ATV

Tag: Albin Kurti

  • Kurti flet për audio incizimet: Unë as që kam komunikuar e as që jam takuar me Radojiçiqin

    Kurti flet për audio incizimet: Unë as që kam komunikuar e as që jam takuar me Radojiçiqin

    Kryeministri i Republikës së Kosovës, Albin Kurti, e ka mbrojtur Mimoza Kusarin për incizimin e dalë me Sllavko Simiqin e Listën Serbe derisa ka thënë që nuk ka komunikuar vetë e as nuk është takuar ndonjëherë me Radojiçiqin.

    E pyetur nga gazetarja e Nacionales për një koment mbi incizimin dhe nëse është takuar edhe ai, Kurti u shpreh:

    “Unë as që kam komunikuar e as që jam takuar ndonjëherë me personin në fjalë. Por, edhe njëherë ju lus të gjithëve sa i përket kësaj lufte hibride e cila bëhet nga Serbia kundër shtetit të pavarur dhe pushtetit demokratik në Kosovë.” – u shpreh kryeministri i vendit.

    Më tutje, Kurti e mbrojti në mënyrë të qartë Kusarin duke i thënë këto fjalë:

    “Gjatë takimit që ajo ka pasur me shefin e Listës Serbe kur ata ishin në Kuvend e kur e kishin Goran Rakiqin në qeveri aty asaj i është lëshuar në interfon të telefonit të Sllavko Simiqit, gjë që s’mund të thuhet që është takim.”

    Ai tutje u shpreh se duhej të kishim kujdes nga lufta hibride e Serbisë në kontekstin e këtij incizimi.

  • Kurti jep detaje për arritjen e marrëveshjes për shtensionim: Zgjedhjet në veri pas verës

    Kurti jep detaje për arritjen e marrëveshjes për shtensionim: Zgjedhjet në veri pas verës

    Kryeministri i Kosovës Albin Kurti në fjalimin e tij para fillimit të mbledhjes së Qeverisë, ka konfirmuar se të hënë zv.kryeministri Besnik Bislim dhe emisari Miroslav Lajçak janë dakorduar për një marrëveshje që përmban 4 pika për de-eskalim të situatës, raporton EO.

    Kurti tha se katër pikat do të krijojnë parakushte nё zbatimin e plotё dhe tё pakusht tё Marrёveshjes Bazike tё 27 shkurtit dhe aneksit tё Ohrit tё datёs 18 mars.

    Tutje, Kurti është shprehur se Kosova mbështet mbajtjen e zgjedhjeve tё parakohshme nё 4 komunat nё veri tё vendit dhe atё pas stinёs sё verёs.

    Më tej, kreu i Qeverisë tha se dakordimi që ndodhi në Bratisllavë, do të ndihmojë në vendosjen e barazisë midis palëve, që sipas tij, ndihmon zbatimin e plotë të marrëveshjes bazike dhe aneksit të saj.

    “Z.Bislimi ka arritur një dakordim me emrirasin Lajçak për këto pika. E para zvogëlimi nё masën e 25% tё prezencës policore nё dhe rreth ndërtesave komunale. E dyta Policia e Kosovës bashkё me EULEX-in dhe KFOR-in, sipas nevojës do të vlerësojnë gjendjen e sigurisë. E treta Qeveria e Kosovës do të bëjë një deklaratë publike ku do të mbështes mbajtjen e zgjedhjeve në katër komunat veriore. E katërta ka të bëjë me ftesë që BE do të bëjë për kryenegociatorët për finalizimin e planit tё sekuencimit pёr Marrëveshjen drejt Normalizimit”.

    “Marrëveshje duhet të zbatohet në plotëni, zbatimi i marrëveshjeve nuk duhet që të kushtëzohet, duhet që të negociojnë në mënyrë të barabartë. Si përfundim dakordimi i Bartisllavës do të ndihmojë. Reforma në drejtësi është prioritet i ynë , puna për të nuk ka ndaluar asnjëhërë. Ka më shumë se 4 muaj që jemi në pritje të Gjykatës Kushtetuese. Sot do të shqyrtojmë edhe Projektligjin për Këshillit Prokurorila”, tha ai.

  • Publikimi i përgjimeve/ Kusari-Lila thotë se sot është takuar me Kurtin – Ja çfarë kanë biseduar

    Publikimi i përgjimeve/ Kusari-Lila thotë se sot është takuar me Kurtin – Ja çfarë kanë biseduar

    Shefja e Grupit Parlamentar të Lëvizjes Vetëvendosjes, Mimoza Kusari-Lila, në emisionin CONTEXT në ATV, tha se pas publikimit të përgjimeve ka pasur takime me kryeparlamentarin Glauk Konjufca dhe kryeministrin Kurti, por që temë e takimeve nuk kanë qenë përgjimet.

    “Me kryetarin e Kuvendit jam taku, me kryeministrin kam bisedu, jo për këtë çështje, me thanë të drejtën. Nuk ka qenë me aq urgjencë që ka mujt me shkaktu diçka e cila.. Me Kurtin jam taku sot. Jo nuk kanë qenë, besoni ose ndaç mos e besoni, nuk kanë qenë temë bisedimet”, tha Kusari-Lila.

    Ajo tha se temë e bisedimeve gjatë takimit me kryeministrin Kurti ka qenë për koordinim të agjendës legjislative.

    “Me kryeministrin takohemi për koordinim të agjendës legjislative në raport me atë çfarë ne duhet të angazhohemi ne projektligjet që kanë mbetur për deri në fund të këtij sesioni pranveror. Jemi duke u mundu me e pasë një seancë goxha të ngjeshur, do me thanë sot është ftuar seanca me disa projektligje, një numër i konsiderueshëm disa prej të cilave janë në lexim të dytë, pastaj ka edhe votime dhe natyrisht që neve na duhet të jemi të mobilizuar që këto javë të mbetura, t’i kryejmë me sukses ato ligje që na kanë mbetur”, tha Kusari-Lila.

    Emisionin e plotë e gjeni në videon më poshtë:

  • Kurti: Nuk ka ende drejtësi dhe paqe për Srebrenicën

    Kurti: Nuk ka ende drejtësi dhe paqe për Srebrenicën

    Kryeministri i Kosovës, Albin Kurti, tha se ende nuk ka drejtësi dhe paqe për Srebrenicën dhe Bosnje e Hercegovinën, teksa kritikoi politikanët në rajon që mohojnë gjenocidin e ndodhur në Bosnje.

    Gjatë ceremonisë përkujtimore për 28-vjetorin e gjenocidit në Srebrenicë, të organizuar në Prishtinë, Kurti tha se “Serbia u bë përgjegjëse që nuk e ndaloi kryerjen e krimeve, ajo asnjëherë nuk u bë përgjegjëse që e kreu pamëshirshëm këtë gjenocid”.

    Sipas kryeministrit kosovar, dënimi me burgim të përjetshëm nga gjykata për krime lufte në ish-Jugosllavi, i ish-presidentit të entitetit të Republikës Sërpska, Radovan Karaxhiq, dhe ish-udhëheqësit ushtarak në Bosnje, Ratko Mlladiq, për gjenocidin në Srebrenicë, janë tregues se ngjarjet në Bosnje u kryen nga jashtë.

    “Ky është tregues që gjenocidi në Bosnje nuk ka ndodhur nga brendësia, por nga jashtë, që përgjegjës nuk janë vetëm disa serbë të Bosnjës, por Serbia si shtet. Prandaj, ende nuk ka drejtësi dhe paqe për Srebrenicën dhe Bosnjën”, tha Kurti.

    Kurti kritikoi politikanët në Serbi dhe në entitetin e Republikës Sërpska që refuzojnë të pranojnë se në Srebrenicë është kryer gjenocid. Ky mohim, sipas tij, “vë kripë në plagën” e familjarëve të viktimave.

    “Ne duam paqe, bashkëpunim dhe barazi mes shteteve dhe popujve në Ballkan. Por, themelimi i kësaj paqeje është ndëshkimi i kriminelëve. Është e paimagjinueshme se si në shekullin 21 ka politikanë në rajonin tonë që thonë se ata që kërkojnë ndëshkimin e fajtorëve për gjenocid qenkan kundër dialogut dhe kundër fqinjësisë së mirë. Përkundrazi, e vetmja fqinjësi e mirë zhvillohet duke dënuar krimet e duke vendosur drejtësi. Dhe i vetmi dialog i mirë kur palët nuk tremben nga distancimi prej krimeve”, tha Kurti.

    I pranishëm në këtë ngjarje për të kujtuar viktimat e Srebrenicës ishte edhe deputeti nga Bosnje e Hercegovina, Shemsudin Mehmedoviq.

    Ai tha se më 11 korrik, kur bëhen 28 vjet nga kryerja e gjenocidit në Srebrenicë, e gjithë bota demokratike do të bëjë homazhe për mbi 8.000 viktimat.

    “Por, do të ketë edhe të tillë që nuk do të duan të bëjnë homazhe. Ata të cilët sot përkrahin Federatën Ruse, që bënë shkelje të mëdha kundër Ukrainës, kjo është Serbia dhe entiteti i Republikës Sërpska në Bosnje e Hercegovinë. [Presidenti i Serbisë] Aleksandar Vuçiq dhe [presidenti i entitetit të Republikës Sërpska] Millorad Dodik, që nuk e pranojnë Kosovën tuaj dhe Bosnjën e Hercegovinën time. Ata nuk na pranojnë as si popuj për shkak të politikave të tyre gjenocidale dhe përsëritjes së krimeve”, tha ai.

    Sipas Mehmedoviqit, politika e Serbisë është që asnjëherë të mos e pranojë pavarësinë e Kosovës, por në të ardhmen do ta njohë Republikën Sërpska si shtet “dhe në këtë mënyrë të tentojë të shkatërrojë pavarësinë dhe subjektivitetin ndërkombëtar të Bosnje e Hercegovinës”.

    Dy vjet më parë, Kuvendi i Kosovës ka miratuar një rezolutë që njeh ngjarjet e ndodhura në Srebrenicë si gjenocid.

    Në Srebrenicë në korrik të vitit 1995, forcat e ushtrisë së serbëve në Bosnje, të udhëhequr nga gjenerali Ratko Mlladiq, kanë vrarë rreth 8.000 burra dhe djem.

    Gjykata për krime të luftës në ish-Jugosllavi i ka cilësuar këto vrasje si gjenocid. Por, në Serbi dhe në entitetin e Republikës Sërpska në Bosnje e Hercegovinë, nga nivele më të larta shtetërore vazhdojnë të mos e pranojnë se në Srebrenicë ka ndodhur gjenocid. /REL

  • ​Rama për takimin me Kurtin: Edhe hasmit i hapet dera kur vjen

    ​Rama për takimin me Kurtin: Edhe hasmit i hapet dera kur vjen

    Kryeministri i Shqipërisë, Edi Rama është shprehur optimist se homologu i tij në Kosovë do ta pres në takim sot.

    Ai nga Maqedonia e Veriut tha se shpreson se kryeministri Albin Kurti nuk e ka harruar kanunin se kur vjen mysafiri në shtëpi, qoftë edhe ai “hasëm” duhet t’i hapet dera.

    “Unë kam akoma shpresë se Albini nuk e ka harruar kanunin se kur vjen në shtëpi edhe hasmit i hapet dera, është e ndaluar të nxjerrësh deri kur ai të mbaroj fjalën”, tha ai.

    I pyetur për Ballkanin e Hapur, Rama tha se edhe njëmijë herë të kthehej prapa do ta bënte të njëjtin.

    “Ballkanin e Hapur një mijë herë të kthehesha prapa, njëmijë herë do ta bëja. Ballkani i Hapur nuk është një nismë përjashtuese. Ballkani i Hapur është një nga 72 iniciativat që ka ky rajon, për të cilat ju ndoshta nuk keni dëgjuar fare, sikur unë vet kur e kam dëgju këtë jam habitur. Çfarë e keqe i ka ardhur nga Ballkani i Hapur rajonit, përveç të mirave. Cilat janë ato, merrni shikoni shifrat e tregtisë midis vendeve”, shtoi Rama.

    Ai nga Shkupi refuzoi të flas për tensionet e fundit Kosovë-Serbi, derisa tha se për të njëtën do të ketë qëndrim pasditën e sotme në Kosovë./kp/

  • Hamiti: Duhet të punohet shumë për të riparuar dëmet që i ka bërë Kurti

    Hamiti: Duhet të punohet shumë për të riparuar dëmet që i ka bërë Kurti

    Anëtari i kryesisë së Lidhjes Demokratike të Kosovës (LDK), Muhamet Hamiti, në emisionin DIREKT në ATV, tha se në Kosovë duhet të punohet shumë për t’i riparuar dëmet, të cilat sipas tij, i janë shkaktuar vendit nga Qeveria Kurti.

    “Edhe po flasim me të tjerë, me palë, jo domosdo ne baza partiake, për ta bindur këtë popull, këtë shoqëri, për nevojën e ndryshimit dhe ndryshimit të njëmend dhe të mirë, sepse ndryshim kërkonin edhe Vetëvendosje dhe përkrahësit e saj. Është e vërtetë që kemi ndryshim, por është ndryshim për të keq. Ne duam të kemi ndryshim tash. Fillimisht duhet të punohet shumë për t’i riparuar dëmet që i ka bërë kjo Qeveri”, tha Hamiti. /atvlive.tv

    Emisionin e plotë e gjeni në videon më poshtë:

  • Rama e publikon agjendën e takimeve, thotë se është në pritje të konfirmimit nga Kurti

    Rama e publikon agjendën e takimeve, thotë se është në pritje të konfirmimit nga Kurti

    Kryeministri i Shqipërisë, Edi Rama ka publikuar agjendën e takimeve qëe do t’i nis sot në kuadër të turit të tij ballkanik. Kjo në kuadër të përgatitjeve për Procesin e Berlinit që do të mbahet në muajin tetor në Tiranë.

    Rama turin do ta nis në Maqedoninë e Veriut, e pasdite pritet që të vij në Kosovë.

    Deri më tani është konfirmuar takimi i Ramës me presidenten Vjosa Osmani dhe kryeparlamentarin Galuk Konjufca.

    Ndërsa tha se është në pritje të konfirmimit për takim me kryeministrin Albin Kurti.

    Kryeministrin Albin Kurti, të mërkurën tha se është i gatshëm ta presë Ramën në takim vetëm në kuadër të mbledhjes së dy qeverive, përndryshe jo.

    Më 13 qershor, kryeministri i Shqipërisë, Edi Rama, kishte anuluar mbledhjen e përbashkët me Qeverinë e Kosovës, që ishte paraparë të mbahej në Gjakovë.

  • Haradinaj: Kurti ka hyrë në një rrugë humbëse, i është kërkuar të mos marrë masa që e fuqizojnë Serbinë

    Haradinaj: Kurti ka hyrë në një rrugë humbëse, i është kërkuar të mos marrë masa që e fuqizojnë Serbinë

    Kryetari i AAK-së, Ramush Haradinaj, në emisionin CONTEXT në ATV, tha se kërkesa e ndërkombëtarëve ndaj kryeministrit Kurti ka qenë që të mos ndërmarrë masa që e fuqizojnë Serbinë, që kjo e fundit më pas të ankohet se pala kosovare nuk po sillet mirë.

    Ai ka thënë se këto kërkesa kanë qenë të aleatëve perëndimore dhe se nuk janë nga Rusia e Kina, sepse, po të ishin nga këto dy vende, ai vetë do të ishte përkrah kryeministrit Kurti.

    “I kanë thënë hajde ta gjejmë zgjidhjen edhe i kanë thënë menjëherë nuk është zgjidhje përfundimtare, nuk është zgjidhje të qëndrueshme, i kanë thënë po ashtu, mos ndërmerr masa të tjera që e fuqizon Serbinë për me u anku qysh ne po sillemi keq. Të gjitha këto nuk janë ka t’i thotë Rusia edhe Kina, me kanë Rusia e Kina, unë isha bo bashkë me Albinin. Rusia kur ka qernë e fortë, Serbia ende pa e pas Amerikën, na i kena dalë përballë Serbisë, po edhe kur i kemi dalë përballë Serbisë, mijëra njerëz janë kanë mobilizu dhe e marrë përkrahjen e këtyre faorcave, mijëra njerëz, shqiptarët, kanë punuar në tana drejtimet, miqtë, veç me e marrë përkrahjen e këtyre forcave. Kur e ke pas këtë përkrahje të marrne për me e zbatu një detyrë tëndën si shtet me e zbatu një detyrë që ta kanë pranuar këta, pse po e humbim, duhet t’ia shtrojmë këtë pyetje vetes”, tha Haradinaj.

    Sipas tij,Kurti me veprimet që po bën në veri të vendit, ka hyrë në një rrugë humbëse.

    “Kurti nuk është në nivel të përgjegjësisë së vet. Ai njeri është dashtë me i thirrë nja 20 vetë të mençur të këtij vendi, me ba analizë me e pa se ku po dalim. Edhe pse është vonë, unë prapë iu kisha përgjigje takimit. O zotëri, ku je kah shkon, me këto veprime që ku je kah mbrrinë. Unë nuk po e kuptoj justifikimin. E sheh qe ke hyrë në rrugë humbëse edhe e sheh që je kah i rritë pasojat edhe nuk do të jetë rezultati më i mirë në veri se nuk ka si me ndodh”, tha Haradinaj. /atvlive.tv

    Emisionin e plotë e gjeni në videon më poshtë:

  • Armët në veri, Kurti thotë se e vërteta do të zbulohet shpejt

    Armët në veri, Kurti thotë se e vërteta do të zbulohet shpejt

    “Ka armë që kontrabandohen përtej kufirit nga Serbia në kishat ortodokse me ambulanca. Kur trupat tona janë vënë në dijeni për këtë dhe janë përpjekur të marrin leje për të shkuar dhe për t’i marrë ato, procesi i lejes zgjati shumë. Në momentin kur kishte leje ndodhi e papritura, një ambulancë veçse kishte shkuar në kishë dhe i kishte nxjerrë jashtë përsëri të gjitha armët.”

    Për këtë deklaratë të deputetes britanike, gjatë një diskutimi në kuadër të “Javës së Përkujtimit të Srebrenicës” në Londër, janë në dijeni institucionet e Kosovës.

    Teksa paralajmëroi takim me përfaqësuesit e KFOR-it, Kryeministri Albin Kurti tha se e vërteta për këtë rast duhet të zbardhet brenda javës.

    “Tash jemi duke grumbulluar të dhëna. Dhe unë nuk është mirë të jap informacion për informacionin ende të paplotësuar, por brenda kësaj jave duhet të dihet kjo çështje”, tha Kurti.

    Megjithatë, nga KFOR-i, gjatë ditës thanë se prezenca e supozuar e armëve ilegale është raportuar edhe në këtë institucion, por pas hetimeve, nuk kanë gjetur asnjë provë që dëshmon atë që deputetja ka deklaruar.
    Sipas njoftimit për media të KFOR-it në Kosovë, deputetja që kryeson Komisionin për Politikë të Jashtme në Parlamentin e Britanisë së Madhe, e kishte fjalën për një ngjarje që kishte ndodhur në vitin 2022, duke theksuar se rasti është nën përgjegjësinë e autoriteteve kosovare të sigurisë.

    “Kjo ngjarje që është përmendur nga deputetja britanike, i referohet vitit 2022 kur Batalioni Mbretëror Fusilier [regjiment ushtarak britanik] u punësua në veri të Kosovës, në mbështetje të misionit të KFOR-it. Nuk ka asnjë dëshmi edhe në lidhje me kontrabandën e supozuar, të kryer përmes vijës kufitare administrative ndërmjet Kosovës dhe Serbisë, në kishat ortodokse me autoambulanca. Ky lloj aktiviteti i takon sundimit të ligjit, që është nën përgjegjësinë e institucioneve të sigurisë së Kosovës”, thuhet në njoftimin e KFOR-it.

    Sipas juristëve dhe njohësve të fushës së sigurisë, publikimi i kësaj videoje e deklaratat e deputetes britanike, duhet t’i vënë në alarm dikasteret përgjegjëse, të cilat, sipas tyre, duhet ta trajtojnë rastin me kujdes të shtuar.

    Para dy javësh, Policia e Kosovës kishte gjetur në Zveçan, në një veturë me targa të Beogradit një sasi armësh, përfshirë, 1 predhë e minahedhësit dhe 21 granata dore, prodhim serb.

    Sipas institucioneve kosovare, policia arriti të parandalojë një sulm terrorist, teksa kjo sasi e armëve thanë se është deponuar nga strukturat ilegale, që pastaj të përdoret për sulme terroriste.

    Disa ditë më pas, Qeveria e Kosovës i shpalli organizata terroriste dy grupet nga veriu, “Mbrojtjen civile” dhe “Brigadën e Veriut”. /atvlive.tv

    Edicionin Qendror të lajmeve në ATV e gjeni në videon më poshtë:

  • Edi Rama nesër në Prishtinë, Kurti vendos kushte për takim

    Edi Rama nesër në Prishtinë, Kurti vendos kushte për takim

    Turneu ballkanik, në kuadër të përgatitjeve të Procesit të Berlinit, kryeministri i Shqipërisë, Edi Rama, do ta sjellë edhe në Kosovë.

    Pa dhënë detaje rreth agjendës, qeveria shqiptare, për ATV-në, tha se Rama të enjten dhe të premten do të qëndrojë në Prishtinë.

    Por, gjasat që të takohet me kryeministrin Albin Kurti, janë të vogla. Kryeministri kosovar nuk e sheh të arsyeshme një takim bilateral pa u mbajtur mbledhja e dy qeverive, e cila ishte planifikuar të mbahej më 14 qershor në Gjakovë, por u anulua nga kryeministri Edi Rama.

    “Nuk lëngon raporti Kosovës-Shqipëri, por edhe demokracia, paqja e siguria në Ballkan pse nuk takohet kryeministri i Kosovës me atë të Shqipërisë, por për shkak se mbledhjet e të dy qeverive tona janë anuluar paarsyeshëm. Unë e konsideroj të nevojshme mbledhjen e dy qeverive, por jo takime të tjera”, tha Kurti.

    Këtë qëndrim të kryeministrit kosovar, homologu shqiptar nuk e komentoi gjatë ditës, veçse tha se do të flasë më gjerësisht në Prishtinë.

    “Jam këtu vetëm për këtë vendim. Sa i përket vajtjes nesër në Prishtinë dhe turit, do të flas kur është koha për të folur që është nesër në Prishtinë”, tha Rama.

    Derisa nuk është e qartë se me kë do të takohet gjatë qëndrimit në Prishtinë, kryetari i LDK-së, Lumir Abdixhiku, tha se kryeministri Edi Rama është i mirëseardhur gjithmonë.

    Kurse, pas Kosovës, Rama viziton Maqedoninë e Veriut, Bosnjën, Malin e Zi dhe Serbinë.

    Teksa deklaroi se “Ballkani i Hapur” përfundoi misionin, kreu i qeverisë shqiptare tha se gjatë këtij turi do të informojë krerët e shteteve ballkanike për përgatitjet që po bën Shqipëria, për të pritur samitin e Procesit të Berlinit që mbahet në Tiranë në tetor të këtij viti. /atvlive.tv

    Edicionin Qendror të lajmeve në ATV e gjeni në videon më poshtë: