Qarkullimi i automjeteve në dalje të pikës kufitare Jarinje është rikthyer në normalitet rreth orës 12:35 të së hënës.
Sipas njoftimit të Qendrës Kombëtare për Menaxhim Kufitar, lëvizja e automjeteve është lejuar sërish pasi kompania për mirëmbajtjen e rrugëve në anën e Serbisë ka përfunduar punimet që po zhvilloheshin më herët.
Megjithatë, si pasojë e bllokimit të mëparshëm, është krijuar një kolonë automjetesh rreth 1.5 kilometra e gjatë, ndërsa pritjet për kalim në kufi arrijnë deri në dy orë.
Autoritetet u bëjnë thirrje qytetarëve që për informata shtesë të kontaktojnë Qendrën Kombëtare për Menaxhim Kufitar në numrat 045 198 000, 045 198 606 ose në numrin pa pagesë 0800 50095.
Leave a Reply