Tag: Ballina

Përfaqësuesi I BE-së për dialogun Kosovë-Serbi, Miroslav Lajçak, ka folur për vizitën e tij në Prishtinë dhe Beograd gjatë javës që po lëmë pas dhe për takimin e nesërm në Bruksel të kryenegociatorëve Besnik Bislimi dhe Petar Petkoviq.

Lajçak, përmes një postimi në Facebook, ka thënë se “është mirë që jam kthyer në Bruksel pas vizitës sime në Kosovë dhe Serbi, ku udhëtova për të përgatitur terrenin për raundin tjetër të takimit të kryenegociatorëve në Bruksel”.

Ai tha se gjatë javës që shkoi ndalesa e tij e parë ishte në Prishtinë, ku u takua me kryeministrin e Kosovës Albin Kurti dhe zëvendëskryeministrin e parë Besnik Bislimi.

“Gjatë takimit diskutuam pritshmëritë për takimin e ardhshëm në Bruksel dhe theksova nevojën e fokusimit të plotë në normalizimin dhe zbatimin e Marrëveshjes së Brukselit dhe aneksit të saj në Ohër. Theksova gjithashtu rëndësinë e shmangies së çdo lëvizjeje të pakoordinuar që mund të prishë procesin”, ka thënë Lajçak.

Më tej ai ka thënë se më pas ka vazhduar vizitën në veri të Kosovës për t’u takuar me bashkëbisedues të ndryshëm nga shoqëria civile dhe partitë politike dhe për të diskutuar mbi zhvillimet e fundit.

“Fatkeqësisht, ajo që dëgjova më shqetësoi. Prandaj, ritheksova nevojën për të shmangur çdo mundësi përshkallëzimi dhe përqendrim të plotë në normalizimin”, ka thënë Lajçak.

Qeveria e Kosovës e ka vlerësuar raportin e Bankës Botërore për Kosovën, i cili për dekadën e fundit e lavdëron Kosovën për të arriturat në sferën e ekonomisë.

Gjatë ditës, deputeti i LDK-së, Avdullah Hoti, e ka përdorur këtë raport për të thënë se “diskursi i VV-së që në Kosovë ka vetëm varfëri po del të jetë mashtrim”.

Qeveria e drejtuar nga Lëvizja Vetëvendosje në anë të një komunikate e vlerëson raportin e Bankës Botërore.

Kanë përmendur disa raporte të Bankës Botërore që tregojnë për zhvillimin ekonomik të Kosovës.

Më poshtë është komunikatë e plotë e Qeverisë së Kosovës:

”Në një komunikatë të lëshuar në fillim të kësaj jave, Bordi Ekzekutiv i Drejtorëve të Grupit të Bankës Botërore, kanë thënë se ata mbështesin Kosovën në përshpejtimin e konkurrencës së saj për krijimin e vendeve të punës dhe standard më të lartë të jetesës”, thuhetb në komunikatë.

Sipas Bankës Botërore, brenda 10 viteve të fundit Kosova ka shënuar progres të qëndrueshëm ekonomik, me një rritje prej afër 50% të të ardhurave për kokë banori dhe me një ulje prej 35% të shkallës së varfërisë, duke performuar më mirë sesa vendet me të ardhura të ngjashme për kokë banori.

Drejtori i Bankës Botërore për Ballkanin Perëndimor, Xiaoqing Yu është shprehur se Kosova mund të përfitojë nga riorientimi i Ekonomisë drejt prodhimit dhe eksportit, duke rritur punësimin më cilësor për të gjithë dhe duke siguruar zhvillim të qëndrueshëm që mbron mjedisin dhe gjeneratat e ardhshme.

Në vitin e kaluar, Kosova kishte shënuar vlerën më të lartë ndonjëherë të eksporteve, rreth 920 milionë euro. Ndërkaq këtë vit vlera e eksportit pritet që për herë të parë kalojë shumën prej 1 miliard euro. Si rezultat, raporti eksport-import viteve të fundit ka shënuar përmirësim të dukshëm. Nga 1 me 9 sa ishte në vitin 2019, në më pak se 1 me 6 sa është aktualisht.

I njëjti institucion, muajin e kaluar ka publikuar raportin e rregullt ekonomik për Ballkanin Perëndimor, në të cilin parashikon që Kosova do ta ketë rritjen më të lartë ekonomike në Ballkanin Perëndimor në tre vitet e ardhshme; 2023, 2024 dhe 2025.

Erdogan dhe Kilicdaroglu pothuajse sigurt në balotazh, kur do të votojnë turqit përsëri

Hendeku midis dy kandidatëve kryesorë vazhdon të ngushtohet pasi më shumë vota të qyteteve të mëdha në përgjithësi favorizojnë kandidatin e opozitës Kemal Kılıçdaroğl. Por agjencitë turke të lajmeve ende raportojnë shifra të ndryshme.

E nëse ka balotazh, turqit do të votojnë më 28 maj.

Megjithatë, ata bien dakord për një gjë: një balotazh tani duket gjithnjë e më i mundshëm.

Agjencia shtetërore e lajmeve, Anadolu, po raporton se janë numëruar më shumë se 90% e votave. Ajo ka Presidentin Rexhep Tajip Erdogan me 49.8% – në mënyrë thelbësore, nën 50% të nevojshme për të shmangur balotazhin dhe Kılıçdaroğlu me 44.4%.

Agjencia private Anka raporton se deri më tani janë numëruar 94% e votave. Ajo ka Erdoganin me 49.02% dhe Kemal Kılıçdaroğlu me 45.2%.

Në të dyja rastet, siç janë gjërat për momentin, zgjedhjet presidenciale po shkojnë në një raund të dytë më 28 maj

Të gjitha pasuritë e gjigantit metalurgjik Trepça në komunat me shumicë serbe në veri të Kosovës do të kalojnë në menaxhim të komunitetit lokal, nëse aprovohet statuti i Asociacionit siç është prezantuar me 2 maj në Bruksel nga ekipi menaxhues.

Në nenin 54 të këtij drafti parashihet që resurset natyrore do kalojnë në menaxhim të komunitetit, statutit dhe kuvendit.

“Burimet natyrore (depozitat e qymyrit, xeheve të metaleve dhe jometaleve, uji, burimet ujore, burimet nëntokësore dhe gjeotermale, etj.) të vendosura në territorin e Komunitetit menaxhohen nga Komuniteti, Statuti dhe Kuvendi”, thuhet në nenin 54.

Aktualisht në këtë pjesë të Kosovës janë dy njësitë biznesore të “Trepçës”, minierat e Bellobërdës dhe Cërnacit me flotacion në Leposaviq.

Në raportin e auditimit për “Trepçën”, të realizuar për vitet 2019-2021, nga Zyra Kombëtare e Auditimit, shihet se për këtë periudhë nga miniera e Cërnacit dhe ajo e Bellobërdës janë eksploatuar mbi gjysmë milioni tonë xehe.

Por komunat veriore nuk janë të vetmet që kanë nëntokë të pasur.

Novobërda, një komunë po-ashtu e banuar me shumicë Serbe është e pasur me xehe të Plumbit e Zinkut.

Sipas raportit Vjetor të ndërmarrjes “Trepça”, miniera e Artanës në Novobëd, gjatë vitit 2021 ka eksploatuar afro 40 mijë tonë xehe, derisa rezervat metalore
të kësaj miniere parashihet të jenë mbi 700 mijë tonë.

Ndërkaq, edhe Brezovica, si njëra nga qendrat kryesore të turizmit në Kosovë, do kalonte në menaxhimin e komunës së Shtërpcës, nëse do arrihej pajtim për draft-statuti për asociacionin të propozuar në takimin e dy majit.

Megjithatë, ky draft statut është refuzuar nga kryeministri i Kosovës, Albin Kurti, i cili edhe ka shkarkuar nga detyra anëtarët e ekipit menaxhues, të cilët sipas tij kanë përgatitur një dokument në kundërshtim me Kushtetutën e Kosovës. /atvlive.tv

Prej orës 07:00 të mëngjesit deri në 19:00, qytetarët i janë drejtuar kutive të votimit për të hedhur votën për 61 kryetar bashkie dhe këshilla bashkiakë.

Procesi i votimit për zgjedhjet lokale në të gjithë vendin ishte i qetë pa incidente serioze. Pjesëmarrja e votuesve është e ulët dhe kjo nisi që në mëngjes pasi procesi nisi me një problem serioz në funksionimin e pajisjeve të identifikimit elektronik.

E gjitha solli ikje të njerëzve që ishin në qendrat e votimit për të votuar. Problemi u zgjidh me urdhër të KQZ që njoftoi se procesi duhet të vijojë manualisht, që do të thotë se zgjedhësit do të identifikohen me anë të listave të printuara.

KQZ njoftoi më herët se në më shumë se 500 qendra votimi ka probleme me pajisjen e identifikimit, ndërkohë që pjesë tjetër, pra në rreth 4700 qendra votimi janë plotësisht funksionale. Problem ishte edhe mungesa e komisionerëve kryesisht të Partisë Demokratike.

Kryeministri Albin Kurti ka njoftuar të dielën se Kosova ka pranuar lavdërime të larta prej Bankës Botërore, për javën që po lëmë pas.

Shefi i qeverisë deklaroi se sipas kësaj banke, Kosova ka rritur të ardhurat për frymë për 50% dhe ka ulur shkallën e varfërisë për 35%, krahasuar me 10 vjet më parë.

“Lavdërime të larta për Kosovën nga Banka Botërore këtë javë. Sipas këtij institucioni, krahasuar me 10 vjet më parë Kosova ka rritur të ardhurat për frymë për 50% dhe ka ulur shkallën e varfërisë për 35%, “duke tejkaluar vendet e ngjashme me të ardhura të ngjashme për frymë””, shkroi Kurti në Twitter.

Me politikanen që ka prejardhje nga Kosova, Ylfete Fanaj, Partia Socialdemokrate është rikthyer në qeverinë e Lucernit pas tetë vitesh.

Fanaj është bërë ministrja e parë kantonale në Zvicër me origjinë nga Kosova. Ajo u zgjodh në qeverinë e kantonit të Luzernit.

PS-ja arriti të rikthehej në qeverinë e Lucernit me Ylfete Fanaj të dielën – pas një mungese tetëvjeçare. U zgjodh gjithashtu kandidati për SVP Armin Hartmann.

Kështu, ekzekutivi është i kompletuar dhe dukshëm me më shumë gra se sa në tetë vitet e fundit. Armin Hartmann nga SVP mori më shumë vota (51,078), raporton Nau.ch, transmeton Paparaci.

Ylfete Fanaj ka marrë 45.053 vota. Claudia Huser (GLP) mori 39,674 vota dhe humbi hyrjen në qeverinë kantonale të Lucernit.

Ambasadorja e Bashkimit Evropian në Shqipëri, Christinane Hohmann ka zgjedhur Elbasanin për të parë nga afër procesin për zgjedhjet lokale për zgjedhjen e kryebashkiakut në këtë bashki.

Hohmann në fjalën e saj është shprehur se deri më tani dita është e qetë dhe ka kërkuar nga qytetarët që të marrin pjesë në zgjedhje dhe që të ruajnë qetësinë deri në fund.

“Gjërat deri më tani kanë ecur pa problem dhe qytetarët po e ushtrojnë të drejtën e tyre të votës për të zgjedhur kryebashkiakun. Urimi im për sot është sa më shumë zgjedhës të shkojnë në qendër të votimeve dhe të votojnë dhe dita të vijojë kështu pa problem dhe në paqe. Ajo çfarë vendosin sot qytetarët është do të jenë prej tyre në këshillat bashkiak dhe kush do jenë kryetarët e bashkive në 4 vitet e ardhshme. Shfrytëzojeni të drejtën që keni për të zgjedhur”, tha ajo.

Sipas saj, “synimi duhet të jetë politika më e mirë që ju mendoni do të jetë për Elbasanin”.

“Jam shumë e lumtur që OSBE ka vendosur të sjellë vëzhgues në Shqipëri që u bënë kohë që kanë ardhur e u bë kohë që kanë ndjekur situatën ditë pas dite. Ju e dini se para pak ditësh nxorën raportin paraprak, por le të presim ditën e nesërme kur do të kemi raportin paraprak për të parë gjetjet e misionit të OSBE/ ODIHR në Shqipëri”.