Presidenti i SHBA-së, Donald Trump, është optimist se do të arrijë një marrëveshje tregtare me Kinën, tha zëdhënësja e Shtëpisë së Bardhë, Caroline Levitt, mes një lufte tregtare që tensionohet midis dy gjigantëve ekonomikë.
“Presidenti e ka bërë të qartë se është i hapur për një marrëveshje me Kinën. Nëse Kina vazhdon të hakmerret, kjo nuk do jetë e mirë për ta”, tha zëdhënësja.
Megjithatë, ajo nuk dha hollësira se pse Trump ishte “optimist” kur një gazetar e pyeti për këtë. Tarifat e vendosura për mallrat e importuara kineze mbeten në 145%, shtoi ajo.
Duke iu referuar vendeve të tjera, Leavitt tha se tashmë ka më shumë se 15 propozime në tryezë dhe Trump shpreson të ketë marrëveshje të arritura para se të skadojë pezullimi 90-ditor i tarifave. Kur të përfundojë kjo periudhë, “presidenti do të marrë vendimet e tij”, tha ajo.
Leave a Reply