Tag: Hekuran Murati

Ministri i Financave, Punës dhe Transfereve, Hekuran Murati, në emisionin CONTEXT në ATV, tha se një mijë persona në Kosovë kanë prona me vlerë 5 miliardë euro.

Këtë statistikë Murati e dha teksa po fliste për tatimin në pronë, ku gjatë muajve të kaluar ka pasur mospajtime ndërmjet Ministrisë së Financave dhe komunave.

Murati ka thënë se është dezinformuar kur është thënë se “Ministria e Financave ka marrë vendim për tatimin në pronë – sipas tij ministria që ai drejton ka respektuar ligjin.

”Më herët vlerësimi është bërë prej komunave dhe komunat kanë bërë vlerësime më të ulëta sesa vlera e tregut, ose ka pas edhe ndryshime edhe ato komuna që kanë mundur t’i bëjnë vlerësimet si duhet. Ministria e Financave e ka kryer një shërbim, por nuk ka marrë asnjë vendim. Është e pavërtetë, le të ma gjen dikush një vendim që e ka marre Qeveria për këtë çështje. Kjo ndodh në mënyrë automatike sepse departamenti që është për tatim në pronë e ka obligim ligjor ta bëjë vlerësim, të autorizojë edhe ekspertë. Kur është bërë vlerësimi në shtator të vitit të kaluar asnjë komunë nuk e ka ngritur zërin që të ndryshohet ligji ose udhëzimi administrativ”, ka thënë Murati.

Por ai ka thënë se kryetarët e komunave filluan të ankoheshin vetëm pasi qytetarët morën faturat.

”Momentin kur kanë filluar ankesat e qytetarëve, faji është hedhur te Ministria e Financave dhe është thënë se Qeveria është duke e vështirësuar jetën e qytetarëve, këso deklaratash kanë qenë nga disa kryetarë komunash”, ka thënë ai.

Më tutje, ministri i Financave ka thënë se ka propozuar ndryshim të ligjit për vitin tjetër, ndërkaq për këtë vit një falje borxhesh të tatimit në pronë prej 100 eurosh.

”Unë kam thënë se unë pajtohem që duhet të ndihmohen qytetarët. Po e bëjmë një projektligj, për vitin vijues e ulim pragun e shkallës tatimore, e rrisim vlerën që lirohet për pronat rezidenciale. Ka qenë 15 mijë euro për banim primar të liruara, tash në propozimin që e kemi dërgu është 30 mijë euro. Sa i përket këtij viti aktual është ta propozojmë një falje tatimi deri në 100 euro, kjo do t’i ndihmonte atij që ka pak pronë”, ka thënë Murati.

Por sipas tij, 100 euro nuk vlejnë për dikë që duhet të paguajë 50 milionë euro tatim në pronë. Më pas Murati dha statistikën se janë 1000 persona në vend që kanë pronë mbi 5 miliardë euro.

”Kanë qenë diku top 1000 mijë nëse nuk gaboj kanë qenë në vlerë 5 miliardë euro”, ka thënë Murati.

Qytetarët kanë afat vetëm edhe nesër që ta kryejnë pagësën e këstit të parë të tatimit në pronë për vitin 2023. Ata që s’e paguajnë do të përballen me masa ndëshkimore. Për ta do të aplikohet një interes prej 0.65% për secilin muaj që vonohet pagesa, si dhe një gjobë prej 10% të tatimit të papaguar.

Nesër përfundon afati ligjor për pagesën e këstit të parë të tatimit në pronë. Për këstin e dytë, kanë kohë deri në fund të shtatorit.

Qyetetarët tashmë janë paralajmëruar që të kryejnë pagesat, që të mos përballen me masa ndëshkimore. Këtë vit, faturat e tatimit në pronë do të jenë më të shtrenjta, meqë është bërë rivlerësimi i pronave nga ana e Ministrisë së Financave.

“Edhe pak ditë kanë mbetur për të paguar këstin e parë. Të gjithë tatimpaguesit që ende nuk e kanë kryer obligimin e tyre, mund ta kryejnë pagesën deri më 30 Prill 2023. Duke kryer me kohë obligimet tuaja, ju nuk do të paguani gjoba në shumën 10% të këstit të parë dhe interes prej 0.65% në muaj”, është njoftimi që ka lëshuar Departamenti i Tatimit në Pronë.

Në rast të mospagesës, për ta do të aplikohet një interes prej 0.65% për secilin muaj që vonohet pagesa, si dhe një gjobë prej 10% të tatimit të papaguar.

E ata që që paguajnë do të mund të përfitojnë nga Projektligji për ndryshimin dhe plotësimin e Ligjit për tatimin në pronën e paluajtshme, që parasheh që secilit tatimpagues t’i falen deri në 100 euro të faturës së tatimit në pronë për vitin tatimor 2023.

Për qytetarët që tashmë e kanë paguar faturën, shuma e falur do t’ju llogaritet si paradhënie për vitet pasuese.

“Në rast se tatimpaguesi ka paguar faturën e tatimit në pronë për vitin 2023, shuma e falur i llogaritet si paradhënie për vitet pasuese.”

Aty sqarohet edhe se falja tatimore zbatohet vetëm për këtë vit.

“Zbatimi i këtij kapitulli mbetet përgjegjësi e çdo komune përgjegjëse për administrimin e procesit të tatimit në pronë për pronat e paluajtshme që ndodhen brenda territorit të komunës”, thuhet në projektligj.

Ky projektligji është miratuar më 31 mars në Qeverinë e Kosovës dhe është dorëzuar në Kuvendin e Kosovës, por, deri te miratimi i tij final, janë edhe disa faza për t’u kaluar, e që nuk pritet të kryhen brenda këtij muaji.

Ministri i Financave, Punës dhe Transfereve, Hekuran Murati, ka deklaruar se me faljen që do të bëhet, 85 për qind e tatimpaguesve nuk do të paguanin asgjë për këtë vit, 10 për qind të tjerë do të paguanin më pak se 100 euro dhe vetëm 5 për qind e tatimpaguesve do të paguanin më shumë se 100 euro.

Ndryshe, nga tatimi në pronë, shteti i Kosovës ka të hyra vjetore deri në 40 milionë euro.

Të hyrat e mbledhura nga tatimi në pronën e paluajtshme arkëtohen në llogarinë e komunës ku ndodhet prona e paluajtshme dhe shfrytëzohen nga komuna për zhvillimin e infrastrukturës dhe projekte të tjera që përmirësojnë jetën e qytetarëve.

Me ligjin në Kosovë, vlerësimi i pronës nga Ministria e Financave, Punës dhe Transfereve bëhet çdo tre ose pesë vjet.

Vlerësimin e fundit, kjo ministri e ka bërë vitin e kaluar, kurse zbatimi i tij në tatimin në pronë ka filluar nga janari i këtij viti.

Vlerësimi paraprak është bërë në vitin 2019.

Ministri i Financave, Punës dhe Transfereve, Hekuran Murati është shprehur sot se falja e 100 eurove të para për tatimin në pronë do të zvogëlojë barrën buxhetore për qytetarët.

Në komisionin për buxhet, Murati ka thënë se në Projektligjin për Tatimin në Pronën e Paluajtshme, përfshihet edhe ulja e pragut të tatimit nga 0.15 për qind në 10 për qind, ndërkaq ka potencuar se prej vitit 2025 do të fillojë zbatimi i tatimit progresiv.

Deputeti i LDK-së, Avdullah Hoti ka kritikuar ministrin Murati për sjelljen në Kuvend të këtij projektligji pa respektuar afatet kohore dhe pa konsultim publik.

“Një reformë kaq e madhe me kalu në mënyrë at-hoc është e dëmshme”, ka thënë ai.