ATV

Blog

  • Kurti në Londër takohet me Ministrin e Shtetit për Mbrojtje, diskutohet bashkëpunimi ushtarak

    Kurti në Londër takohet me Ministrin e Shtetit për Mbrojtje, diskutohet bashkëpunimi ushtarak

    Kryeministri i vendit, Albin Kurti, në kuadër të vizitës zyrtare në Mbretërinë e Bashkuar, mbrëmë u prit në darkë nga Ministri i Shtetit për Mbrojtje, Lord Vernon Coaker, në “Naval and Military Club”, në Londër.

    Gjatë darkës, si֛ç ka njoftuar ZKM-ja, Kurti e falënderoi Lordin Coaker për mbështetjen historike të Mbretërisë së Bashkuar ndaj Kosovës, duke përmendur në veçanti, ndihmën ndaj refugjatëve, rolin e Gjeneralit Michael Jackson në çlirim, si dhe pas luftës në shtet-ndërtim, zhvillim dhe integrim.

    “Kryeministri Kurti theksoi se Kosova dëshiron të ketë bashkëpunim edhe më të ngushtë ushtarak dhe të mbrojtjes, në drejtim të vlerave dhe qëllimeve të përbashkëta. Në këtë kontekst, ai përmendi bashkëpunimin në fusha specifike, si bashkëzbarkimet, trajnimet dhe zhvillimin e kapaciteteve”, thuhet në njoftimin nga Zyra e Kryeministrit për media.

  • Time Kadriaj për Donika Gërvallën: Mos ta faltë Zoti evladin e keq, se mundet me ta fëlliqë edhe emrin e familjes

    Time Kadriaj për Donika Gërvallën: Mos ta faltë Zoti evladin e keq, se mundet me ta fëlliqë edhe emrin e familjes

    Deputetja e AAK’së, Time Kadriaj, ka thënë se arsyeja pse nuk iu kundërpërgjigjën Ministres Donika Gërvalla, lidhur me fjalët me të cilat iu drejtua Kreut të kësaj partie, Ramush Haradinajt, në seancën e kaluar, ishte meqë e respektojnë për shkak të Jusuf Gërvallës.

    Duke folur për Gërvallën, Kadriaj tregoi edhe një bisedë që kishte pasur me një ish-ushtar të UÇK’së i cili e kishte pyetur se pse nuk iu kundërpërgjigj Gërvallës, teksa përdori edhe një fjalë të urtë popullore.

    “E respektojmë për shkak të Jusuf Gërvallës. Një mesazh për Donikën: Mjaftë, çka është mjaftë dhe boll me këto fyerje. Po ka thanë edhe një fjalë e urtë popullore: Mos ta faltë Zoti evladin e keq, se mundet me ta fëlliqë edhe emrin e familjes”, tha Kadriaj.

    Pas fjalës së saj, në Kuvend u dëgjuan disa duartrokitje.

    Në seancën e para dy javësh në Kuvend, Gërvalla i kërkoi Haradinajt që të ulet në vendin e tij, meqë ai po kritikonte kryeministrin Albin Kurti.

  • Jericole Hellems MVP i xhiros së 28-të në Procredit Superligë

    Jericole Hellems MVP i xhiros së 28-të në Procredit Superligë

    Sezoni i rregullt në Superligën e Kosovës në basketboll u mbyll pas 28 xhirove të mbushura me ndeshje dramatike, emocione dhe paraqitje të forta individuale që e bënë këtë edicion një nga më të veçantët e viteve të fundit.

     

    Në xhiron e fundit, spikati Jericole Hellems i Vëllaznimit, i cili në ndeshjen ndaj Pejës realizoi 22 pikë, 8 kërcime dhe 8 asistime, duke arritur indeksin më të lartë të javës (30). Ai ka qenë një nga lojtarët kryesorë të skuadrës gjakovare gjatë gjithë sezonit.

     

    Trepça arriti fitore ndaj Sigal Prishtinës, ku u dalluan Akili Vining dhe Drilon Hajrizi. Vining regjistroi 22 pikë, 3 kërcime dhe 9 asistime, ndërsa Hajrizi kontribuoi me 19 pikë, 7 kërcime dhe 1 asistim.

     

    Bashkimi triumfoi ndaj Borës, në një ndeshje pa ndikim në renditje, me Jalen Riley që ishte më i miri në parket me 22 pikë, 5 kërcime dhe 5 asistime.

     

    Rahoveci 029 siguroi një nga fitoret më të rëndësishme të sezonit, duke mposhtur Golden Eagle Yllin pas vazhdimeve. Në këtë duel u dallua Kentrell Pulliam me 25 pikë, 7 kërcime dhe 6 asistime.

     

    Në përfundim të javës, Jericole Hellems u shpall lojtari më i mirë (MVP), falë paraqitjes së tij të kompletuar me 22 pikë, 8 kërcime dhe 8 asistime, si dhe indeksit 30.

     

    Top 5-shja e javës u plotësua nga Jalen Riley, Akili Vining, Drilon Hajrizi dhe Kentrell Pulliam, të cilët gjithashtu patën performanca shumë të mira në ndeshjet përkatëse

  • Kuvendi miraton Rezolutën për të vërtetën dhe dinjitetin e viktimave të luftës

    Kuvendi miraton Rezolutën për të vërtetën dhe dinjitetin e viktimave të luftës

    Kuvendi i Kosovës ka miratuar Rezolutën për të vërtetën dhe dinjitetin e viktimave të luftës.

    Rezoluta u miratua me 90 vota për, asnjë kundër, asnjë abstenim.

    Kjo rezolutë u propozua nga Partia Demokratike e Kosovës pas ekspozitës me pasaktësi mbi masakrat në Kosovë të Shkëlzen Gashit në sheshin e Prishtinës, e cila u hoq më pas nga Komuna e Prishtinës.

  • Kuvendi s’e miraton rezolutën e propozuar nga LDK, s’merr mbështetje nga VV

    Kuvendi s’e miraton rezolutën e propozuar nga LDK, s’merr mbështetje nga VV

    Kuvendi i Kosovës s’ka miratuar Propozim-Rezolutën për rritjen e çmimeve të naftës, mungesa e ndërhyrjes së Qeverisë dhe ndikimi i drejtpërdrejtë në koston e jetesës si dhe stabiliteti ekonomik i vendit.

    Kjo rezolutë u propozua nga LDK-ja dhe s’mori mbështetjen e deputetëve të Vetëvendosjes.

    Për të votuan 49 deputetë kundër, 34 për dhe shtatë abstenime.

    Rezoluta mori mbështetjen edhe të dy partive tjera opozitare, PDK dhe AAK.

  • FIFA rrit sërish çmimet e biletave për Kupën e Botës-Vendet premium arrijnë mbi 4 mijë dollarë

    FIFA rrit sërish çmimet e biletave për Kupën e Botës-Vendet premium arrijnë mbi 4 mijë dollarë

    Kupa e Botës ende nuk ka filluar, por debati për çmimet e biletave po bëhet gjithnjë e më i nxehtë. Sipas raportimeve të Associated Press, FIFA ka rritur sërish kostot për ndjekjen e ndeshjeve nga stadiumi, duke shtuar një kategori të re biletash më ekskluzive.

    Bëhet fjalë për vendet “e rreshtit të parë”, të cilat konsiderohen si më premium në stadium dhe ofrojnë pozicionin më të afërt me fushën. Çmimi i tyre shkon deri në 4.105 dollarë, duke e bërë këtë një nga opsionet më të shtrenjta ndonjëherë për një ndeshje të Kupës së Botës.

    Më herët, biletat e klasit të parë kishin arritur deri në 2.735 dollarë, por me këtë përditësim të ri, kostoja për tifozët që duan përvojën më të afërt me lojën është rritur ndjeshëm.

    Rritja e çmimeve ka shtuar debatet rreth aksesueshmërisë së turneut për tifozët e zakonshëm.

  • Lëndohet talenti i ri i Bayern Munich Lennart Karl para përballjeve të rëndësishme

    Lëndohet talenti i ri i Bayern Munich Lennart Karl para përballjeve të rëndësishme

    Bayern Munich është përballur me një lajm jo të mirë në prag të ndeshjeve të rëndësishme të sezonit. Talenti i ri i skuadrës bavareze, Lenart Karl, ka pësuar një lëndim muskulor gjatë seancave stërvitore, duke vënë në pikëpyetje praninë e tij në sfidat e ardhshme.

    Sipas informacioneve të para, Karl ka ndjerë shqetësime gjatë stërvitjes dhe pas ekzaminimeve mjekësore është konfirmuar një dëmtim në muskuj. Edhe pse stafi mjekësor i klubit ende nuk ka bërë të ditur kohëzgjatjen e saktë të rikuperimit, është pothuajse e sigurt se ai do të mungojë në ndeshjen e radhës ndaj St. Pauli, si dhe në përballjen shumë të rëndësishme kundër Real Madrid.

    Mungesa e tij konsiderohet një goditje për Bayernin, pasi Karl është parë si një nga lojtarët më premtues të akademisë dhe një opsion i vlefshëm për trajnerin në rotacionin e skuadrës së parë. Aftësitë e tij teknike, shpejtësia dhe vizioni në lojë e kanë bërë atë të dallohet në paraqitjet e fundit, duke fituar besimin e stafit teknik dhe tifozëve.

    Në një periudhë kur ndeshjet janë të ngjeshura dhe çdo detaj ka rëndësi, mungesa e një lojtari të ri me potencial si Karl mund të ndikojë në thellësinë e skuadrës. Megjithatë, Bayern Munich mbetet një ekip me alternativa të shumta dhe pritet që trajneri të bëjë rregullimet e nevojshme për të përballuar këto sfida.

    Tani vëmendja është përqendruar te rikuperimi i lojtarit, me shpresën që ai të kthehet sa më shpejt në fushë dhe të vazhdojë zhvillimin e tij si një nga yjet e së ardhmes për klubin bavarez.

  • Los Angeles Lakers rikthehet te fitorja-Mundin Golden State Warriors në transfertë

    Los Angeles Lakers rikthehet te fitorja-Mundin Golden State Warriors në transfertë

    Skuadra e Los Angeles Lakers është rikthyer te fitorja në NBA pas tri humbjeve radhazi, duke mposhtur 119-103 Golden State Warriors në transfertë. LeBron James ishte më i miri në parket për Lakers, me 26 pikë të shënuara.

     

    Fitore të lehtë siguroi edhe Houston Rockets, që falë 29 pikëve të Kevin Durant mposhti 113-102 Philadelphia 76ers.

     

    Në Konferencën e Lindjes, New York Knicks triumfuan 112-106 ndaj Boston Celtics, në një përballje direkte për vendin e dytë. Dyshja Josh Hart – Jalen Brunson realizoi së bashku 51 pikë për ekipin nga Nju Jorku.

     

    Ndërkohë, Toronto Raptors mundën 128-114 Miami Heat, në një sfidë ku shkëlqeu Brandon Ingram me 38 pikë.

     

    Fitore në transfertë arriti edhe Chicago Bulls, që mposhtën 119-108 Washington Wizards. Më i dalluari për Bulls ishte Tre Jones me 31 pikë.

     

    Pa shumë ndikim në renditje ishte edhe fitorja e Indiana Pacers, që mundën 123-94 Brooklyn Nets. Obi Toppin ishte realizuesi më i mirë me 26 pikë.

  • Deputeti i VV-së e ngatërron Haxhiun me Osmanin, dikush nga deputetët: “Kanë me të mytë që ke gabu”

    Deputeti i VV-së e ngatërron Haxhiun me Osmanin, dikush nga deputetët: “Kanë me të mytë që ke gabu”

    Deputeti i Vetëvendosjes, Enver Haliti, kur mori fjalën e tij në Kuvend, tentoi që ta përshëndeste kryetaren e Kuvendit, Albulena Haxhiu, edhe me funksionin e saj të ushtrueses së detyrës së presidentes, por i ngatërrua.

    Në vend të emrit të saj, ai tha Vjosa Osmani, presidentja e Kosovës, e cila e përfundoi mandantin e saj së fundmi.

    “E nderuara kryetare e Kuvendit dhe ushtruese e detyrës së presidentes, zonja Vjosa Osmani, Vjosa… Albulena Haxhiu”.

    Ky gabim ingjalli të qeshura dhe reagime në Kuvend, e madje dikush nga deputetët opozitarë u dëgjua duke i thënë: “O kanë me të mytë që ke gabu”.

    Duke qeshur, ai më pas tha “Ish-presidente”.

  • “Pacientët po presin korridoreve” – Kadrijaj kritikon gjendjen në shëndetësi

    “Pacientët po presin korridoreve” – Kadrijaj kritikon gjendjen në shëndetësi

    Deputetja nga radhët e AAK-së, Time Kadrijaj, ka folur në seancën e Kuvendit lidhur me gjendjen në sektorin e shëndetësisë.

    Ajo tha se pacientët përballen me lista të gjata pritjeje për trajtim, ndërsa situata bëhet edhe më e rënduar në repartet emergjente.

    “Sot po dua të ngre shqetësime pikërisht për shëndetësinë. Listat për pacientë janë të gjata dhe po presin për trajtime. Nëse shkojmë në urgjencë, aty mblidhen pacientë nga e gjithë Kosova dhe kemi vetëm katër krevate”.

    “Mos të flasim për intensivën qendrore… gjithmonë duke e vlerësuar punën e madhe të personelit shëndetësor, por ka aq pak krevate sa pacientët presin nëpër korridore, edhe kur janë në gjendje të rëndë shëndetësore”, tha mes tjerash ajo.