, Andin Hoti.

Gjatë luftës në Kosovë në vitet 1998-1999 rreth 13.000 njerëz nga të gjitha bashkësitë etnike u vranë, mbi 800.000 u zhvendosën dhe rreth 1.600 janë të zhdukur.