ATV

Tag: Viola von Cramon

  • Von Cramon kërkon nga BE-ja ta trajtojë më seriozisht çështjen e pasivizimit të adresave në Luginë

    Von Cramon kërkon nga BE-ja ta trajtojë më seriozisht çështjen e pasivizimit të adresave në Luginë

    Raportuesja për Kosovën në Parlamentin Evropian, Viola von Cramon, ka thënë se BE-ja nuk po i kushton vëmendje sa duhet pasivizimit të adresave të shqiptarëve në Luginë të Preshevës nga ana e autoriteteve serbe.

    Von Cramon në platformën “X” ka shpërndarë një reportazh të “Tagesspiegel”, ku tregohet për spastrimin etnik që po bëhet në Luginë të Preshevës.

    “Shpesh akuzohemi se nuk i kushtojmë vëmendje të mjaftueshme në BE kësaj forme të diskriminimit. Kjo është e saktë. Unë vetë e kam ngritur këtë problem shpesh në komisione, e kam përfshirë në raporte të ndryshme dhe e kam vizituar vetë rajonin.

    Fatkeqësisht, problemi është se pakica shqiptare në Serbi – ndryshe nga popullata serbe në Kosovë – nuk është pjesë e dialogut të organizuar nga BE-ja dhe për këtë arsye merr peshë dukshëm më të vogël në Bruksel, por edhe në kryeqytetet tjera të BE-së. Për këtë BE-ja duhet ta vendosë këtë temë shumë më përpara në agjendë në bisedimet për anëtarësim të Serbisë dhe t’i japë prioritet shumë më të madh mbrojtjes së pakicave në Serbi. Nuk mund të hyjë në BE asnjë vend që ua heq qytetarëve të vetë shtetësinë pa asnjë arsye”, ka shkruar Von Cramon.

  • Cramon: Vizat të mos lidhen me dialogun, kosovarët të lëvizin të lirë nga 1 janari 2024

    Cramon: Vizat të mos lidhen me dialogun, kosovarët të lëvizin të lirë nga 1 janari 2024

    Një deklaratë e presidentit të Francës, Emmanuel Macron, se mund të ketë një rishikim të politikës për vizat nëse Kosova dhe Serbia s’veprojnë me përgjegjësi ka nxitur dyshime se liberalizimi mund të mos bëhet realitet më 1 janar 2024.

    Lidhur me këtë para pak minutash ka reaguar edhe Raportuesja për Kosovën në Parlamentin Evropian, Viola von Cramon duke thënë se qytetarët e Kosovës meritojnë liberalizimin e vizave pas një zvarritje të gjatë.

    Ajo bashkë me një grup eurodeptuetësh kanë thënë se dëshirojnë ta bëjnë të qartë se lëvizja e lirë pa viza nuk është dhe nuk duhet të lidhet me dialogun me Serbinë.

    “BE-ja duhet ta mbaj premtimin e saj për të lejuar qytetarët e Kosovës të udhëtojnë të lirë nga 1 janari 2024”, ka shkruar Cramon.

  • Von Cramon: Vuçiq mund t’i ketë bërë presion Zelenskyt, armë në këmbim të mosnjohjes së Kosovës

    Von Cramon: Vuçiq mund t’i ketë bërë presion Zelenskyt, armë në këmbim të mosnjohjes së Kosovës

    Raportuesja për Kosovën në Parlamentin Evropian, Viola von Cramon, ka reaguar pas takimit të presidentit ukrainas Volodymyr Zelensky me presidentin e Serbisë, Aleksandër Vuçiq.

    “Pikërisht: ka shumë të ngjarë që Vuçiq të ketë rënë dakord të takohet me Zelenskyn për të ushtruar kryesisht presion mbi Ukrainën për sigurim të armëve në këmbim të mosnjohjes së Kosovës”, ka shkruar ajo në “X” derisa ka shpërndasr tëeetin e deputetit ukrainas Oleksiy Goncharenko ku ka thënë se duhet ta njohin pavarësinë e Kosovës, shkruan KP.

    Ajo ka thënë po ashtu se shpreson që Zelensky e kupton se çfarë rreziku politik mund të sjellë një marrëveshje e tillë.

    “Pavarësia dhe stabiliteti i Kosovës janë gjithashtu në interes të Ukrainës”, ka shkruar ajo.

  • Aleksandar Vulin, kukulla e Rusisë që është bërë sinonim i korrupsionit

    Aleksandar Vulin, kukulla e Rusisë që është bërë sinonim i korrupsionit

    Raportuesja e Parlamentit Evropian për Kosovën, Viola von Cramon ka reaguar pas vendimit të Departamentit amerikan të Thesarit i cili ka futur në listën e sanksioneve amerikane, Aleksandar Vulin, drejtor i Agjencisë së Inteligjencës Serbe – BIA, duke shkruar se më në fund Vulin është bërë sinonim i korrupsionit, kukullës së Rusisë dhe trafikut të narkotikëve.

    Ajo ka shkruar në Twitter se ky është një vendim shumë i rëndësishëm i thesarit amerikan për të sanksionuar ata që mundësojnë dërgimin e paligjshëm të armëve, promovojnë Putinin dhe nacionalizmin.

    “BE duhet ta ndjekë atë”, ka shkruar ajo.

  • Von der Leyen kërkon urgjentisht deeskalim të situatës në veri

    Von der Leyen kërkon urgjentisht deeskalim të situatës në veri

    Kryetarja e Komisionit Evropian, Ursula von der Leyen, ka bërë të ditur se të martën ka biseduar me kryeministrin Albin Kurti, nga i cili ka kërkuar deskalim të situatës në veri të vendit dhe kthimin në dialog me Serbinë, të ndërmjetësuar nga Bashkimi Evropian.

    Po ashtu, ajo ka njoftuar se gjatë ditës së martë do të bisedojë edhe me presidentin e Serbisë, Aleksandër Vuçiq.

    “Bisedova me Kurtin këtë mëngjes. Theksova nevojën urgjente për deskalim dhe kthim në dialogun e lehtësuar nga BE-ja për normalizimin e marrëdhënieve me Serbinë. Do të flas me presidentin Vuçiq më vonë sot”, ka shkruar ajo në Twitter.

    Policia e Kosovës ka njoftuar se disa persona të dyshuar kanë sulmuar me granatë dore ndërtesën e komunës në veri të Mitrovicës, në orët e vona të mesnatës të së hënës.

    Kryeministri Kurti ka reaguar pas sulmit në objektin e komunës duke i bërë thirrje Serbisë “që menjëherë t’i ndalë nxitjet për dhunë para se të ketë humbje jete”.

    Ai në një postim në Twitter ka shkruar se asnjë person nuk është lënduar, por siç theksoi ai do të mund të kishte lëndime.

    “Mbrëmë ndërtesa e komunës së Mitrovicës së Veriut është sulmuar me 2 granata dore, duke shkaktuar dëme në veturat që ndodheshin afër. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndalë nxitjet për dhunë para se të ketë humbje jete”, ka shkruar ai.

    Policia e Kosovës ka thënë se në konsultim me prokurorin kompetent është iniciuar rasti “kryerja e veprës terroriste”.

    Ditë më parë është raportuar edhe për sulme me shok-bomba afër stacioneve policore në Mitrovicë të Veriut dhe Zveçan, komuna në veri të Kosovës.

  • Von Cramon: Policët u kapën brenda Kosovës, arsye protestat në Beograd

    Von Cramon: Policët u kapën brenda Kosovës, arsye protestat në Beograd

    Raportuesja e Bashkimit Evropian për Kosovën, Viola von Cramon, është e para nga bashkësia ndërkombëtare që ka pranuar se tre zyrtarët policorë janë kapur nga forcat serbe brenda territorit të Kosovës.

    BE dhe KFOR e kanë kualifikuar si “arrestim” kidnapimin e policëve dhe kanë thënë se po presin nga NATO mbledhjen e informacioneve. SHBA ka kërkuar lirimin e menjëhershëmdhe pa kushte të policëve.

    Në një reagim në Twitter që ka bërë mbrëmë, Cramon ka thënë se është është e paligjshme hyrja e forcave speciale të Serbisë në territorin e Kosovës dhe “lidhja e policëve si kriminelë lufte”.

    Zyrtarja evropiane ka thënë se në bazë të informacionit të qasshëm, zyrtarët policorë të Kosovës nuk kanë lëvizur makinat e tyre, por kanë ecur në këmbë në zonën kufitare me Serbinë.

    “Edhe nëse ky operacion i nënshtrohet ligjërisht një njoftimi, është e paligjshme që të hysh në territorin e Kosovës me forcat speciale të Serbisë dhe të lidhësh zyrtarët policorë si kriminelë lufte, dhe t’i dërgosh në Beograd”, ka shkruar ajo.

    Viola von Cramon është e bindur se protestat kombëtare që po zhvillohen në Beograd ndaj presidentit të Serbisë, Aleksandar Vuçiq, janë arsyeja kryesore mbrapa rrëmbimit të policëve të Kosovës.

    Sipas saj, rrëmbimi u bë për të tërhequr vëmendjen nga revoltat e brendshme kundër Vuçiqit.

    Von Cramon ka thënë të enjten se Serbia, si vend që synon të bëhet anëtar i Bashkimit Evropian, duhet të zbatojë sundimin e ligjit, të respektojë ligjin ndërkombëtar dhe t’i largojë sa më shpejt policët e arrestuar të Kosovës.

    “Çfarë bëjnë autokratët kur janë nën presion të brendshëm? Ata analizojnë rrugë për ta larguar vëmendjen prej problemeve të brendshme. Një shembull klasik duket se është incidenti i djeshëm në zonën kufitare mes Kosovës dhe Serbisë”.

    Në Beograd është protestuar gjashtë herë në javët e fundit me thirrjet për dorëheqje të Vuçiqit.

  • Von Cramon ia shton edhe një kërkesë shtesë tri kërkesave të Borrellit: Të hetohen dhe ndiqen sulmuesit e KFOR-it

    Von Cramon ia shton edhe një kërkesë shtesë tri kërkesave të Borrellit: Të hetohen dhe ndiqen sulmuesit e KFOR-it

    Raportuesja për Kosovën në Parlamentin Europian, Viola von Cramon, i ka shtuar edhe një kërkesë shtesë tri kërkesave të Përfaqësuesit të Lartë të BE-së, Josep Borrell, i cili i bëri dje publike pas takimit me presidenten Vjosa Osmani dhe presidentin serb Aleksandar Vuçiq.

    Von Cramon kërkon që të ketë hetim të plotë dhe ndjekje penale për ata që sulmuan ushtarët e KFOR-it.

  • Berisha: Po të kishim Ministre të Jashtme, Von Cramon do të detyrohej të kërkonte falje për fyerjen ndaj Policisë së Kosovës

    Berisha: Po të kishim Ministre të Jashtme, Von Cramon do të detyrohej të kërkonte falje për fyerjen ndaj Policisë së Kosovës

    Deputeti i PDK-së, Hisen Berisha, në emisionin DIREKT në ATV, tha se po të kishte Kosova Ministri të Jashtme, diplomatja evropiane Viola Von Cramon do t’ju kërkonte falje për fyerjen ndaj Policisë së Kosovë.

    “Edhe ajo mikja e apasionuara për zotin Kurtit, diplomatja evropiane Cramon, ajo ka qenë shumë e apasionuar nga pas zotit Kurti dhe dhe barcoletave që ky tregon, iki atje dhe i fyeu policinë. Po të kishte këtu Ministri të Jashtme dhe ministre do të kishte notë diplomatike dhe t’ju kërkojë falje publike Policisë së Kosovës, sepse ata nuk janë vullnetarisht atje, po ka një plan operativ, ka një urdhër edhe një vendim politik dhe nuk guxon t’i fyejë institucionin policor para kriminelëve ruso-serbë që janë pozicionuar atje e që i viktimizojnë disa qytetarë që vijnë që i qesin si fortifikata, e si mbrojtje”, tha Berisha.

    Kujtojmë se të shtunën e kaluar, gjatë qëndrimit të saj në Kosovë, raportuesja për Kosovën në Parlamentin Evropian, Viola Von Cramon e ka vizituar veriun dhe nga Zveçani kishte thënë se “kjo është e frikshme”, derisa dikush po i tregonte se çfarë ndodhi të premten atje. Në afërsi të objektit të komunës, Von Cramon kishte thënë se “është një situatë e vështirë”, ndërsa më pas bisedoi me disa pjesëtarë të Policisë së Kosovës. “Ku është kërcënimi? Pse… Çfarë dreqin ju solli këtu?”, kishte pyetur ajo njërin prej policëve. Njëri prej policëve i ishte përgjigjur se kanë ardhur për të mbrojtur kryetarin e zgjedhur. /atvlive.tv

    Emisionin e plotë e gjeni në videon më poshtë:

  • Viola von Cramon i reagon Petrit Selimit për pezullimin e vizave: Hera e parë që po e dëgjoj këtë

    Viola von Cramon i reagon Petrit Selimit për pezullimin e vizave: Hera e parë që po e dëgjoj këtë

    Ish-ministri i Punëve të Jashtme të Kosovës, Petrit Selimi, shpërndau disa informacione të pakonfirmuara për masat e mundshme që mund të pësojë Kosova për shkak të situatës së tensionuar në veri të vendit.

    Selimi në Twitter ka thënë se tri shtete të BE-së po i shqyrtojnë kërkesat për pezullimin e fondeve të IPA-s dhe liberalizimin e vizave.

    Ai ka thënë se këto janë lëvizje drastike e të pa pranueshme.

    “Informacioni më i fundit nga diskutimet brenda BE-së. Të paktën 3 shtete anëtare të BE-së (nuk do t’i përmendim këtu) po shqyrtojnë kërkesën për pezullimin e fondeve të IPA-s dhe visalib-it për Kosovën. Lëvizje drastike, e papranueshme, nëse shtyhen. Tani kemi nevojë për zgjidhje konkrete të paraqitura nga Kosova“, shkroi ai.

    Por këtë e ka mohuar raportuesja e Parlamentit Evropian për Kosovën, Viola von Cramon

    Von Cramon këtë e ka bërë të ditur me anë të një postimi në ‘Twitter’, teksa ka thënë se prioritare është zgjidhja e situatës së tensionuar në veri të Kosovës.

    “Këto informacione i dëgjoj për herë të parë. E kam pak a shumë idenë se kush mund të qëndrojë pas kësaj, por të vihet në dyshim liberalizimi i vizave dhe fondet e IPA-s është absolutisht e ndaluar. Na duhet një zgjidhje urgjente politike për veriun”, deklaroi ajo.

  • Von Cramon: Qeveria po rrezikon shumë me manovrat në veri, s’mund të qeveriset me 2% të votave

    Von Cramon: Qeveria po rrezikon shumë me manovrat në veri, s’mund të qeveriset me 2% të votave

    Deputetja e Parlamentit Evropian dhe raportuesja e për Kosovën Viola von Cramon-Taubadel, tha se situata në veri nuk është e qëndrueshme, raporton EO.

    Ajo ka folu për vizitën gjatë së dielës në këtë pjesë ku tha se ka hasur në shumë pjesëtarë të Njësisë Speciale.

    Sipas saj, ndonëse kryetarët janë zgjedhur në mënyrë legjitime, askush nuk mund të qeverisë me një apo dy për qind të votave.

    “Unë e vizitona veriun dhe jam e brengosur se është situatë e tensionuar, atje gjenden shumë pjesëtarët të Njësisë së Forcave Speciale. Kryetarët janë zgjedhur në mënyrë legjitime, por kjo nuk nënkupton që ata kanë fuqi legjitime që të hyjnë në objekte dhe që këtë qasja ta sigurojnë më forcë, askush nuk mund të qeverisë me një ose dy për qind të votave. Situata nuk është e qëndrueshme”, tha Cramon.

    “Raporti përbën një analizë gjithëpërfshirëse politike e ekonomike. Në radhë të parë dua të theksoj progresin këto vitet e fundit. Kosova tashmë ka marrë liberalizimin e vizave dhe dua të i’u përgëzoj, edhe pse është vonuar shumë. Për më tepër ne e kemi përkrahur aplikimin në KE, prandaj e përsërisim zotimin tonë për mbështetje në familjen evropiane”, tha ajo.

    “Hapat e rëndësishëm që janë ndërmarr në luftën kundër korrupsionit është për çdo lëvdatë. Raporti nënvizon përmirësimin në sundimin e ligjit, mbrojta e të drejtave të njeriut. Dua të theksoj tri prioritete. Reforma gjyqësore, liria e mediave dhe krijimi i klimave energjetike, janë tri çështjet kryesore që duhet ndërmarr”.