Vrasje në tentativë në Ferizaj

Policia ka informuar se një vrasje në tentativë ka ndodhur dje në komunën e Ferizajt.

Një burrë ka raportuar se pas një mosmarrëveshjeje, një person (mashkull kosovar) e ka sulmuar fizikisht dhe ka shtënë me armë zjarri në drejtim të tij.

Sipas raportit policor, viktima ka pësuar disa gërvishtje, për të cilat ka pranuar tretman mjekësor.

“Në vendin e ngjarjes, njësiti policor ka gjetur dhe konfiskuar një fishek dhe një gëzhojë.”, ka informuar Policia.

Rasti është nën hetime.