Kryeministri Albin Kurti ka deklaruar se vendimi i djeshëm për liberalizimin e vizave për serbët e Kosovës me pasaporta të Serbisë, është i padrejtë, i dëmshëm dhe dekurajuese për integrimin e serbëve.
Kurti i bëri këto komente pas përurimit Përurohen renovimet në Klinikën e Kardiokirurgjisë.
“E konsiderojmë të padrejtë ,të dëmshme dhe dekurajuese për integrimin e serbët, sidoqoftë Republika demokraitke dhe e pavarur e ka forcuar pasaportën e saj si asnjëherë më parë, ndërkaq, ne nuk kemi mundësi të mëdha që të ndikojmë në vendimet e Brukselit, japim qëndirmin tonë dhe nuk mund të jetë i ndryshëm, ajo çka ka thënë presidentja, Ministria e Punëve të Jashmte, është qëndrimi i përbashkët i institucioneve të republikës”, ka thënë ai.
Raporti u përpilua nga deputeti slloven, Matjazh Nemec, dhe u votua me 34 vota pro. Në arsyetim thuhet se; zgjerimi i liberalizimit të vizavetë BE-së për banorët serbë të Kosovës është i rendësishëm për të parandaluar diskriminim ndaj këtyre qytetarëve të cilët rrezikojnë të trajtohen ndryshe nga banorët e tjerë.
Këtë vendim e ka kundërshtuar edhe Qeveria e Kosovës.
Klisman Kadiu, këshilltari i zëvëndëskryeministrit Besnik Bislimi, në një përgjigje për RTV21 ka shprehur keqardhje për vendimin e PE-së duke thënë se arsyetimi i raportit nuk reflekton realitetin e së drejtës për udhëtime pa viza te qytetarve nga komuniteti serb.
“Qytetaret tanë nga komuniteti serb nuk janë të izoluar e as komuniteti i vetëm që nuk mund të udhëtojë drejt Evropës. Qytetarët tanë nga komuniteti serb, po vazhdon të pajisen me dokumente të shtetit tonë dhe të ketë interesim të lartë, e ne vazhdojmë t’i bejmë thirrje qytetarëve që të pajisen me to, në mënyre që ta shfrytezoinë të drejtën e lëvizjes se lirë pas arritjes së liberalizimit të vizave për shtetin tonë. Ne vijojmë te qëndrojme në gatishmëri e me kapacitete të plota për të përmbushur kërkesat e tyre. Ritheksojmë se pasaportat ilegale të lëshuara nga Serbia shkelin sovranitetin dhe integritetin territorial te Republikës së Kosovës, andaj dhe nuk mund të njihen apo te jenë dokumente të vlefshme udhetimi. Ky qëndrim rrezikon të krijojë një precedent të rrëzikshem, kur vetëm para më shumë se një viti, një tentative e njëjtë për njohjen e dokumenteve ruse të udhëtimit të leshuara në Ukraine dhe Georgji, u dënua dhe nuk u pranua nga vetë institucionet e BE-se”, tha ai. /kp
Analisti politik është shprehur se administrata e presidentit Biden ka paraqitur një politikë të qetë ndaj Serbisë, por sipas tij, kjo nuk ka pse të vazhdojë nga Harris.
Eksperti amerikan për çështje të Ballkanit, Daniel Serwer, është shprehur se ardhja e mundshme e Kamala Harrisit në krye të Shteteve të Bashkuara të Amerikës (SHBA), do të mund të kishte ndikim edhe në politikën në Ballkan.
Sipas tij, ajo është e ashpër ndaj Kinës, ashtu si presidenti Joe Biden dhe ish-presidenti Donald Trump, por që është shprehur se “Kosova asaj mund t’i duket si Tajvani dhe Ukraina”, në aspektin e konflikteve territoriale.
“Harris është gjithashtu e ashpër ndaj Kinës, si Bideni ashtu edhe Trumpi. Kosova mund t’i duket si Tajvani dhe Ukraina. Kjo do të thotë se ajo duhet të ushqehet dhe mbrohet nga pretendimet territoriale të një shteti që është shpërbërë. Ajo s’ka gjasa të ketë simpati ndaj Asociacionit të komunave me shumicë serbe apo autonomisë së Republika Sërpskas. Dikush duhet ta këshillojë herët dhe shpesh se të dyja janë të këqija”, ka shkruar Serwer në blogun e tij në internet.
Analisti politik është shprehur se administrata e presidentit Biden ka paraqitur një politikë të qetë ndaj Serbisë, por sipas tij, kjo nuk ka pse të vazhdojë nga Harris.
“Presidenti Vuçiq e ka orientuar Beogradin drejt Lindjes, duke u rreshtuar me Kinën, Rusinë dhe autokracitë e tjera, përfshirë Azerbajxhanin dhe Hungarinë. Furnizimet serbe me armatim për Ukrainë vlejnë, por ka mundësi që rrjedhin për çështje ekonomike…”, ka thënë ai.
Për luftën në Ukrainë, Serwer ka thënë se Harris do që Kievi të fitojë dhe Moska të humbasë, por “ajo nuk do të pajtohet lehtë për ndarjen e territorit”.
“Ky qëndrim mund të bartet në Ballkan. Nuk do të doja të isha ai që do t’i thoshte një presidenteje grua, me ngjyrë, se njerëzit e etnive të ndryshme nuk mund të jetojnë së bashku”, ka shtuar Serwer, derisa “risi” e ka cilësuar marrjen e detyrës së zëvendësndihmës sekretarit për Ballkanin Perëndimor nga Alexander Kasanof.
Nënpresidentja e Shteteve të Bashkuara, Kamala Harris, siguroi mbështetje të mjaftueshme në mesin e delegatëve të Partisë Demokratike, për t’u bërë kandidate e saj për presidente.
Një sondazh i agjencisë Associated Press, i publikuar mbrëmjen e së hënës, nxori në pah se Harris ka mbështetjen e më shumë se 1.976 delegatëve të nevojshëm, për të fituar nominimin.
Votimi do të zhvillohet nga data 1 deri më 7 gusht.
Delegatët janë njerëzit që zgjidhen për të përfaqësuar zonën e tyre zgjedhore në Konventën Kombëtare Demokratike, ku, formalisht, shpallet kandidati për president.
Kjo konventë do t’i nisë punimet më 19 gusht dhe do t’i përfundojë në datën 22 të atij muaji.
Presidenti Joe Biden i dha mbështetje Harrisit për të garuar për presidente, pasi vetë ai u tërhoq nga gara për rizgjedhje në zgjedhjet e nëntorit.
Biden mori vendimin më 21 korrik, pas shqetësimeve në rritje për moshën dhe shëndetin e tij, por u zotua se do të mbetet në detyrë deri në përfundimin e mandatit presidencial, më 20 janar të vitit 2025.
Pasi i dha mbështetje Harrisit, në fushatën e saj hynë miliona dollarë donacione, ndërsa përfaqësuesit kryesorë të Partisë Demokratike u rreshtuan, po ashtu, pas saj.
Nëse e fiton nominimin e partisë, Harris do të garojë në zgjedhjet e 5 nëntorit kundër kandidatit republikan dhe ish-presidentit, Donald Trump.
“I kemi 106 ditë deri në ditën e zgjedhjeve dhe, gjatë kësaj periudhe, kemi një punë të vështirë për të bërë”, tha Harris para stafit të fushatës së saj në Uillmington të shtetit Dellauer.
“Fushata jonë ka qenë gjithmonë rreth dy versioneve të ndryshme të asaj që ne e shohim si të ardhmen e vendit tonë. Njëri fokusohet në të ardhmen, tjetri fokusohet në të kaluarën. Donald Trump dëshiron ta çojë vendin tonë prapa… Ne besojmë në një të ardhme më të ndritshme, që u bën vend të gjithë amerikanëve”, tha Harris, e cila përpara se të shërbente si nënpresidente, ishte prokurore e përgjithshme e Kalifornisë dhe senatore.
Komenteve të saj iu përgjigj fushata e Trumpit. Sekretarja për media, Karoline Leavitt, tha se Harris “është po aq e paaftë sa Joe Biden, e madje edhe më liberale”.
“Kamala, jo vetëm që duhet ta mbrojë mbështetjen e saj për agjendën e dështuar të Joe Bidenit gjatë katër vjetëve të fundit, por, gjithashtu, duhet të përgjigjet për rekordin e saj tmerrshëm të dobët ndaj krimit në Kaliforni”, tha Leavitt.
Harris, 59 vjeçe, përshkroi disa politika që tha se do t’i ndjekë nëse zgjidhet presidente, përfshirë nënshkrimin e ligjeve për të mbrojtur të drejtat e abortit dhe ndalimin e pushkëve të sulmit.
Ajo tha se rindërtimin e klasës së mesme do ta nxjerrë në fokus të presidencës së saj.
Harris, gjithashtu, vuri në dukje arritjet e presidentit Biden, duke thënë se shërbimi i saj si zëvendëse e tij ka qenë “një nga nderet më të mëdha të jetës sime”.
“Unë e dua Joe Bidenin dhe e di që të gjithë e duam”, tha Harris.
Ueb-faqja e lajmeve The Hill raporton se një total prej 72 sondazhesh e nxjerrin Trumpin në epërsi kundrejt Harrisit me rreth 2.5 për qind më shumë mbështetje.
Por, analistët politikë thonë se Harris nuk është ende aq e njohur nga publiku dhe mund të fitojë në sondazhe, pasi të bëjë fushatë intensive në të gjithë vendin dhe të ketë më shumë mbulim mediatik. /REL
Sot do të mbahen mbledhjet e dy komisioneve hetimore të Kuvendit të Kosovës.
Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024, do të bëjë intervistimin e dëshmitarëve: Luljeta Veselaj Gutaj nga Drejtoria e Arsimit e Komunës së Prizrenit, Afrim Llabjani nga Drejtoria e Arsimit e Komunës së Ferizajt dhe Albana Demiri,ë nga Drejtoria e Arsimit e Komunës së Gjilanit.
Kurse Komisioni Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës, do të bëjë hartimin e listës së dëshmitarëve për intervistim në komision.
Ministrja e Drejtësisë, Albulena Haxhiu do të vazhdojë sot intervistimin në Prokurorinë Speciale në Prishtinë mbi deklaratat e saj se grupe kriminale të lidhura me pushtetin në Serbi kanë gisht në arratisjen e disa të burgosurve në Kosovë.
Prokuroria Speciale njoftoi dje se është intervistuar ministrja Haxhiu, me qëllim të sqarimit të deklaratës së saj lidhur me takimet dhe diskutimet e mundshme me prokurorë dhe gjyqtarë për raste të caktuara, si dhe postimin e saj në rrjetin social Facebook të datës 20 korrik 2024, lidhur arratisjet që kanë ndodhë nga burgjet e Kosovës.
Intervistimi i të njëjtës për sqarim të këtyre çështjeve do të vazhdojë edhe sot, thuhet në njoftim.
Haxhiu tha të shtunën se organet shtetërore kanë informacione që “së paku në disa raste”, grupe kriminale të lidhura me pushtetin në Serbi kanë ndihmuar dhe organizuar arratisjet e të burgosurve në Kosovë.
Ajo kishte thënë se mbështetja e Serbisë për të arratisurit në Kosovë “është padyshim e qëllimshme, e organizuar dhe e lidhur me qëllim për të dëmtuar rendin publik, kushtetues e ligjor të Kosovës”.
Haxhiu ka thënë se për shkak të informacioneve “kundërthënëse” nuk mund të dihet me siguri nëse Faton Hajrizi është vrarë dhe se nevojitet hetim i gjerë dhe i thellë, për të zbardhur të vërtetën e këtij rasti.
Aleksander “Sasha” Kasanof është njeriu i zgjedhur për ta pasuar Gabriel Escobarin.
Kasanof, siç tregon faqja e Departamentit amerikan të Shtetit, nga e premtja e 19 korrikut është Zëvendës Ndihmës Sekretar i Shtetit për Ballanin Perëndimor si dhe për Shtypin dhe Diplomacinë Publike në Byronë e Çështjeve Evropiane dhe Euroaziatike.
Sasha ka shërbyer më parë si Asistent Ekzekutiv i ish Nënsekretares për Çështjet Politike Victoria Nuland dhe ushtrues i detyrës së Nënsekretarit për Çështjet Politike John Bass. Ai ka shërbyer jashtë shtetit në Irlandë, Turkmenistan, Kili dhe Ukrainë, siç thuhet në web-faqen e Departamentit amerikan të Shtetit.
DASH tregon se ai ka marrë çmimin James Clement Dunn për ekselencë për punën e tij si Këshilltar Politik në Ambasadën e SHBA-së në Kyiv gjatë Revolucionit Maidan dhe pushtimit të mëvonshëm të Rusisë në Ukrainë.
Detyrat e Sashës në Washington përfshijnë: Drejtor i Zyrës së Politikave dhe Programeve Globale në Byronë e Çështjeve Ndërkombëtare të Narkotikëve dhe Zbatimit të Ligjit, Zëvendësdrejtor i Stafit të Sekretariatit Ekzekutiv, Drejtor i Zyrës së Çështjeve të Evropës Lindore dhe Zëvendësdrejtor i Zyrës së Çështjeve të Kaukazit dhe Konflikteve Rajonale. Ai është i diplomuar në Kolegjin Kombëtar të Luftës, Shkollën Johns Hopkins të Studimeve të Avancuara Ndërkombëtare dhe Kolegjin Hamilton. Sasha flet frëngjisht, italisht, rusisht dhe spanjisht.
Mbështetja që i dha presidenti i SHBA-së, Joe Biden, zëvendëses së tij, Kamala Harris, për të garuar si kandidate e Partisë Demokratike në zgjedhjet e nëntorit, nuk u ka dha fund spekulimeve nëse ajo do të jetë, në fakt, zyrtarisht kandidate.
Ish-presidenti Bill Clinton dhe gruaja e tij – ish-sekretarja e Shtetit dhe kandidatja demokrate për presidente në vitin 2016, Hillary Clinton – shprehën mbështetjen e tyre për Harrisin, menjëherë pasi Biden lëshoi një deklaratë, duke thënë se ai tërhiqet nga gara.
Por, disa zyrtarë të tjerë të lartë të Partisë Demokratike ishin të përmbajtur, përfshirë këtu: ish-presidentin Barack Obama, ish-kryetaren e Dhomës së Përfaqësuesve, Nancy Pelosi, udhëheqësin e pakicës në Dhomën e Përfaqësuesve, Hakeem Jeffries, dhe udhëheqësin e shumicës në Senat, Chuck Schumer.
Kjo, pasi shumë prej tyre mendojnë se ka kandidatë të tjerë që kanë shanse më të mira për të mposhtur kandidatin republikan dhe ish-presidentin, Donald Trump, në zgjedhjet e 5 nëntorit.
Vetë Harris tha përmes një deklarate se ndihet e nderuar që mori mbështetjen e Bidenit dhe se qëllim i saj është “ta fitojë nominimin” e partisë, duke sugjeruar se nuk e përjashton mundësinë që të përballet me të tjerë në garën për nominim.
Nominimi do të shpallet zyrtarisht në Konventën Kombëtare Demokratike në Çikago të Illinoisit, që do t’i zhvillojë punimet nga data 19 deri më 22 gusht.
Thirrje për një “proces të hapur”
Disa analistë sugjerojnë se do të mbahen një palë “mini-zgjedhje” mes Harrisit dhe çdo kandidati tjetër të mundshëm presidencial, për të përcaktuar se kush do të jetë i nominuari. Se si do të zhvillohen ato zgjedhje, nuk është e qartë.
Por, rregullat e Komitetit Kombëtar Demokratik – i cili duhet të mblidhet dy ditë pasi një kandidat që i ka fituar zgjedhjet paraprake, tërhiqet nga zgjedhjet presidenciale – do të përcaktojnë se si partia do të ecë përpara.
Obama tha se ka “besim të jashtëzakonshëm se udhëheqësit e partisë sonë do të arrijnë të krijojnë një proces, nga i cili do të dalë një kandidat i shquar”.
Nëse mbahen mini-zgjedhjet, ato mund ta përcaktojnë fituesin shumë kohë përpara Konventës së Demokratëve dhe zgjedhja përfundimtare do të shpallet pastaj zyrtarisht në Çikago.
Por, disa thonë se gara mes Harrisit dhe kandidatëve të tjerë mund të fillojë në ditët në vazhdim, porse emri do të vendoset në konventë, nga mijëra delegatët që do të jenë atje.
Ish-zyrtari i administratës së Obamës, David Axelrod, konsulent politik dhe komentues politik për CNN-in, tha se udhëheqësit kryesorë në Partinë Demokratike janë të matur ndaj Harrisit, pasi po pyeten: “Si dhe kush mund ta mposhtë Donald Trumpin në nëntor”?
Në sondazhin e fundit kombëtar nga CBS News, Trump doli në epërsi me 52 për qind mbështetje, kundrejt Bidenit me 47%, dhe me 51% mbështetje kundrejt Harrisit me 48%.
Trump është gjithashtu përpara në sondazhet në shumicën e shteteve të lëkundura – siç njihen shtetet ku votat për demokratët dhe republikanët janë gati të barabarta dhe shpesh të paparashikueshme.
Pavarësisht thirrjeve për një proces të hapur që do të mbahej me shumë kandidatë, askush nuk doli të thotë se do të futet në garë, pas njoftimit të Bidenit.
“Askush nuk tha – së paku jo menjëherë – se do ta sfidojë atë. Kështu që Harris është tani favorite për t’u nominuar”, thotë për Radion Evropa e Lirë Matthew Dallek, profesor i shkencave politike dhe historian në Universitetin George Washington.
Sfiduesit e mundshëm të Harrisit
Pavarësisht kësaj, janë disa emra që përmenden si sfidues të mundshëm të Harrisit.
Gretchen Whitmer (52 vjeçe), guvernatore e Miçigenit Gretchen Whitmer
Një guvernatore e njohur në një shtet të lëkundur, Whitmer është relativisht e re dhe njihet në nivel kombëtar, pasi emri i saj është përmendur shpesh si zëvendësuese e mundshme e Bidenit nëse ai tërhiqet. Trump është aktualisht në epërsi në sondazhet e opinionit në Miçigan dhe Whitmer mund të ndihmojë që demokratët ta sigurojnë këtë shtet.
Joe Manchin (76 vjeç), senator nga Virxhinia Perëndimore
Joe Manchin
Një ligjvënës që shpesh ka zemëruar shumë demokratë, sepse nuk ka votuar gjithmonë me ta, Manchin është regjistruar si i pavarur në fillim të këtij viti. Ai tha më 21 korrik se po mendon të riregjistrohet si demokrat dhe të konkurrojë kundër Harrisit.
Josh Shapiro (51 vjeç), guvernator i Pensilvanisë Josh Shapiro
Ashtu si Whitmer, Shapiro është një guvernator i ri i një shteti të lëkundur. Biden e fitoi Pensilvaninë në zgjedhjet presidenciale të vitit 2020, por tani është më poshtë në sondazhe. Megjithatë, Shapiro tha më 21 korrik se ai e mbështet Harrisin si presidente.
Gavin Newsom (57 vjeç), guvernator i Kalifornisë Gavin Newsom
Newsom është parë si kandidat kryesor për ta zëvendësuar Bidenin, mes spekulimeve për tërheqjen e tij. Ai ka zhvilluar një debat kombëtar me guvernatorin e Floridës, Ron DeSantis, në nëntor, kur DeSantis po e sfidonte Trumpin për nominimin. Newsom ka thënë më herët se ai nuk do të garojë kundër Harrisit.
Kandidatë të tjerë të mundshëm që janë përmendur, përfshijnë guvernatorin e Illinoisit, J.B. Pritzker (59 vjeç), guvernatorin e Kentakit, Andy Beshear (46 vjeç), guvernatorin e Merillendit, Wes Moore (45 vjeç), senatorin e Nju Xhërsit, Cory Booker (55 vjeç), ish-kryebashkiakun e Nju Orllinsit, Mitch Landrieu (63 vjeç) dhe ish-zonjën e parë, Michelle Obama (60 vjeçe).
Michelle Obama
Kush mund të jetë nënpresident/e?
Nëse udhëheqësit e Partisë Demokratike përfundojnë duke e mbështetur Harrisin si kandidate, atëherë në qendër të vëmendjes do të jetë se kush do të garojë si zëvendës apo zëvendëse e saj.
“Ka shumë demokratë të fortë dhe të rinj”, thotë Dallek.
“Nëse supozojmë se është Harris, ajo do të ketë një mori opsionesh. Por, kjo do të vlejë për secilin të nominuar”, sipas tij.
Nëse Harris do që ta balancojë dukjen, ajo nuk do të zgjedhë grua për të garuar për zëvendëse të saj. Dhe, kjo i eliminon nga shqyrtimet Whitmerin dhe Michelle Obamën.
Marrë parasysh faktin se ajo është edhe afrikane-amerikane, edhe aziatike-amerikane, analistët thonë se është, gjithashtu, e pamundur që ajo ta zgjedhë dikë nga pakica për të qenë zëvendës/e i/e saj. E, kjo mund të eliminojë njerëz si Moore dhe Booker.
Por, sfiduesit e tjerë të mundshëm të Harrisit për nominimin presidencial do të ishin, po ashtu, kandidatë për të qenë zëvendës të saj.
Një përjashtim mund të jetë Newsom, sepse ai është nga Kalifornia – shteti i Harrisit.
Kjo, për shkak se ekziston një klauzolë në Amendamentin e 12-të të Kushtetutës së SHBA-së që nuk i lejon kandidatët nga i njëjti shtet për të garuar me “të njëjtën biletë”.
“Nëse do të jetë Harris, unë mendoj se disa nga këta guvernatorët e shteteve të kuqe ose të lëkundura do të ishin shumë tërheqës për të politikisht”, thotë Dallek.
Nëse Komiteti i rregullave i Konventës Kombëtare Demokratike nuk e ndryshon afatin kohor, votimi virtual nga delegatët në Konventën e partisë do të fillojë në fillim të gushtit.
Kjo nuk i lë shumë kohë partisë për të marrë vendimin përfundimtar – nëse do ta nominojë Harrisin ose dikë tjetër – e as kandidatit/es – nëse është Harris apo dikush tjetër – për të zgjedhur kandidatin për zëvendës/e. /Radio Evropa e Lirë
Qeveria e Kosovës ka reaguar zyrtarisht pas vendimit të Bashkimit Evropian me të cilin u liberalizuan vizat për serbët e Kosovës me pasaporta ilegale serbe.
Klinsman Kadiu, këshilltar i zv/kryeministrit Besnik Bislimi, ka thënë se me këto pasaporta, shkelet integriteti territorial dhe sovraniteti i Kosovës.
Klisman Kadiu, këshilltar i zëvendëskryeministri, Besnik Bislimi, për Telegrafin tha se janë të zhgënjyer me vendimin e marrë nga BE dhe se pasaporta e serbëve e lëshuar nga Serbia vazhdon të mbetet ilegale.
“Shprehim zhgënjimin tonё me vendimin e marrë nga Bashkimi Evropian në lidhje me “liberalizimin e vizave” për mbajtësit e pasaportave ilegale të lëshuara nga autoritetet serbe, për qytetarët serb të Kosovës. Cilido vendim i Bashkimit Evropian, nuk e zhbën faktin që ato pasaporta vijojnë të mbeten ilegale, në shkelje të plotë të integritetit territorial dhe sovranitetit të shtetit tonë, e rrjedhimisht të papranueshme për Republikën e Kosovës. Ato pasaporta, do të vazhdojnë të mos njihen nga autoritetet tona”, u shpreh ai.
Tutje, Kadiu tha se “secili qytetar i vendit, nga secili komunitet, ka të drejtën e plotë që të përfitojë nga lëvizja e lirë pa viza, përmes pasaportës së Republikës së Kosovës”.
“Andaj, justifikimi i përdorur se bartësit e këtyre pasaportave ilegale do të mbeten të izoluar, është i pasaktë dhe në shpërputhje me realitetin. Poashtu, e pashpjegueshme është dhe ngutia e shfaqur për marrjen e këtij vendimi, pa vërtetuar faktet në terren, pa analizuar implikimet qё munden dhe do tё pёrcjellin zbatimin e vendimit, dhe pa konsultuar që nga fillimi institucionet e shtetit tonë”, potencoi ai.
Liberalizimi për serbët e Kosovës
Heqja e regjimit të vizave për në zonën Schengen për kosovarët që nga 1 janari ka qenë shtysë e madhe që serbët e Kosovës të pajisen me pasaporta të Republikës së Kosovës. Tashmë me pasaportën RKS ata do të gëzonin udhëtim të lirë thuajse anekënd kontinentit evropian.
Por, hiç më larg se sot Këshilli Evropian mori vendimin përfundimtar për heqjen e regjimit të vizave për mbajtësit e pasaportave ‘speciale’ të serbëve të Kosovës që lëshohen nga e ashtuquajtura Drejtori Koordinuese përbrenda Ministrisë së Brendshme të Serbisë.
“Këshilli vendos heqjen e vizave për mbajtësit e pasaportave serbe të lëshuara nga Drejtoria Koordinuese Serbe. Sot, Këshilli miratoi një rregullore që siguron që i gjithë rajoni i Ballkanit Perëndimor t’i nënshtrohet të njëjtit regjim vizash, duke hequr përjashtimin e aplikuar më parë për mbajtësit e pasaportave serbe të lëshuara nga Drejtoria Koordinuese Serbe”, thuhet në Komunikatën e KE-së.
Në sfondin e shpjegimeve rreth vendimit të marrë sot KE shpjegoi se kjo u konkludua si nevojë “për të lejuar të gjithë qytetarët përbrenda Ballkanit Perëndimor të që mund të udhëtojnë pa-viza në zonën Schengen”.
Qeveria e Kosovës qysh me të nisur kjo iniciativë e heqjes së vizave për mbajtësit e pasaportave “speciale” serbe e kishte dhënë për goditje ndaj shtetësisë kosovare por edhe ndaj procesit të integrimit institucional të serbëve të Kosovës: gjë kjo e paraparë sidomos në Marrëveshjen e Parë të Parimeve për Normalizim të Marrrëdhënieve (2013).
“Ky propozim, nuk është diskutuar me Qeverinë e Republikës së Kosovës, e as konsultuar apo informuar mbi këtë”, pati reaguar Zëvendës Kryeministri i Parë për Integrime Evropian, Besnik Bislimi, njëherit edhe në krye të procesit negocitator në dialogun e fascilituar nga BE për normalizim të marrëdhënieve me Serbinë.
“Pasaportat ilegale të lëshuara nga Qendra Koordinuese e Serbisë, i konsideron komunat brenda Kosovës si pjesë të juridiksionit të Serbisë, shkelje kjo e sovranitetit tonë dhe e papranueshme. Njohja e këtyre dokumenteve, minon integrimin e komunitetit serb, duke dëmtuar përpjekjet tona në të cilat jemi angazhuar bashkarisht prej vitesh. Gjithashtu, propozimi shkel edhe frymën dhe marrëveshjet e dialogut për shuarjen e këtyre strukturave ilegale”.
Ish-krynegociatorja në dialogun Kosovë-Serbi, Edita Tahiri, në një përgjigje me shkrim për Nacionalen thotë se ”BE-ja ka shkelur marrëveshjen e Brukselit për lëvizje të lirë duke njohur dokementet e strukturave ilegale serbe qe veprojnë ende në këtë fushë”.
Këshilli i BE-së sot ka marrë vendim për heqjen e vizave për serbët e Kosovë që kanë pasaporta të lëshuara nga Administrata Koordinuese e Serbisë.
Miratimi i sotëm nga Këshilli i BE-së përfundon procesin legjislativ. Me hyrjen në fuqi të rregullores, e cila do të ndodhë në ditën e 20-të pas botimit në Fletoren Zyrtare të BE-së, ajo do të bëhet e zbatueshme në të gjitha shtetet anëtare të BE-së.
Siç ka njoftuar Këshilli i BE-së, u miratua një rregullore e cila siguron që i gjithë rajoni i Ballkanit Perëndimor t’i nënshtrohet të njëjtit regjim vizash, duke anuluar përjashtimin që aplikohej më parë për mbajtësit e pasaportave serbe të lëshuara nga Administrata Koordinuese e Serbisë.
Ish-Presidenti Bill Clinton dhe gruaja e tij, ish-Sekretarja e Shtetit Hillary Clinton, lëshuan një deklaratë në platformën “X”, përmes të cilës kanë miratuar zëvendëspresidenten Kamala Harris për të zëvendësuar Presidentin Joe Biden si kandidate presidenciale të Partisë Demokratike, transmeton atvlive.tv.
“Jemi të nderuar që bashkohemi me presidentin në përkrahje të zëvendëspresidentes Harris dhe do të bëjmë gjithçka që mundemi për ta mbështetur atë”, thuhet në deklaratën e tyre.
Ata theksuan se e ardhmja e Amerikës varet nga ajo, sepse kanë jetuar me shumë ulje-ngritje, por asgjë nuk i ka bërë më të shqetësuar për vendin e tyre sesa kërcënimi i një mandati të dytë të Donald Trump. /atvlive.tv
