Sulmohet një polic në veri të Mitrovicës, dikush tentoi ta godasë me veturë

Një zyrtar policor është sulmuar të martën në veri të Mitrovicës.

Policia ka njoftuar në raportin 24 orësh se zyrtari ka thënë se dikush ka tentuar ta godasë me veturë e më pas ka goditur veturën e tij.

“Ankuesi ka informuar se deri sa ishte në kryerje të detyrës, një person i panjohur me veturë ka tentuar ta godas dhe gjatë tentimit ka goditur veturën zyrtar të Policisë”, thuhet në raport.

Aty nuk jepen detaje tjera lidhur me sulmin që i është bërë zyrtarit policor.