Grabitja në Prishtinë me një i plagosur – Dyshohet se kjo është vetura e grabitësve

Një person ka mbetur i plagosur gjatë një grabitjeje të armatosur në lagjen Veternik të Prishtinës. Ngjarja ka ndodhur rreth orës 10:30, ku sipas Policisë, viktima u plagos gjatë një sulmi ndaj një furgoni që transportonte para.

Në pamjet e siguruara nga ATV, shihet një veturë e djegur në periferi të Veternikut, për të cilën dyshohet se mund të jetë e grabitësve.

Megjithatë, ende nuk ka konfirmim zyrtar nga autoritetet.

I plagosuri është dërguar për trajtim mjekësor në QKUK, ku mjekët kanë konfirmuar se po kryhen ekzaminimet e nevojshme për ndërhyrje kirurgjike. Ndërkohë, Policia dhe Prokuroria po vijojnë hetimet për të identifikuar dhe arrestuar të dyshuarit.