ATV

Tag: Albin Kurti

  • ​Kurti për takimin me Scholz: U dëshmuan marrëdhëniet e forta mes Kosovës e Gjermanisë

    ​Kurti për takimin me Scholz: U dëshmuan marrëdhëniet e forta mes Kosovës e Gjermanisë

    Kryeministri i Kosovës, Albin Kurti, ka njoftuar për vizitat që po i bën gjatë qëndrimit të tij në Berlin ku është takuar edhe me kancelarin gjerman, Olaf Scholz.

    Në llogarinë e tij në Facebook, Kurti tha se në takimin me shefin e qeverisë gjermane, u dëshmuan marrëdhëniet e forta dhe të shkëlqyeshme dypalëshe dhe vizionin e përbashkët si socialdemokrat për zhvillimin dhe rritjen e mirëqenies në të dy vendet.

    Në vizitën e tij në Berlin, Kurti njoftoi se ka marrë pjesë në pjesë në Kongresin e Partisë Socialdemokrate të Gjermanisë, SPD-së, për të cilën tha “fuqizimi i bashkëpunimit brenda familjes politike të spektrit të majtë socialdemokrat ishte fokus i bisedës”.

    “Kosova është shtet i së drejtës, demokracisë e barazisë për të gjithë. Biseduam dhe rreth dinamikës e situatës në rajonin e Ballkanit Perëndimor, procesin e dialogut e përkushtimin e Kosovës drejt integrimit evropian”, ka shkruar Kurti.

    I pari i Qeverisë gjithashtu njoftoi se gjatë qëndrimit në Gjermani ai është takuar edhe me mërgatën atje, të cilët tha se i ka informuar për zhvillimet në vend.

  • Kurti: Po punojmë pa u lodhur çdo ditë për të promovuar dhe mbrojtur të drejtat e të gjithëve

    Kurti: Po punojmë pa u lodhur çdo ditë për të promovuar dhe mbrojtur të drejtat e të gjithëve

    Kryeministri Albin Kurti ka thënë se Kosova e rikonfirmon përkushtimin e saj ndaj Deklaratës Universale të të Drejtave të Njeriut në 75-vjetorin e themelimit të saj.

    “Ne vazhdojmë të punojmë pa u lodhur sot çdo ditë për të promovuar dhe mbrojtur të drejtat e të gjithëve, pa përjashtim dhe pa diskriminim”, u shpreh Kurti në një shkrim në platformën X.

  • Kurti: Nën udhëheqjen tonë janë kryer mbi 1000 operacione policore kundër korrupsionit, 4000 persona janë arrestuar

    Kurti: Nën udhëheqjen tonë janë kryer mbi 1000 operacione policore kundër korrupsionit, 4000 persona janë arrestuar

    Kryeminstri i Republikës së Kosovës, Albin Kurti në d, përmes një videomesazhi i është drejtuar qytetarëve duke i përmendur të arriturat gjatë dy viteve në udhëheqje në këtë drejtim.

    Ai është shprehur i bindur se ka rilindur shpresa për ardhmëri më të mirë në Kosovë, duke thënë se buxheti është rritur për 35% dhe se janë zvogëluar dëmet.

    “Sot, në ditën ndërkombëtare kundër korrupsionit, dua të theksoj rëndësinë e luftimit të korrupsionit, duke përkujtuar pasojat që të gjithë kemi ndier për vite me radhë, e që rezultuan me varfëri të skajshme në dobi të pasurimit të individëve e grupeve të interesit. Nga ryshfeti deri te nepotizmi, kemi qenë dëshmitarë të të gjithave – efektit koroziv në menaxhimin e financave publike, dëmtimit të cilësisë e sasisë të shërbimeve, regresit ekonomik e deri te humbja e besimit në institucionet e shtetit”- ka deklaruar Kurti.

    Tutje, ai ka përmendur edhe ngritjen për 20 vende në Indeksin e matjes së perceptimit të korrupsionit të Transparency International, me të dhënat e mbi 1100 operacioneve policore kundër krimit ekonomik e korrupsionit. Mbi 4000 persona janë arestuar, prej të cilëve mbi 300 zyrtarë shtetëror., si dhe shkatërrimin e 103 grupe kriminale dhe konfiskuar mbi 2 ton narkotikë.

    Postimi i plotë:
    Të dashur qytetarë të Republikës së Kosovës

    2 vite e 9 muaj më parë, kemi filluar rrugëtimin e përbashkët drejt qeverisjes së mirë, luftimit të korrupsionit dhe vendosjes së rendit dhe ligjit.

    2 vite e 9 muaj më parë, kur ka rilindur shpresa për një të ardhme më të mirë, kemi bashkuar forcat që të ngrejmë kulturën e integritetit në institucione, përmirësojmë mirëqenien, fuqizojmë pozitën e gruas në shoqëri dhe ruajmë paranë publike nga keqpërdorimi.

    Jemi zotuar për investime të mençura e projekte zhvillimore. Kemi rritur buxhetin për 35%, kemi zvogëluar dëmet në minimum dhe kemi raportuar krimin e korrupsionin që e kemi gjetur.

    Sot ju drejtohem të gjithëve pa dallim, për të adresuar një çështje të rëndësisë madhore e që ka përcjellë shoqërinë tonë për vite me radhë, si pasojë e keqqeverisjes, mentalitetit të shëmtuar përfitues dhe idesë së shtrembur që e konsideron shtetin si arkë për pasuri personale e jo për mirëqenie kolektive. Pra: korrupsionin.

    Sot, në ditën ndërkombëtare kundër korrupsionit, dua të theksoj rëndësinë e luftimit të korrupsionit, duke përkujtuar pasojat që të gjithë kemi ndier për vite me radhë, e që rezultuan me varfëri të skajshme në dobi të pasurimit të individëve e grupeve të interesit.

    Nga ryshfeti deri te nepotizmi, kemi qenë dëshmitarë të të gjithave – efektit koroziv në menaxhimin e financave publike, dëmtimit të cilësisë e sasisë të shërbimeve, regresit ekonomik e deri te humbja e besimit në institucionet e shtetit.

    Oligarkët e duan shtetin si anije tregtare e jo si republikë demokratike: ata që kanë më shumë mall përcaktojnë drejtimin e anijes. Me qeverisjen tonë progresiste Kosova e pavarur është republikë demokratike dhe jo anije tregtare.

    Gjakderdhja financiare, skamja e shërbimeve institucionale, keqmenaxhimi i parasë publike e krimi brenda organeve shtetërore e të qeverisë kanë marrë fund. Me përkushtim, duke vendosur dinjitetin mbi çdo gjë, kemi nisur luftimin e korrupsionit nga brenda për ta shtrirë mbi çdo segment të shoqërisë tonë.

    Në fillim të qeverisjes jemi ngritur për 20 vende në Indeksin e matjes së perceptimit të korrupsionit të Transparency International. Nën udhëheqjen tonë janë kryer mbi 1100 operacione policore kundër krimit ekonomik e korrupsionit. Mbi 4000 persona janë arestuar, prej të cilëve mbi 300 zyrtarë shtetërorë. Kemi shkatërruar 103 grupe kriminale dhe konfiskuar mbi 2 ton narkotikë.

    Jemi shteti më i zhvilluar në rajon për reformat e filluara në qëllim të zbatimit të sundimit të ligjit, sipas World Justice Project. Me nisjen e procesit të vetingut në sistemin gjyqësor e prokurorial kemi dëshmuar që duam dënim meritor për zyrtarët shtetërorë, qofshin ata gjyqtarë e prokurorë që nuk i shërbejnë qytetarit, e që kriminelët i dërgojnë të mbrohen nga liria kurse zyrtarët e pavarur profesional i mbajnë në paraburgim pa ngritur kurrë aktakuzë. Duam ngritje në detyrë për ata që i shërbejnë shtetit e profesionit kurse ndalim të atyre që përfitojnë në kurriz të qytetarit dhe biznesit.

    Duam gjyqësor të pavarur, prokurorë efikas e gjyqtarë që veprojnë me urtësi e mençuri. Këtë do bëjmë me veting në sistemin gjyqësor, të mbështetur nga ligjet që kemi dërguar në Kuvend. Vetëm në një vit qeverisës kemi miratuar mbi 80 ligje, afat i paarritur ndonjëherë nga ndonjë qeveri paraprake.

    Të dashur qytetarë,

    Drejtësia mund të vonojë por kurrë të ndalohet. Partitë opozitare kanë dërguar në Gjykatën Kushtetuese secilin ligj që imponon reformë të pashmangshme në sistem, thua se nuk ekziston fare Komisioni Parlamentar për Legjislacion. Me punë të madhe e procese gjithëpërfshirëse kemi hartuar Ligjin për Byronë për Konfiskimin e Pasurisë së Pajustifikueshme. Ky Ligj do prek secilin që ka përfituar në kurriz tuajin e që ka pasuruar xhepat në dëm të Republikës. Ky Ligj do bëhet dhe do zbatohet ashtu si është menduar dhe punuar. Vonimi i reformës përmes ankesave banale, sikur ishte ajo për Ligjin për Investimet e Qëndrueshme, nuk ka sesi t’i imponohet vullnetit qytetar si realitet.

    Për realitetin e ri kemi vendosur së bashku 2 vite e 9 muaj më parë.

    Në vazhdim të punës tonë kundër korrupsionit, në vijim do prezantojmë edhe Strategjinë shtetërore kundër korrupsionit – vizionin e Qeverisë tonë për vendosje të rendit dhe ligjit, ngritjes së cilësisë të administratës publike, reformimit të shëndetësisë dhe vendosjes së llogaridhënies te menaxhimi i parasë publike. Ju ftoj të gjithëve të na bashkëngjiteni në këtë udhëtim të përbashkët, proces gjithëpërfshirës që për herë të parë, siguron strategji për qytetarin e Republikës e jo për sirtarë të arkivave të Qeverisë. Të bëhemi të gjithë pjesë e rrugëtimit të pashmangshëm drejt së ardhmes më të ndritur.

  • ​Kurti: Presim dënim maksimal për autorët e krimit të vrasjes së Liridona Ademajt

    ​Kurti: Presim dënim maksimal për autorët e krimit të vrasjes së Liridona Ademajt

    Një minutë heshtje është mbajtur në hapje të konferencës rajonale “Të bashkuar kundër dhunës – Mjaft!”.

    Kryeministri i Kosovës, Albin Kurti kërkoi nga të pranishmit që të mbajnë një minutë heshtje për Liridona Ademaj, e cili u vra ditë më parë.

    Kurti ka kërkuar zbardhjen e plot të këtij rasti dhe dënim malsimal për vrasësit. Butësia e dënimit, siç tha ai, po shkakton përsëritjen e këtyre rasteve.

    “Po ndodh çdo vit, sepse rastet janë të shpeshta, por shpesh është edhe një, meqenëse nuk duhet asnjë. Lidirona Ademaj u rivarros dje. Rivarrimi saj është një akt i drejtë…Zbardhja e plotë e rastit të Liridonës është drejtësi e i drejtë presim të jetë dënimi, pra maksimal. Rastet e rënda si këto nuk mund të na lejojnë t’i mbyllim sytë para dhunës së përhapur gjiniore. Po punojmë në krijimin e një mjedisi ligjor të fuqishëm kundër dhunës me bazë gjinore duke plotësuar dhe ndryshuar kodin e procedurës penale, duke ashpërsuar masat për kryerësit e veprave penale të dhunimit, dhunimit seksual dhe të dhunës në familje…Kujdesi për funksionimin e gjithë mekanizmave ndërveprues prej raportimit deri tek trajtimi, gjykimi, pra të drejtësia përfundimtare është dhe do të jetë prioritet i lartë në qeverinë tonë. Por, ajo që na duhet më së shumti tani, çfarë i duhet shoqërisë dhe drejtësisë është një sistem prokurorial dhe gjyqësor shumë më aktiv e shumë më efektiv. Pesha e padrejtësive nuk mund të vazhdojë të bije mbi supet e grave dhe vajzave, as mbi supet e fëmijëve e të pleqve, të varfurëve e të shtypësve, personave të sfiduar nga çdo rrethanë tjetër, institucionet janë të obliguara të jenë gjithmonë përkrah atyre që ju bëhet çfarëdo padrejtësie…Ne nuk mund të vendosim për jetën e askujt, as gruaja e as burri, vajza e djali nuk janë pronë e askujt, të gjithë njerëzit janë të lirë me të drejta të barabarta”, deklaroi Kurti.

    Kurti po ashtu ka kujtuar se disa prej rasteve më të rënda gjatë luftës në Kosovë kanë qenë kur forcat serbe dhunuan vajza e gra dhe në shumë raste edhe në prani të familjarëve, për çka tha, se kjo dukuri duhet të zhduket përgjithmonë.

    Ndërsa ka përmendur edhe rastin e 14-vjeçares në Shkup, për të cilën tha se duhen dënime meritore.

    “Disa prej rasteve më të rënda gjatë luftës në Kosovë kanë qenë kur forcat serbe dhunuan vajza e gra dhe në shumë raste edhe në prani të familjarëve. Në qendër të kryeqytetit tonë Prishtinës, e kemi memorialin “Heroinat” kushtuar 20 mijë grave e vajzave të dhunuara gjatë luftës, ne qe përkulemi tek ai memorial kemi përgjegjësinë që të luftojmë bashkë këto raste të shndërruara në dukuri kur gratë dhe vajzat e vendit tonë të lirë po dhunohen e vrahen, madje edhe në prezencën e fëmijëve tyre, e gjithë kjo nga vet partnerët e tyre, burrat e kësaj shoqërie. Është fakt që dhuna e grave është fenomen global, e i lidhur edhe me valën në ngritje te ekstremit të djathtë, megjithatë është një dozë edhe më e thellë e dhembshurisë kur femicidi shfaqet në një shoqëri edhe pas mbijetimit të gjenocidit… Kemi nevojë që i tërë sistemi i drejtësisë t’i bëjë prioritet trajtimin e rasteve të dhunës ndaj vajzave dhe grave dhe të jap dënime të merituara për dhunuesit e kriminelet. Butësia e dënimit po shkakton përsëritjen e krimit, vënia e drejtësisë është kusht i domosdoshëm për një shoqëri të lirë e demokratike. Është koha e fundit të vetëdijesohemi e të veprojmë së bashku”, shtoi Kurti.

    Shefi ekzekutivit shtoi se në këtë drejtim kanë përmirësuar qasjen në shërbime sociale duke i ngritur mbështetjen për këto shërbime dhe duke siguruar qëndrueshmëri financiare për strehimorët e të mbijetuarave të dhunës në familje përmes rritjes së buxhetit dhe linjës së veçantë buxhetore për to.

    Mes tjerash, ai theksoi se në fillim të fushatës globale gjatë vitit të kaluar një grua u vra me sopatë e disa ditë më pas edhe Hamide Magashi, e cila ishte shtatzënë.

    Edhe ministrja e drejtësisë, Albulena Haxhiu tha se presin dënimet më maskimale për vrasësit e Liridona Ademaj, e cila dje u rivarros në fshatin e saj të lindjes.

    “Pas një pune intensive, akterët e vrasjes së Liridonës janë arrestuar dhe të gjithë presim dënimet më të larta për kryerjen e këtij krimi të rëndë. Dje Liridonës ja dhamë lamtumirën e fundit, ajo do të pushojë në paqe në fshatin e lindjes, pro ne si shoqëri dhe institucione nuk do të jemi të qetë derisa ta ndërtojmë një shoqëri kur respektohet dinjiteti i vajzave, grave dhe jeta e tyre. Krimi mbi Liridonën është një alarm që nuk duhet të pushojë deri të arrijmë një shoqëri ku ka drejtësi dhe barazi”, u shpreh ajo.

    Haxhiu theksoi se gjatë këtyre ditëve do të lansohet programi për punësimin e viktimave të dhunës në familje.

    Ndërsa, ish kryetarja e Grevio, Itis Luaras tha se në këtë drejtim Konventa e Stambollit njihet gjerësisht si instrumenti ligjor më i drejtë.

    “Dy vjet më parë, ne festuam vitin e dhjetë të hapjes për nënshkrimet e Konventës së Këshillit të Evropës për parandalimin dhe luftimin e dhunës ndaj grave dhe dhunës në familje e njohur më mirë si Konventa e Stambollit. Kjo është një kujtesë e rëndësishme që një dekadë më parë shqetësimi për të drejtën njerëzore të grave dhe vajzave për të jetuar një jetë pa dhunë, nxiti shtatë qeveritë të negociojnë standardet ligjërisht të detyrueshme që ne kemi tani. Konventa e Stambollit njihet gjerësisht si instrumenti ligjor më i drejtë, i cili përcakton detyrimet për parandalimin dhe luftimin e dhunës ndaj grave dhe dhunës në familje, dhe është cilësuar si një standard i artë nga Kombet e Bashkuara. Në momentin që po flasim ka një kontest rreth Konventës së Stambollit dhe nuk po ndodh kështu sepse disa shoqëri apo disa vende janë tradicionale apo konservatore. Sigurisht, ky mund të jetë një faktor kontribues, por kjo nuk është arsyeja pse kjo po ndodh. Ka grupe të caktuara akterësh transnacionalë që punojnë kundër të drejtave të njeriut, ata që ne kanë sajuar problemin me konventën dhe kanë ndërtuar një sërë gënjeshtrash dezinformatash rreth konventës, të cilat më pas u shpërndanë në mënyrë shumë strategjike përmes një sërë mjetesh dhe akterësh”, tha Luaras. /kp

  • Kurti kërkon dënim maksimal për vrasësit e Liridona Ademajt

    Kurti kërkon dënim maksimal për vrasësit e Liridona Ademajt

    Kryeministri Albin Kurti kërkon dënim maksimal për vrasësit e Liridona Ademajt. Përmes një reagimi ai thotë se Liridona u vra me paramendim.

    “Arrestimi i kriminelëve nuk po mjafton. Barra e padrejtësive të sistemit të drejtësisë vazhdon të bie mbi supet e grave dhe vajzave, përderisa kryesit e krimeve nuk marrin dënime meritore”, shkruan ai.

    Tutje Kurti thotë se “urdhërdhënësi, dorasi dhe bashkëpunëtori në vrasjen e Liridonës duhet të ndëshkohen dhe ta marrin dënimin maksimal”, raporton Paparaci.

    Reagimi i plotë:

    Liridona Ademaj u vra me paramendim. U vra se ishte grua.

    Gratë dhe vajzat po vazhdojnë të vriten, gjersa normat shtypëse patriarkale ende janë të shpërndara gjerë.

    Arrestimi i kriminelëve nuk po mjafton. Barra e padrejtësive të sistemit të drejtësisë vazhdon të bie mbi supet e grave dhe vajzave, përderisa kryesit e krimeve nuk marrin dënime meritore.

    Sot ishte seanca dëgjimore, ku tre të dyshuarve iu caktua nga një muaj paraburgim. Urdhërdhënësi, dorasi dhe bashkëpunëtori në vrasjen e Liridonës duhet të ndëshkohen dhe ta marrin dënimin maksimal. Kjo bëhet me një sistem prokurorial e gjyqësor efektiv dhe të vetëdijshëm për detyrën e lartë shoqërore që bartin.

    Dhimbja është e madhe. Ndërgjegja është kolektive, në secilën familje, shtëpi.

    Për ta parandaluar këso krime makabër, duhet të punojmë secili e secila, në secilën fushë e vend.

    Këtë kulturë patriarkale e mizogjene, këtë maskulinitet të dhunshëm e toksik e zhdukim vetëm ashtu.

    E qytetarët e Republikës presin nga zyrtarët publikë që punojnë (apo kanë punuar) në institucionet shtetërore se duhet të jenë shembull pozitiv e progresiv në shoqëri për sjelljen e tyre ndaj partnerëve dhe në familje e jo kriminelë a mujsharë që besojnë se ia dalin.

  • Kurti: Të gjithë duhet të angazhohen që çdo grua e vajzë të jetojë pa dhunë e frikë

    Kurti: Të gjithë duhet të angazhohen që çdo grua e vajzë të jetojë pa dhunë e frikë

    Kryeministri Albin Kurti dhe ministrja e Drejtësisë, Albulena Haxhiu, kanë marrë pjesë në Lansimin e Programit të Kryerësve të Dhunës, raporton Ekonomia Online. Kurti tha se të gjithë duhet të angazhohen që çdo grua dhe vajzë të jetojë pa dhunë e frikë.

    Kurti theksoi se po investojnë duke siguruar që viktimat e dhunës të kenë kushtet e nevojshme për të rindërtuara jetën e tyre.

    “Çdo vajzë e grua ka të drejte të jetojë pa dhunë, pa frikë dhe pa u kërcënuar. Çdo vajzë dhe grua ka të drejtë të jetojë e lirë. Kjo është bindja ime e thellë dhe angazhimi ynë. Është angazhim i të gjithë neve. Këtë synim e kemi në Kushtetutën tonë, e kemi në ligje. Krahas rehabilitimit psiko-social për ata që kanë kryer dhunë ndaj grave dhe vajzave synimi përfundimtar është krijimi i një mjedisi të sigurt për të mbijetuarat”.

    “Ne nuk mund të kthejmë kohën mbrapsht për krimet që kanë ndodh por mund të iu ofrojmë mbështetje viktimave e të parandalojmë krimet për të ardhmen e për këtë po investojmë duke siguruar se viktimat e dhunës i kanë burimet e strukturat e nevojshme për të rindërtuara jetën e tyre”.

    Ai tha kanë rritur financimin për strehimoret mbi 100 për qind në vitin 2023. Po ashtu shtoi se është bërë avancimi pas i në kodin Penal duhan ndaj grave cilësohet vepër penale.

    Krejt kjo me qëllim që të plotësohet baza ligjore që mundëson dhunuesit të shpallen fajtor për dhunën në familje.

    “Është e rëndësishme një viktimë të mos e përfundoj jetën normale pas atij krimit . Kemi rritur financimin shërbimin e strehimoreve mbi 100 për qind në vitin 2023. E filluar reformën për qendrën punë sociale. Andaj me po vazhdojmë të përmirësojmë kornizës ligjore dhe mekanizmat që shërbejnë për mbrojtën e grave. E kemi avancuar nëpërmjet definimit të dhunës ndaj grave si vepër penale në Kodin Penal”.

    “Po kërkohet më shumë ndihmë edhe po jepet më shumë ndihmë për të ia lehtësuar financiarisht përballje e pasojave të dhunës e kemi ndërtuar Ligjin për kompensimin e viktimave në Kosovë, ndonëse kthejmë kohën mbrapsht ne mund të bëjmë diçka që mund të ua lehtësojë. Jemi duke analizuar masën për punësim sepse duke punësuar i integrojmë pavarësisht të kaluarës”.

    Ministria e Drejtësisë Albulena Haxhiu, tha se dhuna ndaj grave nuk është çështje private dhe nuk duhet të konsiderohet asnjëherë si e tillë, raporton EO. Ajo ka këkruar që dhuna të raportohet.

    “Qeveria e Republikës së Kosovës për herë të parë është angazhuar për adresimin e dhunës ndaj familjes dhe grave. E kemi thënë disa që dhuna ndaj grave nuk është çështje private dhe nuk duhet të konsiderohet asnjëherë si e tillë është çështje e drejtave të njeriut është çështje sociale politike shëndetësore po ashtu është ekonomike prandaj si institucion do vazhdojmë që ta kryejmë punën tonë që çdo grua të këtë jetë të dinjitetshme të vazhdoj pa dhunë atë që ia garanton Kushtetuta e Republikës së Kosovës”.

    Franak Power, shef i Zyrës së Këshillit të Evropës, tha se qëllimi kryesor i programeve të tilla është minimizimi i numrit të viktimave të dhunës.

    “Kur bëhet fjalë në mënyrë specifike për një tjetër çelës, autorët, neni 16 i Konventës thotë se palët duhet të marrin legjislacionin e nevojshëm ose masa të tjera për të krijuar ose mbështetur programe që synojnë të mësojnë autorët e dhunës në familje të adoptojnë sjellje jo të dhunshme në marrëdhëniet ndërpersonale me synimin për të parandaluar dhunën e mëparshme dhe ndryshimin e modeleve të sjelljes së dhunshme. Pra, është shumë e rëndësishme që kur ndërmerren hapa për t’i dhënë efekt këtij detyrimi, është parë brenda kontekstit më të gjerë të Konventës në tërësi. Në veçanti, siç shihet në kontekstin e qasjes së përqendruar te viktima, në të cilën Konventa paraprin”.

    “Programet për trajtimin e autorëve nuk synohen si alternativë ndaj ndjekjes penale ose si mënyrë që autorët të shmangin paraburgimin. Dizajni dhe zbatimi i tyre duhet gjithmonë të udhëhiqet nga nevojat dhe interesat e autorëve. Qëllimi kryesor i programeve të tilla është, siç thotë Konventa, parandalimi, të përpiqet të minimizojë numrin e viktimave të mundshme në të ardhmen”.

    “Ato plotësojnë shërbime të tjera për viktimat dhe aktivitete të tjera parandaluese në vend që t’i zëvendësojnë ato, dhe kjo nuk është një lojë me shumën zero. Por është gjithashtu e rëndësishme të sigurohet që burimet e nevojshme për të ofruar programe të dhunuesve dhe ato mund të jenë të konsiderueshme, të mosridrejtohen në shërbime të tjera për viktimat. Lufta kundër dhunës ndaj grave është e kushtueshme, nuk ka rrugëdalje, dhe nuk ka masa të shpejta për tu marrë nëse do të trajtohet në mënyrë efektive”.

  • “Thyhet akulli”, Kurti e Rama shtrëngojnë duart në Vlorë

    “Thyhet akulli”, Kurti e Rama shtrëngojnë duart në Vlorë

    Përgatiti: Donisa Fazliu

    Inatet politike i lanë anash. Për nder të 28 Nëntorit, kryeministri Albin Kurti dhe kryeministri i Shqipërisë, Edi Rama, ia shtrënguan dorën njëri-tjetrit.

    Të dy liderët shqiptarë, morën pjesë në aktivitetet që u organizuan për 111-vjetorin e Pavarësisë së Shqipërisë.

    “Këtë festë të madhe të flamurit dhe lirisë së Pavarësisë dhe bashkimit për të gjithë shqiptarët në Shqipëri, në Kosovë, kudo që janë në Ballkan dhe në botë. Lavdi dëshmorëve të kombit, sot është ditë pushimi dhe feste dhe çdo ditë tjetër duhet të punojmë për idealet dhe synimet e Skënderbeut nga Kruja, e Ismail Qemalit nga Vlora dhe të Adem Jasharit nga Prekazi”, tha Kurti.

    Ndryshe nga Kurti, liderët e Shqipërisë nuk janë deklaruar për media.

    Urimet për 28 Nëntorin, ata zgjodhën t’i bëjnë nëpërmjet rrjeteve sociale.

    Presidenti i Shqipërisë, Bajram Begaj, dhe kryeministri Edi Rama, kanë thënë se modeli frymëzues i etërve themelues të shtetit, duhet të shërbejë si udhërrëfyes në çdo punë që shqiptarët bënë për vendin.

    Në kuadër të aktiviteteve për Pavarësi, për herë të parë në Tiranë është mbajtur edhe Parada e Shqiptarëve.

    Kremtja në kryeqytetin e Shqipërisë është përcjellë edhe me aktivitete të ndryshme, edhe në orët e mbrëmjes.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Albin Kurti: Të punojmë për idealet e Skënderbeut, Ismail Qemalit dhe Adem Jasharit

    Albin Kurti: Të punojmë për idealet e Skënderbeut, Ismail Qemalit dhe Adem Jasharit

    Kryeministri i Kosovës, Albin Kurti, ndodhet në Vlorë për të festuar 111-vjetorin e Pavarësisë së Shqipërisë.

    Nga qyteti i flamurit, Kurti u shpreh se të gjithë duhet të punojnë për idealet dhe synimet e Skënderbeut nga Kruja, Ismail Qemalit nga Vlora dhe Adem Jasharit nga Prekazi.

    “Gëzuar të gjithë shqiptarëve 28 Nëntorin, këtë festë të madhe të Flamurit e të lirisë, të Pavarësisë e të bashkimit për të gjithë shqiptarët në Shqipëri, në Kosovë, kudo që janë në Ballkan e në mërgatë. Lavdi dëshmorëve të kombit, sot është ditë pushimi, feste, e çdo ditë tjetër duhet të punojmë për idealet, synimet e Skënderbeut nga Kruja, të Ismail Qemalit nga Vlora e të Adem Jasharit nga Prekazi. Ne ishim këtu për të bërë nderime në Vlorë me krerët institucional të shtetit shqiptar dhe pasdite do të jemi në Kosovë për të bërë homazh tek varrezat e Jasharajve, në krye me komandantin Adem Jashari. Dje kishim ditën e Ushtrisë së Kosovës, dhe për shkak se gjithë këto aktivitete nuk mund t’i vendosim në një ditë, do të vazhdojmë edhe nesër me ngjarje të ndryshme kulturore, artistike për nder të 28 Nëntorit, kësaj date themeltare të identitetit kombëtar”.

    Sa i përket komente politike, Kurti i shmangu duke thënë se sot nuk është dita.

    “Nuk është sot dita që të flasim për dallimet politike apo polemikat aktuale. Sot jemi bashkë, shqiptarët e kanë të përbashkët gjuhën dhe kulturën, e kanë të përbashkët historinë dhe ardhmërinë dhe e tashmja mbushet me kuptim pikërisht në këtë mënyrë. Kemi shumë ditë të tjera përgjatë vitit për temat”./tvklan.al

  • Kurti e Rama bëhen bashkë në shënimin e 28 Nëntorit në Vlorë

    Kurti e Rama bëhen bashkë në shënimin e 28 Nëntorit në Vlorë

    Ceremonia e ngritjes së flamurit në 111-vjetorin e pavarësisë në Vlorë, ka bërë bashkë kryeministrin e Shqipërisë, Edi Rama dhe homologun e tij Albin Kurti.

    Në këtë ceremoni, të pranishëm ishin edhe presidenti i Shqipërisë, Bajram Begaj, kryetarja e Kuvendit, Lindita Nikolla dhe kreu i Bashkisë së Vlorës, Ermal Dredha.

    Pjesë e kësaj ceremonie ishte ngritja e flamurit dhe vendosja e kurorave tek busti i Ismail Qemailit.

    Më 28 nëntor 1912, Ismail Qemaili ngriti flamurin në Vlorë duke shpallur Shqipërinë shtet sovran dhe të pavarur.

    Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar.

  • Kurti sot dhe nesër në Shqipëri për nder të 28 nëntorit, nuk tregon se a do takohet ndaras me Ramën

    Kurti sot dhe nesër në Shqipëri për nder të 28 nëntorit, nuk tregon se a do takohet ndaras me Ramën

    Kryeministri i Kosovës, Albin Kurti do të qëndroj sot e nesër në Shqipëri, për nder të 111 vjetorit të pavarësisë së Shqipërisë.

    Kurti para gazetarëve bëri të ditur se në qytetin e Vlorës do të bëjë homazhe në nderim të dëshmorëve të kombit.

    I pyetur se a do të ketë mbledhje të përbashkët në mes të Qeverisë së Kosovës dhe asaj të Shqipërisë, Kurti ka thënë se do të ketë.

    “Sigurisht se do të kemi edhe mbledhje të qeverive në të ardhmen. Ndërkaq, unë sonte do të jem në Tiranë, për shkak se teatrot tona do të japin një shfaqje përmbyllëse me regji të Ilir Bokshit dhe njëkohësisht do të japin edhe çmimet përkatëse. Ndërkaq, nesër do të jem në Vlorë, ku do të bëjmë homazhe, nderim për panumër dëshmorë e heronj të cilët sakrifikuan që të jemi të lirë e të bashkuar. Deri më tani kemi 184 marrëveshje dhe nuk ka asnjë qeveri në Kosovën e pavarur e cila ka bërë më shumë marrëveshje dhe zbatim të tyre sesa kjo e jona për rreth 2/3 e mandatit”, ka thënë ai.

    Derisa kur është pyetur se nëse do të takohet ndaras me kryeministrin e Shqipërisë Edi Rama, ai nuk është përgjigjur.