ATV

Tag: LIBERO

  • Tafa: Ndryshimi i gjendjes së arsimit nuk bëhet me revolucion e as me shkop magjik, por me punë të gjatë sistematike nga niveli parashkollor deri në universitet

    Tafa: Ndryshimi i gjendjes së arsimit nuk bëhet me revolucion e as me shkop magjik, por me punë të gjatë sistematike nga niveli parashkollor deri në universitet

    Rektori i Kolegjit AAB, Lulzim Tafa, në emisionin LIBERO në ATV, tha se gjendja e arsimit në Kosovë nuk mund të ndryshojë me revolucion e as me shkop magjik, por me shumë punë të gjatë dhe sistematike nga niveli parashkollor deri në universitet.

    “Gjërat bëhet në rrënjë nga fillimi që nga niveli parashkollor, shkolla fillore cikli i ulët, pastaj te shkolla e mesme e deri në universitet. Dy gjëra i kam hetuar, gjërat ne arsim nuk bëhen as me revolucion e as me shkop magjik. Duhet shumë punë të gjatë, shumë punë sistematike, sot të ndërmerren veprime që pas disa viteve të shihen”, tha rektori Tafa.

    Ai tha se në vendin tonë kanë mbetur në këmbë edhe dy shtylla të komunizmit, të cilat assesi nuk po mund ta rimarrin veten, e ato sipas tij janë arsimi dhe shëndetësia.

    “Po dëgjoj herë pas here qoftë në parlament, qoftë çarqe të ndryshme intelektuale, në shkrime se komunizmin duhet dënuar. Po flas me dozë kompetencës profesionale edhe të juristit kur jemi të dënimi i komunizmit. Dënimi është masa e cila i shqiptohet për fajin e shkaktuar, për fajin e bërë. Faji i komunizmit është aq i madh sa që nuk ka dënim që kish me qenë i baras vlefshëm me peshën e fajësisë të cilën e ka komunizmi. Komunizmit në vendin tonë i kanë mbetur në këmbë edhe dy shtylla, fatkeqësisht. Arsimi dhe shëndetësia janë ato dy oazat e fundit, të cilat assesi të kthjellen dhe ta rimarrin veten. Kur është themeluar AAB-ja, kemi pasur veç një universitet edhe ai ka qenë Universiteti Publik i Prishtinës dhe ideja ka qenë që të bëjmë një universitet alternativ të mos ketë monopol universiteti publik dhe të nxisim paksa konkurrencën. E kam thënë edhe në rastet e tjera, Amerika është një superfuqi e madhe ushtarake, industriale, financiare dhe pasurinë më të madhe e ka ekonominë e lirë të tregut, konkurrencën”, u shpreh Tafa.

    Pas rezultateve të PISA-s, ai thotë se disa persona të cilët nuk e njohin fushën e arsimit, padrejtësisht filluan të drejtojnë gishtin edhe te arsimi i lartë.

    Problemi me arsimin në Kosovë, sipas rektorit Tafa, nuk qëndron tek arsimi i lartë, por tek ai para universitar.

    “Ne e kishim arsimin pa konkurrencë dhe tash kur dolën rezultatet e PISA-s, filluan të merren me këtë temë edhe ata të cilët nuk e njohin fushën e arsimit dhe të drejtojnë gishtin padrejtësisht edhe te arsimi i lartë. Nuk e kam zakon ta citoj asnjëherë veten, por diku në vitin 2004 ose 2005, kam qenë në një emision në RTK dhe aty kam thënë që problemet me arsimin në Kosovë nuk janë te arsimi i lartë, por problemet me arsimin në Kosovë janë te arsimi para universitar. Institucionet e arsimit të lartë në Kosovë, qofshin ato publike, qofshin kolegjet private, punojnë me ato resurse me ata nxënës të cilët na përgatitin në arsimin para universitar. Edhe në universitetet publike, edhe në kolegjet private vinë nxënës me notën shembullore, me të gjitha 5-she, numër maksimal të pikëve në testin e maturës, ndërsa në zbrazësi pothuajse elementare në fusha të caktuara. Shpesh herë kanë thënë se studentët e Kosovës bëjnë gabime, nuk dinë me shkru, universiteti nuk të mëson me shkru, universiteti nuk të mëson me lexu. Me shkru e me lexu të mëson shkolla fillore”, tha Tafa.

    Në raport me ranglistat botërore, rektori Tafa tha se universitetet e Kosovës, qofshin publike apo private, qëndrojnë më mirë se në vendet e rajonit. /atvlive.tv

    Intervistën e plotë të rektorit Lulzim Tafa në LIBERO e gjeni në videon më poshtë:

  • Poeti Lulzim Tafa flet për dekoratën “Oficer i Urdhrit Kombëtar të Letrave dhe Arteve” që mori nga Franca

    Poeti Lulzim Tafa flet për dekoratën “Oficer i Urdhrit Kombëtar të Letrave dhe Arteve” që mori nga Franca

    Lulzim Tafa, njëri ndër poetët kosovar më të njohur në botë, ishte i ftuar në emisionin LIBERO në ATV, ku bëri një rrëfim më ndryshe për jetën e tij private, rrugëtimin profesional si dhe pasionin për poezi.

    Në këtë emision ai foli edhe për çmimet e shumta që ka marrë gjatë karrierës së tij në letërsi, ndërsa për çmimin e fundit që mori nga presidenti francez Emmanuel Macron, thotë se ka qenë ndër çmimet më të veçanta për të.

    “Në karrierën time pothuajse tërë jetësore me poezinë, me letërsinë, kam marrë shumë mirënjohje, çmime, dekorata, tituj nderi, mirëpo kjo që më erdhi nga presidenti i Republikës së Francës, Emmanuel Macron, që realisht është dekorata më e lartë të cilën e ndanë shteti francez në fushën e artit dhe letërsisë, përveç që më ka gëzuar, më ka tunduar shumë. Edhe për faktin se ndoshta lidhjet e mia me Francën janë pak më të veçanta, unë kam të botuara dy libra në gjuhën frënge, po ashtu kam qenë pjesëmarrës shumë herë në festivalet e letërsisë edhe të poezisë në Francë, jam anëtar i Akademisë Franceze të Letërsisë dhe të Arteve me seli në Paris dhe Parisin e kam konsideruar dhe vazhdoj ta konsideroj si kryeqendrën botërore të artit dhe të kulturës”, u shpreh poeti Tafa.

    Ai thotë se ky çmim e ka bërë atë që të ndihej njësoj si shumë vite më parë kur merrte çmime ndërkombëtare.

    “Kur më kanë pyet, a gëzohesh kur merr çmime ndërkombëtare dhe cili është gëzimi të cilin e ke përjetuar më përpara dhe cilin tash, unë them edhe atëherë, edhe tash jam gëzuar shumë, mirëpo gëzimi e ka njëfarë lloj ndryshimi. Gëzimi që e përjetoja dikur më tundonte, kurse këto tani më japin një qetësi. Përjashtimisht, sepse unë vetëm vitin e kaluar kam marrë shumë çmime, mirënjohje, dekorata, po flas vetëm gjatë vitit 2023 pa e llogaritë pjesën tjetër, por kjo është hera e parë pas një kohe të gjatë që edhe më ka tunduar”, rrëfeu poeti Tafa. /atvlive.tv

    Intervistën e plotë të poetit Lulzim Tafa në LIBERO e gjeni në videon më poshtë:

  • “E detyruan ta përbi unazën e fejesës” – Dëgjojeni historinë e dhimbshme të politikanes

    “E detyruan ta përbi unazën e fejesës” – Dëgjojeni historinë e dhimbshme të politikanes

    Qëndresa Gërlica, një politikane kosovare në Belgjikë, qysh në moshë të re kontribuoj në mbrojtjen e të drejtave të shoqërisë por edhe të komunitetit të shqiptarëve, në Bruksel.

    E ftuar në emisionin ‘LIBERO’, në ATV ajo shpalosi shumëçka nga jeta e saj. Ajo ndër të tjera foli edhe për babanë e saj, Bashkim Gërlicën, i cili ka qenë aktivist afër presidentit historik, Ibrahim Rrugova dhe po ashtu punonte me Anton Qetën dhe Zekeria Canën në kuadër të pajtimeve të gjaqeve, por jo vetëm.

    Qëndresa rrëfeu se si babai i saj ishte i pikasur nga forcat serbe, për shkak të angazhimit të tij, në mbrojtjen e të drejtave të shqiptarëve.

    “Në këtë fotografi që kam zgjedhur është babi, në kohë e paraluftës dhe është koha kur babi ishte fejuar me mamin. Babi ishte shumë aktive në revolucionin kundër pushtetit serb në atë kohë dhe ka qenë i pikasur nga forcat serbe si një person shumë aktive, për të drejtat e shqiptarëve. Kjo fotografi na kujton kohën se si babi ishte detyruar ta përbi unazën e fejesës, si formë e maltretimit nga forcat serbe dhe është momenti kur mjekët ia kanë larguar unazën”, tha ajo./atvlive.tv/

    Për më shumë ndiqni videon e mëposhtme:

  • Shpat Kasapi zbulon se ka shkuar te Hoxha për të bërë “rukje” dhe se është shëruar nga mësyshi

    Shpat Kasapi zbulon se ka shkuar te Hoxha për të bërë “rukje” dhe se është shëruar nga mësyshi

    Këngëtari i njohur Shpat Kasapi ishte i ftuar në emisionin LIBERO në ATV, ku bëri një rrëfim ekskluziv për jetën e tij private, por edhe karrierën e bujshme muzikore.

    Ai tregoi se për një kohë ka bërë një pauzë të qëllimshme që të merret me veten.

    “Ka pasur faza të ngritjes, të uljes, kam pasë një fazë ku kam pauzuar qëllimisht të merrem me veten sepse kisha një fazë ku u mbingarkova shumë nga muzika. Ishte ajo koha kur unë nuk dilja i lirë në qytet prej shtëpisë nuk dilja i lirë nga fansat, nga adhuruesit edhe thash të merrem me vete, pak të largohem disi që të qetësohem. E kam marrë veten goxha”, thotë Shpati.

    Ai thotë se ka pasur probleme edhe me mësyshë, nga e cila thotë se është “shëruar” pasi që ka bërë edhe ‘rukje’ te hoxha.

    I pyetur se i kanë ndihmuar ‘rukjet’ për t’u çliruar nga mësyeshi, ai u përgjigj: “Patjetër. Është diçka që ti mbështetesh në besim dhe harron të kaluarën, harron gjendjen psikologjike dhe shëndetësore tënden. Përkushtohesh tek i madhi Allah”. /atvlive.tv

  • “Me pa nanën duke u thy në 1 mijë copa ishte e rëndë”- Xhuli mes lotësh rrëfen për humbjen e familjarëve të saj në luftë

    “Me pa nanën duke u thy në 1 mijë copa ishte e rëndë”- Xhuli mes lotësh rrëfen për humbjen e familjarëve të saj në luftë

    Xhuli Nura ka rrëfyer së fundmi në emisionin “Libero” për momentet e vështira që ka kaluar, duke përmendur luftën në Kosovë dhe jo vetëm.

    Ajo mes lotësh tregoi se si gjatë luftës në Kosovë humbi familjarët e saj, derisa përmendi edhe kthimin e babait të saj nga Finlanda në Kosovë për të luftuar.

    “Familja ime ka dhënë shumë për këtë luftë. Babi im u kthye në Kosovë për të luftuar, ndërsa ne mbetëm në Finlandë. Mamaja ime vjen nga Prekazi legjendar dhe në një mbrëmje vonë telefonoi babi dhe unë po e dëgjoja bisedën me mamin dhe në një moment babi i thotë mamit se tha kjo që po tregoj nuk është e lehtë. Ai i tregoi mamit qw gjyshin e kishin masakru edhe për mua si 8- vjeçe ka qenë shumë e vështirë me pa nanë duke u thy në një mijë copëza. Për një fëmijë është shume e ranë”, u shpreh ajo./atvlive.tv/

    Për më shumë ndiqni videon e mëposhtme:

    LEXONI EDHE:

    “A ia vlen me jetu më?” – Pas skandalit si 20 vjeçe, Xhuli rrëfen se si kishte menduar t’i jepte fund jetës

     

     

  • “A ia vlen me jetu më?” – Pas skandalit si 20 vjeçe, Xhuli rrëfen se si kishte menduar t’i jepte fund jetës

    “A ia vlen me jetu më?” – Pas skandalit si 20 vjeçe, Xhuli rrëfen se si kishte menduar t’i jepte fund jetës

    Modelja e njohur kosovare Juliana Nura (Xhuli), e ftuar në emisionin “Libero”, në ATV, ndau shumë të pathëna për jetën e saj, punën dhe jo vetëm. Xhuli foli për momentin më të errët të jetës së saj, ku para disa vjetësh i ishte publikuar një video intime.

    Ajo thotë se ky ishte momenti më i tmerrshëm i jetës së saj, saqë për një çast kishte menduar edhe vetëvrasjen.

    “Unë në 2010-n kom mendu me mbytë vetën sepse kur ndodhi ky incidentit unë isha vetëm 20 vjeçe dhe e kisha një familje shumë të ngritur, shumë të mirë dhe aso kohe mendojsha që familja jem, morali I tyre ka me ju hjek me atë video. Unë kom bo gabim kom mendu në atë mënyrë por sot ka ndryshu mentaliteti shyqyr. Kam menduar a ia vlen me jetu më, sepse gjithmonë do të jem e paragjykuar. Ka qenë moment që kanë qenë në pyetje diku rreth një minutë se a ia vlen me jetu apo duhet të vdes”, tha ajo./atvlive.tv/

    Për më shumë ndiqni videon e mëposhtme:

  • E jashtëzakonshme: Këngëtarja rumune këndon shqip për Adem Jasharin – mahnitë me zërin

    E jashtëzakonshme: Këngëtarja rumune këndon shqip për Adem Jasharin – mahnitë me zërin

    Këngëtarja rumune Andrea Vilcan, e cila ditë më parë publikoi këngën “Mora fjalë”, këngë kjo kushtuar komandantit Legjendar Adem Jashari, për herë të parë ka dhënë intervistën e saj në një televizion në Kosovë.

    Ajo ishte e ftuar në emisionin LIBERO në ATV, ku tregoi se si kishte filluar të këndojë shqip dhe si ishte pritur kjo nga bashkëkombësit e saj rumunë.

    “Në fillim nuk iu ka dukur diçka interesante, madje janë befasuar me faktin se pse në Kosovë, por me kalimin e kohës kur e kanë parë dhe iu kam treguar historinë se çka ka ndodh, edhe ata kanë nisë me e pëlqy shumë”, thotë ajo.

    Në këtë emision, këngëtarja nga Rumania, Andreea Vilcani ka mahnitur publikun në sallë me zërin e saj teksa i këndoi heroit legjendar të Kosovës, Adem Jasharit, me vargjet e një prej këngëve më të popullarizuara shqiptare “Mora fjalë. /atvlive.tv

  • Arif Vladi këndon live në LIBERO “Marshin e UÇK-së” për nder të 28 Nëntorit

    Arif Vladi këndon live në LIBERO “Marshin e UÇK-së” për nder të 28 Nëntorit

    Këngëtari i mirënjohur shqiptar, Arif Vladi, oshte i ftuar mbrëmë në emisionin LIBERO në ATV, ku bëri një rrëfim për jetën e tij private si dhe karrierën artistike.

    Në këtë emision, ai edhe interpretoi këngën “Marshi i UÇK-së” për nder të 28 Nëntorit.

  • Këngëtarja rumune Andrea Vilcan jep intervistën e parë në Kosovë, tregon se si filloi të këndojë shqip

    Këngëtarja rumune Andrea Vilcan jep intervistën e parë në Kosovë, tregon se si filloi të këndojë shqip

    Këngëtarja rumune Andrea Vilcan, e cila ditë më parë publikoi këngën “Mora fjalë”, këngë kjo kushtuar komandantit Legjendar Adem Jashari, për herë të parë ka dhënë intervistën e saj në një televizion në Kosovë.

    Ajo ishte e ftuar në emisionin LIBERO në ATV, ku tregoi se si kishte filluar të këndojë shqip dhe si ishte pritur kjo nga bashkëkombësit e saj rumunë.

    “Në fillim nuk iu ka dukur diçka interesante, madje janë befasuar me faktin se pse në Kosovë, por me kalimin e kohës kur e kanë parë dhe iu kam treguar historinë se çka ka ndodh, edhe ata kanë nisë me e pëlqy shumë”, thotë ajo. /atvlive.tv

  • E pazakontë, Afërdita Paqarada shkoi të psikologu për t’i rregulluar mosmarrëveshjet me vajzën e saj

    E pazakontë, Afërdita Paqarada shkoi të psikologu për t’i rregulluar mosmarrëveshjet me vajzën e saj

    Afërdita Paqarada  ishte e ftuar në emisionin “LIBERO’’ dhe ndau shumë të pathëna për jetën e saj dhe lidhjen e veçantë që ka me fëmijët.

    Ajo publikisht foli hapur për një gjë të pazakontë e që duhet ndjekur si shembull, ajo tregoi se e ka vizituar psikologun për t’u konsultuar në lidhje me raportin e saj me vajzën.

    “…Kohëve të fundit vizitoj psikologun në mënyrë që ta përmirësoj raportin me vajzën time, pasi që kemi pasur disa ngatërresa si pasojë e moshës së saj dhe kam kërkuar ndihmën e psikologut…”, tha ajo.

    Vlen të ceket se 20% e adoleshentëve vuajnë nga depresioni para se të arrijnë moshën madhore dhe shumica e rasteve janë të pazbuluara dhe nuk trajtohen.


    Për të ndjekur intervistën e plotë, klikoni në linkun e mëposhtëm: