Deputeti i PDK-së, Mërgim Lushtaku, në emisionin DIREKT në ATV, tha se Albin Kurti, çdo herë ia ka huqë sa i përket shtetësisë së Kosovës dhe se idetë e tij po kanë posoja për Kosovën.
“Albin Kurti çdo herë ia ka huqë sa i përket shtetësisë së Kosovës. E dimë shumë mirë, edhe prej procesit të Rambujesë, edhe procesit të Pavarësisë së Kosovës, edhe shtet ndërtimit, edhe funksionimit të shtetit dhe ja ku jemi sot, me gjithë atë arritje që e ka bërë PDK-ja me partnerët ndërkombëtarë. Në këtë drejtim, besoj që as këtu nuk ka dilemë që Albin Kurti, edhe këtu del i gabuar, por fatëkeqësisht po shihet se ka pasoja prapa kësaj sepse më nuk është Albin Kurti në opozitë që ato idetë e tij të pa logjikuara, të pa menduara, të pa analizuara, mund t’i implementonte në opozitë, e tash në pozitë ka mundësi edhe t’i implementojë edhe të eksperimentojë”, tha Lushtaku.
Ai tha se Kurti po eksperimenton me Kosovën.
“Fatkeqësisht, po eksperimenton edhe me Kosovën sepse ne e kemi parë në diskutimin edhe elektoral që vet Albin Kurti i thoshte disa fjalë si klithma elektorale, sikur ka qenë ajo “amelika, amelika”, por kam mëndu që kanë qenë vetëm sa për fushata, por po del që i ka edhe ideologji edhe orientim”, tha Lushtaku. /atvlive.tv
Avokati Tomë Gashi, në emisionin DIREKT në ATV, tha se me Albin Kurti, qoftë si në pushtet qoftë si në opozitë, një Asociacion çfarë po e kërkon Serbia, nuk do të ndodh kurrë.
“Unë besoj që me Albin Kurtin, me Lëvizjen Vetëvendosje si në pushtet si në opozitë, një ‘Zajednicë’ e tillë, një Asociacion i tillë me kompetenca çfarë po i kërkon Serbia e që të tjerët po i sponsorizojnë, po i thonë faktikisht, po folin sikur me qenë zëdhënës të Vuçiqit, nuk do të ndodh kurrë. Është e pa lejueshme, është e pa imagjinueshme që të lejohet një gjë e tillë se do të ishte fillimi i lejimit të shkëputjes së një pjese të madhe të territorit tonë dhe atëherë po i bie që të tjerët mund edhe ta bëjnë për shkak se shumë më shumë e kanë dashur pushtetin se sa shtetin, por Albin Kurti, unë nuk besoj që qeky Albini q e njohim ne të gjithë, që do të nënshkruajë diçka, një Asociacion të tillë për të mbetur në pushtet”, tha Gashi. /atvlive.tv
Avokati Tomë Gashi, në një intervistë në emisionin DIREKT në ATV, tha se kriza e fundit që u shkaktua në veri, ishte e paralajmëruar që sa kohë dhe nuk ishte asgjë e re.
Ai tha se deri në zgjedhjen e kryetarëve të komunave veriore, gjithçka ishte në rregull sa i përket koordinimit me bashkësinë ndërkombëtare.
“Momenti i parë i krizës së fundit nëse mund ta quajmë krizë situatën e përshkallëzuar në veri, ka qenë data 5 nëntor e vitit të kaluar kur me një kërkesë apo sinjal të Vuçiqit dhanë dorëheqje katër kryetarë të komunave veriore dhe dhanë dorëheqje rreth 500 policë, të cilët në mënyrë teatrale, para mediave i hoqën uniformat e tyre, disa e kthyen armatimin disa jo, pastaj i morën dhe ishte diçka që parashihej që Kosova nuk mund t’i lë vendet e kryetarëve të komunave të zbrazëta dhe ishin zgjedhjet e caktuara në bazë të kushtetutës nga presidentja Vjosa Osmani dhe ishte në dhjetor të vitit të kaluar. Me kërkesë të SHBA-së, tash ai termi që po përdoret çdo e dyta fjalë me bashkësinë ndërkombëtare, ato u shtyen me 23 prill. Ne kemi pasur paralajmërim që Lista Serbe do t’i bojkotojë këto zgjedhje me kërkesë prapë të Serbisë dhe Vuçiq, që nuk ishte fundi i botës që ata do t’i bojkotojnë por bënin presion te secili serb të pjesës veriore të Kosovës dhe në kryetar të caktuar, që njëri prej tyre quhej Jabllanoviq, dhe dy ditë para zgjedhjeve ai dha dorëheqje dhe nuk u kandidua fare. Presioni ishte i hapur dhe nëse nuk merr pjesë në zgjedhje, fitojnë ata që marrin pjesë në zgjedhje. Fatmirësisht i kishim katër kryetarë shqiptarë, dy të LV-së dhe dy të PDK-së, dhe deri këtu ishim në rregull”, tha Gashi.
Gashi tha se kuptohet që kryetarët që zgjidhen në zgjedhje të lira, duhet që të shkojnë në objektin komunal për me e kry punën dhe kjo pastaj ka kaluar në kompetencën e policisë që të ofrojë siguri për personat që është e nevojshme.
“Ishte mbështetja e këtij ambasadori të njëjtë amerikan, të këtyre burrështetasve evropian, të ambasadorëve që ishin këtu dhe thanë që askush nuk duhet t’i intimidojë apo thjeshtë t’i pengojë kryetarët e komunave që në mënyrë demokratike, në mënyrë ligjore janë zgjedhur. Dhe normal që kur zgjidhet një kryetar, ai duhet me shku në Kuvendin Komunal, në komunën e tij me e kry punën. Duke pasur parasysh që situata e rrezikshmërisë ishte e përcaktuar nga policia dhe nuk ishte nga kryeministri as nga Qeveria, policia i ka çështjet e sigurisë. Për shembull ata munden me vlerësua për secilin person publik por edhe privat që nëse është e nevojshme një përkrahje apo mbështetje policore për t’i kry funksionet apo punën tyre, ata këtë punë e kanë, policia e jonë këtë punë e ka edhe këtë e bëri”, tha Gashi.
Sipas tij, ajo që ndodhi më pas kur kryetarët u vendosën në objektet e komunave, ishte e pritur që do të ndodh, por sa i përket protestuesve, Gashi tha se aty veç serbë lokal nuk ka pasur.
“Pastaj në momentin kur ua mundësuan qasjen në objektet komunale katër kryetarëve të veriut, ndodhi ajo që pritej që do të ndodhë, ishte një protestë por nuk ishte protestë që shumë thonë serbë lokalë. Në ato protesta të dhunshme veç serbë lokal nuk ka pasur. Kur i sheh personat e maskuar, kur e sheh dhunën që e kanë bërë ndaj KFOR-it, ata njerëz mund të jenë gjithçka, veç civilë jo”, tha Gashi. /atvlive.tv
Deputeti i Lëvizjes Vetëvendosje, Amar Rrahmani, javën e kaluar propozoi një amendament dhe që me këtë rast i mori votat e mjaftueshme nga komisioni për Buxhet, Punë dhe Transfere që paga minimale të jetë 450 Euro për vitin 2023, dhe vitin 2024 të jetë 500 euro.
Këtë propozim, Kryetari i Sindikatës së Sektorit Privat të Kosovës, Jusuf Azemi, në një prononcim për emisionin DIREKT në ATV, tha se e sheh pozitive, për të cilin thotë se është në harmoni me kërkesat e tyre si sindikatë.
“Në fakt unë mendoj që deputeti që këtë e propozoi, e ka propozuar edhe në bazë të kërkesave tona, si sindikatë që një kohë bukur të gjatë kemi kërkuar që paga minimale të jetë 450 euro dhe ne e përgëzojmë për punën që e ka bërë ai deputet së bashku me deputetët e tjerë, sepse komisioni për Buxhet dhe Finanaca i propozon Parlamentit të Kosovës që paga minimale të jetë 450 euro, me çka po themi edhe njëherë është një diçka që edhe sindikata dinë të kënaqet me diçka çka është normale. Ne e dimë që ky version, ky propozim duhet të kalojë edhe në Parlamentin e Kosovës, megjithatë për herë të parë nga qeverisja e Albin Kurtit e sidomos nga Parlamenti i Kosovës. Ne si sindikatë mund të falënderojmë për veprimin dhe vendimin që e morën këta deputetë të këtij komisioni”, tha Azemi.
Deklaratën e ministrit Hekuran Murati se këto me këto propozime po bëhet tallje me qytetarët, Azemi tha se ky ministër është duke u talluar me punëtorët e sektorit privat, ku një pjesë e madhe e tyre ende vazhdojnë të marrin 130 dhe 170 euro.
“Këta deputetë kanë folë në emër të popullit dhe ministri Murati, nuk është tallje, por ai me vetveten, pasi që ne mendojmë se ministri Murati është duke u tallur me punëtorët e sektorit privat të Kosovës në momentin që edhe sot ka punëtorë që paguhen 130 euro dhe 170 euro, andaj ne mendojmë që është një pikënisje shumë e mirë dhe ne realisht, ende pa u aprovuar ky vendim në parlamentin e Kosovës, në disa kompani veç se kemi sinjale pozitive se ky vendim po zbatohet pa hyrë ende në fuqi”, tha Azemi.
Propozimin e komisionit që paga të jetë 450 euro për sivjet dhe 500 për vitin e ardhshëm, Azemi e quan shumë simbolike, por thotë ai, se është një shpresë që po fillon të lëvizë e mbara edhe për këta punëtorë.
“Ne po themi për herë të parë diçka që një komision i Parlamentit të Kosovës e ka parë të arsyeshme që kjo pagë të jetë 450 euro për vitin 2023 dhe 500 euro për fitin 2024, kërkesë e jona e përditshme që për çdo ditë edhe qeverisë ehe parlamentit edhe institucioneve tjera u kemi bërë thirrje. Unë mendoj se gjithë njerëzit që mendojnë me kokë, të cilët mendojnë aty ku po jetojnë dhe me çka po ballafaqohemi na, mendoj se është një shumë simbolike, por megjithatë, me këtë vendim edhe ne si sindikatë kemi të drejtë t’u themi punëtorëve të sektorit privat ‘ndaluni pak sepse ndoshta po fillon të lëvizë e mbara edhe për këta punëtorë’”, tha Azemi. /atvlive.tv
Njohësi i çështjeve ndërkombëtare, Arbnor Sadiku, në emisionin DIREKT në ATV, se në rast që Qeveria nuk operon dhe bashkëpunon me bashkësinë ndërkombëtare për problemet e brendshme dhe mosmarrëveshjet me Serbinë, as pezullimi i liberalizimit të vizave nuk është i pamundur për bashkësinë ndërkombëtare.
“Sanksionet plus që do t’i marrë në rast që nuk operon dhe bashkëpunon me bashkësinë ndërkombëtare për problemet e saj të brendshme dhe mosmarrëveshjet me Serbinë, do të ishin lajme shumë të këqija qoftë për ekonominë e Kosovës, për qytetarët e saj në kuptimin që pezullimi i liberalizimit të vizave do të ishte një ndëshkim i cili nuk e kanë merituar qytetarët e Kosovës, nuk do ta meritonin në rast se ndodh për shkak të këtyre raporteve të keqësuara politike midis kryeministrit Kurti dhe Unionit Evropian dhe SHBA-ve”, tha Sadiku.
Ai tha se synimi i Kosovës është anëtarësimi i saj në organizatat ndërkombëtare siç janë Unioni Evropian dhe OKB-ja, ndërsa sipas tij, pa pasur bashkëpunim dhe përkrahje nga bashkësia ndërkombëtare, është shumë e vështirë që Kosova të jetë pjesë e këtyre dy organizatave.
“Asgjë nuk është e pamundur për bashkësinë ndërkombëtare, pasi që Kosova tashmë është një vend, i cili ende nuk e ka të përmbyllur tërësinë e vet. Realisht po bën përpjekje të vazhdueshme për afirmimin e shtetësisë së saj në aspektin ndërkombëtarë dhe kyçjen në organizata ndërkombëtare siç është Unioni Evropian dhe OKB dhe pa pasur një mbështetje dhe përkrahje nga bashkësia ndërkombëtare është shumë e vështirë që të pritet që Kosova të jetë pjesë e këtyre organizatave”, tha Sadiku. /atvlive.tv
Njohësi i marrëdhënie ndërkombëtare, Shqiprim Pula, në një intervistë në emision DIREKT në ATV, tha se kosovarët nuk mund të jenë anti-amerikan, pasi që sipas tij, Kosova nuk ka kapacitete t’i kundërvihet SHBA-së.
“Në diskursin tonë politik të përditshëm, prej shumë vitesh, figura politike të caktuara në Kosovë e kanë përdorë këtë diskursin “anti-amerikanizëm, -pro-amerikanizëm”. Nëse i japim një përshkrim se çfarë mund të jetë se çfarë mund të jetë një anti-amerikanizëm, është nëse ndonjë prej figurave politike në Kosovë do të ndërmerrte veprime të cilat do të ishin në kundërshtim me Kushtetutën e SHBA-ve dhe vlerave që i përfaqëson demokracia amerikane. Në këtë rast, ne nuk kemi kapacitete të bëjmë veprime të tilla për të qenë anti-amerikan”, tha Pula. /atvlive.tv
Shefja e Grupit Parlamentar të Lëvizjes Vetëvendosje, Mimoza Kusari-Lila, në një intervistë në emisionin DIREKT në ATV, duke komentuar kërkesën e opozitës për mocion ndaj Qeverisë, tha se kryeministri Kurti mund të rrëzohen vetëm nëse opozita bëhet bashkë me Listën Serbe.
“Ata që e kanë propozu mocionin duhet të kenë brengosje, jo për çështje të numrave, por për çështje arsyeshmërisë dhe moralit prapa mocionit. Të gjithë e dinë se numrat sot në Kuvendin e Kosovës për të rrëzu një Qeveri, e cila ka dalë nga zgjedhjet e 14 shkurtit me rezultatin që ka dalë dhe me numrat që i ka, mund ta bëjnë këtë vetëm me votat e Listës Serbe”, tha Kusari-Lila. /atvlive.tv
Deputeti i PDK-së, Hisen Berisha, në emisionin DIREKT në ATV, tregoi se cila ishte marrëveshja mes Albin Kurti dhe ambasadorit amerikan për zgjedhjet në veri të vendit, marrëveshje kjo që sipas Berishës nuk u respektua nga kryeministri.
“Marrëveshja mes Kurtit dhe ambasadës amerikane ka qenë që këta janë kryetarë teknikë. ‘Po ta njoh legjitimitetin procedural formal, por mbajë si kryetarë teknikë, sepse edhe po të dërgohen në zyra janë jofunksionalë, sepse nuk e kanë mbështetjen e komunitetit shumicë atje nga 45 mijë qytetarë, që kanë pasë me votu, kanë dalë 1200-1300 prej tyre, 13 të komunitetit serb që janë shumicë atje’. Kjo ishte marrëveshja, legjitimimi, por në nivelin teknik sa për të parë tutje procesin të cilin partnerët ndërkombëtarë ishin krahë nesh për të na ndihmuar dhe çfarë bëri zoti Kurti, i mori forcat policore dhe i dërgoi i futi në mënyrë të dhunshme atje”, tha Berisha. /atvlive.tv
Deputeti i VV-së, Dimal Basha, në një intervistë në emisionin DIREKT në ATV, tha se SHBA-ja dhe BE-ja duhet t’u dalin në mbrojtje Policisë së Kosovës, pasi që këta të fundit po sulmohen nga strukturat kriminale të Vuçiqit.
“SHBA-të dhe BE-ja, duhet me dalë në mbrojtje të policisë tonë që po del në mbrojtje të institucioneve edhe këtu ka vetëm një palë që duhet me u dënu e që janë strukturat kriminale të Vuçiqit që po e sulmojnë KFOR-in dhe institucionet tona”, tha Basha.
Ai tha se sikur SHBA-ja të vazhdonte t’i mbronte institucionet ashtu siç e ka mbrojtur procesin zgjedhor si dhe rezultatin e zgjedhjeve, Qeveria do të kishin dëshmu që të bëjnë projekte të ndryshme që e ndihmojnë komunitetin në veri. /atvlive.tv
Në emisionin DIREKT në ATV, ka ndodhur një debat i ashpër mes analistit Xhevdet Pozhari dhe gazetares Albina Haliti.
Pozhari akuzoi qeverisjen e Isa Mustafës për marrëveshjet e më hershme me Serbinë, ndërsa Haliti ia ktheu se pse ai nuk po akuzon qeveritë tjera, por po flet për Qeverinë Mustafa.
“O Xhevdet, po flet për Isa Mustafën, një kryeministër që ka qenë qe sa vite. Pse s’po flet për qeverinë Haradinaj, Qeveria Kurti 1, Qeveria Hoti, pse po kthehesh të Isa Mustafa. Me u kthy të Isa Mustafa është një regres shumë i madh”, i tha gazetarja Haliti.
“Thirre zotrin Haradinaj, edhe kur e thirrë zotrin Mustafa, ballafaqohu me neve që t’ia japim argumentet, mos t’ia lëmë atij sallamadi”, ia ktheu Pozhari. /atvlive.tv
