Një mjet shpërthyes është hedhur në drejtim të pjesëtarëve të Policisë së Kosovës në veri, digjet një pikë statike

Pikë kontrolli policor tek “Tre rrokaqiejt” në veri të Mitrovicës është djegur pjesërisht nga një shpërthim i fuqishëm që dyshohet të jetë shok-bombë, por për fat të mirë nuk ka të lënduar.

Ngjarja ka ndodhur sot rreth orës 3:15 të mëngjesit, ndërsa në kohën e shpërthimit policët nuk kanë qenë brenda pikë kontrollit.

Përveç dritareve të thyera, janë djegur edhe orenditë që ishin brenda.

Deri tash nuk dihet autori ose autorët e këtij incidenti.