Gjendet i vdekur një person në banesën e tij në Fushë-Kosovë

Policia e Kosovës ka njoftuar se një person është gjetur i vdekur në banesën e tij në Fushë-Kosovë.

Sipas njoftimit, vdekjen e tij e ka konstatuar mjeku kujdestar në vendin e ngjarjes, ndërsa trupi i pajetë, i cili është gjetur të hënën, është dërguar në Institutin e Mjekësisë Ligjore për obduksion.

Policia ka njoftuar se njësitet kompetente janë duke u marr me rastin dhe se po bëhen hetime për të kuptuar të gjitha rrethanat e ngjarjes.