Ulen çmimet e naftës dhe benzinës, gazi mbetet në 74 centë për litër

Çmimet maksimale të derivateve kanë shënuar ulje të re për naftën dhe benzinën.

Sipas Ministrisë së Industrisë, Ndërmarrësisë dhe Tregtisë, një litër naftë sot mund të shitet deri në 1 euro e 52 centë, apo tre centë më lirë se një ditë më parë.

Rënie më të madhe ka pasur benzina, e cila sot tregtohet deri në 1 euro e 43 centë për litër.

Çmimi maksimal i gazit ka mbetur i pandryshuar. Një litër gaz sot mund të shitet deri në 74 centë.