Vetëplagoset një 21-vjeçar në Kaçanik

Një 21-vjeçar është vetëplagosur me armë zjarri në mesnatën e së mërkurës.

Rasti, ka ndodhur në Kaçanik, në rrugën “Mejdi Dalloshi”.

Sipas njoftimit të policisë, viktima me inicialet A.B, u dërgua për trajtim në QKUK dhe sipas mjekëve është jashtë rrezikut për jetën.

Lidhur me rastin hetimet i ka nisur Prokuroria Themelore e Ferizajt.

“Arma e zjarrit dhe 3 fishkë janë konfiskuar, ndërsa si provë materiale është gjetur edhe një gëzhojë. Rasti është cilësuar ‘Përdorimi i armës apo mjetit të rrezikshëm dhe mbajtje në pronësi të pa autorizuar të armës’’, thuhet në njoftimin e policisë.