ATV

Tag: FSK

  • Realizuan mision me njësitë britanike, pjesëtarët e FSK-së kthehen nga Ishujt Falkland

    Realizuan mision me njësitë britanike, pjesëtarët e FSK-së kthehen nga Ishujt Falkland

    Kontingjenti i FSK-së, i cili kishte zbarkuar me ushtrinë britanike në Ishujt Falkland, ka përfunduar me sukses misionin dhe është kthyer në Kosovë.

    Në misionin “Atlantiku” Forca ka qenë pjesë e integruar e njësive britanike ku kanë realizuar bashkërisht të gjitha fazat e trajnimit dhe praktikave taktike dhe operacionale në mision.

    “Pjesëmarrja e Forcës së Sigurisë së Kosovës në bashkë-zbarkimin me qëllim të ngritjes së aftësive dhe kapaciteteve, e ngrit nivelin e besimit tek partnerët, përgatit ushtarakët për misione dhe ndëveprueshmëri si dhe rrit nivelin e operacionalitetit të ushtarakëve tanë të cilët do të shërbejnë në të ardhmen në misionet shumëpalëshe të paqes ku do që kërkohet”, thuhet në njoftimin e forcës së Sigurisë së Kosovës.

    Ata janë pritur në Aeroportin Ndërkombëtar “Adem Jashari”, nga komandanti i Forcave Tokësore, gjeneral brigade Hysen Dreshaj, shefi i shtabit të KFT-së, kolonel Valdet Berisha, si dhe familjarë, miq.

  • FSK përfundon edhe një ushtrim në kuadër të përgatitjeve për “Defender Europe 2023”

    FSK përfundon edhe një ushtrim në kuadër të përgatitjeve për “Defender Europe 2023”

    Forca e Sigurisë së Kosovës në kuadër të përgatitjeve për “Defender Europe 2023”, ka përfunduar ushtrimin fushor “Steel Alpha 2023”.

    Në këtë ushtrim sipas njoftimit janë kryer stërvitje për operacione të mbrojtjes, sulmuese, të sigurisë dhe stabilitetit.

    “Në kuadër të përgatitjeve për Ushtrim “Defender Europe 2023”, është realizuar Ushtrimi Fushor “Steel Alpha 2023” për valdimin e Kompanisë A dhe Togut IVR nga Regjimenti i Dytë i Forcave Tokësore. Në këtë ushtrim janë kryer stërvitje për operacione të mbrojtjes, sulmuese, të sigurisë dhe stabilitetit, duke i përfshi këtu edhe stërvitjet në nivel kompanie (LFX) me të gjitha sistemet e armatimit”, thuhet në njoftim.

  • Hovenier: Mbështesim planin 10-vjeçar të FSK’së për t’u bërë një forcë shumë-etnike

    Hovenier: Mbështesim planin 10-vjeçar të FSK’së për t’u bërë një forcë shumë-etnike

    Ambasadori i Shteteve të Bashkuara të Amerikës në Kosovës, Jeffrey Hovenier, sot ka takuar gjeneralin e brigadës së Iowas, Stephen Osborn.

    Hovenier, ka thënë SHBA’të vlerësojnë partneritetin e qëndrueshëm të Iowas me FSK’në, pasi që ata mbështesin planin 10 vjeçar të FSK’së për tu bërë një forcë shumë etnike, profesionale, e ndërveprueshme nga NATO’ja për mbrojtjen territoriale.

    Po ashtu, ai ka thënë se takimi me Osbon ka qenë kënaqësi.

    “Kënaqësi të mirëpresim gjeneralin e brigade së Iowa-s, Stephen Osborn, në Kosovë. Ne vlerësojmë partneritetin e qëndrueshëm të Iowa-s me FSK-në pasi mbështesim planin 10-vjeçar të FSK-së për t’u bërë një forcë shumë-etnike, profesionale, e ndërveprueshme nga NATO-ja për mbrojtjen territoriale”, ka shkruar Hovenier në llogarinë e tij në Twitter.

  • FSK-ja publikon pamjet e operacionit në Liqenin e Badovcit, ku u gjet i pajetë një person

    FSK-ja publikon pamjet e operacionit në Liqenin e Badovcit, ku u gjet i pajetë një person

    Forca e Sigurisë së Kosovës ka publikuar në llogarinë e saj zyrtare në Facebook, disa pamje gjatë operacionit të së mërkurës për kërkim shpëtimin e një personi, i cili u gjet i pajetë.

    Sipas njoftimit, trupi i viktimës u gjet në zonën e Liqenit të Badocit – pas disa orësh kërkimi.

    “Pas ftesës së Qendrës së Situatave të Qeverisë së Republikës së Kosovës, për angazhimin e Ekipeve të FSK-së, për operacionin e kërkim shpëtimit malor dhe K9 të Gardës Kombëtare të FSK-së”, thuhet në njoftimin për media.

    “FSK ka marr të gjitha masat dhe ka angazhuar ekipet në Operacion e kërkimit të personit të zhdukur me inicialet G.G, dhe ka arritur që pas disa orësh kërkimi në bashkëpunim me Policinë e Kosovës, të gjejnë trupin e pajetë në zonën e liqenit të Badocit”.

    Tutje, bëhet e ditur se pas evakuimit të viktimës trupi i pajetë është dorëzuar Policisë së Kosovës dhe ekipit të forenzikës për procedurat e mëtejme.

  • Luan Haradinajt i dhurohet ora që babai i vet Shkëlzeni e mbajti deri në rënien në betejë

    Luan Haradinajt i dhurohet ora që babai i vet Shkëlzeni e mbajti deri në rënien në betejë

    Luani, i biri i dëshmorit Shkelzen Haradinaj, sot ka pranuar dhuratë orën të cilën babai i vet e mbajti në dorë deri në momentin e fundit të jetës së vet.

    Shpëtim Selmanaj, këshilltar politik i ministrit të Mbrojtjes, ishte ai që ia dhuroi orën ushtarit të FSK-së.

    Haradinaj, përmes një postimi në Facebook, tha se kjo dorë do të tregojë gjithmonë kohën e saktë se kur nisi liria.

    “Ora që do t’u mbijetojë kohëve, aq sa do të jetë i gjallë emri i Shkëlzenit. Akrepat që u ndalën atë ditë në dorën e tij, do të tregojnë gjithmonë kohën e saktë se kur nisi liria. Faleminderit Shpëtim që e ke ruajtur në vite këtë simbol kaq të vyeshëm për ne e na nderove kaq shumë sot në këtë ditë krenarie”, ka shkruar Haradinaj në Facebook.

  • Regjimenti i këmbësorisë përfundon trajnimin “Lufta në qendrat e banuara”

    Regjimenti i këmbësorisë përfundon trajnimin “Lufta në qendrat e banuara”

    Ministri i Mbrojtjes, Armend Mehaj ka bërë të ditur se kompania 1B e Regjimentit të parë të këmbësorisë ka përfunduar trajnimin “Lufta në qendrat e banuara” me instruktorët e Operacioneve Speciale të Forcës së Sigurisë së Kosovës.

    Mehaj në një postim në Facebook shkruan se qëllimi i këtij trajnimi ka qenë stërvitja e pjesëtareve për luftë në qendrat urbane, e që është një nga detyrat kryesore të këmbësorisë për përmbushje të misionit.

    “Gjatë ekzekutimit të trajnimi pjesëtarët kanë praktikuar disiplinat ushtarake, qitje me armë individuale dhe në ekip si dhe janë trajnuar për lufte në qendra të banuara në kushte të ditës dhe të natës, si një nga metodat me komplekse të luftës.

    Trajnimi u përmbyll me realizimin e skenarit të ‘kordon-kërkimit’ dhe ‘pastrimit të dhomave’ ku pjesëmarrësit treguan nivel të lartë të përgatitjes profesionale”, shkruan Mehaj.