Tag: Viola von Cramon

Përgatiti: Fatlum Jashari

Me frikën se mund të lihet në harresë, deputetja dhe raportuesja për Kosovën në Parlamentin Evropian, Viola Von Cramon, theksoi urgjencën për zbatimin e marrëveshjes së Brukselit dhe shtojcës së Ohrit, para muajit Qershor.

Presidenca hungareze e Bashkimit Evropian në gjysmën e dytë të vitit, krahas forcimit eventual të partive të djathta në Parlamentin Evropian, sipas saj, mund të ndikojnë në raport me mbështetjen ndaj Kosovës.

“Po, e kuptoj dëshirën që të kemi njohjen de fakto, para zbatimit. Është kërkesë absolutisht legjitime, e mbështes Qeverinë në këtë dhe, gjithashtu, mendoj vitin e kaluar BE-ja bëri një gabim të madh, në mars, që nuk këmbënguli për nënshkrime nga të dyja palët. Por, shqetësimi është nëse e vonojmë gjithë procesin tani, do të kemi zgjedhje evropiane, mbase mund të ketë president të ri në Shtëpinë e Bardhë që mund të mos e mbështesë vendin aq sa mund ta mbështesë presidenti aktual. Do të kemi situatë ndryshe në BE, do të kemi Gazën, Ukrainën, Tajvanin, Huthi etj., kam frikë se në fund askush nuk brengoset për dialogun dhe njerëzit këtu”, tha Von Cramon.

Edhe pse rezultatet eventuale nuk i ndërlidh me afatet kohore, ajo theksoi se pesë muajt e ardhshëm në dialog janë jetik.

“Nuk është tërësisht e drejtë, por sidoqoftë ju lutem bëjeni të mundur në javët dhe muajt e ardhshëm, edhe nëse mendoni se nuk është detyra juaj, edhe nëse mendoni se pala tjetër duhet të përmbushë [obligimet]. Nëse do të isha këtu do të provoja të bindja qytetarët e mi, votuesit e mi, që edhe nëse prisni diçka tjetër nga unë – që unë jam rezistent, që unë jam figura heroike – në interes të qytetarëve, unë do të filloja me zbatimin. Kjo është këshilla ime e sinqertë, por ky është shtet sovran, qeveri sovrane dhe secili mund vendos dhe të bëjë çfarë dëshiron vetë, mos më keqkuptoni”, tha Von Cramon.

Pa dhënë një cilësim të qartë juridik, ajo foli edhe për atë që Kosova e cilëson “akt agresioni nga Serbia, përmes sulmi terrorist paramilitar në Banjskë”.
“Ajo që kemi dëgjuar është që kishte përfshirje serioze nga grupe të ndryshme armatosura nga Serbia dhe ishte një test për të parë se si po punojnë forcat e sigurisë, e po ashtu se si do të reagonin BE-ja, perëndimi dhe SHBA-ja. A ishte rrezik për një lufte të menjëhershme, mund të them se, fatmirësisht për ne, kemi KFOR-in këtu, dhe mendoj se është mirë që NATO-ja ka shtuar numrin e ushtarëve. Mendoj është siguri, kjo është ajo që rajoni ka nevojë. Mos më keqkuptoni. Mendoj që ka arsye që NATO-ja vendosi të fuqizojë masat e sigurisë. Por, nuk jam e sigurt se fotografia se nesër mund të ketë luftë është reale. Të nxisësh frikë në shoqëri është pak e rrezikshme”, tha Von Cramon.

Përkundër pretendimeve për paqartësi procedurale, euro-deputetja tha se inicimi i zgjedhjeve të reja në katër komunat me shumicë serbe në veri tani varet nga interesimi për mbledhjen e nënshkrimeve.

Në tema të tjera, Von Cramon i quajti të papranueshme sulmet e Qeverisë ndaj Gjykatës Kushtetuese dhe institucioneve të drejtësisë.

Raportuesja për Kosovën në Parlamentin Evropian, Viola Von Cramon deklaroi se Kosova duhet të bëjë progres në procesin e dialogut, para zgjedhjeve të Bashkimit Evropian më 9 qershor. Ajo përmendi edhe marrëveshjen bazike mes Kosovës dhe Serbisë të muajit shkurt, dhe aneksin e zbatimit, për çka tha se BE ka bërë gabim që nuk ka kërkuar nënshkrim nga palët.

Në konferencë për media, deputetja në Parlamentin Evropian deklaroi se masat ndëshkuese ndaj Kosovës duhet të hiqen.

“Masat duhet të hiqen sepse kemi dëm kolateral dhe kryetarët e komunave të cilët dëshirojnë të aplikojnë për fonde të Bashkimit Evropian janë duke vuajtur për arsye të këtyre masave. Unë jam kundër dhe do të jem kundër dhe shpresoj që të largojmë këto masa sa më shpejt që të është e mundur. Jo të gjithë janë të lumtur me performancën, me të drejtë mendoj se duke krahasuar me shtetet tjera nuk është fer fare”, deklaroi Von Cramon

Teksa e quajti vetën shoqe të mirë të Kosovës, ajo kërkoi progres më të madh të dialogut para zgjedhjeve në Bashkimin Evropian.

“Gjërat janë shumë dinamike, kemi parë pak progres….Pse unë jam pak në siklet sa i përket kësaj është se ne kemi zgjedhjet me 9 qershor të këtij viti dhe ju e keni parë disa rezultate që partitë e djathta janë duke u fuqizuar, e sidomos të djathtat ekstrem. Një kompozim i ri i Bashkimit Evropian mund të ketë efekt direkt në relacion me Kosovën dhe shtetet tjera të cilat potencialisht mund të jenë edhe shtete kandidate të Bashkimit Evropian. Çfarë është brengosëse për mua është që në pjesën e dytë të vitit 2024 do të kemi presidencën Viktor Orbán të Hungarisë dhe do ta kemi edhe parlamentin e ri. Ku nuk e kemi një fotografi të qartë të shumicës së qartë të përkrahjes sa i përket Kosovës. Unë si shoqe e mirë e Kosovës, dëshiroj të shoh progres brenda këtyre muajve para se të shkojmë në kampanjat në zgjedhje. Pasi Brukseli do të mbyllet dhe të gjitha do të jenë të zënë sa i përket zgjedhjeve”, shtoi ajo.

E pyetur për rolin e Bashkimit Evropian në raport me Kosovën e Serbisë, ajo tha se vitin e kaluar është bërë gabim i madh, ku nuk është insistuar për nëshkrimin e aneksit të marrëveshjes.

“Gjithmonë mund të akuzoni pjesën tjetër që nuk janë duke bërë mjaftueshëm, kështu bëjmë ne politikanët edhe në Berlin e di që e fajësojnë Brukselin për këtë. Për shembull thonë se ‘keni marrë një vendim të gabuar sa i përket kësaj apo asaj politikre’. Pavarësisht kësaj unë mund të them se bashkësia e komunave serbe nuk është diçka e re, ideja për bashkësinë e komunave serbe vjen nga 2013, nuk është e re. Është diçka që 11 vjet e që në një pikë të caktuar Kosova duhet të vijë me një propozim të një marrëveshje të ratifikuar dhe mendoj se është komunikuar qartë dhe mund të themi pse s’duhet të jetë një implemtim i kapshëm. Të gjitha gjërat duhet të jenë të vendosura si duhet. Është dëshirë e jona që të vijmë me një njohje de-facto, para se të bashkësia e komunave serbe, është kërkesë legjitime e juaja. Mendoj se është bërë një gabim vitin e kaluar sa i përket Ohrit, duke mos insistuar në nënshkrimin e këtij aneksi dhe marrëveshjes. Dhe mendoj që kjo ka qenë një gabim i madh, mirëpo çka është brenga ime është nëse vonojmë të gjithë procesin, atëherë mund të kemi probleme. Sepse do të kemi zgjedhjet e Bashkimit Evropian që na presin në mes verë”, deklaroi ajo.

Tutje, ajo mohoi se ka pasur zbutje të termave për aktin e agresionit në Banjskë të Zveçanit.

“Unë jo personalisht, mirëpo nuk jam e sigurt se çfarë kanë thënë në fillim në deklaratat e mia që i kam bërë në Twitter, nuk jam e sigurt se di a e kam përmendur fjalën sulm terrorist apo jo. Mirëpo ka qenë një involvim serioz prej grupeve të ndryshme të armatosura nga Serbia dhe ka qenë e rëndësishme të kuptohet se si këto forca të armatosura do të reagojnë dhe si Bashkimi Evropian dhe Shtetet e Bashkuara të Amerikës do të reagojnë dhe a është rrezik i një lufte të shpejt. Fatmirësisht ne i kemi ushtarët e KFOR-it këtu dhe mendoj se është mirë që NATO-ja ka vendosur që të rris praninë e numrit të ushtarëve në Kosovë. Kjo ju siguron juve që për një arsye të mirë NATO do të jetë këtu dhe mendoj se është vendim i mirë që NATO të merr një vendim të shpejt sa i përket ngritjes së sigurisë në nivel më të lartë dhe nuk e di”, theksoi ajo në konferencë për media.

Po ashtu, raportuesja për Kosovën në Parlamentin Evropian foli edhe për zgjedhjet në komunat e veriut të Kosovës, për çka tha se të njëjtat duhet të mbahen.

“Unë mendoj se situata është e qartë, kush ka interes që të mbahen këto zgjedhje atëherë këto duhet të bëhen dhe është në dorën e këtyre njerëzve, të cilët janë duke mbledhur të gjitha këto nënshkrime për të filluar procedurën dhe kërkesën për shkarkim. Unë kam dëgjuar se jo të gjithë e dinë se si është kjo procedurë ligjore që duhet të bëhet. Mendoj se duhet të shpjegohet, por në përgjithësi unë nuk mund të them se a është e mundur apo e pamundur. Unë vetëm them se varet nga iniciatorët që të fillojnë të mbledhin nënshkrimet për shkarkimin e kryetarëve të tanishëm dhe pastaj të kemi zgjedhje. Dhe 20 për qind të nënshkruesve është pragu që duhet të mblidhen si nënshkrime. Është diçka që mund të bëhet”, deklaroi Von Cramon.

Tutje, theksoi se është i papranueshëm presioni ndaj gjyqtarëve dhe prokurorëve nga institucionet e vendit.

“Sa i përket Gjykatës Kushtetuese dhe gjyqtarëve, në çdo kohë nuk është pranueshme presioni ndaj tyre. Dhe e vetmja kohë kur politikani mund ta sulmojë politikisht ose kur mund ta apelojë vendimin në gjykatë dhe jo punën si e bëjnë, apo çfarëdo vendimi që e marrin. Qeveria dhe politikanët nëse e bëjnë një gjë të tillë atakojnë gjyqtarët dhe prokurorë, atëherë e bëjnë një ambient shumë të pasigurt sa i përket kësaj. Dhe mendoj se flas për gjykatën dhe për prokurorët, çka është kërkuar nga shtetet tjera dhe nga opozita është që të ngrisim fondin dhe të kemi kapacitete më të mëdha dhe që të shërbejmë shpejt”, deklaroi ajo.

Gjatë vizitës së saj disa ditore në Kosova, Von Cramon foli edhe për lirinë e mediave dhe mos-transparencën nga institucionet.

PO ashtu, përmendi edhe vrasjen e Liridona Ademajt gjatë vitit të kaluar, ku tha se shpreson që prokuroria shpejt ta përmbyll këtë rast dhe të ketë drejtësi për viktimën. /kp

Raportuesja për Kosovën në Parlamentin Evropian, Viola von Cramon, e ka quajtur hap drejt njohjes de facto nga Serbia, njohjen e targave RKS. Ajo ka thënë se këtë e sheh si përparim të vogël në drejtimin e duhur.

Në një intervistë për televizionin publik të Kosovës, Von Cramon ka thënë se ndihet e turpëruar që qytetarët e Kosovës kanë pritur deri në vitin 2024 për liberalizimin e vizave, pasi sipas saj, kriteret ishin përmbushur qysh më 2018.

Cramon, që të premten nisi vizitën disaditore në Kosovë, ka takuar udhëheqës institucionesh e liderë opozitarë. Pas disa takimesh ka thënë se “niveli i pjekurisë së demokracisë nuk varet vetëm tek stabiliteti i qeverisjes, por edhe te të drejtat që opozita i gëzon”.

“Në njërën anë është një gjë e mirë, ka një shumicë stabile në parlament, në anën tjetër, megjithatë niveli i pjekurisë së demokracisë nuk varet vetëm tek stabiliteti i qeverisjes por edhe të drejtat që opozita i gëzon dhe pastaj trajtimi se si ndërveprohet me opozitën dhe në këtë pikë do të thosha se gjerat do të mund të përmirësoheshin”, ka thënë ajo.

Sa i përket njohjes së Kosovës nga Serbia, ajo ka thënë se është e vështirë të parashikohet. Ajo ka thënë se duhet që të ketë presion të madh nga Bashkimi Evropian dhe Shtetet e Bashkuara të Amerikës që të sigurohet se ngjarje të tilla si Banjska të mos përsëriten dhe që Serbia t’i përmbushë zotimet në kuptimin e njohjes.

“Ajo çfarë duam të shohim dhe po punojmë në këtë drejtim, është pranimi i Marrëveshjes së Ohrit, dhe se qasja selektive që Serbia ka zgjedhur nuk është e pranueshme”, ka shtuar ajo.

Ndërsa, për lëvizjen e qytetarëve të Kosovës në shtetin e Serbisë me targa të Republikës së Kosovës, (RKS) Von Cramon u shpreh se e sheh si progres të vogël drejt drejtimit të duhur që nuk mjafton, por që është edhe një hap tjetër drejt njohjes defakto, duke shtuar se duhet të shkojmë deri te njohja e plotë, por që po shihet se ngadalë ka lëvizje drejt normalizimit.

Von Cramon ka shtuar se Kosova duhet ta implementojë Asociacionin e komunave me shumicë serbe dhe se pa implementimin e tij do të jetë shumë e vështirë që të ecet përpara./RTK

Deputetja e Parlamentit Evropian dhe Raportuesja e Përhershme për Kosovën, Viola von Cramon-Taubadel, do të qëndrojë në Kosovë për katër ditë.

Vizitën e saj do ta nisë të hënën më 15 janar, kur edhe do të mbajë një konferencë për media.

Von Cramon ka qenë e zëshme në mbështetje të Kosovës tash e sa vite, si për çështjen e vizave, ashtu edhe për situatën me Serbinë në përgjithësi.

Raportuesja për Kosovën në Parlamentin Evropian, Viola von Cramon, ka reaguar lidhur me vendimet e Qeverisë së Kosovës dhe asaj të Serbisë për të larguar letrat ngjitëse në targa të automjeteve, dhe lejimin me targat në RKS në Serbi.

Cramon theksoi se ky është një hap më shumë drejt realitetit në të cilin Serbia de facto e njeh Kosovën si shtet.

“Nuk ka më ngjitëse në tabela të automjeteve kur udhëtoni nga Kosova në Serbi dhe anasjelltas. Ajo që ishte dizajnuar si masë e përkohshme tani është përfundimisht e tepërt. Një hap më shumë drejt realitetit në të cilin Serbia de facto e njeh Kosovën si shtet dhe kontribuon për paqe dhe përparim në rajon”, është shprehur Cramon në rrjetin social X.

No more stickers on license plates when u travel from Kosovo 🇽🇰 to Serbia 🇷🇸 – vice versa. What was designed as a temporary measure is finally redundant.
One more step towards reality in which 🇷🇸 de facto recognizes 🇽🇰 as a state + contributes to peace & prosperity in the region https://t.co/pViuYFPB5R

— Viola von Cramon 🇺🇦🇪🇺🇮🇱 (@ViolavonCramon) January 5, 2024

Eurodeputetja Viola von Cramon ishte pjesë e delegacionit të Parlamentit Europian që vëzhguan zgjedhjet në Serbi.

Ajo ka listuar disa nga parregullësitë që u kryen në këtë proces, duke thënë se është pritur një respektim më i lartë i standardeve demokratike nga një vend kandidat i BE-së.

“Unë kam qenë anëtare e Delegacionit të Vëzhgimit të Zgjedhjeve të Parlamentit Europian në Serbi ku së bashku me kolegët e mi kanë vëzhguar zgjedhjet e parakohshme parlamentare nacionale. Zgjedhjet serbe u mbajtën në kushte të pabarabarta dhe u zhvilluan me parregullsi të shpeshta në ditën e zgjedhjeve dhe para saj, si keqpërdorimi i burimeve administrative, blerja e votave dhe cenimi i fshehtësisë së votës”.

Ajo tha se ishin dëshmitarë që u sollën votues nga etniteti i Republikës Srpska nga Bosnja e Hercegovina.

“Ne pamë raste të sjelljes së organizuar të votuesve nga Republika Srpska dhe frikësimit të votuesve. Ne prisnim absolutisht standarde më të larta demokratike nga një vend kandidat në BE, i cili negocion anëtarësimin në BE”.

Von Cramon shkroi se “nevojitet një mbikëqyrje ndërkombëtare dhe një hetim i plotë”.

“Parlamenti Europian është i gatshëm të ndërmjetësojë mes partisë në pushtet dhe opozitës në Beograd për të siguruar dialogun paqësor dhe demokratik dhe për të ulur tensionet”.

I was member of the @Europarl_EN Election Observation Delegation in #Serbia 🇷🇸 where together with my colleagues have observed the snap national parliamentary elections.

👇

— Viola von Cramon 🇺🇦🇪🇺🇮🇱 (@ViolavonCramon) December 19, 2023

Raportuesja për Kosovën në Parlamentin Evropian, Viola von Cramon, ka theksoi se masat që po përgatiten në Bashkimin Evropian ndaj Serbisë, për shkak të konfliktit të armatosur në Banjskë, nuk janë të drejtuara kundër qytetarëve të Serbisë dhe se futja e tyre varet nga bashkëpunimi i pakushtëzuar i Serbisë në hetim.

Ajo beson se presidenti i Serbisë, Aleksandar Vuçiq, kontrollon shumë gjëra që ndodhin në vend dhe se është e vështirë të besohet se ai nuk e dinte se çfarë po ndodhte për blerjen e armëve apo organizimin e grupit që ishte në Banjskë.

Në një intervistë për gazetën serbe “Nova”, Von Cramon ka theksuar se çdo masë duhet të dëmtojë regjimin në pushtet në Serbi, duke theksuar se janë të arsyeshme kritikat se Bashkimi Evropian shpeshherë është treguar i butë ndaj Vuçiqit dhe Qeverisë së Serbisë.

Sipas eurodeputetes ndaj Serbisë po përgatiten masa ndëshkuese, e pyetur se për çfarë masash bëhet fjalë, Von Cramon ka thënë se nuk mund të jap detaje pasi gjithçka ende është konfidenciale dhe po zhvillohen diskutime.

“Megjithatë, atë që u thashë disa mediave më herët, mund ta konfirmoj tani – masat janë vërtetë në tavolinë dhe topi është në fushën e Serbisë. Këtu do të doja të jem e qartë – këto nuk janë sanksione të BE-së, sepse atëherë ato do të miratoheshin unanimisht nga të gjitha vendet anëtare në Këshill. Bëhet fjalë për ‘masa’ të miratuara dhe të zbatuara nga Komisioni Evropian, me propozim të Këshillit. Tani është absolutisht në duart e tyre dhe më lejoni të theksoj se Parlamenti Evropian nuk ka asnjë rol në këtë. Në thelb, nëse miratohen, ato do të ishin masa reciproke me atë që ka Kosova tani – nuk ka takime [të Serbisë] zyrtare me liderët e BE-së dhe anulimi i fondeve IPA. Aplikimi i tyre absolutisht varet nga bashkëpunimi i plotë dhe i pakushtëzuar i Serbisë në hetimin e sulmit në Banjskë. Ka shumë pyetje të hapura dhe i takon Vuçiqit të sigurojë një hetim të duhur dhe transparencë për atë që ka ndodhur. Kur Shërbimet e sigurisë së BE-së të nxjerrin konkluzionet e hetimit, atëherë ne do të reagojmë”, tha Von Cramon.

Eurodeputetja thotë se këto masa nuk janë ndaj qytetarëve të Serbisë.

“BE-ja, thënë më vrazhdë, ka dy pika kryesore për Serbinë – paratë dhe regjimin e udhëtimit falas për qytetarët. Rivendosja e vizave do të prekte më së shumti qytetarët e thjeshtë dhe kjo është arsyeja pse në përgjithësi jam kundër. Ne duhet të godasim aty ku do të dëmtojë regjimin në pushtet – dhe ky është reduktimi i parave nga fondet e BE-së. Megjithatë, komunikimi i BE-së ndaj Vuçiqit dhe Qeverisë së Serbisë në rastin më të mirë ishte i paqartë dhe nuk ka dyshim se tani dikush në Serbi mund të pyes – pse duhet të durojmë ndonjë masë nëse deri dje na keni thënë se ai është një djalë i mirë që bën gjëra të mëdha? Jam plotësisht e vetëdijshme se BE-ja duhet të ishte shumë më e rreptë ndaj Vuçiqit dhe regjimit të SNS në komunikim. Nuk është çudi që një qytetar i thjeshtë do të mendojë se BE-ja e mbështet Vuçiqin nëse vjen Presidenti i Komisionit ose komisioneri Oliver Varhelji dhe e lavdëron hapur. Megjithatë, unë shoh që gjërat ndryshojnë veçanërisht pas luftës së Rusisë kundër Ukrainës; Partia Popullore Evropiane nuk qëndron më as pas Vuçiqit dhe as SNS-së. Megjithatë, shumë vonë”, tha ajo.

Lidhur me sulmin terrorist serb në Banjskë dhe pretendimet se pushteti serb është përfshirë në konfliktin e armatosur, Von Cramon thotë se ende ka shumë pyetje pa përgjigje.

“Çfarë ka ndodhur konkretisht, si ka arritur në veri kjo sasi mjetesh të blinduara me armatim dhe pajisje ushtarake? Kush qëndron pas kësaj dhe cilat grupe kriminale fshihen ende atje? A është i mundur ky lloj veprimi pa qenë të vetëdijshëm apo edhe pa ndihmuar autoritetet serbe? A u drejtua atëherë nga Serbia, apo ishte vetëm Milan Radoiçiq, siç pretendonte ai? Nuk jemi ende të qartë. Unë do të thosha se Serbia nuk ka interes për një sulm të madh ushtarak apo ndonjë lloj lufte. Të paktën kështu kuptova nga reagimet e Beogradit. Por është e qartë se shumë gjëra kanë shkuar keq dhe stabiliteti është rrezikuar. Presidenti Vuçiq kontrollon shumë gjëra që ndodhin në Serbi dhe është vërtet e vështirë të besohet se ai nuk e dinte se çfarë po ndodhte rreth blerjes së armëve apo organizimin e një grupi agresiv. Tani është në duart e tij të sigurojë një hetim dhe transparencë të duhur për atë që ndodhi”, tha ajo, transmeton Telegrafi.

E pyetur nëse një vendim i tillë mund të rrisë euroskepticizmin në Serbi, Cramon tha se “absolutisht, jemi të vetëdijshëm që duhet bërë dallimi mes regjimit dhe popullit”.

“Ne e bëjmë këtë në vende të tjera, për shembull në Gjeorgji apo Bosnje, ku elitat në pushtet dhe popullsia kanë aspirata të ndryshme. Do të ishte veçanërisht e padrejtë ndaj qytetarëve të Serbisë nëse dikush do të vinte tek ata dhe do t’u thoshte – BE gaboi me Vuçiqin, kështu që tani do të paguani. Kjo është arsyeja pse udhëtimi pa viza do të mbetet. Dhe çfarë duhet të bëjmë më mirë ne si BE – t’i dërgojmë një mesazh të qartë qeverisë se gjërat janë keq, gjë që ishte një rast i rrallë, nëse ne përveç pak prej nesh”.

Në pyetjen nëse është Vuçiq partneri i vetëm dhe i besueshëm i BE-së nga Serbia dhe me kë nga Serbia do të duhet të flasë BE-ja, Cramon tha se “ai nuk ka qenë kurrë i vetmi, por besueshmëria e tij pas 24 shtatorit është shumë e diskutueshme. Ne bashkëpunojmë me një gamë të gjerë aktorësh në Serbi, duke përfshirë shoqërinë civile, liderët e opozitës dhe zyrtarë të ndryshëm”.

Ndërsa në pyetjen nëse Vuçiq të shmangë trajtimin e çështjes së Kosovës duke shpallur zgjedhje në Serbi, eurodeputetja tha se “nuk mund të them se çfarë mund të shmangë apo të vendosë si çështje zgjedhore”.

“Në përgjithësi, do të dëshiroja që bisedimet Serbi-Kosovë të përfundojnë dhe të gjithë ne të ecim përpara sepse kjo pengon ‘pengjet’ e të dyja shoqërive të merren me çështje ekzistenciale”, tha Von Cramon.

Shkëmbimi i zjarrit vdekjeprurës në Kosovën veriore më 24 shtator dhe paralajmërimi i Uashingtonit javën e kaluar për një grumbullim “të paprecedentë” të trupave serbe pranë kufirit me Kosovën kanë ngritur frikën për stabilitetin e rajonit.

Dhe ndërsa zyrtarët ushtarakë serbë thanë dje se Beogradi ka zvogëluar numrin e trupave në kufi, shqetësimet vazhdojnë në kryeqytetet perëndimore.

“Jam thellësisht e shqetësuar për sulmin e fundit në Banjska dhe pasojat e mundshme përshkallëzuese që mund të ketë prodhuar” tha Viola von Cramon-Taubadel, anëtare e Parlamentit Evropian.

Von Cramon-Taubadel, e cila është raportuesja e parlamentit për Kosovën, tha për The Guardian në një email sot se “kemi qenë dëshmitarë të përkeqësimit dhe përfundimisht ngërçit në dialogun ndërmjet Serbisë dhe Kosovës”.

Një politikan i lartë serb i Kosovës, Milan Radoiçiq, kishte pranuar se ishte përfshirë në përleshjen me armë muajin e kaluar.

“Ne duhet të dimë në çfarë mase dhe me ndihmën e kujt e ka kryer sulmin, duke pasur parasysh sasinë e municioneve dhe automjeteve të blinduara”, tha Von Cramon-Taubadel.

Dhe, tha ajo, duhej të kishte një rishikim të qasjes së Brukselit.

“BE-ja tani duhet të rivlerësojë strategjinë e saj të përgjithshme ndaj bisedimeve Serbi-Kosovë dhe rajonit të Ballkanit Perëndimor në përgjithësi,” tha ajo.

“Qasja aktuale, e cila fokusohet në stabilitetin ekonomik dhe politik, çoi në sulmin në Banjska. Në vend të kësaj, duhet të kemi prioritet gjërat kryesore – sundimin e ligjit dhe demokracinë, dhe të angazhohemi më shumë me zërat përparimtarë nga i gjithë rajoni, “tha parlamentarja.

“Më në fund, ne kemi nevojë për një përforcim të menjëhershëm të KFOR-it dhe EUFOR-it – asgjë nuk frenon më mirë se prania e trupave të fuqishme të NATO-s në terren”, shtoi ajo./ The Guardian/

Raportuesja e Bashkimit Evropian për Kosovën, Viola von Cramon, ka dënuar sulmin në veri, ku u vra një polic i Kosovës

Viola con Cramon ka thënë se duhet të vendoset prani e fuqishme e KFOR’it në Veri të Kosovës.

Ajo e ka quajtur sulm të orkestruar, po ashtu ka kërkuar që të hetohet pjesëmarrja eventuale e strukturave serbe nga Beogradi.

”Dënoj në termat më të ashpër të mundshëm sulmin e dhunshëm ndaj Policisë së Kosovës dhe shpreh solidaritetin tim të plotë me popullin e Kosovës.Sulmi i orkestruar ndaj forcave legjitime të policisë është absolutisht i papranueshëm, autorët e të cilit duhet të sillen para drejtësisë”, ka thënë ajo.

”Pjesëmarrja e mundshme e strukturave serbe (nga Beogradi) duhet të hetohet, ndërkohë që është e domosdoshme të ndërmerren të gjitha veprimet e nevojshme për të ruajtur qetësinë dhe rendin. Prandaj, unë u bëj thirrje të gjithë aktorëve që të bindin njerëzit e armatosur në manastirin e Banjskës që të lënë armët dhe dorëzohet pa vonesë të mëtejshme”, ka thënë Viola con Cramon.

Më tutje ka thënë se Qeveria duhet të i marrë të gjitha masat deeskaluar.

Po ashtu ka shprehur ngushëllime për familjen e policit të vrarë.

”Unë mirëpres në këtë aspekt masat e kujdesshme dhe deskaluese të qeverisë së Kosovës sot, duke shpresuar që të gjithë të qëndrojnë të qetë në çdo pjesë të Kosovës. Unë shpreh ngushëllimet e mia në emër të Parlamentit Evropian të familjes së policit të Kosovës të vrarë sot detyrë dhe sinqerisht shpreson në shërimin sa më të shpejtë të të lënduarve”, ka thënë ajo.

I condemn in the strongest possible terms the violent attack on the Kosovo Police and express my full solidarity with the people of Kosovo.

The orchestrated attack on the legitimate police force is absolutely unacceptable whose perpetrators must be brought to justice. 1/

— Viola von Cramon 🇺🇦🇪🇺 (@ViolavonCramon) September 24, 2023

Për më shumë detaje për zhvillimet e fundit në veri, shikoni STUDIO E HAPUR drejtpërdrejt në ATV:

Nëse Serbia nuk dëshiron të anëtarësohet në BE dhe në vend të kësaj preferon të ushqejë marrëdhëniet e saj me Rusinë, BE-ja nuk duhet ta detyrojë atë, tha eurodeputetja dhe raportuesja në Parlamentin Evropian për Kosovën, Viola von Cramon, në një intervistë për Euractiv, duke e adresuar edhe çështjen e shqiptarëve në jug të Serbisë për pasivizimin e adresave.

“Nëse Serbia nuk dëshiron të anëtarësohet në BE, ne nuk duhet t’i detyrojmë. Ndoshta ata duan të qëndrojnë jashtë dhe të shohin se si të gjitha shtetet e tjera të Ballkanit Perëndimor anëtarësohen në BE. Është vendimi i tyre”, tha von Cramon. Von Cramon e ka theksuar edhe ndihmën që Bashkimi Evropian ia jep Serbisë. “Por që t’i shtysh me zor dhe t’iu bësh oferta aktraktive, pse pra Serbia ka interesa më të mëdha për të punuar me Rusinë”, tha ajo.

Eurodeputetja ka marrë për bazë raportet e Serbisë me Kosovën për të dëshmuar se Serbia nuk është një vend i përshtatshëm për të punuar me të në BE.

“Por kur bëhet fjalë për Kosovën, mendoj se tani është koha për të kapërcyer këtë retorikë të vjetër shumë, shumë agresive, këtë qasje të tmerrshme nacionaliste. Me këtë, ne nuk mund të punojmë së bashku në Bashkimin Evropian, nuk mund të pranojmë një vend që ende jeton në të kaluarën dhe ende jeton me këto narrativa të vjetra”, shpjegoi ajo. Von Cramon tha se ajo më parë mendonte se Serbia kishte interes për t’u anëtarësuar në BE dhe për t’u bërë një lojtar aktiv në procesin e anëtarësimit, por ngjarjet e fundit, duke përfshirë përkeqësimin e marrëdhënieve me Kosovën, kanë hedhur dyshime për këtë. “Por ne duhet të shohim dhe duhet të vlerësojmë se muaji i fundit nuk ka shkuar në këtë drejtim. Dhe pas një kohe, ndoshta duhet të bëjmë një pushim,” tha ajo. Von Cramon vuri në dukje edhe mënyrën se si i trajton Serbia gazetarët, mediat, sundimin e ligjit dhe çështje të tjera. Por eurodeputetja shtoi se duhet të ketë më shumë kritika ndaj Serbisë, veçanërisht në lidhje me BE-në.

Deputetët e Parlamentit Evropian në vazhdimësi kanë bërë thirrje që Serbia të bashkohet me Perëndimin dhe të largohet nga Rusia në politikën e jashtme. Por Serbia ka injoruar këto thirrje dhe në situatën aktuale gjeopolitike ajo ka intensifikuar edhe më shumë raportet me Rusinë, të cilës nuk i ka vendosur sanksione siç kanë bërë shtetet e Perëndimit. Në raportin për Serbinë, eurodeputetët thonë se negociatat e pranimit me Beogradin duhet të avancojnë vetëm nëse vendi përputhet me sanksionet e BE kundër Rusisë dhe bën përparim të rëndësishëm në reformat e lidhura me BE. Eurodeputetët theksuan rëndësinë e harmonizimit me politikën e përbashkët të jashtme dhe të sigurisë të BE-së, veçanërisht në lidhje me luftën e Rusisë kundër Ukrainës.

Parlamenti Evropian është i shqetësuar për uljen e fundit të mbështetjes publike për anëtarësimin në BE në Serbi, të cilën ata e konsiderojnë si rezultat i retorikës politike të gjatë anti-BE/pro-ruse të përhapur përmes mediave të kontrolluara nga qeveria dhe zyrtarët qeveritarë.Sipas raportit, ky ishte rezultat i një dështimi të madh nga përfaqësuesit e qeverisë për t’u përballur dhe për t’u pajtuar me të kaluarën e Serbisë. Eurodeputetët duan që BE të rishqyrtojë masën e ndihmës së saj financiare për Serbinë nëse mbështetja për politikat antidemokratike vazhdon dhe i bëjnë thirrje Komisionit Evropian të sigurojë që të gjitha shpenzimet e BE-së të jenë plotësisht në përputhje me qëllimet dhe interesat strategjike të BE-së.