Tag: Ballina

Në Dhomat e Specializuara të Kosovës (DhSK) në Hagë ka mbaruar dëshminë dëshmitari i 60-të në rastin e ish-krerëve të UCK-së.

Dëshmia e këtij dëshmitari e cila u dëgjua në seancë të mbyllur për publikun, mbaroi brenda sesionit të paradites. Si rrjedhojë, për arsyeje se nuk kishte dëshmitar tjetër gati, pjesa tjetër e seancës nuk u mbajt, raporton “Betimi për Drejtësi”.

Sipas trupit gjykues, Charles Smith III, seanca e paraparë për nesër do të anulohet dhe gjykimi do të rinis javës tjetër, përkatësisht të hënën më 6 maj 2024 duke filluar nga ora 09:00 me 45 minuta vonesë në transmetim.

Mbrojtja kërkon që një prej dëshmive që do të dëgjohet javën e ardhshme të mos ketë vlerë provuese në rastin ndaj ish-krerëve të UÇK-së

(Përditësuar, ora 11:20)-Mbrojtja e Rexhep Selimit, përmes avokatit Eric Tully sot në emër edhe të ekipeve të tjera mbrojtëse kërkoi që njëra nga dëshmitë që pritet të dëgjohet javën e ardhshme të mos ketë vlerë provuese në rastin ndaj ish-krerëve të UÇK-së.

Tully tha se parashtrimi i tyre lidhet me një album fotografish që dëshmitari është pyetur gjerë e gjatë ndërsa, mbrojtja nuk i ka në dispozicion. Avokati tha se ZPS-ja iu kishte thënë që as ata nuk i kanë në zotërim këto fotografi, raporton “Betimi për Drejtësi”.

“Kjo ka të bëjë lidhur me kërkesën e përdorimit të rregullës 154 për të ndjekur përmes videolidhjes dëshmitarin e javës së ardhshme. Ekipet e mbrojtjes nuk e kundërshtojnë këtë kërkesë për vidolidhje, por kemi një koment lidhur me një prej dokumenteve që do të përdorën. Bëhet fjale për materialin 021672021673 i redaktuar, lidhet me dëshminë në një procedurë hetimore. Janë faqe që gjenden në materialin… ku dëshmitari është pyetur gjerë e gjatë lidhur me një album fotografish. Desha të thoja që neve nuk na e kanë dhënë albumin me fotografi dhe prokuroria thotë që as ata nuk e kanë në zotërim këtë album të fotografive. Kështu që ne mendojmë që kjo dëshmi nuk duhet të ketë vlerë provues. Ndryshe, nuk do e kundërshtojmë pjesën për videolidhje”, tha Tully.

Lidhur me këtë parashtrim të ekipeve mbrojtëse, nuk patën asgjë për të thënë përfaqësuesit e Zyrës së Prokurorit të Specializuar. Ndërsa, seanca vazhdoi e mbyllur për publikun për t’u dëgjuar dëshmitari.

Në seancë të mbyllur dëgjohet dëshmia e dëshmitarit të 60-të në rastin Thaçi dhe të tjerët

Në Dhomat e Specializuara të Kosovës (DhSK) në Hagë është duke u dëgjuar dëshmia e dëshmitarit të thirrur nga Zyra e Prokurorit të Specializuar me kodin 04731 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Dëshmia e këtij dëshmitari është duke u dëgjuar në seancë tërësisht të mbyllur për publikun, raporton “Betimi për Drejtësi”.

Përpara kësaj, kryetari i trupit gjykues njoftoi për procesverbal se të gjithë të akuzuarit janë prezent në sallën e gjyqit përveç Jakup Krasniqit i cili është i pranishëm përmes video-lidhjes.

Kurse, me arsyetimin se do të diskutohet një çështje, në fillim seanca kaloi në sesion privat e më pas për t’u mbyllur tërësisht.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi

Përfaqësuesi i përbërjes së Qeverisë së Serbisë dhe lideri i Partisë Progresive Serbe (SNS) në pushtet, Millosh Vuçeviq, gjatë fjalimit të tij në Kuvendin e Serbisë deklaroi se Serbia e ka ende synim strategjik anëtarësimin në Bashkimin Evropian (BE).

Por, ai shtoi se “fakti që procesi është i ngarkuar nga kriteret e reja politike nuk mund të injorohet”.

Së fundi, BE-ja zyrtarisht ka kushtëzuar integrimin e Serbisë me normalizimin e raporteve me Kosovën.

Vuçeviq tha se pritshmëritë e BE-së lidhen me atë që Serbia ta “poshtërojë” veten duke njohur pavarësinë e Kosovës dhe t’i bashkohet sanksioneve kundër Rusisë për shkak të pushtimit të Ukrainës.

Por, ai theksoi që Serbia nuk do t’i bashkohet sanksioneve kundër Rusisë.

“Nuk ka dyshim se presionet do të vazhdojnë, ndoshta do të intensifikohen, por jemi të vendosur që të qëndrojmë në të njëjtat pozicione”, tha Vuçeviq.

“Serbia nuk mund dhe nuk do të heqë dorë nga miqësia me Rusinë, popullin e së cilës ne e konsiderojmë vëllazëror, ashtu siç është rasti me ukrainasit. Ne e kemi dënuar qartë sulmin e Rusisë ndaj Ukrainës, por kemi deklaruar se nuk do t’i bashkohemi politikës së sanksioneve”, tha ai.

Në prezantimin e tij, Vuçeviq “theksoi posaçërisht” rëndësinë e partneritetit me Kinën, duke vlerësuar se marrëveshja tregtare do të hapë dyert e tregut kinez për biznesmenët.

“Pavarësisht pikëpamjeve kontradiktore të shumë njerëzve në Perëndim, për ne Kina përfaqëson një vend mik, një partner dhe një aleat të besueshëm në mbrojtjen e integritetit tonë territorial”, shtoi ai.

Ai tha se qëndrimi i Serbisë ndaj Kinës nuk do të ndryshojë dhe shtoi se mezi pret vizitën e presidentit kinez, Xi Jinping, i cili do ta vizitojë Serbinë më 7 dhe 8 maj.

Vuçeviq gjithashtu tha se Serbia do të ndërtojë marrëdhënie më të mira me Shtetet e Bashkuara të Amerikës.

“Aty ku ka mosmarrëveshje, si për Kosovën, ne do ta përsërisim qëndrimin tonë, do të punojmë që partnerët tanë amerikanë të na dëgjojnë dhe kuptojnë”, shtoi Vuçeviq.

Ai gjithashtu tha se Serbia do të bëjë gjithcka për ta parandaluar anëtarësimin e Kosovës në Këshillin e Evropës.

Këto deklarata, Vuçeviq i bëri gjatë prezantimit të tij para deputetëve të Kuvendit të Serbisë në seancën për zgjedhjen e Qeverisë së re.

Zgjedhja e Qeverisë së Serbisë dhe betimi i Presidentit dhe anëtarëve të Qeverisë është pika e vetme e rendit të ditës në seancën e cila po mbahet më 1 maj, Ditën Ndërkombëtare të Punës.

Qeveria e re do të ketë 25 ministri dhe pesë ministra pa portofol. Ish-kreu i shërbimit të inteligjencës Aleksandar Vulin, i cili është nën sanksionet e Shteteve të Bashkuara të Amerikës që nga korriku i vitit 2023 – ndër të tjera për shkak të lidhjeve me Rusinë – është propozuar të rikthehet në kabinet si zëvendëskryeministër.

Një zyrtar tjetër nga “lista e zezë” e SHBA-së për shkak të lidhjeve me Rusinë po kthehet në Qeveri – Nenad Popoviç, si ministër pa portofol.

Qeveria u formua katër muaj e gjysmë pas zgjedhjeve të jashtëzakonshme parlamentare, në të cilat progresistët fituan mbi gjysmën e shumicës në asamblenë republikane. Afati i fundit për zgjedhjen e Qeverisë së re është 6 maji.

Koalicionet e opozitës, Serbia kundër dhunës dhe NADA, akuzuan koalicionin e udhëhequr nga Partia Progresive Serbe (SNS) në pushtet për vjedhje zgjedhore.

Parregullsi të shumta gjatë zgjedhjeve të jashtëzakonshme parlamentare, provinciale dhe lokale të mbajtura më 17 dhjetor në Serbi janë vënë në dukje nga misionet vëzhguese ndërkombëtare dhe vendore.

Autoritetet kanë mohuar vazhdimisht se ka pasur parregullsi më të rënda zgjedhore.

Në shkurt, Parlamenti Evropian miratoi një rezolutë që kërkon nga autoritetet në Serbi të lehtësojnë një hetim ndërkombëtar për parregullsitë e supozuara, me referencë të veçantë për zgjedhjet për Asamblenë e Qytetit të Beogradit. /Radio Evropa e Lirë

Qindra protestues, kanë marrë pjesë në protestën e organizuar nga Sindikata e Bashkuar e Arsimit dhe Shkencës, e mbështetur nga sindikata tjera me rastin e 1 Majit – Ditës së Punëtorëve, raporton EO.

Marshi protestues nisi nga Biblioteka Kombëtare, për të vazhduar drejt shesheve të Prishtinës, për tu ndalur para Qeverisë, ku krerët sindikalistë mbajtën edhe nga një fjalim.

Kryetari i SBAShK-ut, Rrahman Jasharaj, kërkoi nga Qeveria që të veprojë në mënyrë që të mos siç tha viti 2022, kur u mbajt grevë disamuajshe.

“Qeveri vazhdon t’i ik dialogut dhe prandaj jemi këtu drejtuar Qeverisë qe t’i realizojë kërkesat tonë për t’i parandaluar veprimet tjera sindikale. Kërkojmë nga Qeveria që të veproj e te mos përsëritet viti 2022 që shkaku i heshtjes së tyre na u deshtë të bëjmë veprime sindikale që nuk i kemi dashur”, tha ai.

Kryetari i Sindikatës së Pavarur të Sektorit Privat, Jusuf Azemi, tha se kryeministri Albin Kurti i ka gënjyer punëtorët kur ka deklaruar se do t’i rrisë pagat. Me këtë rast, Azemi ka përmendur edhe ndërtimin e shtëpive në Graçanicë për komunitetin serb, duke thënë se “atje ndërtohen soliterat, e ne nuk kemi një shujtë”.

“Ne mendojmë se kjo qeveri edhe ka kryer punë nuk është se ka kryer por ka kryer punë qysh se dje ndertoj solitera për të tjerët nuk jemi kundër, por deri sa atje ndërtohen soliterat ne nuk kemi një shujtë. Kryeministri i Kosovës i shpenzon rezervat shtetërore, kryeministri i Kosovës paguan njerëz nga 7 mijë euro nga ambasadat tjera dhe neve nuk na jep as 7 cent. Qeveria me politikat e veta e ka mbyt kapitalin e Kosovës, nëse vazhdon kështu, kryeministrin e Kosovës nuk ka kush të bart me xhipa të zi, se Kosova po zbrazet. Këta njerëz që po dalin, po dalin sepse paga është 170 euro, neve na ka rrejt se ne momentin kur vjen në Qeveri, paga do të jetë 350 euro dhe sot ajo është 170 euro”, tha Azemi.

E kryetari i Bashkimit të Sindikatave të Pavarura të Kosovës, Atdhe Hykolli, tha se prania e tyre në masë të madhe, tregon për fuqinë që e kanë. Ai i bëri ftesë ekzekutivit që të angazhohet për dialog me sindikatat.

“Prania jonë këtu është dëshmi e besimit tonë në fuqinë e dialogut dhe angazhimit konstruktiv. Jemi mbledhur për të nxitur mirëkuptim për hapa të mëtutjeshëm. Qeverisë i bëjmë ftesë të hapur për tu angazhuar për dialog. Kërkesat tona lindin nga një dëshirë e përbashkët për punëtorët e arsimit, sektorit privat, dhe gjithë punëtoret në Kosovë”, tha Hykolli.

Rreth 300 mijë mërgimtarë janë regjistruar deri tash në procesin e regjistrimit të popullsisë, ekonomive familjare dhe banesave, që ka filluar nga 5 prilli e do të zgjasë deri më 17 maj.

Kështu ka deklaruar zëvendësministrja e Punëve të Jashtme dhe Diasporës, Liza Gashi, e cila tha se të njëjtit janë regjistruar në kuadër të platformës e-diaspora, por edhe regjistrimit fizik.

Ajo tha se si Qever janë shumë të fokusuar që të gjitha politikat që ndërtojnë për të ardhmen, të jenë të bazuara në të dhënat që do të dalin nga ky proces.

“Po është e vërtetë që Kosova për herë të parë ka filluar regjistrimin e popullsisë dhe pjesëtarëve të diasporës jashtë vendit. Brenda këtyre ditëve sa ka filluar procesi, që ka filluar në datën 5 prill dhe do të vazhdojë deri në 17 maj, ne kemi rreth 300 mijë pjesëtarë të diasporës të cilët janë regjistruar në kuadër të platformës e-diaspora dhe regjistrimi fizik. Kështu që, për fillimet e para, ky proces është duke vijuar shumë mirë dhe synimi jonë është që të gjejmë forma të informojmë qytetarin tanë brenda dhe jashtë vendit rreth procesit dhe rëndësisë së procesit sepse është një proces shumë i rëndësishëm dhe jetik për Republikën e Kosovës sepse me një format përcakton politikat tona për 10 vitet e ardhshme. Si qeveri e Republikës së Kosovës jemi shumë të fokusuar që të gjitha politikat që ndërtojmë për të ardhmen të jenë të bazuara në të dhëna dhe këto të dhëna na kanë munguar për një kohë jashtëzakonisht të gjatë, sidomos në fushën e diasporës, që është një prej dikastereve i ndërlidhur me Ministrinë e Punëve të Jashtme”, ka deklaruar Gashi në një intervistë për Zërin e Amerikës.

Gashi ka ftuar të gjithë mërgimtarët që ende s’janë regjistruar, që ta bëjnë këtë duke thënë se u merr kohë 10 minuta.

“Prandaj unë po shfrytëzoj edhe një herë rastin t’u kërkoj të gjithë bashkatdhetarëve që të regjistrohen në kuadër të e-diasporës sepse përmes regjistrimit ose përmes dedikimit të 10 minutave kohë në kuadër të platformës ata na japin një mundësi të mirë të ndërtojmë politika të qëndrueshme mbi bazën e të dhënave të tyre”, ka thënë Gashi.

Kryeministri Albin Kurti ka pritur në takim ambasadorin e Turqisë në Kosovë, Sabri Tunç Angılı.

Siç njofton Zyra e Kryeministrit, ambasadori Angili e uroi kryeministrin Kurti për votimin e suksesshëm në Asamblenë Parlamentare të Këshillit të Europës dhe theksoi mbështetjen e vazhdueshme të Turqisë ndaj Kosovës.

Ai theksoi mbështetjen e Republikës së Turqisë për votimin e ardhshëm në Komitetin e Ministrave.

“Kryeministri Kurti falënderoi Ambasadorin për urimet dhe për mbështetjen e plotë të Turqisë”, njofton ZKM.

Më 16 prill të gjithë deputetët nga Republika e Turqisë votuan pro anëtarësimit të Kosovës në Këshillin e Europës.

Gjatë takimit, u diskutuan marrëdhëniet dypalëshe dhe rëndësia e bashkëpunimit në projekte të përbashkëta në fushat e ekonomisë, kulturës, mbrojtjes dhe investimeve.

“Kryeministri shprehu mirënjohjen e tij për mbështetjen e vazhdueshme të Turqisë ndaj popullit dhe shtetit të Kosovës, veçanërisht për rolin e saj në anëtarësimin e Kosovës në Këshillin e Evropës”.

Në Dhomat e Specializuara të Kosovës (DhSK) në Hagë është duke u dëgjuar dëshmia e dëshmitarit të thirrur nga Zyra e Prokurorit të Specializuar me kodin 04731 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Dëshmia e këtij dëshmitari është duke u dëgjuar në seancë tërësisht të mbyllur për publikun, raporton “Betimi për Drejtësi”.

Përpara kësaj, kryetari i trupit gjykues njoftoi për procesverbal se të gjithë të akuzuarit janë prezent në sallën e gjyqit përveç Jakup Krasniqit i cili është i pranishëm përmes video-lidhjes.

Kurse, me arsyetimin se do të diskutohet një çështje, në fillim seanca kaloi në sesion privat e më pas për t’u mbyllur tërësisht.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi

Nga viti 2016 deri në vitin 2023, janë raportuar 1700 aksidente në vendin e punës, nga të cilat 102 kanë rezultuar me fatalitet, kështu thuhet në raportin e Qendrës së Trajnimeve dhe Burimeve për Avokim – ATRC, raporton Ekonomia Online.

Lirika Bakija, këshilltare ligjore në ATRC, ka thënë për Ekonomia Online se në këto raste kanë gjetur vonesa në hetime dhe ngritje të aktakuzave nga institucionet përkatëse, duke çuar kështu në procedura gjyqësore të zvarritura.

Sipas saj, Gjykatat Themelore në vend vonojnë shumë në trajtimin e rasteve penale të lidhura me aksidentet në punë, të cilat pastaj edhe rezultojnë me dënime të lehta për punëdhënësit.

Ajo ka thënë se aktakuzat e ngritura nga  Prokuroria janë shumë të dobëta dhe të cekta, e që sipas saj, këto janë arsyet pse shumë punëtorë lënë vendin e punës për shkak të pasigurisë ligjore.

“Raporti ka qenë i fokusuar kryesisht në sigurinë dhe shëndetin në punë dhe në jemi fokusuar në aspektin e institucioneve se sa po e kryejnë punën e tyre, duke përfshirë këtu Inspektoratin e Punës, Gjykatën si dhe Prokurorin në trajtimin e rasteve apo lëndëve të cilat janë më të ndjeshme apo aksidentet fatale apo lëndimet e rënda në vendin e punës”.

“Sipas gjetjeve të këtij raporti tregon se Gjykatat Themelore në përgjithësi vonojnë shumë në trajtimin e lëndëve të cilat kanë për qëllim trajtim e këtyre lëndëve për nga aspektin penal . Gjithashtu edhe Prokuroria ngrit aktakuza të cilat janë shumë të dobëta dhe të cekta për ngritjen dhe zhvillimin e procedurës më pas në gjykatë dhe rrjedhimisht me pas ndodh që të kemi dënime shumë të lehta për punëdhënësit, këtë rast kompanitë. Kjo vërehet sidomos tekë rastet e kompanive ku ka pasur vdekje të personave ku aktakuzat janë ngritur me vonesë, hetimet kanë filluar me vonesë, më pas edhe lëndë kur është përcjellur në Gjykatë ka qenë e mangët për nga aspekti i provave si dhe dënimet të cilat u janë shqiptuar punëdhënësve kanë qenë shumë të dobëta apo të buta karshi kodit penal i cili parasheh dënime maksimale 10 deri në 12 vjet me burgim në rast që ka vdekje”, ka thënë ajo.

Bakija ka thënë se në vitin 2023 nga 463 lëndë në Gjykata vetëm 88 prej tyre kanë marrë një epilog përfundimtar në gjyqësor, duke treguar për një mungesë efikasiteti.

Ajo ka theksuar se kjo ka ndikim negativ tekë punëtorët, të cilët mund të hezitojnë të ndjekin procedurat gjyqësore për shkak të zvarritjeve dhe kohëzgjatjes së madhe.

“Nga raporti të cilin e kemi realizuar sa i përket punës së gjyqësorit, vetëm 20 për qind e rasteve të punës kanë marr epilog përfundimtar edhe është njxjerrur aktgjykim për ato lëndë. Ku prej 463 lëndëve vetëm 88 janë zgjedhur e që tregon shumë për gjyqësorin në kuptimin që punëtoret në njëfarë forme, nga numrin i ulët i këtyre rasteve që zgjidhen mandej edhe këta në një farë forme stopohen edhe nuk e shohin të arsyeshëm të dërgojnë lënde në Gjykatë për shkak të zvarritjeve dhe kohëzgjatjes shumë të madhe që ju bëhet”, është shprehur ajo.

Bakija ka theksuar se situatë më e keqe qëndron më sektorin e ndërtimtarisë dhe të prodhimit, ku sipas saj, kompanitë kryesisht nuk janë duke respektuar ligjin e punës, nuk bëjnë vlerësime te rrezikut në vendin e punës e nuk i pajisin punëtoret me mjete mbrojtëse.

“Kushtet kryesisht me të këqija janë për punëtoret e ndërtimit, gjithashtu edhe të prodhimit. Kompanitë kryesisht nuk janë duke respektuar ligjin e punës, nuk bëjnë vlerësime te rrezikut në vendin e punës, nuk i pajisin punëtoret me mjete mbrojtëse të cilat do të duheshin që ti ofronin edhe janë të obliguar karshi ligjit që të ju ofrojnë këtyre punëtoreve pajisjet e punës si dhe në një farë formë ti mbikëqyrin se a janë duke i përdoru ato pajisje. Mos posedimi i këtyre pajisjeve rrjedh që më pas kemi lëndime edhe vdekje. Punëdhënësi është i obliguar që të kërkoj nga punëtori që të kryej kontrolle mjekësore dhe të ja dëshmoj me certifikata mjekësore që punëtori është i aftë ta kryej atë punë edhe është i aftë të hyp në një lartësi të lartë të punojë”.

“Që nga viti 2016 e deri në fund të viti 2023 janë 1700 aksidente edhe prej tyre 102 janë më fatalitet edhe trendi vazhdon që të ketë rritje të vdekjes në vendin e punës. Muajt e verës janë kryesisht muajt ku punëtoret janë më të rrezikuar që të vdesin në vendin e punës për shkak të temperaturave të larta”, ka thënë ajo.

Këshilltarja ligjore në ATRC, ka thënë se ndër sfidat me të cilat janë duke u përballur punëtoret është mungesa e kontratave, mungesa e pushimeve vjetore dhe pushimit të lehonisë, e po ashtu sipas saj shumë gra ndihen të rrezikuar për të humbur punën në rast të shtatzënisë, duke theksuar nevojën për mbrojtje ligjore të tyre në këto raste.

“Në përgjithësi siguria dhe shëndeti në punë është në nivel jo të kënaqshëm, zbatimi i ligjit të punës por gjithashtu edhe zbatimi i ligjit për siguri dhe shëndet në punë mbetet sfidë për punëdhënësit. Si dhe për qeverinë që ta monitoroj zbatimin e këtyre dy ligjeve. Sfidë tjetër është që vazhdon që të ketë shumë punëtorë të cilët nuk janë të pajisur me kontrata edhe rrjedhimisht mandej edhe në gjykata po hasin në veshtersi në trajtim e këtyre lendeve. Tjetër çka është më shumë rëndësi është edhe aspekti që Inspektoriat i Punës vitin e kaluar ka shtuar numrin e inspektoreve. E gjetura kryesore është që Gjykata dhe Prokuroria lëndët të cilat kanë të bëjnë me të drejtën e punës nuk janë duke i trajtuar me seriozitet dhe efikasitet. Kjo është njëra edhe nga arsyet se pse shumë punëtor po e lënë vendin, për shkak të pa sigurisë ligjore të cilën ata ata e kanë realisht që nga momenti kur hynë në vendin e punës. Pastaj pushimet vjetore të cilat janë duke ju mohuar sidomos sektorit privat. Mandej janë pushimi i lehonisë edhe kjo është një sfide në vetvete ku shumë punëtore ferma në momentin që e kuptoj që është shtatzëne ndihen të rrezikuara që punëdhënësi do ti largoj nga puna që në fakt edhe ashtu ndodh në shumicën e rasteve”, ka thënë ajo për EO.

Përgatiti: Nora Luta

Këshilli Prokurorial i Kosovës pritet që me ligjin e ri t’i ketë shtatë anëtarë. Kryesuesi Ardian Hajdaraj ka thënë për ATV-në se propozimet e KPK-së për ligjin e ri janë në përputhje me opinionin e Komisionit të Venecias.

KPK-ja ka kërkuar që përbërja të jetë: 5 anëtarë prokurorë dhe 2 joprokurorë.
Ndërsa, ka kundërshtuar që prokurorët anëtarë të mos mund të avancohen dy vjet pas përfundimit të mandatit.

Por, me ligjin e ri parashihet që përbërja e KPK-së të jetë me shtatë anëtarë: 4 prokurorë dhe 3 joprokurorë. Hulumtuesi nga Instituti Demokratik i Kosovës, Vullnet Bugaqku, thekson si prioritet duhet pasur balancimi mes anëtarëve prokurorë dhe joprokurorë.

Po ashtu, parashihet që me ligjin e ri të ketë masa më të rrepta disiplinore për ata që mungojnë tre herë radhazi në mbledhjet e KPK-së pa arsyetim. E shoqëria civile kërkon të caktohet edhe afati për dekretimin e kryeprokurorit të shtetit.

Ndërkohë, ministrja Albulena Haxhiu thotë se rekomandimet e Komisionit të Venecias janë trajtuar me prioritet.

Në mars të 2023-tës, Gjykata Kushtetuese e vlerësoi antikushtetues përfundimin e mandatit para kohe të anëtarëve aktualë dhe rritjen e numrit të anëtarëve të KPK-së, duke e rrëzuar tërësisht Ligjin për Këshillin Prokurorial.

Kushtetuesja kishte dhënë vërejtje edhe për përfshirjen e avokatit të popullit në përzgjedhjen e anëtarëve joprokurorë, çka do të përjashtohet me ligjin e ri.

Kosova ka arritur një moment historik duke marrë vlerësimin e saj të parë kreditor sovran. Fitch Ratings, agjenci globale e vlerësimit, i ka dhënë Kosovës vlerësimin BB-, duke treguar perspektivë të qëndrueshme dhe duke e pozicionuar vendin në mënyrë të favorshme në mesin e vendeve të Ballkanit Perëndimor.

Kjo ceremoninë e organizohet nga Qeveria e Republikës së Kosovës në bashkëpunim me USAID, ky vlerësim u tha se do të shërbejë si pasaportë e Kosovës në tërheqjen e investimeve të huaj.

Vlerësimi kreditor sovran është një matës kryesor i aftësisë kreditore të një vendi dhe kapacitetit për të përmbushur detyrimet financiare. Deri më tani, Kosova ishte i vetmi vend evropian pa vlerësim kreditor sovran. Kjo mungesë ka kufizuar qasjen e saj në tregjet financiare globale, ka penguar prurjet e investimeve të huaja dhe ka rritur koston e kapitalit. Vlerësimi i marrë rishtazi sjell avantazhe të shumta, duke përfshirë uljen e kostos së huamarrjes, mundësitë e shtuara për tërheqjen e investimeve të huaja, rritjen e qasjes në tregjet globale të kapitalit, nxitjen në njohjen ndërkombëtare dhe reforma të përshpejtuara strukturore ekonomike.

Me këtë rast, kryeministri i Republikës së Kosovës, Albin Kurti ky vlerësim do të ketë ndikim pozitiv për vendin.

“Nga Agjencia Fitch Ratings e cila i ka dhënë Kosovës vlerësimin 2B-. Ky vlerësim nënkupton se në perspektiven ndërkombëtare, Republika e Kosovës vendoset në hartën e shteteve si destinacion për investitorët e huaj. Agjencia Fitch Ratings në vlerësimin e saj ka marrë përbuzë faktor ekonomikë, financiar, institucional dhe politikë. Specifikasht metodologjia që përdorë agjencia për vlerësimin kreditor sovran merr për bazë tre vitet e fundit të përformancës financiare të vendit, andaj si qeveri që nga fillimi, veçanërisht përmes Ministrisë së Financave, jemi përkujdesur që të ndërmarrim politika të qëndrueshme të cilat do të shërbenin si katalizator për rritjen ekonomike dhe pozicionimin e favorshëm makro-fiskal të vendit. Kjo shihet qartazi në vlerësimin e Fitch Ratings që është dhënë për republikën tonë“, tha ai, duke shtuar se agjencia vlerëson se faktorët kyç kanë qenë ulja e deficitit buxhetor, rritja ekonomike, politikat e besueshme fiskale, rritja e vazhdueshme e mbledhjes së tatimit dhe niveli i ulët i borxhit publik në raport me bruto produktin vendor.

“Agjensia ka theksuar se qeveria jonë është mirë e pozicionuar për të shërbyer në mandat të plotë, si dhe ka shtyrë përpara shumë reforma të rëndësishme sikurse luftimi i korrupsionit, përkundër sfidave të shumta. Ky vlerësim kreditor sovran që dokumenton fuqinë financiare të vendit tonë për të larë borxhin dhe për të rritë besueshmërinë te investitorët ndërkombëtar ”, tha

Drejtoresha e Misionit të USAID në Kosovë, Eileen Devitt tha se ky është vlerësimi i parë për Kosovën ndërkombëtarësht të vlefshëm.

“Ky raport tregon progresin ekonomikë që ka arritur Kosova që nga pandemia dhe i parasheh mundësitë e tjera për investime. Po ashtu, tregon se si transparenca mund të qoj në rezultate të prekshme financiare. Për disa vite Kosova ishte shteti i vetëm në Ballkanin Perëndimor pa vlerësim kreditor dhe i kufizojë mundësitë për investime dhe aftësinë e vendit për të nxitur rritjen ekonomike“, tha ajo.

Ngjarja është kulmi i përpjekjeve afatgjata nga institucionet kosovare në partneritet me USAID- in për të forcuar ekonominë dhe për të siguruar rritje të mëtejshme. Për të marrë vlerësimin e lëshuar më 19 prill 2024, USAID-i, përmes Aktivitetit Promovimi i Investimeve dhe Qasjes në Financa, ka hyrë në partneritet me Ministrinë e Financave, Punës dhe Transfereve (MFPT) dhe ka bashkëpunuar gjerësisht me Fitch Ratings për të nisur dhe mbikëqyrur proceset përkatëse të vlerësimit. /kp