Tag: Ballina

Përgatiti: Benita Zeneli

Kuadratet e Forcës së Sigurisë së Kosovës u rreshtuan të martën në kazermën “Adem Jashari”. E këngë u këndua edhe nga ta.

Në ceremoninë që u mbajt në kazermë për nder të Epopesë së UÇK-së, fjalim mbajtën liderët shtetërorë, ndërsa 5, 6 dhe 7 marsi u cilësuan si ditë të lavdisë e krenarisë.

I nderuar të flasë para ushtarëve u shpreh të jetë Lulzim Jashari, djali i komandantit Adem Jashari.

Krerët e shtetit, gjithashtu, bënë homazhe edhe pranë obeliskut të Ushtrisë Çlirimtare të Kosovës.

Përgatiti: Benita Zeneli

Këtë të martë, fjalën në Kuvend e mori edhe këngëtarja Shkurte Fejza.

Bashkë me ikonën tjetër të muzikës shqipe, Ilir Shaqirin, ishin dy mysafirët specialë, detyra e të cilëve ishte interpretimi i dy perlave muzikore, kushtuar Adem Jasharit.

Bashkë me shumë mysafirë të tjerë, seanca solemne e Kuvendit shënoi nisjen e Manifestimit të përvitshëm tashmë të 26-të, Epopeja e UÇK-së.

Para përfaqësuesit të familjes Jashari, Rifatit, me fjalim u paraqit edhe kryeministri, Albin Kurti.

Pa falënderuar familjen Jashari për çdo gjë që dha për lirinë që gëzohet nuk e la as kryetari i Kuvendit, Glauk Konjufca.

Veç tyre, fjalim mbajtën edhe deputetë të opozitës e të tjerë.

Përgatiti: Arton Hamiti

Recituan para varrit të Komandantit Legjendar, Adem Jashari.

Në mënyrë të organizuar, nga afër shohin edhe kullat heroike të Jasharëve, teksa nga mësuesit marrin informacionet për atë që ngjau para 26 vjet.

Sikurse këta fëmijë, kompleksin memorial në Prekaz, e vizituan mijëra qytetarë.

Sakrifica e familjes Jashari, u vlerësua si moment kthese në historinë e re të
Kosovës.

“Kur u çu Adem Jashari me ra me familje, populli e pa se si fitohet liria”, thotë një qytetar.

Pas dy sulmeve ndaj familjes së Komandantit, më 5 mars 1998, artileria serbe, nga Fabrika e Municionit, filloi gjuajtjet në drejtim të Kullës së Jasharëve.

Pas një beteje treditëshe, u vra Adem Jashari së bashku me Hamzën, Shabanin dhe rreth 50 anëtarë të familjes së gjerë.

Varrimi u bë nga shumë qytetarë, në praninë e forcave paramilitare serbe.

Lajmi për rënien e Adem Jasharit kishte prekur shpirtin e çdo shqiptari liridashës dhe ishte reflektuar me dhimbje të pakrahasueshme kudo.

Presidentja e Kosovës, Vjosa Osmani, ka thënë se kontributi i UASID-it përgjatë më shumë se dy dekadash në vend, është një shembull i fuqishëm i përkushtimit të palëkundur të Shteteve të Bashkuara të Amerikës dhe popullit amerikan për të ndihmuar Kosovën në rrugën drejt sukseseve të reja.

Osmani ka bërë të ditur se USAID-i ka qëndruar besnikërisht përkrah popullit të Kosovës duke investuar mbi 1 miliardë dollarë në zhvillimin e vendit, sipas saj, bashkë me projektet e tjera të Qeverisë amerikane, investimet totale arritën diku në shifrën e 1 miliardë dollarëve.

Osmani këto deklarime i bëri pas takimit që kishte zhvilluar me Ndihmës Administratoren e USAID-it, Erin E. McKee.

“Në Kosovë kur flitet për USAID-in flitet për zhvillim ndihma dhe mbështetja juaj për popullin e Kosovës ndër vite asociohet ngushtë me etapa të rëndësishme zhvillimore të vendit tonë. Vizita juaj dhe takimi që sapo e përfunduam janë dëshmi e angazhimit dhe punës së jashtëzakonshme të USAID-it në partneritet me qytetarët tanë institucionet tona mbi të gjitha me shtetin tonë. Kontributi i USAID me dekada është një nga shembujt më të fortë të përkushtimit të palëkundur të ShBA-ve, Amerikës dhe popullit amerikan për ta ndihmuar vendin tonë në arritjen e sukseseve tona. Bashkëpunimi me USAID-in reflekton partneritetin tonë me ShBA-të. Një partneritet i ndërtuar me besim të ndërsjellë të fuqizuar nga vlerat e përbashkëta dhe të motivuara nga qëllimi ynë i përbashkët. Një Kosovë më e fortë e zhvilluar, gjithëpërfshirëse dhe e integruar në institucionet euroatlantike. Në përpjekjet tona të përbashkëta për një të ardhme më të mirë për qytetarët tanë USAID-i ka qëndruar besnikërisht përkrahë shtetit tonë duke investuar mbi 1 miliardë dollarë në Republikën e Kosovës e që bashkë me projekte tjera të Qeverisë Amerikane investimet arrinë diku në 2 miliardë dollarë. Përmes projekteve të ndryshme është prekur çdo aspekt i qytetarëve e përmes të cilave është ndihmuar edhe më tutje fuqizimi i Grave, Rinisë dhe i Komuniteteve në të gjitha fushat. Për më tepër këto projekte kanë mbështetur bizneset drejt rritjes së qëndrueshme, kanë mbështetur shpirtin e sipërmarrës të të rinjve tanë, tranzicionin energjetik si dhe kanë ndihmuar në fuqizimin e demokracisë dhe sundimin e ligjit. Ne sapo kemi shënuar 16 vjet si shtet i Pavarur përgjatë këtyre viteve sukseset tona të njëpasnjëshme janë arritur me mbështetjen e ShBA-së, aleatëve tanë”, ka thënë ajo.

Kryeministri i vendit, Albin Kurti ka uruar festën e 7 dhe 8 Marsit, ndërsa duken qenë se në këtë muaj fillon edhe Ramazani, ai u ka uruar agjërim të lehtë të gjithë besimtarëve mysliman.

Kurti ka thënë mësimdhënësit kanë një rol tejet të rëndësishëm në shoqëri, duke kujtuar edhe 292 mësimdhënësit e vrarë në luftën e Kosovës, për të cilët tha se me punën tonë të sotme ua nderojmë sakrificën dhe e lartësojmë kujtimin për ta.

“Një muaj i hatashëm, një muaj i lavdishëm. Marsi është edhe 7 Marsi i Ditës së Mësuesit. Të japësh mësim është një ndër thirrjet më fisnike në jetë sepse ke në dorë formimin dhe informimin e individit, i cili nesër formëson dhe zhvillon shoqërinë dhe vendin. Mësimdhënësit tanë sot janë të vetëdijshëm për rolin tejet të rëndësishëm që kanë dhe ne u jemi falënderues atyre. Të vetëdijshëm për këtë ishin edhe 292 mësimdhënës që u vranë gjatë luftës në Kosovë, të cilët përkundër rreziqeve, vazhduan edukimin e fëmijëve në kushte lufte. Puna jonë sot për edukimin e brezave të rinj nderon sakrificën e tyre dhe lartëson kujtimin ndaj tyre”, u shpreh ai.

Më tej, Kurti përmendi edhe 8 Marsin, ku vlerësoi se me veprime konkrete institucionet ritheksojnë përkushtimin për ta shtyr përpara agjendën për barazi gjinore në Kosovë.

“Marsi është edhe 8 marsi, Dita Ndërkombëtare e Gruas. Dita e përpjekjes dhe e luftës për barazi në shoqëri. Synimi ynë për barazi dhe drejtësi nuk ka alternativë. Barazia gjinore është në themel të barazisë shoqërore. Shteti ynë është ndërtuar mbi parimet e diversitetit dhe të gjithëpërfshirjes. Përparimi është përpjekje kolektive ndërtuar mbi bazën e bashkëpunimit, të ndjeshmërisë dhe solidariteti. Në prag të ditës ndërkombëtare të gruas, me veprime konkrete ritheksojmë përkushtimin institucional për të shtyr përpara agjendën e barazisë gjinore në Republikën e Kosovës”, shtoi ai.

Kurti nuk la pa uruar edhe muajin e shenjt të Ramazanit, duke thënë se ky muaj sjell përkrahje e bashkim me ata që kanë më së shumti nevojë.

“Këtë vit muaji mars është muaji i fillimit të Ramazanit, muajit të shenjt që besimtarët mysliman mezi e presin e që sjell përkrahej e bashkim me ata që janë më së shumti me nevojë. Të gjithë atyre që po numërojnë deri me 11 mars, ju qoftë agjërimi i lehtë”, theksoi ai.

Zëvendëskryeministri i vendit, Besnik Bislimi, ka thënë se në takimin që ka pasur me emisarin special të BE-së për dialogun Kosovë – Serbi, Miroslav Lajçak, kanë folur për zbatimin dhe avancimin e Marrëveshjes Bazike.

Në njoftimi e qeverisë thuhet se Bislimi në takim ritheksoi se marrëveshja duhet të zbatohet përmes një plani të sekuencimit të drejtë e të barabartë mes palëve.

“Ai tha se nënshkrimi i marrëveshjes është garancë dhe për pranim e zbatim të saj. Në këtë drejtim, refuzimi nga Serbia dhe letra e kryeministres Bërnabiq dhjetorin e kaluar, nuk kontribojnë pozitivisht në frymën e dialogut dhe zbatimin në plotni të marrëveshjes”.

“Ndërkohë, mbi masat ndëshkuese ndaj Kosovës, u kërkua nga ana e zëvendëskryeministrit Bislimi heqja e tyre sa më parë, ku shprehu se ato janë të padrejta dhe duhet të bëhen hapa finalizues drejt heqjes së tyre”, thuhet në njoftim.

Tutje, bëhet e ditur se Lajçak në takim ka sqaruar se anëtarësimi i Kosovës në Këshillin e Evropës nuk ndërlidhet me procesin e dialogut, pasi sipas tij, këto janë dy procese të ndara.

Kompleksi Memorial “Adem Jashari” është vizituar sot nga qytetarë të shumtë, të qyteteve të ndryshme, për nder të 26 vjetorit të rënies heroike të komandantit legjendar të Ushtrisë Çlirimtare të Kosovës (UÇK), Adem Jashari dhe familjes Jashari. Qytetarët të cilët po nderonin familjen Jashari, shprehen mirënjohje për të rënët dhe sakrificën e tyre për liri.

Qytetari Nazmi Shaljani i cili për çdo 5 mars viziton kompleksin me nipin e tij, theksoi se Jasharët janë arsyeja pse populli shqiptar sot gëzon lirinë që nuk e ka pasur më parë.

“Çdo vit vij me nip, për sakrificë, të vizitojë Jasharët. Pushka e Adem Jasharit bashkoi forcat shqiptare, i cili ka dhënë sakrificë të madhe për këtë vend. E shfrytëzojmë këtë liri që se kemi pasur kurrë edhe brezi i ri e vazhdon këtë liri”, theksoi ai.

Qytetari tjetër, Murtez Salihu shpreson që ky popull të gëzoj lirinë dhe të këndellet më mirë për të qenë të bashkuar si komb.

“Unë vij nga diaspora për lavdinë e Prekazit edhe gjithë dëshmorëve të kombit për lirinë e këtij kombi që e gëzojmë. Dy heronjtë e këtij vendi janë Adem Jashari dhe Hashim Thaçi, por për fat të keq dihet ku gjendet ai. Ishalla (lutem) ky popull ta gëzon lirinë dhe të këndellemi sa më mirë, të bashkuar për kombin tonë”, tha Salihu.

Ndërsa, një mik i Hamëz Jasharit dhe Enver Halitit, Halil Koliqi ish-epror i UÇK-së ka kujtuar duke treguar një histori të shkurtër. Ai shprehet i lumtur që ka takuar ata dhe i takon brezit të tyre.

“Kam qenë shok i ngushtë me Hamëz Jasharin dhe Enver Halitin, ishim treshi i parë politko-ushtarak në Prekaz. Ishte kënaqësi që unë i takoj këtij brezi të tyre, që i kam njohur. Në shtëpinë e tij kam qenë më 22 shkurt, 11 ditë pa u vra ata. Janë vra heroikisht duke mbrojtur atdheun e tyre. Me fol për Jasharët, nuk ka mundësi njeriu me pak fjalë, sepse tani ata kanë hyrë në legjendë, nuk mundesh të shpjegosh për pak kohë”, shprehet Koliqi.

Po ashtu, Sheremet Jashari vijon se serbët kanë përdorur të gjitha metodat që Kosova të jetë e tyre, por ishte e kotë sepse sipas tij ka qenë dhe është e shqiptarëve. I pikëlluar shpreson që çizmja e zezë e serbit të mos shkel më tokën shqiptare kurrë.

“Kjo është një ditë e dhimbshme, por edhe ditë e lirisë. Një familje me 52 anëtarë të vrarë nuk është pak, por nga serbi nuk pritët asgjë e mirë, nuk ka shikuar a është fëmijë apo plak, por ka përdorur të tëra metodat dhe Kosova të mbetet e tyre, por ishte e kotë ajo është e shqiptarëve dhe gjithmonë do të jetë. Unë ndjej dhimbje shumë të madhe, kam tre anëtarë të vrarë por i harroj ata tre kur i kujtojë që 52 janë vra. Dashtë Zoti që kurrë më çizmja e zezë e serbit mos të shkel tokën shqiptare”, tha Jashari.

Ndërsa, qytetari tjetër Bislimi thekson se ka ardhur në Prekaz t’i nderoj familjen Jashari, pasi që sipas tij, Jasharët janë arsyeja që Kosova është në këtë ditë.

“Jam ardhur nga Hani i Elezit për të vizituar dëshmorët që kanë luftuar deri në fishekun e fundit dhe nuk i janë dorëzuar serbit. Jemi ardhur me i nderua me shpirt e zemër, ata e sjellën këtë ditë dhe u gëzua kjo rini, por lutem ta gëzojmë lirinë dhe e mbajmë”, thekson ai.

Gjatë ditës, Kompleksin Memorial “Adem Jashari” ka vizituar edhe kryetari i Aleancës për Ardhmërinë e Kosovës (AAK), Ramush Haradinaj, kryetari i Komunës së Preshevës, Shqipërim Arifi dhe shumë qytetarë të tjerë në vendi dhe rajoni. /kp

Presidentja, Vjosa Osmani ka thënë se si çdo herë e veçanërisht sot është momenti i veçantë ta shprehim vlerësimin, mirënjohjen, nderimin dhe respektin me përkulje të thellë për familjen heroike Jashari dhe të gjithë dëshmorët dhe heronjtë e lirisë.

Duke kujtuar sulmin e 24 shtatorit në Banjskë, Osmani tha se po në këtë ditë ia rikujtojmë se Republika e Kosovës është një realitet i pakthyeshëm.

Tutje, Osmani tha se politika e tyre do të dështojë dhe se ne do të mbrojmë lirinë e paqen me çdo kusht.

“Mungesa e drejtësisë dhe mosndëshkimi i kriminelëve serbë të luftës ka trimëruar edhe trashëgimtarët e tyre, sikurse që ishte rasti me agresionin e Serbisë kundër Kosovës me 24 shtator në Banjskë. Por në këtë ditë të lavdishme ua rikujtojmë se Republika e Kosovës është realitet i pakthyeshëm, shtet i konsoliduar, me sovranitet shtetërore dhe integritet territorial të qartë dhe të njohur ndërkombëtarisht, me kushtetutë dhe institucione të bazuara në vlera dhe standard me të larta dhe me vizion të qartë drejt integrimesh euroatlantike. Ua rikujtojmë se politikat e tyre hegjemoniste do të dëshmojnë edhe një herë që do të dështojnë dhe ne do ta mbrojmë lirinë e paqen me çdo kusht”, ka thënë Osmani.

I Dërguari i Bashkimit Evropian për Ballkanin Perëndimor, Miroslav Lajçak, ka dalë në konferencë pas takimit me zëvendëskryeministrin Besnik Bislimi, raporton Ekonomia Online.

Ai ka thënë se kanë folur për marrëveshjen e arritur midis Kosovës dhe Serbisë, çështjet e pagesave, aspektin monetar dhe sistemin e pagesave.

Lajçak, ka thënë se duan më shumë përparim në zbatimin e Marrëveshjes bazë, e cila tashmë ka bërë një vit që nga nënshkrimi.

Lajçaku po ashtu ka thënë se në takimin e fundit në Bruksel, u ishte lënë palëve të vendosin vetë kë duan ta dërgojnë në takim.

“Kemi diskutuar një listë të gjatë të çështjeve. Dhe më e rëndësishmja është zbatimi i Marrëveshjes bazike të arritur dhe kjo është në interes të të gjithëve që të kemi progres në zbatimin e kësaj marrëveshjeje. Është marrëveshja më e mirë që kemi mundur të arrinim. Nëse do të kishte marrëveshje më të mirë, do ta kishim bërë prandaj është në interes të secilit që të zbatohet. Sepse në këtë marrëveshje kemi të gjitha përgjigjet, çfarë të bëjmë dhe si t’i bëjmë. Pyetja e vetme është se kur do të ndodhë zbatimi i këtyre pikave. Kemi shpenzuar shumë kohë për të ndërmarrë hapa dhe ka frikë në të dyja palët se çfarë do të bëjë unë e çfarë pala tjetër. Por besoj se këto çështje munden shumë thjesht të zgjidhen”.

“Është me rëndësi të them se diskutuam edhe për çështjen e pagesave dhe që është pjesë e procesit të dialogut, diskutuam edhe këtë çështjen në takim. Ashtu siç kemi biseduar edhe në Bruksel, dhe kemi pasur disa pyetje dhe kemi diskutuar për ato që çështje që kanë tejkaluar kompetencat e delegacioneve në Bruksel”, ka thënë ai.