Këngëtari Agim Poshka në emisionin “LIBERO” shkroi një letër publike të pazakontë, të cilën e lexoi në rubrikën “Letër vetes”, por që në fakt ia drejtoi kolegëve të tij në industrinë muzikore.
Në një mesazh të drejtpërdrejtë, Poshka ngriti shqetësimin për degradimin e muzikës shqiptare, duke e cilësuar fenomenin e tallavasë si një “virus” që po dëmton kulturën dhe estetikën muzikore.
Ai kritikon ashpër muzikantët që, sipas tij, justifikohen me kërkesën e publikut. “Mos u fshihni pas fjalëve se ‘populli këtë kërkon’. Shija e publikut është pasqyra e asaj që ne prodhojmë”, thekson Poshka, duke e kthyer vëmendjen nga konsumatori te vetë krijuesit.
Poshka shkon edhe më tej, duke ngritur pyetje të forta për brezin aktual të artistëve: “A doni të mbaheni mend si brezi që e këputi zinxhirin mijëvjeçar të traditës vetëm për pak para më shumë?”
Në fund të letrës, Poshka bën thirrje për rikthim te rrënjët dhe ruajtje të identitetit kulturor…
Letra e tij, ishte e shoqëruar në fund me hashtagun #AntiTallava!
Për ta dëgjuar intervistën e plotë të Agim Poshkës, klikoni linkun e mëposhtëm:
Leave a Reply