Tag: Ballina

Përgatiti: Armand Hoti

Nesër, bëhen 25 vjet nga masakra e Reçakut, ku 45 civilë shqiptar u vranë nga forcat policore dhe ushtarake të Serbisë.

Askush nga ekzekutuesit apo urdhërdhënësit e kësaj masakre, nuk është dënuar ende.

Ndërkohë, në Departamentin Special të Gjykatës Themelore në Prishtinë, në nëntor të vitit 2023, filloi gjykimi i parë në mungesë për krime lufte ndaj Çedomir Aksiq.

Aksiq mes tjerash dyshohet edhe për pjesëmarrje në vrasjen e disa civilëve në Reçak.

“Tanimë me hyrjen në fuqi të Gjykimit në Mungesë, besojmë se së shpejti Prokuroria Speciale do fillojë me ngritjen e aktakuzave në mungesë për masakrën e Reçakut”, tha Amer Alija nga Fondi për të Drejtën Humanitare.

Për krimet e kryera në Reçak, Tribunali i Hagës për krimet e luftës në territorin e ish-Jugosllavisë, pat ngritur aktakuzë ndaj disa eprorëve të ushtarak të lartë serb. Mirëpo, askush nga të akuzuarit, nuk u dënua drejtpërsëdrejti.

Alija thotë se insituticionet e Kosovës, mundë të përdorin edhe të dhënat e Tribunalit të Hagës.

“Sigurisht që edhe nga databaza e Hagës mundë të gjinden disa eprorë disa emra që kanë dhënë urdhër apo kanë qenë të përfshirë në masakrën e Reçakut. Sigurusht që të gjithë këta emra dhe prova i ka siguruara edhe Prokuroria e Kosovës dhe siç e potencova edhe më herët pritet që së shpejti të kemi ndoshta edhe aktakuza në mungesë”, tha Alija.

Masakra e Reçakut, nga shefi i misionit verifikues të OSBE-së, William Wallker u cilësua si krim kundër njerëzimit.

Serbia përmes mjeteve të komunikimit masiv, ka tentuar ta paraqes masakrën e Reçakut si një operacion policor kundër-terrorist, duke pretenduar se të vrarët ishin të armatosur.

Ndërkaq, Ivan Todosijeviç, zyrtar i Listës Serbe, ishte dënuar me burg për mohim të masakrës së Reçakut. Në vitin 2023, Gjykata Supreme i pat hedhur poshtë të gjitha akuzat ndaj tij.

Krerët shtetëror të Kosovës, në 24 vjetorin e masakrës së Reçakut patën njoftuar se Prokuroria Speciale e Kosovës ka lëshuar fletarreste ndërkombëtare për 18 persona serbë që dyshohet për pjesëmarrje në kryerjen e masakrës së Reçakut.

Më shumë detaje i gjeni në Edicionin Qendror të lajmeve në videon më poshtë:

Ambasadori i Shteteve të Bashkuara të Amerikës në Kosovë, Jeffrey Hovenier ka shpërndarë një thënie të aktivistit më të njohur ndonjëherë të të drejtave të njeriut, Martin Luther King Jr.

Vizioni i MLK, Hovenier shkroi se duhet t’i frymëzojë të gjithë.

“”Paqja e vërtetë nuk është thjesht mungesa e tensionit; është prania e drejtësisë.” — Martin Luther King Jr., Stride Toward Freedom, 1958. Le të frymëzohemi të gjithë nga vizioni i Dr. King për përfshirjen, jodhunën dhe respektimin dhe mbrojtjen e të drejtave të çdo qenieje njerëzore. #MLKDay”, shkroi Hovenier.

Martin Luther King Jr. ishte udhëheqësi më i dukshëm në lëvizjen për të drejtat civile nga viti 1955 deri në vrasjen e tij më 1968.

"True peace is not merely the absence of tension; it is the presence of justice." — Martin Luther King Jr., Stride Toward Freedom, 1958. Let us all take inspiration from Dr. King’s vision of inclusion, nonviolence, and respecting and defending the rights of every human being.… pic.twitter.com/nosk1goNuE

— Ambassador Jeff Hovenier (@USAmbKosovo) January 14, 2024

Departamenti Amerikan i Mbrojtjes ditë më parë ka konfirmuar se ka aprovuar një kërkesë të Kosovës për blerje të një sistemi raketor anti-tank të quajtur “Javelin”. Kjo kërkesë e Kosovës për armatosje që për herë të parë u bë publike nga presidenti serb Vuçiq pas takimit me Christopher Hill, duhet që ta marrë edhe dritën jeshile të Kongresit Amerikan.

Vetë DASH aprovimin e kërkesës së Kosovës e ka konsideruar si një lëvizje që mbështet synimet e politikës së jashtme amerikane dhe sigurisë kombëtare të SHBA, meqë rritë sigurinë e një partneri në Evropë që ka rëndësi për vetë stabilitetin e kontinentit.

Presidentja e Republikës, Vjosa Osmani, ka thënë se beson shumë që Kongresi amerikan do ta aprovojë një shtije të tillë të armatimit për Kosovën, si shteti më pro-amerikan në botë.

Por cili është qëndrimi i NATO-s, Aleancës Veri-Atlantike e cila nga viti 1999 ka në Kosovë forcën e saj të emëruar si KFOR e që kujdeset për sigurinë në vend dhe për ruajtjen e kufijve të Kosovës. Të pyetur rreth kësaj kërkese të Kosovës për blerje armatimi, nëse e përkrahin, nëse është në përputhje me politikat e NATO-s dhe nëse acarimi i situatës së sigurisë e bën të pashmangshme një lëvizje të tillë të Kosovës për forcim kapacitetesh ushtarake, një Zyrtar i NATO-së në një përgjigje për Gazetën Express ka thënë se misioni i KFOR është plotësisht i përkushtuar për implementimin e mandatit bazuar në Rezolutën 1244.

Gjithashtu ka theksuar se KFOR-i në terren ka një strukturë fleksibile që modifikohet në vazhdimësi në bazë të vlerësimeve të sigurisë dhe se kjo ua bën të mundur përballimin me çfarëdo sfide që mund të shfaqet dhe që të veprohet në mënyrë efektive në përputhje me mandatin e OKB-së.

Ndërsa për çështjen specifike të kërkesës për armatim ky zyrtar i NATO-së ka thënë se duhet folur me autoritet e Kosovës dhe ato amerikane.

“Misioni i KFOR-it i udhëhequr nga NATO është plotësisht i fokusuar në zbatimin e mandatit të tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të qetë dhe të sigurt për të gjitha komunitetet që jetojnë në Kosovë dhe lirinë e lëvizjes, si reagues i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht; në çdo kohë dhe në mënyrë të paanshme. KFOR-i ka një qëndrim fleksibël në terren, i cili rregullohet rregullisht, bazuar në vlerësimin tonë të situatës së sigurisë. Kjo na lejon të përballemi me çdo sfidë që mund të shfaqet dhe të vazhdojmë të veprojmë në mënyrë efektive, në përputhje me mandatin tonë të OKB-së, duke kontribuar kështu në sigurinë e qëndrueshme në mbarë Kosovën dhe në stabilitetin rajonal. Sa i përket çështjes specifike që keni ngritur, do t’ju referoj tek autoritetet kosovare dhe ato amerikane”, ka thënë ai

BE-ja po punon për ta kushtëzuar anëtarësimin e Serbisë me zbatimin e marrëveshjeve me Kosovën.

BE-ja po punon për ta kushtëzuar anëtarësimin e Serbisë me zbatimin e marrëveshjeve me Kosovën. Kushtëzimi i anëtarësimit ka për të pasur efekt në kalkulimet politike të presidentit Vuçiq, sipas analistëve politikë, shkruan DW.

Në mesin e kushteve detyruese për Serbinë për anëtarësim në Bashkimin Evropian pritet të përfshihet edhe zbatimi i marrëveshjeve që Serbia i ka arritur deri tani me Kosovën në dialogun e ndërmjetësuar nga BE-ja. Për këtë është duke punuar Komisioni Evropian, dhe Shërbimi i Veprimit të Jashtëm i BE-së (EEAS) për ta ndryshuar kornizën e bisedimeve në kapitullin e 35 me Serbinë për anëtarësim.

“Puna në këtë drejtim po vazhdon në përputhje me kërkesën e vendeve anëtare”, tha zëdhënësi i BE-së, Peter Stano.

Kërkesa për ndryshim të kushteve në kapitullin 35 u bë nga shtetet anëtare të BE-së, pasi Serbia zyrtarisht përmes kryeministres së saj, Ana Brnabiq, tha se “vendi i saj nuk do t’i zbatonte të gjitha marrëveshjet, për të cilat u pajtua me Kosovën”.

Kurti: Serbia nuk respekton marrëveshjen për normalizimin

Kryeministri i Kosovës, Albin Kurti pas një mbledhje të qeverisë e akuzoi Serbinë se nuk po e respekton Marrëveshjen për normalizim të ndërmjetësuar nga Bashkimi Evropian. “Neni një i marrëveshjes thotë që palët, pra Kosova dhe Serbia do të zhvillojnë marrëdhënie të mira fqinjësore me njëra-tjetrën, bazuar në të drejtat e barabarta. Serbia megjithatë, zgjedh gjithçka mbi zhvillimin e marrëdhënieve të mira me neve, ajo në të vërtetë zgjedh ta sulmojë Kosovën, siç bëri më 24 shtator 2023 në Banjskë, dhe pastaj t’i mbrojë kryerësit e kësaj vepre në krye me Millan Radoiçiqin”, tha Kurti.

Ish-nënkryetari i Listës Serbe, Millan Radoiçiq, e mori përgjegjësinë për kryerjen e sulmit ndaj Policisë së Kosovës më 4 shtator të vitit të shkuar nga një grup serbësh të armatosur. Kosova dhe Serbia vitin e shkuar arritën një marrëveshje për rrugën drejt normalizimit të marrëdhënieve dhe Aneksin për zbatimin e saj e njohur si marrëveshja e Ohrit. Këtë BE-ja po do që ta bëjë “ligjërisht të detyrueshme”, ndonëse palët u pajtuan me marrëveshjen, por nuk vendosën firmat.

Në tetor të vitit të shkuar, udhëheqësit e Gjermanisë, Kancelari Scholz, Presidenti i Francës Macron, kryeministrja e Italisë Meloni dhe përfaqësues të institucioneve të Bashkimit Evropian, i kërkuan kryeministrit të Kosovës, Albin Kurti që ta themelojë Asociacionin e Komunave me shumicë serbe, ndërsa, presidentit të Serbisë, Aleksandar Vuçiq, ta njohë de facto Kosovën.

Vuçiq: Na kërkohet njohja e pavarësisë së Kosovës

Ditë më parë, këtë e rikujtoi vet presidenti i Serbisë, Aleksandar Vuçiq, i cili tha se “Evropa po i kërkon Serbisë që ta njohë pavarësinë e Kosovës”. “De facto ose de jure, kjo po kërkohet. Le të mos gënjejmë për këtë gjë. Fuqia më e madhe, Bashkimi Evropian po e kërkon këtë”, tha Vuçiq për mediet në Serbi.

Kryeministri i Kosovës Albin Kurti, nga ana e tij, tha se “Asociacioni nuk është top prioriteti i normalizimit, është marrëveshja bazike, andaj të gjithë kolegët e mi, jo vetëm në Kosovë, unë i lus që të mos e nxjerrin nga paketa draft-statutin ose Asociacionin si një çështje”, tha Kurti, duke shtuar se “nga 11 nenet e Marrëveshjes bazike, së paku tetë janë shkelur nga Serbia”, prandaj ai kërkoi reagim nga Bashkimi Evropian. “Ne kërkojmë siguri ligjore, jo vetëm për zbatim të marrëveshjes por edhe për respektim dhe mos-shkelje të saj. Kjo është arsyeja kryesore pse kemi kërkuar të ketë nënshkrim të marrëveshjes”, tha Kurti.

Pas kësaj deklarate të Kurtit, i menjëhershëm ishte reagimi i Drejtorit të Zyrës për Kosovën në Qeverinë serbe, Petar Petkoviq, i cili e akuzoi kryeministrin e Kosovës, për siç tha, “shkelje të marrëveshjeve në Bruksel”, veçmas atë për Asociacionin e Komunave me shumicë serbe. “Kurti as nuk mund të rishkruajë marrëveshjen e nënshkruar në Bruksel 11 vjet më parë, zbatimi i së cilës garantohet nga Bashkimi Evropian, as nuk mund të shkruajë apo të flasë asnjë fjalë pa sulmuar Beogradin dhe serbët në Kosovë, sepse, kjo është e vetmja gjë që ai di të bëjë”, tha Petkoviq.

Sipas tij, Albin Kurti është “burimi kryesor” i jostabilitetit në Ballkanin Perëndimor.

Ndryshim të qasjes perëndimore ndaj Serbisë, kërkoi edhe ministri i Jashtëm britanik, David Cameron, menjëherë sapo u kthye nga një vizitë që zhvilloi me (04.01) në Kosovë. Cameron tha se “duhet të shprehet zhgënjim me sjelljen e Qeverisë së Serbisë, pas ngjarjeve të shtatorit në Banjskë të Zveçanit”, ku një grup serbësh të armatosur vranë një polic të Kosovës. Autoritetet kosovare fajësuan Serbinë për përfshirje në sulm, por Beogradi e mohoi këtë. “Jam i vetëdijshëm se sa e rrezikshme ishte, prandaj ishte një prej arsyeve që shkova në Kosovë”, tha Cameron. Ai tha se “është koha që të ndryshohet qëndrimi i Perëndimit ndaj Kosovës dhe Ballkanit Perëndimor, duke paralajmëruar se Rusia po synon që ta destabilizojë këtë rajon”.

Por si e shohin analistët politik nismën e Shërbimit të Veprimit të Jashtëm të BE-së, i cili ka kërkuar që marrëveshja e Ohrit për normalizim të marrëdhënieve Kosovë-Serbi, të bëhet pjesë përbërëse e kapitullit 35 për Serbinë në negocitat për anëtaresim në BE. Demush Shasha, nga Instituti Epik, i tha DË-së se “patjetër se ky kushtëzim ndikon në kalkulimin politik të Presidentit Vuçiq, pasi si në kuptimin politik, por edhe në kuptimin ekonomik, është tejet e rëndësishme që Serbia të perceptohet si një vend, i cili ngelet në kursin e saj drejt anëtarësimit në BE”.

“Ky kushtëzim do varet edhe nga perceptimi i Vuçiqit për vullnetin e BE-së për pranimin e Serbisë në BE. Nëse ai vëren se BE-ja pa marr parasysh çfarë bën Serbia, nuk do hap dyert në një afat të shkurtër për anëtarësimin e Serbisë, atëherë, iniciativa e Vuçiqit për të bërë kompromise karshi dialogut do zbehet”, tha Shasha.

Kursi i Serbisë, zgjedhjet në SHBA e lufta në Ukrainë

Kursin e politikës së Vuçiqit, Shasha e ndërlidh edhe me vitin zgjedhor në SHBA, dhe dinamikën e luftës në Ukrainë. Sipas tij, “pasojat e këtyre dy zhvillimeve do të ndjehen edhe në rajonin e Ballkanit”. Në një skenar ku Presidenti i ardhshëm i SHBA-ve mund të zgjidhet Donald Trump dhe rrjedhimisht një skenar ku pozita e Rusisë forcohet në Ukrainë, atëherë, Vuçiqi patjetër se do të jetë në një pozitë shumë më të konsoliduar për të ri-negociuar pozitën e Serbisë dhe kushtëzimet respektive në kuadër të dialogut”.

Drejtori i Institutit Epik, Demush Shasha, thotë se “kjo është edhe arsyeja përse Vuçiqi është duke bërë çdo gjë për të ruajtur status-quonë në kuadër të dialogut përmes episodeve si ‘më dhemb dora e djathtë’ për të nënshkruar marrëveshjet e dialogut, apo episodi i Banjskës. Të dy këto episode kanë qenë pjesë e së njëjtës strategji dhe të njëjtit qëllim: ngadalësimin e dialogut dhe blerjen e kohës duke ruajtur status-quonë me shpresën e ardhjes së rrethanave më të favorshme gjeopolitike për Serbinë”.

Prandaj sipas tij, kushtëzimi i Serbisë në kuadër kapitullit 35 do të ankoroj obligimet e dialogut për njohjen e elementeve të shtetësisë së Kosovës, ashtu siç tashmë kanë kërkuar edhe liderët më të fuqishëm evropian. “Në kuadër të procesit formal të anëtarësimit të Serbisë në BE, shumë do të varet edhe nga vendosmëria e BE-së për të anëtarësuar vendet e rajonit në BE në një afat të parashikueshëm kohor”, shprehet Demush Shasha.

Testimi i mësimdhënësve në Kosovë këtë vit nuk do të jetë obligativ. Këtë e ka bërë të ditur ministrja e Arsimit, Arbërie Nagavci. Në dy fazat e para do të fillohet si një testim për avancim në karrierë për përfitimin e licencës së avancuar, teksa hapi i radhës do të jetë për mësimdhënësit të cilët do të hyjnë në proces dhe pastaj me kohë do të jepen informatat për të gjitha çështjet e tjera.

Për këtë ide të Nagavcit SBASHK-u thotë se nuk është i informuar, derisa ka mësimdhënës që e vlerësojnë të mirëseardhur procesin, por edhe të atillë që e vlerësojnë të pakuptueshëm.

Zarife Bajgora Godanci, e cila është mësimdhënëse në shkollën “Emin Duraku” në Prishtinë, e vlerëson të mirëseardhur procesin e vlerësimit të mësimdhënësve.

Zarife Bajgora Godanci, e cila është mësimdhënëse në shkollën “Emin Duraku” në Prishtinë, e vlerëson të mirëseardhur procesin e vlerësimit të mësimdhënësve.

“Po, nuk jam kundër. Pse mos me bë këtë testim dhe me pas ngritje në karrierë, ku secila palë e sprovon vehtën dhe arrin atë çfarë dëshiron. Nuk kemi pse me pas frikë prej testimit”, tha për RTK-në, mësimdhënësja Zarife Bagjora Godanci.

Por kështu nuk mendon edhe kolegia e saj, Lindita Fazliu. Ajo e konsideron të pakuptueshme pse duhet të testohen.

“Për ngritjen e cilësisë çdo herë shkojmë avancohemi duke kryer trajnime të ndryshme, nuk di dhe nuk e kuptoj pse duhet të jetë një vlerësim tjetër. Ne jemi të kualifikuar për këtë drejtim, për këtë punë që e bëjmë dhe ku qëndron problemi, pasi mua po më duket më shumë si problem e jo si vlerësim”, tha

Lindita Fazliu, po ashtu mësimdhënëse në shkollën fillore “Emin Duraku” në Prishtinë.

Kundërshtim për testim ka edhe nga Sindikata e Arsimit, e cila ka deklaruar se parimisht është kundër testimit me shkrim të njohurive të punëtorëve të arsimit, përderisa janë për vlerësim të punës së mësimdhënësve përmes inspektorëve profesional.

“Test me shkrim për punëtorët e arsimit për njohurit e tyre, nuk ka pas, nuk ka dhe dhe nuk do të ketë dhe ne do të reagojmë duke respektuar zërin e mësimdhënësve. Mirëpo, së fundmi znj.Nagavci, doli me një ide tjetër për të cilën ne nuk jemi të informuar ngase na mungojnë takimet që nga shtatori e këtej me të. Por, një lloj avancimi, një lloj gradimi duke u thirrur edhe në ligjin e pagave që thotë se do të ketë një ngritje page dhe është menduar për licensën e avancuar dhe licensën e përheshme, karrshi licencës që e kanë të gjithë mësimdhënsit. Por znj.

Nagavci duhet të jetë korrekte edhe konkrete në deklaratat e saj”, tha Rrahman Jasharaj, kryetar i SBASHK-ut.

E ministrja e Arsimit, Arbërie Nagavci, bëri të ditur se tashmë është finalizuar legjislatura sekondare, e cila i ka kaluar të gjitha fazat e dëgjimit publik dhe se udhëzimet administrative janë prezantuar në shkolla.

“Në këtë fazë, në qershor, nuk mund të jetë i obligueshëm sepse ne e kemi parasysh që rezultatet e nxënësve janë shumë komplekse dhe rezulatet përfshijnë një varg faktorësh, përfshirë tekstet mësimore, cilësinë e teksteve me të cilat punojnë fëmijtë tanë, cilësinë e programeve universitare, fakulteteve të edukimit të cilat i përgadisin kuadrot për mësimdhënës, rekrutimit për mësimdhënës e shumë elemente të tjera. Planifikimet janë në dy faza; e para që të filllohet si një testim për avancim në karrierë për përfitimin e licencës së avacuar, hapi i

radhës do të jetë për mësimdhënësit të cilët do të hyjnë në proces dhe pastaj me kohë do të jepen informatat për të gjitha çështjet tjera”, tha ministrja e Arsimit.

Sipas Ngavacit, procesi i licencimit, për këtë fazë është paraparë në të gjitha nivelet e mësimdhënësve të arsimit parauniversitar.

Bashkimi Evropian ka konfirmuar se ndërmjetësi i BE-së për dialogun, Miroslav Lajçak, do të zhvillojë takime të ndara me kryeministrin e Kosovës, Albin Kurti e presidentin e Serbisë, Aleksandër Vuçiq, në margjinat e forumit ekonomik të Davosit, i cili nis të hënën në Zvicër.

Këtë e ka konfirmuar për RTK-në, zëdhënësi i BE-së, Peter Stano, i cili ka theksuar se takimet do të jenë të ndara derisa sipas tij nuk pritet të ndodhë ndonjë takim trepalësh.

“Nuk është planifikuar një takim i përbashkët lidhur me dialogun, si ai i nivelit të lartë apo i ngjashëm”, ka theksuar Stano.

Temë e këtij viti në samitin e Davosit është ‘Rindërtimi i Besimit’ e ku pritet të marrin pjesë liderë nga 100 vende të botës dhe organizatat kryesore ndërkombëtare.

Njohësit e rrethanave të sigurisë, vlerësojnë se Kosova e ka të pamundur ta bëjë të detyrueshëm shërbimin ushtarak por që kërkojnë të miratohet Ligji për Mobilizim, pasi në raste të agresionit Kosova nuk i obligon qytetarët e saj të mobilizohen, raporton Ekonomia Online.

Sipas tyre, shërbimi ushtarak i obligueshëm pengesë për shkak të mungesës së buxhetit dhe se plani dhjetëvjeçar i tranzicionit të FSK-së

Ish-koloneli i FSK-së, Afrim Veseli në një intervistë për Ekonomia Online tha se Kosova ende nuk i ka arritur kapacitet e saj të plota operacionale ta bëjë të detyrueshëm shërbimin ushtarak, teksa pengesë tjetër e sheh edhe buxhetin.Ai FSK-në e sheh në rrugë të mirë drejtë zhvillimit të një ushtrie profesionale me standarde të NATO-s.

“Konsideroj që në këtë fazë në të cilët gjenden Forca e Sigurisë së Kosovës ndoshta është e pamundshme. Arsyeja është se në planin tranzitor të saj ajo ende nuk i ka arritur kapacitetet e saj të plota operacionale. Arsyeja e dytë është se nëse vjen deri te ajo, buxheti i tanishëm i Forcës së Sigurisë së Kosovës nuk mjafton, duhet të rritet buxheti edhe e treta çka konsideroj që është shumë e rëndësishme është se detyrimi i obligueshëm i ushtarak, nuk mund të arrijë kapacitetet e plota për t’u përgatitur për mbrojtje. Pra FSK-ja është në rrugë të mirë me formën e saj të zhvillimit të një ushtrie profesionale me standarde të NATO-s, andaj konsideroj që kjo duhet të vazhdojë dhe ka kohë për ta”, tha Veseli.

Veseli ka kërkuar nga Qeveria që të hartojë Ligjin për Mobilizim, pasi në raste të agresionit Kosova nuk i obligon qytetarët të mobilizohen.

“Gjithsesi institucionet e sigurisë sonë kanë marrë masa e nevojshme për ngritjen e gatishmërisë për ndonjë të papritur, mirëpo Kosovës i mungon Ligji për Mobilizim, andaj Qeveria duhet urgjentisht të hartojë ligje për mobilizim të kapaciteteve kombëtare të resurseve njerëzore dhe të kapaciteteve të tjera ekonomike. Ne nuk e kemi atë ligj në rastet emergjence apo të një agresioni të mundshëm, Kosova nuk ka ligj që i obligon qytetarët e saj të mobilizohen për mbrojtje të vendit”.

Ndërsa Drizan Shala, tha për Ekonomia Online se tranzicioni i FSK-së ka plan më gjithëpërfshirës. Shala përmend edhe kostot buxhetore si një pengesë reale.
“Mendoj që jemi në fazën transicionit dhjetëvjeçar të planit gjithëpërfshirës të Forcës së Sigurisë së Kosovës po të qëndrojnë forcat e armatosura të Kosovës dhe sipas projeksioneve ne nuk e kemi obligative shërbimin e detyruar ushtarak dhe nuk mendoj që është nën harmonizimin e orientimit strategjik të projeksionit ku dëshirojmë ta kemi forcën e sigurisë së Kosovës respektivisht FAK-un. Pra unë nuk mendoj që kjo në afatmesëm apo afatgjatë do të na kontribuonte që të kemi një shërbim të detyrueshëm ushtarak sepse është edhe një kosto buxhetore e cila është edhe e papërballueshme për sistemin financiar të Republikës së Kosovës”, u shpreh Shala.

Shala e sheh të rrugës bashkërendimin me nivelin politik ndërkombëtar dhe të arrihet marrëveshje me shtetet mike në rast të ndonjë sulmi.

“Unë mendoj që Kosova dhe institucionet e saj kanë ndërmarrë veprime të tyre preventive. Ne do të duhej avancim edhe më tutje në bashkëpunim dhe bashkërendim me nivelin politik ndërkombëtar dhe të arrijmë marrëveshje eventuale me partnerët mike të Kosovës në raste se do të cenohet integriteti territorial i Republikës së Kosovës”, u shpreh Shala, teksa përmend edhe shtetet që Kosova duhet t’i ketë afër.

“Në nivelin taktik me bashkërendua veprimet me Shqipërinë, në nivelin operacional me ushtrinë turke dhe në nivelin strategjik me ushtrinë e Kroacisë”, theksoi Shala.

Themelimi i Asociacionit të komunave me shumicë serbe dhe sulmet e mundshme nga Serbia, janë disa nga veprimet që po e dëmtojnë Republikën e Kosovës. Për këtë të fundit, analistët kërkojnë që të pranohet vetëm nëse vërtetohet si shmangie e luftës ndërmjet Kosovës dhe Serbisë. Kështu vlerësojnë njohës të çështjeve politike.

Themelimi i Asociacionit të komunave me shumicë serbe, do të jetë sërish kryefjala e bisedimeve ndërmjet Kosovës dhe Serbisë. Për këtë temë, analistët kanë mendime të ndryshme. Disa thonë se ajo duhet të pranohet vetëm si shmangie e luftës, ndërsa shohin mundësinë që kjo të shtyhet deri pas zgjedhjeve të reja në Kosovë, raporton Ekonomia Online.

Ndërsa retorika e krerëve të shtetit mbi sulmet e mundshme të Serbisë, po shihet si e pakuptimtë, ndonëse rrezikun e vërejnë.

Ndonëse e pranon se ekziston mundësia e ripërsëritjes së rastit të Banjskës, Mehmetajt i duket e pakuptimtë të përmendet termi luftë. Thotë se nuk ekziston asnjë benefit të përmendet ky term.

Mehmetaj ka kërkuar që Asociacioni të pranohet si kusht për t’u shmangur një luftë e re ndërmjet Kosovës dhe Serbisë.

“Është e vërtetë që Kosova ndryshe nga shtetet e tjera të cilat rrethojnë me Serbinë është në një farë gjendje të ndryshme në një farë raporti të ndryshëm. Gjithashtu është vërtetu edhe kohëve të fundit që potencialiteti për krijimin e grupeve të caktuara të cilat u qëndron mbrapa Serbia mund të ndërhyjnë vazhdimisht në Kosovë, por cili është benefiti i deklarimeve të njëpasnjëshme të vazhdueshme të krerëve të shtetit se mund të jem në prag të një lufte ky është e pakuptueshme”, thotë Mehmetaj.

Duke folur për zbatimin e marrëveshjeve me Serbinë dhe pikën më të nxehtë siç është Asociacioni i komunave me shumicë serbe, Mehmetaj ka një vlerësim. Thotë se kjo duhet të bëhet për të shmangur luftën. Në të kundërtën, është kompromis i pafalshëm për kryeministrin Kurti.

“E kemi thënë edhe në të kaluarën që një nga mënyrat që s’do të mund ta paraqes marrëveshjen e arritur në Bruksel dhe pranimi i Asociacionit komunave me shumicë serbe, Qeveria është krijimi i kësaj paralele pra e këtij dualiteti ‘luftë’ apo Asociacion i komunave me shumicë serbe. Nëse në një gjendje cilësie paqeje në një gjendje të raporteve të mira me Serbinë, Kosova e pranon Asociacionin e komunave me shumicë serbe do të ishte një kompromis i madh i pafalshëm për Kurtin, mirëpo nëse Asociacioni pranohet si shmangie e luftës, atëherë kjo do të ishte një gjetje inteligjente e politikës në Kosovë prandaj bëhen edhe këto deklarime të vazhdueshme për luftë”, thotë tutje Mehmetaj.

Ndërsa analisti i çështjeve politike, Arbnor Sadiku, sheh tendencë të kryeministrin Kurti që ta shtyjë themelimin e Asociacionit të komunave e shumicë serbe. Pas zgjedhjeve, Sadiku pret që Kurti t’i pranojë të gjitha marrëveshjet që i ka në tavolinë.

“Krijimi i Asociacionit ka qenë një prej temave më të nxehta në Republikën e Kosovës dhe natyrisht që Republika Kosovës nuk është që ka interes këtë rast ta krijoj këtë asociacion për faktin që sigurisht ky vit do të jetë një vit zgjedhor dhe natyrisht partia që është në pushtet LVV synon që përmes krijimit të zgjedhjeve ta shtyjë krijimin faktik të Asociacionit në kuptimin e asaj që të fitoj zgjidhjet edhe njëherë edhe pasi që ta krijoj qeverinë, atëherë synon që të bëjë kompromiset dhe gjitha marrëveshjet që i ka në tavolinën e bisedimeve me Serbinë”, u shpreh Sadiku për EO.

13 persona kanë mbetur të lënduar si pasojë e shpërthimit të një bombole gazi sot në Kçiq të Mitrovicës.

Zëdhënësi i Policisë së Kosovës për rajonin e Mitrovicës, Avni Zahiti, tha se rasti ka ndodhur rreth orës 16:30 dhe se personat e lënduar janë dërguar për trajtim mjekësor.

“Si pasojë e një shpërthimi në një shtëpi në fshatin Kçiq të Mitrovicës, 13 persona kanë pësuar lëndime. Të lënduarit janë dërguar për tretman mjekësor në Spitalin Rajonal të Mitrovicës. Bazuar në informatat e para dyshohet se shpërthimi ka ndodhur nga një bombolë gazi”, tha Zahiti.