ATV

Tag: DIREKT

  • Betimi i tre kryetarve të rinj në veri jashtë objeketeve komunale/ Dugolli: Nuk e bënë ndërtesa funksional një kryetar komune

    Betimi i tre kryetarve të rinj në veri jashtë objeketeve komunale/ Dugolli: Nuk e bënë ndërtesa funksional një kryetar komune

    Deputeti i Lëvizjes Vetëvendosje, Enver Dugolli, në një intervistë në emisionin DIREKT në ATV, duke komentuar betimin e tre kryetarëve të rinj të komunave veriore, të cilët betimin e bënë jo në objektet komunale, tha se ky ka qenë një proces ceremonial dhe se ndërtesa nuk e bën funksional një asamble komunale apo një kryetar të zgjedhur nga votat e qytetarëve.

    “Ne, si Qeveri edhe si Institucione, në vazhdimësi kemi thënë dhe jemi angazhu që të kalojë ky proces pa tensione, për të mos u dhënë shkas pretendimeve të Serbisë se ne po dojmë të instalojmë diçka dhunshëm dhe kemi qenë të kujdesshëm që në ato objekte ku ka pasur vlerësime se mund të ketë tensionim të situatës apo mund të zhvillohet ndonjë skenë jo e këndshme, nuk kemi dëshiruar që ta çojmë përpara, por ta zhvillojmë një proces krejt normal ligjor inaugurimin e kryetarëve dhe të asambleve, për shkak se është krejt ceremonial dhe nuk e pengon fare kryetarin dhe asamblenë që të merr vendime në të mirën e qytetarëve në të ardhmen. Tash e tutje, edhe ato pjesë i kanë kryetarët e vet, i kanë asambletë funksionale për marrjen e vendimeve, për realizimin e buxhetit dhe ofrimin e shërbimeve”, tha Dugolli.

    Ai tha se nuk e mohon faktin që do të ishte më mirë që betimi i kryetarëve të rinj të bëhet në objektet komunale, por sipas tij, ky proces është kryer në ato kushte dhe rrethana, megjithatë në objekte publike. /atvlive.tv

  • “Përndjekje politike ndaj PSD-së” – reagimi i partisë për bastisjen në pronat e ish-zyrtarëve të NPB

    “Përndjekje politike ndaj PSD-së” – reagimi i partisë për bastisjen në pronat e ish-zyrtarëve të NPB

    Vëmendjen kryesore të ditës pa dyshim e mori aksioni i drejtorisë për Krime Ekonomike, ku Policia e Kosovës ka kryer bastisje në 12 lokacione nën dyshimin për dallavere në Ndërmarrjen Publike Banesore lidhur me një kontratë për ndërtimin e katër objekteve afariste e banesore në vlerë prej mbi 120 milionë eurosh.

    Sipas Prokurorisë Speciale, janë kryer kontrolle e 11 të dyshuarve të cilët sipas këtij institucioni dyshohet se në cilësinë e personave zyrtare kanë kryer veprën penale “keqpërdorim të pozitës apo autoritetit zyrtar, lidhje e kontratës së dëmshme dhe mashtrimi”.

    Për këtë çështje, ishte PSD-ja që i ka cilësuar si përndjekje politike bastisjet që janë kryer sot në NPB, që janë zyrtarë të kësaj partie.

    Në një intervistë për ATV-në, Lisian Perolli nga PSD, thotë se këto bastisje janë përndjekje politike ndaj këtij subjekti, pasi që sipas tij, janë katër vendime të gjykatave që për rastin konkret kanë thënë që nuk ka bazë ligjore që të vazhdohen hetimet.

    “Pika tjetër e çuditshme në këtë mes është fakti që çështje NPB-së, rastit konkret ka kaluar nëpër gjykata dhe dy herë është rrëzuar, është konsideruar e pabazë. Nuk ka si të duket ndryshe kur i kemi katër vendime të gjykatave që për rastin konkret kanë thënë që nuk ka bazë ligjore që të vazhdohen hetimet” tha Perolli. /atvlive.tv

    Emisionin e plotë e gjeni në videon më poshtë:

  • ‘’Deklarata e Ohrit e errët dhe e paqartë’’ – Qerkini kritik për Marrëveshjen në Ohër

    ‘’Deklarata e Ohrit e errët dhe e paqartë’’ – Qerkini kritik për Marrëveshjen në Ohër

    Kryetari i Qendrës Burimore për Persona të Zhdukur, Bajram Qerkini, në një prononcim për ATV-vë, tha se Deklarata e Ohrit për personat e pagjetur, për ta ka qenë e errët dhe e paqartë.

    “Deklarata e cila ka qenë në Ohër është e errët, gjoja se tash në Bruksel do të sqarohet dhe do të jetë një deklaratë e dakordume ose ajo çka është folur apo është fillu, të folët ose vendoset në Bruksel kur të nënshkruajnë dy palët, kur të merren vesh Vuçiq dhe Kurti”, tha Qerkini.

    Ai tha se çfarë ndodhi në Bruksel dhe për çka kanë biseduar Kurti e Vuçiq, nuk e ka ditur.

    “Çfarë ka ndodhur, ka ndodhur se kanë biseduar por se çka nuk e kemi ditur. Pardje kanë shkuar për së dyti për të vazhduar temën të cilën e kanë lënë për personat e pagjetur. Ato politike nuk po i flas. Sipas deklaratës të cilën e ka dhënë Besnik Bislimi kur është kthy, ai ka folë shumë shkurt. Atë natë ka thënë se nuk o morëm vesh për ato çka kemi bisedu, por iu ka interesu veç Asociacioni e aspak këto pikat e tjera”, tha Qerkini. /atvlive.tv

    Emisionin e plotë e gjeni në videon më poshtë:

  • Cili është dallimi mes Asociacionit të Komunave të Kosovës me Asociacionin që po kërkojnë komunat serbe, sipas Sazan Ibrahimit

    Cili është dallimi mes Asociacionit të Komunave të Kosovës me Asociacionin që po kërkojnë komunat serbe, sipas Sazan Ibrahimit

    Drejtori ekzekutiv i Asociacionit të Komunave të Kosovës, Sazan Ibrahimi, në emisionin DIREKT në ATV, tha se draft-dokumenti i dorëzuar nga grupi punues, i cili ka bartuar logon e Republikës së Kosovës, është shtet në shtet.

    Ai tha se këtij draft-dokumenti i mungonte vetëm edhe armata, ndërsa kishte gjithçka tjetër që e bënë të jetë shtet brenda shteti.

    “Unë e kam shikuar pak atë draft-dokument, ajo është shtet në shtet. Përveç që nuk e kishin paraparë që ta kenë edhe armatën, gjithçka tjetër kishin paraparë në të. Me burime, me financa, me vendimmarrje, njëfarë lloj parlamenti për marrjen e vendimeve për komunitetin serb, dhe kjo vjen si rezultat i Marrëveshjes së Ohrit”, tha Ibrahimi.

    Ai thotë se Asociacioni i Komunave të Kosovës është vetëm një OJQ dhe nuk ka kompetenca e as që mund të ketë, ndërsa Asociacioni i komunave me shumicë Serbe, i kalon edhe kompetencat parapara me Kushtetutën e Republikës së Kosovës.

    “Asociacioni i Komunave të Kosovës është Organizatë Jo Qeveritare, do me thanë një mekanizëm i cili është strukturuar si OJQ nuk ka kompetenca, as nuk mund të ketë. Edhe në kartën evropiane mbi vetëqeverisjen lokale, nuk është i paraparë që një mekanizëm i ashtuquajtur Asociacion të ketë edhe kompetenca ekzekutive. Për habi, në marrëveshjen e Brukselit të vitit 2013 dhe 2015, shkruan ‘Asociacioni, bashkësia e komunave’, e këta e kishin hjekë fjalën Asociacion, por e kishin lënë vetëm bashkësinë e komunave, dmth edhe fjalën Asociacion e kanë mënjanuar përkundër çështjeve të tjera të cilat i kishin futur në atë dokument. Sipas mendimit tim, nuk besoj që një politikan kosovar mund të nënshkruajë një dokument të tillë, i cili kalon edhe kompetencat parapara me Kushtetutën e Republikës së Kosovës”, tha Ibrahimi. /atvlive.tv

    Emisionin e plotë e gjeni në videon më poshtë:

  • Imeri: Asnjë qeveri nuk e ka pasur prioritet shëndetësinë

    Imeri: Asnjë qeveri nuk e ka pasur prioritet shëndetësinë

    Kryetarja e FSShK-së, Tevide Imeri, në emisionin DIREKT në ATV, deklaroi se asnjë Qeveri nuk e ka pasur prioritet shëndetësinë.

    “Edi se shëndetësia ka një kosto jashtëzakonisht të lartë edhe kam thënë, e nuk kam me u ndalë duke e thënë se gati asnjëra Qeveri nuk e ka pasur prioritet shëndetësinë”, tha Imeri.

    Ajo tha se kur e gjithë Qeveria fokusohet kah shëndetësia, nuk mund të mos ndryshoje diçka për të mirë.

    “Kur e gjithë Qeveria fokusohet kah shëndetësia, nuk ka qare pa ndryshu diçka për të mirë. Unë nuk po them se mundemi me e ba për një mandat ose gjysmë mandati një shëndetësi si të shteteve të perëndimit, por megjithatë, këto çështje, shërbimet kryesore, ato duhet të ofrohen”, u shpreh Imeri. /atvlive.tv

    Emisionin e plotë e gjeni në videon më poshtë:

  • Ibrahimi: Qeveria po synon të përzihet në punët e komunave

    Ibrahimi: Qeveria po synon të përzihet në punët e komunave

    Drejtori ekzekutiv i Asociacionit të Komunave të Kosovës, Sazan Ibrahimi, në emisionin DIREKT në ATV, tha se Qeveria, me veprimet e saj, po synon të përzihet në kompetencat e komunave.

    “Kjo shihet edhe në bazë të ligjit për ndarje buxhetore të vitit 2023. Për herë të parë, në Republikën e Kosovës, një qeveri vendosë që 18 komunave të mos ua përkrahë asnjë projekt të ri për investime kapitale dhe kjo është e çuditshme. Në këtë rast, edhe Podujeva si komunë e Vetëvendosjes, nuk ka hy me asnjë projekt të ri kapital, nuk do të përkrahet nga niveli qendror”, tha Ibrahimi.

    Ai thotë se kanë ngritur disa herë shqetësime për tendencat e Qeverisë për centralizimin e kompetencave të nivelit lokal.

    “Ne kemi ngritë disa shqetësime. Është tendenca e centralizimit të kompetencave, tendenca e shtrirjes së duarve në kompetencat e autoriteteve lokale që nuk ka ndodh më parë, sepse këtë edhe Gjykata Kushtetuese po e thotë pastaj. Tendenca e marrjes së mjeteve vetanake. 100 milionë euro ishte tendenca vitin e kaluar, kur e ngritëm këtë shqetësim e pastaj 94 deputetë kërkuan nga Qeveria që mos t’ua marrë mjetet financiare komunave, mirëpo tash është duke i mbajtur pezul 37.5 milionë euro”, tha Ibrahimi. /atvlive.tv

    Emisionin e plotë e gjeni në videon më poshtë:

  • Limaj: Kosova po korrë rezultate katastrofale nga ky proces i dialogut

    Limaj: Kosova po korrë rezultate katastrofale nga ky proces i dialogut

    Kryetari i NISMA’s Socialdemokrate, Fatmir Limaj, në emisionin DIREKT në ATV, duke folur për zhvillimet e djeshme në Bruksel, tha se Kosova po korrë rezultate katastrofale nga ky proces i dialogut me Serbinë.

    “Ajo që ka ndodhur dje dhe sot dëshmon që Kosova, fatkeqësisht, atë që e kemi thënë se është në dorën e njerëzve të cilët nuk kanë lidhje me funksionimin e shtetit, nuk kanë lidhje me mënyrën e sjelljes shtetërore qoftë brenda e sidomos atje jashtë. Krejt çka po vjen, zotri Kurti po e vjel produktin e sjelljes së tij delitanteske, të papërvojë, arrogante dhe këto janë frutat e kësaj politike të mbrapsht e cila tani e dy vjet, fatkeqësisht, sidomos në raport me dialogun sjellja e tyre, Kosova po korrë rezultate katastrofale nga ky proces i dialogut”, tha Limaj.

    Ai madje tha se nuk ka besuar që qeverisja do të shkojë në këtë nivel të joseriozitetit dhe veprimeve skandaloze.

    “Kam filluar kohëve të fundit me u befasua edhe më shumë për të keq. Nuk është se kam pritur asgjë nga kjo Qeveri. Në fakt, unë jam munduar me i bë publike qëndrimet e mendimet e mia rreth qeverisjes me kohë, por nuk kam besuar edhe vet që ka me shku deri në këtë nivel ku jemi të joseriozitetit të veprimeve skandalozë të kësaj Qeverie”, tha Limaj. /atvlive.tv

  • Azemi: Vendimi i Supremes për kompensimin e konsumatorëve nga ana e KEDS-it, medoemos do ta implikojë edhe Qeverinë

    Azemi: Vendimi i Supremes për kompensimin e konsumatorëve nga ana e KEDS-it, medoemos do ta implikojë edhe Qeverinë

    Njohësi i çështjeve të energjisë, njëherësh edhe anëtar i LDK-së, Visar Azemi, në një lidhje direkte në emisionin DIREKT në ATV, tha se vendimi i Gjykatës Supreme që KEDS të kompensojë konsumatorët, duke ua kthyer borxhin prej rreth 41 milionë eurosh për dëmin e shkaktuar nga faturimi shtesë prej 3,5% për katër komunat në veri, medoemos do ta implikojë edhe Qeverinë e Kosovës, transmeton atvlive.tv.

    “Ky vendim do ta nxisë një reagim tjetër sepse KEDS në këtë rast duhet t’i gjejë paratë dikah për t’i kthyer te qytetarët, ose për t’i kompensuar ata dhe këtu varet kryesisht nga vendimi të cilin do ta marrë Qeveria, në fakt me hapat e mëtejshëm me KEDS sepse këto para duhet të vijnë dikah. Një situatë e tillë e krijuar tani pretendon që ato mjete duhet të kthehen te qytetarët, duhet të kompensohen nga KEDS. Kjo i bie që KEDS të nxerrë nga kuleta e saj 41 milionë euro që do të regjistrohen si humbje për KEDS-in dhe nuk e di se sa do të jenë të gatshëm ata ta zbatojnë një gjë të tillë, përkundër faktit se vendimi i Supremes është vendim i prerë”, tha Azemi.

    Ai tha se vendimi i Gjykatës Supreme është i prerë, i cili duhet të zbatohet, ndërsa KEDS tani gjendet në një situatë të vështirë pasi që rrezikon falimentimin.

    “Kjo do e implikojë Qeverinë e Kosovës medoemos për të diskutuar, analizuar veprimet e mëtejshme sepse një vendim i Supremes duhet në fund të ditës të zbatohet dhe qytetarët duhet të kompensohen ashtu siç e ka dhënë verdiktin Supremja, por se nga do të vijnë këto mjete, nga do të vijnë këto para, ajo mbetet tash të shihet në KEDS dhe Qeverinë e Kosovës. Kjo mund edhe ta falimentojë kompaninë që është një situatë e re e krijuar dhe mund të jetë e tillë, por varet se çfarë disponimi do të ketë Qeveria e Kosovës”, tha Azemi.

    Kujtojmë se Gjykata Supreme ka vërtetuar aktgjykimin që detyron KEDS-in t’ua kthejë borxhin prej 40.8 milionë Eurosh konsumatorëve të 34 komunave, për dëmin e shkaktuar nga faturimi shtesë prej 3,5% për katër komunat në veri, në periudhën 2012-2017.

    Supremja nxori vendimin që obligon Zyrën e Rregullatorit për Energji ta detyrojë KEDS-in të bëjë kompensimin, muajin e kaluar, kur rregullatori ende po shqyrtonte rritjen e tarifave të energjisë për 15%, që kap vlerën 50 milionë euro.

    Ndërsa, e publikoi vetëm sot, pas kërkesës nga ATV-ja.

    KEDS-i nuk është përgjigjur në pyetjet e ATV-së lidhur me vendimin e Supremes.

    Më 2017, me vendim të gjykatës ishte ndalur praktika e faturimit shtesë prej 3,5% për katër komunat në veri.

    Po atë vit, ZRRE-ja vendosi që barrën për energjinë e pafaturuar në Mitrovicë të Veriut, Zveçan, Leposaviq dhe Zubin Potok ta bartë KOSTT-i. /atvlive.tv

  • Avokati Yll Zekaj ngre shqetësimin e madh, sulmet ndaj gazetarëve po rriten nga viti në vit

    Avokati Yll Zekaj ngre shqetësimin e madh, sulmet ndaj gazetarëve po rriten nga viti në vit

    Avokati i avokat i Asociacionit të Gazetarëve të Kosovës (AGK), Yll Zekaj, në një intervistë dhënë për emisionin DIREKT në ATV, ka ngritur një shqetësim të madh për sulmet ndaj gazetarëve në Kosovë, duke thënë se këto sulme, po rriten nga viti në vit, transmeton atvlive.tv.

    Ai tha se sulmi ndaj gazetarit Valon Syla ishte sulm kundër lirisë së shprehjes dhe lirisë së mediave, liri këto të garantuara edhe me Kushtetutën e Republikës së Kosovës, por edhe me Konventën Ndërkombëtare për të Drejtat e Njeriut.

    “Shteti i Kosovës nuk po e gjen forcën dhe mundësinë që t’i sigurojë këto liri që formalisht janë të garantuara me aktet më të larta juridike, por në praktikë shteti po dështon që t’i mbrojë gazetarët nga sulmet e një pas njëshme me të vetmin qëllim që është kryerja e punës së tuyre apo informimi i publikut rreth ngjarjeve që ndodhin në vend”, tha Zekaj.

    Sipas tij, jo vetëm ndaj gazetarit Syla, por sulme të një pas njëshme po ndodhin edhe ndaj gazetarëve të tjerë dhe kjo ekskluzivisht lidhet me profesionin që gazetarët e ushtrojnë.

    Zekaj tha se është shqetësuese fakti se numri i sulmeve ndaj gazetarëve po rritet nga viti në vit.

    “Ne, veç nëse e zbërthejmë në numra rastin e sulmeve ndaj gazetarëve, shohim që çdo vit kemi numër më të madh të rasteve të sulmit ndaj gazetarëve. Nëse bëjmë një krahasim ndër vite, në vitin 2020 kemi patur 24 raste të sulmit ndaj gazetarëve, në vitin 2021 me 29 raste, në vitin 2022 kemi përfunduar vitin me 33 raste të sulmeve ndaj gazetarëve. Kjo po tregon që shteti i jonë nuk po arrinë të qesë para përgjegjësisë sulmuesit e me dënime adekuate do t’i jepin një përgjigje që gazetarët nuk guxojnë të preken gjatë ushtrimit të detyrës së tyre”, tha avokati Zekaj. /atvlive.tv