ATV

Blog

  • 10 ditë në det, të mjaftueshme për trupin e njeriut

    10 ditë në det, të mjaftueshme për trupin e njeriut

    Pushimi është tejet i nevojshëm për secilin njeri. Pos kësaj trupi i njeriut ka nevojë edhe për relaksim duke përfshirë edhe shkuarjen në det.

    Mirëpo kjo nuk është diçka e re pasi që edhe shumë kohë më parë njerëzit kanë qenë të informuar për anët pozitive dhe të mirat e ujit të detit.

    Madje, edhe mjekët kanë aplikuar terapinë, kështu duke i këshilluar njerëzit që të lahen në det.

    Deti bën që trupi dhe truri ynë të pushojë. Tashmë është zbuluar që tingujt e detit stimulojnë disa zona të trurit të njeriut që ndikojnë për emocionet tona dhe reflekset personale.

    Qetësia e detit përmirëson edhe emocionet tona.

    Valët ndihmojë që trupi ynë të nxjerrë jashtë jonet dhe të absorbojë më shumë oksigjen dhe e rregullon nivelin e serotoninës, substancë e cila kontrollon anksiozitetin.

    Efekti i kësaj është pothuajse i njëjtë me jogan dhe psikoterapinë.

    Të qëndruarit mbi sipërfaqen e ujit zhurma të cilën e emitojnë valët ulin nivelin e kortizolit, hormon i stresit, dhe kontribuon në qetësimit e gjendjes tonë shpirtërore.

    Ai tingull më së shumti na rikujton tingullin të cilin e kemi dëgjuar kur kemi qenë në barkun e nënës.

    Shikimi i detit dhe trupi i njeriut “Kur shikojmë detin, apo kur jemi pranë bregut të detit, ne jemi në një ambient tepër të bukur dhe të qëndrueshëm”, thotë neurologu Michael Merzenich.

    Tutje ai ka shpjeguar që sipas tij ndihemi të sigurt kur jemi në vendet ku nuk ka kërcënim, siç është deti.

    Sipërfaqja e ujit e cila humbet në horizont transmeton në trurin tonë ndjenjën e stabilitetit dhe të sigurisë.

    Rrezitja në plazh dhe trupi i njeriut Studimet kanë treguar që kur rrezitemi në plazh, ngrohtësia ndikon në sistemin tonë endokrin i cili është përgjegjës për lirimin e endokrines./atvlive.tv/

  • Spanja regjistron “pranverën më të nxehtë në histori”

    Spanja regjistron “pranverën më të nxehtë në histori”

    Spanja ka përjetuar pranverën e saj më të nxehtë që kur ka nisur të regjistrojë temperaturat vitet ‘60, njoftoi të mërkurën (7 qershor) agjencia kombëtare e motit.

    Vendi pa gjithashtu pranverën e dytë më të thatë ndonjëherë, pas asaj të vitit 1995, tha agjencia AEMET.

    Spanja, e cila pati vitin e saj më të nxehtë në 2022, pritet të jetë një nga vendet e BE-së më të goditura për sa i përket ndryshimeve klimatike.

    Në mbarë Spanjën, temperaturat mes 1 marsit dhe 1 qershorit ishin mesatarisht 14.2 gradë Celsius, tha Ministria e Mjedisit. Këto temperatura ishin për 1.8 gradë më të larta sesa mesatarja e regjistruar mes vitit 1991-2020 dhe 0.3 gradë më e lartë sesa rekordi paraprak i regjistruar më 1997.

    Në fund të prillit, Spanja pësoi një valë të madhe të nxehti me temperatura lokale deri në 20 gradë Celsius mbi mesataren, duke përkeqësuar thatësirën.

    Sipas agjencisë AEMET, Spanja ka “shumë gjasa” që edhe një herë të përballet me një verë më të nxehtë se zakonisht gjatë këtij viti, veçmas në pjesën lindore të shtetit dhe në ishujt spanjoll.

  • Idriz Tershani, çdo ditë kositë barishtet në 2 hektarë tokë

    Idriz Tershani, çdo ditë kositë barishtet në 2 hektarë tokë

    Me uljen e temperaturave nis edhe ngadalësimi i rritjes së barit dhe bimëve të tjera në tokë.

    Bari ringjallet sërish në fillim të pranverës kur edhe duhet të kositet më shpesh.

    Për 74-vjeçarin Idriz Tershani nga Shtimja, kositja tashmë i është kthyer në përditshmëri të tij.

    Ai thotë se pothuajse çdo ditë kositë barishtet në tokën e tij, dhe se ndjen mërzi në ditët që nuk arrin të punoj.

    “Çdo ditë dalim, e punojmë tokën , mbjellim edhe perime të ndryshme. Dal çdo ditë shkaku shëndetit se ma mirë për punu, nuk mundëm me nejt se kështu jam mësu qysh I vogël, nuk më vjen hiç vështirë. Kështu na kanë mësu, punone tokën se pa punë nuk ka asgjë. Tash shumica e të rinjve spo dojnë as me punu tokën as kurgjë, po dojnë me dalë jashtë Kosovës”, tha ai.

    Ai madje thotë se periudhat e tanishme dhe të dikurshme në punimin dhe mirëmbajtjen e tokës kanë ndryshuar shumë.

    Për më shumë ndiqni videon e mëposhtme:

  • Parashikimi i motit për sot dhe nesër

    Parashikimi i motit për sot dhe nesër

    Sot në vendin tonë do të mbahet mot i vranët dhe reshje shiu, derisa në disa zona pritet të ketë edhe vërshime .

    Temperaturën minimale do e mbajë Gjakova me 12 gradë Celsius, ndërsa atë maksimale Prishtina me 22 gradë Celsius.

    Edhe dita e nesërme në Kosovë do të jetë me mot të kthjellët dhe vranësira të herëpashershme. Temperatura minimale do të shënohet në Gjakovë me 10 gradë Celsius, ndërsa ajo maksimale në Prishtinë me 22 gradë Celsius.

    Ndërkohë, në Shqipëri do të ketë mot me kthjellime dhe me temperatura stabile. Temperaturën minimale do e ketë Korça me 11 gradë Celsius, ndërsa ajo maksimale do të jetë në Berat me 27 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

     

  • Kuvendi sot shqyrton Projektligjin për Zgjedhjet e Përgjithshme në Kosovë

    Kuvendi sot shqyrton Projektligjin për Zgjedhjet e Përgjithshme në Kosovë

    Kuvendi i Republikës së Kosovës, sot do të bëj shqyrtimin e parë të Projektligjit për Zgjedhjet e Përgjithshme në Republikën e Kosovës.

    Kuvendi po ashtu sot do të mbajë seancë plenare. Ku në rend ditë janë disa pika

    Seanca do të fillojë me deklarimet jashtë rendit të ditës dhe pyetjet parlamentare.

    Pastaj do të jenë në rend ditë këto pika: Shqyrtimi i Projektligjit për ratifikimin e “Marrëveshjes financiare ndërmjet Republikës së Kosovës dhe Bashkimit Evropian për Programin IPA 2022”, shqyrtimi i Projektligjit për ratifikimin e Marrëveshjes ndërmjet Republikës së Kosovës dhe Republikës së Sllovenisë për zbatimin e ndërsjellë të aktgjykimeve në çështjet penale, shqyrtimi i Projektligjit për ratifikimin e Marrëveshjes ndërmjet Republikës së Kosovës dhe Republikës së Sllovenisë mbi ekstradimin, shqyrtimi i Projektligjit për ratifikimin e Marrëveshjes ndërmjet Republikës së Kosovës dhe Republikës së Sllovenisë për ndihmë të ndërsjellë juridike në çështje penale, shqyrtimi i Projektligjit për aderimin në Marrëveshjen për statusin dhe funksionet e Komisionit Ndërkombëtar për Personat e zhdukur, shqyrtimi i Projekt Deklaratës për antisemitizmin.

    Po ashtu do të bëhet edhe shqyrtimi i kërkesës së Komisionit Ad-Hoc për Zhvillimin e Procesit të Vlerësimit Kalimtar, për zgjatjen e mandatit, votimi për emërimin e drejtorit dhe zëvendësdrejtorit të Sekretariatit Ekzekutiv të Agjencisë për Krahasim dhe Verifikim të Pronës, votimi në parim i Projektligjit për shëndet riprodhues dhe fertilizim të asistuar mjekësor, votimi në parim i Projektligjit për ndryshimin dhe plotësimin e Ligjit për minierat dhe mineralet, shqyrtimi i dytë i Projektligjit për Mbrojtjen e Konsumatorit, shqyrtimi i dytë i Projektligjit për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin për procedurën e përgjithshme administrative, shqyrtimi i dytë i Projektligjit për Kinomatografinë, shqyrtimi i parë i Projektligjit për të drejtat e autorit dhe të drejtat e përafërta, shqyrtimi i Programit Kombëtar për Integrim Evropian 2023-2027, propozimi i një (1) kandidati për gjyqtar në Gjykatën Kushtetuese të Republikës së Kosovës, emërimi i dy (2) anëtarëve të Bordit Mbikëqyrës të Agjencisë Kosovare për Krahasim dhe Verifikim të Pronës dhe zgjedhja e dy (2) anëtarëve të Bordit të Radiotelevizionit të Kosovës.

  • Grenell: Përgatituni për pasoja të rënda nëse Kurti nuk u përmbahet angazhimeve që ka marrë

    Grenell: Përgatituni për pasoja të rënda nëse Kurti nuk u përmbahet angazhimeve që ka marrë

    Ish-emisari i SHBA-ve për dialogun Kosovë-Serbi, Richard Grenell, ka thënë se kryeministri i Kosovës, Albin Kurti nuk po e kupton se çfarë po i ndodhë Kosovës.

    Grenell tha se komuniteti ndërkombëtar i ka dhënë atij një afat deri të premten që t’i përmbahet angazhimeve që Kosova i ka marrë më parë.

    “Komuniteti ndërkombëtar i ka dhënë atij një afat deri të premten për t’iu përmbajtur angazhimeve që vendi i tij ka marrë më parë.”, shkroi Grenell në Twitter.

    Tutje, ai tha se “miqtë e mi në Kosovë duhet të përgatiten për pasoja të rënda nëse Kurti nuk respekton.”

    “Unë i kam parë pasojat dhe nuk është e bukur.”, përfundoi ai.

  • Bërnabiq: Jam e gatshme të jap dorëheqje

    Bërnabiq: Jam e gatshme të jap dorëheqje

    Kryeministrja serbe, Ana Bërnabiq, tha se është e gatshme të japë dorëheqjen.

    “Jam e gatshme dhe llogarisni se mund ta keni dorëheqjen time”, tha ajo gjatë një fjalimi publik së bashku me presidentin e Serbisë, Aleksandar Vuçiq.

    Ajo tha se mendon se mbajtja e zgjedhjeve parlamentare deri në fund të vitit është zgjidhje për krizën dhe shtoi se opozita nuk i është përgjigjur ftesës së presidentit të Serbisë, Aleksandar Vuçiq, për takim.

    Në muajt e fundit, në Serbi janë mbajtur disa protesta të thirrura nga një pjesë e opozitës që është e pakënaqur me përgjigjen e Qeverisë ndaj dy të shtënave masive në muajin maj, që lanë të vrarë 18 persona.

    Bërnabiq tha se ka kryer detyrat në mënyrën më të mirë të mundshme dhe se rezultatet e ekzekutivit të saj janë të padiskutueshme.

    “Jo gjithçka ishte perfekte, por ne bëmë më të mirën dhe mendoj se kemi rezultate që çdo qytetar, nëse është i sinqertë, mund të krenohet me to”, tha ajo.

    Presidenti i Serbisë, Aleksandar Vuçiq, tha se është e sigurt se do të ketë zgjedhje të parakohshme parlamentare dhe se pyetja e vetme është se kur do të mbahen ato.

    Vuçiq tha se nuk do të ketë qeveri tranzitore.

    Presidenti i Serbisë ftoi edhe një herë opozitën për të biseduar.

    “Besoj se do të gjejmë bashkëbisedues. Nëse kjo nuk ndodh, do të shkojmë në zgjedhje, por Qeveria nuk do të zgjidhet në rrugë dhe nuk do të ketë qeveri tranzitore”, tha Vuçiq.

    Ndryshe, Bërnabiq ka marrë mandatin për të udhëhequr Qeverinë e re serbe në mesin e vitit 2022.

    Atëbotë, presidenti serb, Aleksandar Vuçiq, kur njoftoi për mandatimin e saj në krye të ekzekutivit, tha se Bërnabiq nuk do të qëndronte në këtë post në mandat të plotë, por gjatë vitit 2024 do të kishte ndryshime. /REL

  • ​Senatorët amerikanë me deklaratë të përbashkët për Kosovën dhe Serbinë

    ​Senatorët amerikanë me deklaratë të përbashkët për Kosovën dhe Serbinë

    Senatorët amerikanë, nga demokratët dhe republikanët, u kanë bërë thirrje Kosovës dhe Serbisë për qetësim të situatës në veri të vendit.

    Përmes një deklaratë të përbashkët, senatorja Jeanne Shaheen, kryetare e Nënkomitetit të Senatit për Marrëdhëniet me Jashtë për Evropën dhe Bashkëpunimin Rajonal të Sigurisë, Chris Murphy, Chris Van Hollen, Ben Cardin, Thom Tillis dhe Pete Ricketts, kanë deklaruar se tensionet në pjesën veriore të Kosovës mund të dobësojë marrëdhëniet e vendeve me ShBA-të.

    “Si ligjvënës amerikanë, përtej linjave partiake, ne jemi gjithnjë e më të shqetësuar nga situata e brishtë e sigurisë në veri të Kosovës. Sot, ne përsërisim se ka mbështetje të gjerë dypartiake në Senatin e SHBA për përpjekjet e Bashkimit Evropian, në koordinim të ngushtë me Shtetet e Bashkuara, për të ndërmjetësuar një rrugë përpara”, thuhet në deklaratë.

    Ata u kanë bërë thirrje vendeve që të punojnë me Bashkimin Evropian dhe ShBA-të për gjetjen e zgjidhjes pa vonesa.

    “Si kryeministri Kurti ashtu edhe presidenti Vuçiç duhet t’i dëgjojnë menjëherë thirrjet ndërkombëtare për të deeskaluar situatën, për të rikthyer besimin popullor në institucionet vendore në veri dhe për t’u angazhuar për zbatimin e Marrëveshjes për Rrugën e Normalizimit duke krijuar një Asociacion të komunave me shumicë serbe në Kosovë. Ndërsa të dy udhëheqësit konsiderojnë hapat e tyre të ardhshëm, ne i nxisim ata të zgjedhin paqen, prosperitetin dhe sigurinë e qytetarëve të tyre përkatës. Dështimi për të de-përshkallëzuar situatën do të shkaktonte pasoja nga Perëndimi, i cili ka punuar me zell për të mbështetur Kosovën dhe Serbinë në një rrugë përpara, dhe pa nevojë rrezikon të dobësojë marrëdhëniet tona dypalëshe”, thuhet në deklaratë.

  • Përplasjet Kosovë – ShBA, Osmani: Mosmarrëveshjet ekzistojnë edhe në familje

    Përplasjet Kosovë – ShBA, Osmani: Mosmarrëveshjet ekzistojnë edhe në familje

    Presidentja e Kosovës, Vjosa Osmani, ka dhënë një intervistë relativisht të gjatë për medien e njohur “Reuters”, ku ka folur për situatën e fundit në veri të Kosovës.

    Në këtë intervistë, Osmani ishte e ashpër me homologun e saj serb, Aleksandar Vuçiq, të cilin e takoi javën e kaluar gjatë një samiti në Moldavi.

    Osmani u pyet për deklaratën e kryeministrit Albin Kurti se Perëndimi po tenton ta kënaq Serbinë, duke thënë se edhe mes miqve nganjëherë ka mosmarrëveshje.

    “Mendoj që duke qenë se kam punuar në institucionet e Koosvës për një kohë, ka kohë kur ne kemi mosmarrëveshje me bashkësinë ndërkombëtare mbi taktikën. Por, shiko, edhe në mes të miqve më të mirë, edhe mes familjes, ju nganjëherë keni mosmarrëveshje. Por, ne s’kemi mosmarrëveshje, sipas vlerësimit tim, me bashkësinë ndërkombëtare, është ku regjioni duhet të lëvizë përpara dhe ajo është integrimi euroatlantik. Ne s’kemi mosmarrëveshje se ku përket Kosova dhe ajo është në BE dhe NATO dhe në secilën organizatë tjetër që është në interesin tonë”, deklaroi Osmani.

    Shefja e shtetit deklaroi se mes Kosovës dhe ndërkombëtarëve s’ka mosmarrëveshje rreth forcimit të sovranitetit të Kosovës.

    “Nuk besoj që kemi mosmarrëveshje me bashkësinë ndërkombëtare në përpjekjen tonë të përbashkët për të forcuar sovranitetin, integritetin territorial të Kosovës, si dhe pavarësinë tonë. Në fakt, arsyeja pse Kosova ka qenë e suksesshme, përveç qëndrueshmërisë së popullit të saj, për shkak se kemi pasur aleat në anën tonë… Edhe pse nganjëherë mund të mos pajtohemi ose mund t’i shohim gjërat ndryshëm mbi atë se si po shihet Serbia, se si po trajtohet Serbia, unë mendoj që duhet të fokusohemi tek pozitivja, duhet të fokusohemi se çfarë na mban bashkë”, shtoi ajo.

  • Kurti për France 24: Zgjedhje po, por së pari ligji

    Kurti për France 24: Zgjedhje po, por së pari ligji

    Kryeministri Albin Kurti ka thënë se para se të mbahen zgjedhje të reja në katër komunat veriore, duhet të mbizotërojë ligji.

    “Zgjedhjet do të mbahen sipas rendit dhe ligjit. Duhet të ketë vendosje të rendit dhe ligjit. Pa lig nuk mund të ketë zgjedhje demokratike”, është shprehur Kurti për France 24.

    “Nuk dua dështim pas dështimit. Dua të angazhohem për konstruktivitet, rend, ligj dhe demokraci. Për këto nuk ka kompromis”.

    Kurti ka përsëritur se legjitimiteti i kryetarëve aktualë është i dobët, por që askush tjetër nuk është më legjitimë së ata për të pasur qasje në objektet komunale.

    “Sot në tri komunat veriore situata përgjithësisht ishte e qetë. Pse? Sepse nuk ka pasur urdhër për dhunë nga Beogradi”.