ATV

Blog

  • Zbulohet për herë të parë fytyra e faraonit Tutankhamun

    Zbulohet për herë të parë fytyra e faraonit Tutankhamun

    Kërkuesit kanë përdorur risitë teknologjike për të rikrijuar për të parën herë në mënyrë dixhitale, fytyrën e faraonit egjiptian Tutankhamun, i cili sundoi Egjiptin gjatë Dinastisë së 18-të nga mosha 9 vjeç deri në vdekjen e tij në moshën 19-vjeçare.

    Për qindra vjet, shkencëtarët janë përpjekur të kuptojnë se si dukej faraoni, por vetëm 3300 vjet më vonë, ekipe ekspertësh nga Australia, Italia dhe Brazili kanë përdorur teknologjinë për të rikrijuar fytyrën e Mbretit Tut.

    Gjetjet u prezantuan në një studim të ri që së shpejti do të botohet në Gazetën Italiane të Anatomisë dhe Embrionologjisë.

    Studiuesit përdorën modele dixhitale dhe matje të para-regjistruara të kafkës së mumifikuar të faraonit për të gjeneruar fytyrën dhe rezultatet mahnitëse.

    “Ai duket si një djalë i ri me një fytyrë delikate”, tha eksperti brazilian dhe bashkëautori Cicero Moraes.

    “Duke e parë më shumë shohim një student të ri sesa një politikan plot përgjegjësi, gjë që e bën figurën historike edhe më interesante”, konstatoi Moaraes, duke vënë në dukje se modelimi ishte sfidues sepse ekipi nuk kishte akses të drejtpërdrejtë në kafkën e faraonit të ndjerë.

    “Ishte një punë detektive, ku gjurmët e informacionit ishin bashkuar për të na siguruar një model tredimensional të kafkës. Me të dhënat e proporcionit dhe disa matje të rëndësishme cefalometrike, ishte e mundur të merrej kafka dixhitale e një dhuruesi virtual dhe ta rregullonte atë në mënyrë që të bëhej kafka e Tutankhamenit”, shpjegoi Moraes.

    Duke përdorur metodën e tyre, ekipi ishte në gjendje të zbulonte madhësinë e buzëve të Tutit, pozicionin e bebes së syrit, lartësinë e veshëve dhe madje edhe pjesën e përparme të hundës.

    Dizajneri grafik vuri në dukje se ekipi është i sigurt se ka përputhshmëri të mirë me fytyrën e vërtetë në strukturën e përgjithshme.

    “Rindërtimi ynë është jashtëzakonisht i afërt me atë të bërë nga një ekip francez disa vite më parë, në 2005. Korrespondon gjithashtu me përshkrimet e lashta të Tutankhamunit, veçanërisht me kokën në lulen e zambakut nga thesari i varrit të tij“, tha Michael Habicht, një egjiptolog dhe arkeolog në Universitetin Flinders në Australi dhe bashkëautor i studimit./atvlive.tv/

     

  • Kryeqyteti i parë në botë i mbrojtur nga UNESCO

    Kryeqyteti i parë në botë i mbrojtur nga UNESCO

    Kryeqyteti i Ekuadorit, Quito, shihet nga udhëtarët vetëm si një vendndalim gjatë rrugës së tyre për në Ishujt Galapagos.

    Qyteti është një metropol i nënvlerësuar, ndonëse shumë i pasur me histori dhe atraksione të veçanta, si arkipelagu i Ekuadorit.

    I ngritur mbi hirin e një qyteti Inka, Quito u themelua nga spanjollët në 1534 dhe mbetet një nga shembujt më të paprekur të arkitekturës koloniale spanjolle në hemisferën jugore.

    Qendra historike është aq mahnitëse dhe e ruajtur mirë, ndaj Quinto ishte kryeqyteti i parë në botë që u rendit si një sit i Trashëgimisë Botërore të UNESCO-s, në vitin 1978.

    Mënyra më e mirë për të filluar eksplorimin e qytetit të vjetër është në Plaza de la Independencia ose Plaza Grande, siç njihet për vendasit.

    Sheshi me pemë palme është një mikrokozmos i vërtetë i jetës në Quito.

    Aty, gratë ulen e bisedojnë teksa fëmijët luajnë me njëri-tjetrin rreth shatërvanit kryesor, ndërsa grupe burrash ulen në stola për të luajtur letra.

    Rrugës sigurisht nuk i mungojnë artistët dhe shitësit ambulantë.

    Në Quito, tri kisha meritojnë vëmendje të veçantë.

    Kisha dhe Manastiri i San Franciskos, është ndërtesa më e madhe koloniale në qytet dhe ka pamje nga një shesh që mban emrin e tij.

    Kompleksi fetar strehon një kishë katolike, një manastir, një bibliotekë të madhe dhe një muze. Sheshi i San Franciskos është një vend ideal për të shijuar disa ushqime ekuadoriane si “maduros con queso”.

    E stolisur me figura kafshësh ekuadoriane, si iguana apo pumat, kjo kishë është bazilika më e lartë në Amerikë dhe ofron pamje mahnitëse të qytetit dhe fshatit përreth.
    Kisha tjetër që nuk duhet humbur është “La Compañía”.

    Gjithçka në të shkëlqen si një nderim për Perëndinë, ndërsa brendësia luksoze prej ari, do t’ju lërë të mahnitur.

    Muzeu i Artit Parakolumbian “Casa del Alabado”, ndodhet në një rezidencë të mrekullueshme të shekullit të 16-të, por nxjerr në pah vepra arti, skulptura dhe tekstile nga një numër i madh i popujve indigjenë të Andeve.

    I popullarizuar në mesin e vendasve, por i anashkaluar nga turistët, “Museo del Pasillo” i kushtohet zhanreve muzikore të Ekuadorit.

    Gjithashtu, në të gjurmohet historia muzikore vendase, duke shfaqur gjithçka nga instrumentet e punuara me dorë e deri tek interpretuesit e famshëm.

    Ndërkaq nëse gjatë vizitës jeni të uritur, restoranti më i famshëm vendas është Heladeria San Agustín, që funksionon për më shumë se 150 vjet.

    Në kohën e drekës mbushet plot me vendas që kërkojnë të shijojnë kuzhinën tradicionale ekuadoriane.

    Përveç llojeve të ndryshme të djathërave dhe supave që janë specialiteti i restorantit, një ndër gjërat më të mira është akullorja. (pamje te akullores)

    Restorant “Casa Gangotena” shërben ushqime tradicionale të Andeve me një menu të pasur.

    Recetat kryesore përfshijnë “locro beautifulño”, një supë tradicionale e bërë me patate, misër dhe djathë, si dhe bondiola, një shpatull derri i marinuar për 72 orë dhe i shërbyer me livandë dhe uthull./atvlive.tv./

     

  • Bankat në Kosovë i shtrenjtojnë sërish kreditë

    Bankat në Kosovë i shtrenjtojnë sërish kreditë

    Brenda vetëm dy muajsh, bankat në Kosovë kanë shtrenjtuar normat e interesit në disa lloje të kredive, ndërsa rritje e vazhdueshme vërehet tek kreditë konsumuese.

    Nga ky lloj i kredisë prekën pjesa më e madhe e qytetarëve të Kosovës pasi ka pjesëmarrjen më të lartë në portfolion kreditore.

    Në muajin Prill 2023, norma mesatare e interesit në kredi ka arritur në 6.3 për qind, thuhet në raportimin mujor të Bankës Qendrore të Kosovës (BQK).

    Rritje konstante nga muaji në muaj vërehet sidomos tek kreditë konsumuese. Kështu norma mesatare e interesit tek kreditë konsumuese ka arritur në 6.3 për qind në muajin prill, derisa vetëm një muaj më herët, në mars, ishte 6.2 për qind. Vitin e kaluar, kamata për këtë lloj kredie ishte nën 6 për qind.

    Ndërsa janë ‘liruar’ kreditë bujqësore, ku nga 6.5 për qind sa ishte kamata në mars, ka rënë në 5.9 oër qind në muajin prill.

    Është interesant fakti se nga viti kaluar, ekonomitë familjare janë “zhytur” edhe me shumë borxhe ndaj bankave, ku rritja vjetore e kredive për familjet është 16.1%.

  • Parashikimi i motit me Diellza Dakën

    Parashikimi i motit me Diellza Dakën

    Sot në vendin tonë do të mbahet mot kryesisht me intervale të lehta me diell por edhe reshje shiu në zona të caktuara.

    Temperaturën minimale do e mbajë Gjakova me 11 gradë Celsius, ndërsa atë maksimale Ferizaj me 25 gradë Celsius.

    Edhe dita e nesërme në Kosovë do të jetë me vranësira dhe me reshje shiu në disa zona të caktuara. Temperatura minimale do të shënohet në Gjakovë me 12 gradë Celsius, ndërsa ajo maksimale në Ferizaj me 20 gradë Celsius.

    Ndërkohë, në Shqipëri do të ketë mot me kthjellime dhe me temperatura stabile. Temperaturën minimale do e ketë Korça me 11 gradë Celsius, ndërsa ajo maksimale do të jetë në Berat me 29 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • Hapet sot panairi i librit “Prishtina 2023”

    Hapet sot panairi i librit “Prishtina 2023”

    Sot do të hapet panairi i librit “Prishtina 2023”.

    Ceremonia e hapjes do të bëhet në ora 12:00, në Pallatin e Rinisë, në Prishtinë.

    Panairi do të jetë i hapur për vizitorë çdo ditë nga 9:00-20:00.

    Në këtë panair është paralajmëruar të marrin pjesë rreth 100 botues nga Kosova, Shqipëria, Maqedonia e Veriut dhe diaspora.

    Shoqata e Botuesve të Kosovës ka bërë të ditur se janë rreth 2 mijë tituj të rinj në panairin “Prishtina 2023”.

    Në kuadër të panairit do të shënohen edhe disa përvjetorë si: 120-vjetori i lindjes së Ernest Koliqit, 110-vjetori i lindjes së Petro Markos, dhe 100-vjetori i lindjes së Jakov Xoxës.

    Do të ketë mbi 40 aktivitete, promovime, autorë të pranishëm në panair, ku spikasin kurorëzimi i veprimtarisë letrare të shkrimtarit më të madh shqiptar, Ismail Kadaresë, me botimin e kompletit shtatëvëllimësh të veprave letrare, të cilat përfshijnë shtatë dekada krijimtari; botimi dhe promovimi i vëllimit të fundit të ditarëve të Rexhep Qosjes, një komplet prej nëntë vëllimesh.

    Panairin pritet ta vizitojnë rreth 40000 vizitorë, studentë, nxënës të shkollave të mesme dhe fillore të Kosovës, qytetarë dhe personalitete të shquara nga jeta akademike, letrare, politike e intelektuale e Kosovës.

    Do të jenë të pranishëm shkrimtarë ndërkombëtarë e kombëtarë, profesionistë të librit, botues, përkthyes e librarë.

    Panairi do të mbyllet më 11 qershor në orën 18:00.

  • Serbët vazhdojnë protestat derisa peshohet opsioni i zgjedhjeve

    Serbët vazhdojnë protestat derisa peshohet opsioni i zgjedhjeve

    Protestat e qytetarëve serbë kundër kryetarëve shqiptarë në komunat në veri të Kosovës, hynë të hënën në javën e dytë.

    Derisa zgjedhjet e reja lokale diskutohen si mundësi për shtensionimin e situatës, edhe Qeveria e Kosovës, edhe serbët lokalë kanë fillimisht kushte për mbajtjen e tyre.

    Tensionet në veri të Kosovës janë rritur kur më 26 maj Policia e Kosovës ka ndihmuar kryetarët shqiptarë të komunave Zveçan, Leposaviq dhe Zubin Potok të hyjnë në objektet komunale – gjë të cilën popullata vendase serbe e ka kundërshtuar ashpër.

    Në ndërtesat e këtyre tri komunave deri më tani kanë funksionuar autoritetet e përkohshme komunale që punojnë në sistemin serb, e që janë ilegale për Kosovën.

    Vetëm në veri të Mitrovicës, objekti i komunës është i ndarë fizikisht sipas sistemit të Kosovës dhe Serbisë, dhe për këtë arsye, atje nuk kishte protesta.

    Bashkimi Evropian tha se pret që Kosova t’i ulë tensionet dhe t’i pezullojë menjëherë operacionet policore pranë ndërtesave komunale në veri të Kosovës.

  • Haradinaj – Kurtit: Mos e bëj më asnjë hap pa amerikanë

    Haradinaj – Kurtit: Mos e bëj më asnjë hap pa amerikanë

    Kreu i AAK-së, Ramush Haradinaj iu ka drejtuar kryeministrit Kurti lidhur me vendimet për veriun e Kosovës.

    “Mos e bëj më një hap pa amerikanë, mos e bëj më asnjë hap pa amerikanë, nuk je duke e fundosur vetëm vetën, VV-në por je duke e fundosur suksesin e Kosovës, interesin e Kosovës, të arriturat e saj”, ka thënë Haradinaj.

    Tutje shtoi se veprimet e kryeministrit Kurti tri herë radhazi janë në shpërputhje me obligimet që dalin në palë të sigurisë.

    “Sepse çdo veprim që ka fillluar të ndodh atje (veri) po ka konotacion ‘perniherë’ të sigurisë. Tani nuk mundet as Amerika e as NATO që e kanë bombard Millosheviqin kur ka shkelë të drejta të qytetarëve të Kosovës me ta aprovu ty shkeljen e drejtave të të tjerëve”, ka thënë Haradinaj.

  • Mësohet ora e takimit midis Osmanit me Escobar dhe Lajçak

    Mësohet ora e takimit midis Osmanit me Escobar dhe Lajçak

    Pak minuta më parë,Gabriel Escobar e Mirosllav Lajçak kanë nisur një takim me kryeministrin e Kosovës, Albin Kurti.

    Ndërsa gjatë ditës së nesërme qysh herët në mëngjes ata do të zhvillojnë takim me presidenten e vendit, Vjosa Osmani.

    Takimi pritet të nis nga ora 09:45 minuta.

    ‘’Në orën 09:45, Presidentja e Republikës së Kosovës, Vjosa Osmani pret në takim Përfaqësuesin Special të BE-së për Dialog, Miroslav Lajčák, si dhe të dërguarin e posaçëm për Ballkanin Perëndimor të SHBA-ve, Gabriel Escobar’’ thuhet në njoftim.

    Prej 26 majit, serbët lokalë të komunat veriore – Zveçan, Leposaviq dhe Zubin Potok – janë duke protestuar për të kundërshtuar hyrjen e kryetarëve të rinj shqiptarë në ndërtesat komunale.

    Më 29 maj, situata është përshkallëzuar në Zveçan, pas përplasjes së protestuesve serbë me pjesëtarë të KFOR-it. Për pasojë janë plagosur 30 pjesëtarë të forcës paqeruajtës, si dhe pjesëtarë të Policisë së Kosovës. Gjatë protestave janë dëmtuar dhe djegur automjete të KFOR-it, Policisë së Kosovës dhe mediave.

    Vetë shefi i NATO-s, Jens Stoltenberg, e ka dënuar rëndë dhunën ndaj pjesëtarëve të KFOR-it. Dhuna e ka nxitur NATO-n që të angazhojë 700 trupa shtesë në Kosovë, përveç 4.000 trupave që veçse janë në vendin tonë.

    Faktori ndërkombëtar ka bërë thirrje të vazhdueshme për marrjen e hapave drejt uljes së tensioneve.Në mesin e kërkesave janë tërheqja e kryetarëve nga ndërtesat komunale dhe pezullimi i operacioneve policore afër ndërtesave në veri.

    Kurse, disa diplomatë kanë kërkuar edhe mbajtjen e zgjedhjeve të reja në atë pjesë të vendit. Presidentja e Kosovës, Vjosa Osmani dhe kryeministri i Kosovës, Albin Kurti kanë dhënë shenja se mund të ndodhë diçka e tillë, duke respektuar ligjet e Kosovës.

    Sa i përket Serbisë, faktori ndërkombëtar ka kërkuar nga ky shtet që të ulë gjendjen e gatishmërisë ushtarake, dhe që të ndihmojë në uljen e tensioneve në mesin e protestuesve serbë në veri.

    Kosova dhe Serbia, me ndërmjetësim të BE-së, i kanë nisur negociatat për normalizim të marrëdhënieve, më 2011.Palët i kanë nënshkruar disa marrëveshje, por kryesisht nga Serbia nuk janë zbatuar.

  • Escobar: Duam më të mirën për Kosovën

    Escobar: Duam më të mirën për Kosovën

    Emisari i SHBA-së për Ballkanin Perëndimor, Gabriel Escobar, ka ripërsëritur përkrahjen e madhe ndaj Kosovës duke thënë se kërkesa e vetme është që të dëgjohet komuniteti ndërkombëtar.

    Kështu ka deklaruar ai pas takimit me kryeministrin e Kosovës, Albin Kurti, teksa ka potencuar se se duan më të mirën për Kosovën.

    “Është një unitet i madh transatlantik, mes SHBA-së, BE-së e NATO-s, që ka paraqitur kërkesat e njëjta. Shpresoj të dëgjohemi. Jemi në fillim të misionit. Një gjë dua të them, erdha këtu si përkrahës i madh i Kosovës. Duam më të mirën për Kosovën, të arrijë të gjitha aspiratat. Jemi përkrahësit më të mëdhenj të sigurisë suaj, pavarësisë, sovranitetit, e integritetit territorial tuaj. Po kërkoj vetëm të dëgjohemi”, tha Escobar.

  • Ndërhyrja e OSBE në zgjedhjet në veri, kthim mbrapa

    Ndërhyrja e OSBE në zgjedhjet në veri, kthim mbrapa

    Ndërhyrja ndërkombëtare, pas situatës së krijuar në veri të Kosovës javën e kaluar, ishte e domosdoshme.

    Gjendja e tensionuar shtyu Organizatën për Siguri dhe Bashkëpunim në Evropë, që të dalë me një udhëzues 9 pikësh, për shtensionim e normalizim të situatës.

    Ajo çka po konsiderohet shqetësuese është pika e 7-të e këtij propozimi, e cila flet për zgjedhjet e reja në 4 komunat veriore.

    Partia më e madhe opozitare PDK vlerëson se ky është kthim mbrapa dhe nuk bën të pranohet.

    Sipas AAK-së, Organizimi i votimeve nga OSBE-ja i takon të shkuarës e heqje dore nga shtetësia.

    Opozita thekson se organizimi i çfarëdo procesi zgjedhor në Kosovë është kompetencë e Komisionit Qendror të Zgjedhjeve dhe nuk mund të jetë ndryshe.