Një bredh festiv në univers. NASA ka bërë publik një imazh impresionues të një grupi yjesh të rinj në NGC 2264 që ndodhet në galaktikën tonë “Rruga e Qumështit”.
Kjo Nebulozë është e formuar nga yje që janë krijuar nga 1-5 mln vite më parë, me dimensione të ndryshme, disa edhe 7 herë më të mëdhenj se Dielli, ndërsa yjet blu dhe të bardhë janë yje të rinj që çlirojnë rreze X.
Me rastin e Krishtlindjes, NASA ka rrotulluar imazhin 160 gradë në krahasim me standartin astronomik, në mënyrë që të vërehet më qartë ngjashmëria me simbolin e festave të fundvitit. Yjet janë fotografuar nga disa teleskope, imazhe me thellësi dhe fokus të ndryshëm, të cilat më pas kanë kompletuar imazhin, siç është në të vërtetë.
Ngjyra e gjelbër ndërkohë është si pasojë e gazrave që mbështjellin nebulozën NGC 2264, që ndodhet 2500 vite dritë larg Tokës.
Leave a Reply