ATV

Tag: Ekipi A

  • Gjendja e fushës në stadiumin “Fadil Vokrri”, Tafa: Ne si Kosovë po turpërohemi, komunikata e FFK-së ishte qesharake

    Gjendja e fushës në stadiumin “Fadil Vokrri”, Tafa: Ne si Kosovë po turpërohemi, komunikata e FFK-së ishte qesharake

    Drejtori i Përgjithshëm i Radio Televizionit ATV, Ilir Tafa, në emisionin EKIPI A, ka drejtuar kritika të ashpra në drejtim të Federatës së Futbollit të Kosovës si dhe Komunës e Prishtinës për kushtet në fushën e stadiumit “Fadil Vokrri”, në të cilën u zhvillua mbrëmë ndeshja mes Kosovës dhe Izraelit.

    Komunikata e FFK-së për këtë gjendje të fushës në stadiumit “Fadil Vokrri”, sipas tij, ishte qesharake.

    “E lexova komunikatën e Federatës së Kosovës, ishte qesharake, që thotë se ‘në atë gjendje e kemi marrë fushën në menaxhim, neve na kushton kaq’. Ti a nuk e ke ditë që të kushton kaq, a nuk e ke ditë që duhet me e menaxhu? Në anën tjetër, Komuna e Prishtinës del me deklaratën tjetër, thotë se Federata duhet me e mirëmbajtë fushën edhe nuk e ka mirëmbajtë. Megjithatë është një kontratë, kur t’ia japësh dikujt në menaxhim fushën, atëherë megjithatë duhet me kanë në draft të kontratë një kusht që ata duhet me e mirëmbajtë fushën”, tha Tafa.

    Ai thotë se Kosova po turpërohet, për arsye se gjendja e kësaj fushe po bëhet virale në gjithë botën.

    “E keqja më e madhe, mendoj se krejt ai angazhim i futbollistëve të kombëtares së Kosovës dhe krejt ajo lojë e mirë, ka ra nën hijen e kushteve që janë ofruar për zhvillimin e kësaj ndeshje, që duhet të jetë debat diskutimi. Ne duhet të jemi kritikë edhe ndaj Federatës së Kosovës, edhe ndaj Komunës së Prishtinës, të cilët ia bartin përgjegjësinë herë te njëra palë, herë te pala tjetër. Por, megjithatë ne si shikues apo ne si Kosovë po turpërohemi, për arsye se këto video, kjo fushë po bëhet virale në gjithë botën. Ne s’po mundemi me e menaxhu një fushë”, tha Tafa.

    Ndërsa sa i përket ndeshjes, ai thotë se fitorja është meritë e trajnerit Primoz Gliha, i cili sipas Tafës, në lojtë e fundit është duke treguar që më të vërtetë di ta menazhojë dhe udhëheqë kombëtaren shumë mirë. /atvlive.tv

    Emisionin e plotë e gjeni në videon më poshtë:

  • Prepolli: Bashkë me lojtarët në Prishtinë do të vijnë edhe disa forca të Izraelit

    Prepolli: Bashkë me lojtarët në Prishtinë do të vijnë edhe disa forca të Izraelit

    Arsim Prepolli, analisti i emisionit ‘EKIPI A’ në ATV, tha se nuk beson që do të ketë ndonjë incident në ndeshjen e Kosovës me Izraelin, pasi që sipas tij, pos masave që do t’i marrin forcat e rendit të Kosovës, do të ketë edhe forca speciale izraelitë, të cilët do të jenë afër lojtarëve çdo sekondë.

    “Mendoj që ka me qenë një lojë që ka me e kalu masën e rrezikshmërisë dhe mendoj që s’ka me pasë, sepse ka me qenë siguria në nivel, kur e shtojmë edhe rastin që kam dëgjuar që edhe Izraeli vjen me forcat e veta speciale që janë përkatës për këso ndeshje që janë për siguri shumë të mëdha, me futbollistët kanë me qenë thuajse çdo sekondë. Sa i përket stadiumit, unë mendoj se masat e rendit tek ne kanë me qenë shumë syçelë edhe nuk kanë me ardhë deri të një incident më i vogël. Sa i përket ndonjë parullë, ndonjë flamur apo fishkëllimë e himnit, ajo duke që nuk është masë e rrezikshmërisë shumë të madhe”, tha Prepolli.

    Emisionin e plotë e gjeni në videon më poshtë:

  • Çollaku: Nuk ka rrezik për ndeshjen Kosovë – Izrael

    Çollaku: Nuk ka rrezik për ndeshjen Kosovë – Izrael

    Profesori universitar dhe njohësi i çështjeve të sigurisë, Fatmir Çollakaj, në emisionin EKIPI A në ATV, tha se nuk ka ndonjë rrezik potencial në vend që do ta pengonte zhvillimin e ndeshjes Kosovë – Izrael.|

    “Rrezikshmëria është, por nuk është e lartë për faktin se elementet e huaja ose elementet e ndryshme të cilat mund të paraqitet si rrezikues potencial nuk e kanë as intensitetin as vëllimin e veprimit, i cili veprim rrezikon lojtarët ose do të rrezikonte ndeshjen, që i bie se deri më tani, në publik nuk ka informacione nga ana e Policisë dhe organeve të tjera se ka ndonjë kërcënim serioz, i cili do të ndikonte në shtyrjen eventuale të ndeshjes apo edhe të ndërmarrjes së masave dhe veprimeve tejet të shtuara, të mobilizuara”, tha Çollakaj.

    Ai tha se Policia do të marrë me kohë masat dhe veprimet e nevojshme për të parandaluar çdo veprim kërcënues nga kushdo.

    “Unë mendoj se kjo ndeshje duhet të mbahet dhe do të mbahet ditën e diel. Policia do të marrë me kohë masat dhe veprimet e nevojshme për të parandaluar dhe neutralizuar çdo faktor kërcënues nga kushdo që vjen dhe nga secila anë që mund të vijë”, vlerësoi Çollakaj. /atvlive.tv

    Emisionin e plotë e gjeni në videon më poshtë:

  • “Atë kurrë s’duhet me e ftu, hiç”- Prepolli i ashpër me lojtarin e Malishevës që refuzoi të luajë për Kosovën U21

    “Atë kurrë s’duhet me e ftu, hiç”- Prepolli i ashpër me lojtarin e Malishevës që refuzoi të luajë për Kosovën U21

    Analisti i futbollit, Arsim Prepolli, në emisionin EKIPI A në ATV, duke komentuar refuzimin që i ka bërë futbollisti i Malishevës, Drilon Hazrollaj, kombëtares së Kosovës U21, tha se këtë të fundit “kurrë nuk duhet me e ftu në kombëtare”.

    “Duhet me qenë shumë korrekt. Qysh mundesh me i kërku selektorit ‘po vi në kombëtare për me luajt. Është e palogjikshme, e pa kuptueshme, e pa diskutueshme”, tha Prepolli. /atvlive.tv

    Emisionin e plotë e gjeni në videon më poshtë:

  • Lumi: Dënimi me gjobë nga UEFA do të ishte gjëja më e vogël për ne, nëse do shfaqnim banerë politik kundër Izraelit

    Lumi: Dënimi me gjobë nga UEFA do të ishte gjëja më e vogël për ne, nëse do shfaqnim banerë politik kundër Izraelit

    Gazetari dhe analisti i sportit, Alban Lumi, në emisionin EKIPI A në ATV, tha se në rast se do të shfaqej ndonjë baner politik kundër Izraelit nga tifozët tanë, dënimi me gjobë nga UEFA do të ishte gjëja me e vogël, pasi që sipas tij, do të pësonim shumë si shoqëri.

    “Në këtë rast, dënimi ndoshta do të jetë gjëja më e vogël që ne do të pësojmë një dënim në gjobë për Federatën tonë, por do të pësojmë shumë si shoqëri, pasi që ne duhet që të qëndrojmë indiferent dhe duhet ta dënojmë çfarëdo dhune që vjen nga çdo kush. Ne e dimë vet, që jemi të asaj moshe që kemi përjetu dhunë këtu nga dikush tjetër, nga ajo Serbi që vazhdimisht proklamon banera të tillë”, tha Lumi.

    Ai besoj se një gjë e tillë nuk do të ndodh në stadiumin “Fadil Vokrri”, për shkak se në njërën anë, Dardanët janë grupi i tifozëve që e kanë përkrahur Kosovën në mënyrën më dinjitoze, dhe në anën tjetër policia dhe shërbimet inteligjente nuk do ta lejojnë një gjë të tillë.

    “Po mënoj që rreziqet më të mëdha në këso raste vijnë prej grupeve të organizume dhe grupi me i organizuar i tifozëve të Kombëtares tonë janë Dardanët. Ata vazhdimisht shprehur përkrahjen e tyre për Kosovën në mënyre dinjitoze dhe asnjëherë nuk kanë marrë qoftë edhe vërejtjen më të vogël nga UEFA apo persona përgjegjëse për këtë punë. Mendoj se në këtë pikë jemi mirë. Gjithashtu edhe policia e Kosovës dhe shërbimet tona inteligjente janë në nivel, së paku nga këndi i ynë sa i kemi parë kanë qenë në nivel të tyre dhe nuk besoj se do të lejonin të ndodh një gjë e tillë në stadiumin “Fadil Vokrri”, por gjithsesi ndeshja është e një rreziku të lartë dhe nuk besoj se do të zhvillohet”, theksoi Lumi. /atvlive.tv

  • Shala: Kosova e përgatitur për të ofruar sigurinë e nevojshme në ndeshjen me Izraelin, tani mbetet që UEFA ta caktojë terminin

    Shala: Kosova e përgatitur për të ofruar sigurinë e nevojshme në ndeshjen me Izraelin, tani mbetet që UEFA ta caktojë terminin

    Eksperti i Sigurisë, Drizan Shala, në një lidhje të drejtpërdrejt në emisionin EKIPI A në ATV, tha se Institucionet e Kosovës janë të përgatitura që të ofrojnë sigurinë e nevojshme për ndeshjen mes Kosovës dhe Izraelit.

    Ai tha se tani mbetet që UEFA ta japë dritën jeshile se kur do të luhet ndeshja, dhe kjo për shkak të situatës në Izrael që tani është në gjendje lufte.

    “Mund të themi me përgjegjësi të plotë se në rast se planifikon UEFA ta zhvillojë ndeshjen e futbollit në bazë të rrethanave dhe kushteve aktuale në Izrael, sepse lojtarët e të kombëtares së Izraelit, pjesa më e madhe jetojnë dhe vepron në Izrael dhe ku dihet se tani edhe hapësira ajrore është e bllokuar si shkaktarë e shpalljes së gjendjes së luftës atje dhe lëvizja e kombëtares do të jetë bukur shumë më e vështirësuar për të lëvizur në drejtim të Evropës dhe respektivisht për të marrë pjesë në ndeshjen me kombëtaren e Kosovës. Kjo mbetet çështje e UEFA-s për të përcaktuar ndoshta një termin më të ri. Por, çka mund të themi më përgjegjësi të plotë, në aspektin operacional dhe në aspektin e institucional të sigurisë të Republikës së Kosovës, Kosova ka kapacitete të mjaftuara, qoftë ato inteligjente, qoftë ato policore, për të garantuar çdo kombëtare lëvizjen, qëndrimet tyre në Kosovë duke të krijue edhe perimetra të caktuara të Sigurisë”, tha Shala.

    Ai përmendi edhe rastin kur kemi patur të bëjmë me një akt terrorist sa i përket kombëtares së Izraelit në ndeshjen e cila është zhvilluar në Shkodër, akt ky i cili është parandaluar me sukses.

    “Kjo po e dëshmon faktin që në këtë aspekt institucionet e Kosovës të Sigurisë dhe Inteligjencës ka një bashkërendim dhe një bashkëpunim edhe mes shërbimeve të caktuara të rajonit, por njëkohësisht edhe me partnerët tanë strategjikë dhe mbi këtë bazë rrjedha e informacioneve të cilat mund t’i vijnë në drejtim të institucionit të Kosovës për të marrë masa preventive në drejtim të kombëtares së Izraelin, mund të themi me përgjegjësi të plotë që çdo kombëtare, respektivisht edhe Izraeli që do të vijë në territorin e Kosovës do të ketë sigurinë maksimale të ofruar nga njësitë relevante të Policisë së Kosovës, por njëkohësisht duke u mbështetur edhe nga Shërbimi apo Agjencioni Kosovar i Inteligjencës për të garantuar një rrjedhje të mirë të kësaj loje nga ndikimi i mundshëm të ndonjë aktiviteti terrorist në drejtim të tyre”, tha Shala. /atvlive.tv

  • Trajneri i Fushë Kosovës: Ballkani do të fitoj përballë Dinamo Zagrebit

    Trajneri i Fushë Kosovës: Ballkani do të fitoj përballë Dinamo Zagrebit

    Sonte i ftuar në emisionin ‘EKIPI A’ në ATV, është trajneri i Fushë Kosovës, Burim Shala.

    Shala në ATV, ka folur edhe për ndeshjen të cilën FC Ballkani do ta zhvillojë të enjten përballë Dinamo Zagreb në kuadër të ‘Konferencë Ligë’.

    Trajneri nga Fushë Kosova, ka deklaruar që e sheh Ballkanin fitues përballë gjigantit kroat.

    ‘Kundër Dinamo Zagrebit pres nga Ballkani që të shënoj fitore. Dinamo nuk është e viteve të kaluara pasi që po të kishte qenë do të ishte në grupet e Ligës së Kampionëve apo Europa Lig╒s. Bindshëm besoj në fitoren e Ballkanit të enjten’ tha Shala

    Emisonin mund ta shikoni në linkin më poshtë./ATVLIVE.TV

  • Arsim Prepolli: Ballkani ta kënaq syrin, është superfuqi për Kosovë

    Arsim Prepolli: Ballkani ta kënaq syrin, është superfuqi për Kosovë

    Arsim Prepolli analisti i emsisonit ‘EKIPI A’ në ATV, i ka thurrur lavdata klubit FC Ballkani.

    Sipas Prepollit, Kampioni i Kosovës thjesht nuk ka konkurrencë në ‘Albi Mall Superligë’.

    ‘Ballkani ta kënaq syrin, është superfuqi për Kosovës, sipas meje thjesht nuk ka konkurrencë’ tha mes tjerash Prepolli.

    Emsionin ‘EKIPI A’ mundeni me pa në linkin më poshtë./ATVLIVE.TV

     

  • Arbnor Morina: Disa lojtarë duhet të lirohen nga Prishtina në janar, nuk janë për këtë klub

    Arbnor Morina: Disa lojtarë duhet të lirohen nga Prishtina në janar, nuk janë për këtë klub

    Analisti i emisionit ‘EKIPI A’ Arbnor Morina ka kritikuar ashpër lojtarët e Prishtinës për paraqitjen përballë Fushë Kosovës.

    Morina ka thënë që disa lojtarë duhet të lirohen nga Prishtina në janar, pasi sipas ish lojtarit të këtij klubi, këta futbollistë nuk kanë cilësi me bartë fanellën e klubit kryeqytetas.

    Po ashtu Morina deklaroi që Prishtina duhet të vazhdojë me trajnerin Debatik Curri, sipas tij trajneri nuk duhet të shkarkohet.

    Për më shumë ndiqeni emisionin në linkin më poshtë./ATVLIVE.TV

  • Driton Latifi: Ndeshja Drita – Prishtina është vendimtare për të ardhmen e trajnerit Vavalis

    Driton Latifi: Ndeshja Drita – Prishtina është vendimtare për të ardhmen e trajnerit Vavalis

    Analisti i njohur i futbollit kosovar, Driton Latifi, është i ftuar në emisionin ‘EKIPI A’ në ATV.

    Latifi duke e komentuar barazimin e Dritës me Fushë Kosovën ka deklaruar që trajneri Akis Vavalis nuk i ka punët mirë.

    ‘Tifozët e Dritës nuk është që durojnë shumë. Mendoj që sfida e radhës e Dritës me Prishtinën do të jetë vendimtare edhe trajnerin Akis Vavalis’ tha Latifi.

    Kujtojmë që Drita aktualisht deri me tani ka zhvilluar 5 ndeshje dhe ka vetëm një fitore dhe 3 barazime, duke grumbulluar kështu pesë pikë.