Blog

Presidentja e Kosovës, Vjosa Osmani ka takuar sot në Moldavi presidentin e Ukrainës, Volodymyr Zelenskyn, të cilit i ka shprehur solidaritetin e plotë të Kosovës.

Osmani ka potencuar se askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës.

“Asgjë nuk mund të pengojë vullnetin e një populli për të qenë i lirë.”, ka shkruar Osmani në Twitter.

At times when it matters where you stand, I expressed our full solidarity to President @ZelenskyyUa. No one understands Ukraine’s pain, struggle and resilience better than the people of Kosovo.

Nothing can stand in the way of a people’s will to be free. 🇽🇰🇺🇦 #SlavaUkraini pic.twitter.com/tEJ3Q5i57X

— Vjosa Osmani (@VjosaOsmaniPRKS) June 1, 2023

Liderët e Bashkimit Evropian dhe të vendeve të tjera evropiane po takohen në Kishinjev të Moldavisë për të diskutuar çështje të ndryshme, përfshirë tensionet në veri të Kosovës.

Samiti filloi me një fjalim e Presidentit të Ukrainës, Volodymyr Zelensky.

Në foton e shpërndarë nga Blerim Vela në Twitter, shihet edhe presidentja Vjosa Osmani e ulur mes Emmanuel Macron dhe Olaf Scholz.

Në skaj, ajo ka homologun serb, Aleksandar Vuçiq, për të cilin ka thënë se nuk e ka në plan që ta takojë, pas zhvillimeve në veri vendit. /atvlive.tv

The EPC Summit in Chisinau starts with a passionate speech by President @ZelenskyyUa in front of heads of state of 47 European countries. A great show of support and solidarity with people of Ukraine. Democracies will prevail against war of aggression by a hegemonic country. 🇽🇰🇺🇦 pic.twitter.com/bmu8s4pPYM

— Blerim Vela (@Blerim_Vela) June 1, 2023

Në një konferencë të përbashkët për shtyp me homologen hungareze, Katalin Novak, presidenti i Shqipërisë, Bajram Begaj ka folur për situatën e tensionuar në veri të Kosovë, ku shprehet se është e patolerushme dhuna e ushtruar ndaj KFOR-it dhe mediave.

Sipas tij nuk ka asnjë justifikim për të dyja palët për moszbatimin e marrëveshjes së dakordësuar publikisht në Bruksel dhe anekseve të saj në Ohër.

“Nuk janë në shërbim të askujt dhe për më tepër pengojnë proceset integruese ne BE. Për ne misioni i NATO-s në Kosovë, KFOR është një histori suksesi prej 21 vitesh dhe me presidenten ndamë të njëjtin mendim që ky mision e ka kryer misioni me përgjegjshmëri dhe pa anësi, me përkushtim të jashtëzakonshëm”.

“Keqpërdorimi i popullatës serbe ndaj Kosovës dhe dhuna e ushtruar ndaj KFOR dhe medias është e patolerueshme, Asnjë pretekst nuk nxirret për të justifikuar asnjërën nga palët për moszbatimin e marrëveshjes të dakordësuar publikisht në Bruksel dhe anekseve të saj në Ohër. Mendoj që në këtë moment nevojitet një ç ‘tensionim i situatës, të tregohet maturi dhe durim dhe t’i shërbehet zgjidhjes së problemit dhe të jetë busulla e orientimit të dy vendeve për arritjen e asaj marrëveshjes që është dakordësuar. Në këto momente duhet t’i kërkohet durim dhe maturi dhe përkushtim në angazhimet që ata kanë marrë në të mirë të mirëqenies të dy vendeve dhe rajonit”, është shprehur Begaj.

Kuvendi i Kosovës nesër pritet të mbajë një seancë të veçantë, ku pikë e vetme e rendit të ditës do të jetë situata në veri të vendit.

“Betimi për Drejtësi” ka siguruar ftesën e kryetarit të Kuvendit, Glauk Konjufcës dërguar deputeteve për mbajtjen e kësaj seance, ku pritet të zhvillohet debat parlamentar për situatën në veri të Kosovës pas protestave të dhunshme në tri komunat në veri.

Në mbledhjen e djeshme të Kryesisë së Kuvendit, grupet parlametnare opozitare kërkuan që sa më shpejt Kuvendi të mblidhet, duke kërkuar që në këtë seancë i pranishëm të jetë edhe kryeministri Kurti dhe të raportojë mbi situatën dhe qëndrimet e tij.

Kujtojmë se protestat në tri komuna në veri të vendit filluan më 26 maj, kur grupe të serbëve lokalë u grumbulluan para objekteve komunale për të protestuar kundër hyrjes së kryetarëve të rinj shqiptarë të Zveçanit, Zubin Potokut dhe Leposaviqit në to.

Zgjedhjet në katër komunat në veri, të banuara me shumicë serbe u mbajtën më 23 prill pas dorëheqjes së kryetarëve nga radhët e Listës Serbe – partisë më të madhe të serbëve të Kosovës, në nëntor të vitit të kaluar.

Zgjedhjet u bojkotuan nga popullata shumicë serbe në atë zonë, që tani nuk i pranon kryetarët e rinj.

Përshkallëzimi në veri kulmoi të hënën, më 29 maj, kur trupat paqeruajtëse të KFOR-it ndërhynë në Zveçan “për të shmangur përplasjet mes palëve dhe për të minimizuar rrezikun e përshkallëzimit”.

Nga kjo përleshje që ndodhi, 30 ushtarë të KFOR-it u lënduan.

Shtetet e Bashkuara dhe aleatët tjerë perëndimor thanë se përdorimi i forcës minon përpjekjet për normalizimin e marrëdhënieve Kosovë-Serbi dhe bënë thirrje për qetësim të situatës.

Kryeministri Kurti, i ka mbrojtur veprimet e Policisë së Kosovës, e cila ndihmoi instalimin e kryetarëve të rinj shqiptarë në komunat me shumicë serbe në veri të Kosovës, përkundër rezistencës së banorëve lokalë.

Dhjetëra qytetarë janë përgjigjur në thirrjen për protestë tek ura mbi lumin Ibër në Mitrovicë, pavarësisht thirrjeve të institucioneve të Kosovës për të mos e bërë këtë.

Thirrja është bërë përmes rrjeteve sociale dhe Policia e Kosovës ka deklaruar se e njëjta po përhapet nga persona të panjohur dhe profile të dyshimta.

Personat e tubuar kanë kënduar këngë si “besa besë”, “jo nuk ndahet Mitrovica”, si dhe kanë brohoritur “UÇK”.

Kadri Batusha, i cili kishte ardhur nga Prishtina në Mitrovicë, ka thënë se kanë dalur për të treguar mbështetje për Policinë e Kosovës dhe ushtarët e KFOR-it.

“Protesta jonë është qëllimi që kanceri në trup tonë që duan të na instalojnë me u bo Asociacioni, dhe njëkohësisht sa më afër policëve dhe miqëve tanë të KFO-it këtu, në rast nevoje edhe t’i përgjigjemi atdheut. Unë çuditem si munden të tolerojnë që mbi trupin e njomë të këtij shteti që 15 vjet, me shekuj brez pas brezi duke paguar çmimin e lirë, ata që na vranë dje dhe sot u mundësohet të na vrajnë edhe sot”, ka thënë ai.

Ai ka thënë se kryeministri i Kosovës, Albin Kurti, duhet ta dijë qe e ka mbështetjen e qytetarëve.

“Kryeministri Kurti ta dijë se ne na ka, na ka jo vetëm ent ë gjallëve, por edhe që kanë vdekur në vatan, kudo këtu në çdo cep të banesave është Ademi, Zahiri, edhe Haradinajt. Njëkohësisht shfrytëzoj rastin ‘Ramush kthehu në rrugë të Zotit, unë kam besim te ti, atdheut ka nevojë për ty”, ka shtuar ai.

Tubimi ka zgjatur vetëm disa minuta dhe protestuesit janë shpërndarë të qetë.

Para mbledhjes së qytetarëve, ministri i Brendshëm, Xhelal Sveçla, ka bërë thirrje që mos u përgjigjen thirrjeve për protestë në Mitrovicë.

Ai ka deklaruar se këto thirrje janë të dyshimta nga organizime anonime.

Sveçla ka thënë se thirrjet për protestë në jug të Mitrovicës dhe marshim drejt veriut, janë të panevojshme dhe nuk i ndihmojnë Kosovës.

“Thirrjet për protestë në jug të Mitrovicës dhe me synim marshimin drejt veriut të vendit, janë të panevojshme dhe nuk i ndihmojnë Republikës së Kosovës. Përmes këtij organizimi në rrjetet sociale po tentohet të nxiten tubime të panevojshme. Sipas vlerësimeve nga institucionet e sigurisë, kjo thirrje po përhapet nga persona të panjohur dhe profile të dyshimta nëpër rrjetet sociale”, ka shkruar ministri i Brendshëm./kp

Kryetari i Lidhjes Demokratike të Kosovës, Lumir Abdixhiku, e ka pritur në takim ambasadorin e Francës në Kosovë, Olivier Guerot, me të cilin ka diskutuar për situatën aktuale në veri të vendit.

Abdixhiku e ka shprehur qëndrimin e LDK-së duke theksuar domosdoshmërinë e koordinimit të veprimeve me aleatët ndërkombëtar.

“Abdixhiku e njoftoi ambasadorin Guérot për qëndrimet e LDK-së karshi kësaj situate, duke theksuar domosdoshmërinë e koordinimit të veprimeve të institucioneve të Republikës së Kosovës me aleatët tanë si parakusht i stabilitetit afatgjatë”, ka njoftuar LDK, përcjell kp.

Kreu i LDK-së gjithashtu ka theksuar nevojën e mbështetjes ndaj institucioneve të rendit në Kosovë, me qëllim të garantimit të sigurisë së institucioneve dhe të qytetarëve përballë rrezikut të dhunës së krijuar nga bandat kriminale në veri të vendit.

Numri i protestuesve në Zveçan sot është më i vogël, krahasuar me ditët e tjera.

Situata është e qetë, shkruan KosovaPress

Në tri komunat veriore të vendit, Zveçan, Leposaviq dhe Zubin Potok, serbët po protestojnë edhe sot.

Dje, në Zveçan situata herë pas here është tensionuar, ndërsa nuk kanë munguar sulmet ndaj ekipeve të gazetarëve.

Protestuesit serbë po kundërshtojnë hyrjen e kryetarëve shqiptarë në ndërtesat komunale.

Situata në këto komuna është tensionuar të premten e 26 majit kur kryetarët e betuar janë detyruar të hyjnë në zyrat e tyre të punës nën asistencën e Policisë së Kosovës.

Të hënën (29) protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.

Si pasojë e protestave të dhunshme, janë plagosur 30 ushtarë të KFOR-it, ndërkohë që serbët kanë sulmuar edhe Policinë e Kosovës dhe gazetarët.

Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa anuluan edhe pjesëmarrjen e vendit në një stërvitje ushtarake të NATO-s “Defender 23”, pasi Prishtina refuzoi t’i tërheqë kryetarët e komunave dhe forcat e saj policore nga veriu i vendit.

Gjatë ditës së djeshme, disa të rinj mbanin bluza të grupit famëkeq Wagner.

Ata endeshin nëpër veri krahas turmës së proteuseve.

Nuk dihet nëse ata vërtetë janë pjesë e këtij grupi, apo motivet po i mbanin me qëllim në veshjet e tyre për të shkaktuar amulli tek të gjithë.

Megjithatë dyshimet se grupi Wagner ndodhet në veri tash e një kohë janë ngritur para disa muajsh.

VIDEO

Edhe në shkurt të këtij viti, kryeministri i vendit, Albin Kurti, deklaroi se, përreth Kosovës, ekzistojnë 48 baza operative, disa prej tyre ushtarë të grupit Wagner të Rusisë, e të tjera të “Ujqërve të Natës”.

“Serbia është bërë më agresive ndaj Kosovës pas pushtimit rus [në Ukrainë]. 48 baza operative janë përreth Kosovës, prej tyre 28 baza ushtarake e 20 xhandarmëri, ku janë parë mercenarë të Ëagnerit dhe Ujqërit e Natës”, deklaroi Kurti në intervistë për “France 24”.

E ditë më parë, kur në veri situate doli jashtë kontrollit për shkak të 4 kryetarëve shqiptarë të zgjedhur nëpër komunat serbe, kompania izraelite “Terror Alarm”, në një cicërimë të saj, mbrëmë ka thënë se “Grupi terrorist Wagner është nisur për në Kosovë”.

Kompania që lëshoi njoftimin është e njohur për paralajmërimet e autoriteteve për sulmet terroriste dhe parandalimin e shumë prej tyre në kulmin e sulmeve të ISIS në Evropë të viteve 2014-2017, raporton KosovaPress.

Sipas “Terror Alarm”, informacioni është siguruar nga OpenSource Intelligence, përkatësisht nga monitorimi i kanalit të PMC Ëagner në Telegram.

Postimi në llogarinë  e tëitterit, “Terror Alarm” e bëri pas eskalimit të situatës në Zveçan, ku grupe kriminale serbe sulmuan KFOR-in dhe Policinë e Kosovës, me ç’rast mbetën të plagosur dhjetëra pjesëtarë të KFOR-it.

Që nga e premtja, serbët në veri të Kosovës janë duke protestuar kundër kryetarëve të rinj të dalë nga zgjedhjet e 23 prillit.

Kryeministri i Maqedonisë së Veriut, Dimitar Kovaçeski, ka bërë thirrje për de-eskalim të situatës në veri të Kosovës. Ai ka thënë se të githa mosmarrëveshjet duhet të zgjidhen me rrugë diplomatike, derisa ka theksuar se paqja në Kosovë është paqe për Ballkanin Perëndimor, transmeton KP.

Kryeministri i Maqedonisë së Veriut ka folur në margjinat e samitit të liderëve evropian në Moldavi.

“Ne kemi një qëndrim shumë të qartë se të gjitha mosmarrëveshjet duhet të zgjidhen me rrugë diplomatike sepse paqja në Kosovë është paqe edhe për Ballkanin Perëndimor. Mendoj se koha e konflikteve është shumë prapa nesh. Pra, zbatimi i marrëveshjeve tashmë të dakorduara ndërmjet Kosovës dhe Serbisë si dhe aneksi i planit të zbatimit duhet të jetë imperativ për politikanët nga të dyja vendet, ne bëjmë thirrje për de-eskalim dhe për vazhdimin e komunikimit midis dy vendeve me ndihmën e Bashkimit Evropian dhe Shteteve të Bashkuara të Amerikës”, ka thënë ai./