ATV

Blog

  • Abazoviq: Do të jemi shtylla kryesore e qeverisë

    Abazoviq: Do të jemi shtylla kryesore e qeverisë

    Kryeministri aktual i Malit të Zi Dritan Abazoviq, ka folur pas përfundimit të numërimit të votave.

    Koalicioni “Guximi numërohet” ku ai bën pjesë me Lëvizjen “Ura” i ka marrë 13 për qind.

    Sipas këtij rezultati ky koalicion do të ketë 12 deputetë në Kuvendin e Malit të Zi.

    Abazoviq tha se do të jenë shtylla kryesore e qeverisë malazeze.

    “Qëllimi është një shoqëri gjithëpërfshirëse”, tha Abazoviq.

    Ai theksoi se ka shumë punë për të bërë.

    “Nuk ka rëndësi se ne ishim objektivi kryesor në fushata, anëtarët e të dyja partive treguan qëndrueshmëri dhe ia arritëm qëllimit. Vazhdojmë, do të llogarisim me guxim edhe në periudhën në vijim”, tha kryeministri në detyrë i Malit të Zi Dritan Abazoviq.

  • Eksperti amerikan kundër draftit të Ramës për Asociacionin

    Eksperti amerikan kundër draftit të Ramës për Asociacionin

    Daniel Serwer ekspert i marrëdhënieve me SHBA, ka folur rreth draft-statusit të propozuar nga kryeministri Rama për Asociacionin e komunave serbe dhe mënyrën se si ka ndikuar ai.

    Profesori Serwer i ftuar në emisionin “Review” në Euronews Albania tha se propozimi i këtij draft-statusi nga ana e kryeministrit shqiptar nuk ishte i drejtë, madje ai tha se ish-kryeministri Berisha kishte të drejtë kur thoshte se ky ishte një veprim i gabuar.

    “Ky është një komplikacion që nuk ishte i nevojshëm, i bën gjërat edhe më të vështira për Albin Kurtin. Mendoj se ish-presidenti Berisha ka të drejtë. Kjo është një ndërhyrje e panevojshme, e cila cenon prestigjin e Kurtit dhe nuk e zgjidh problemin.

    Tashmë është e nevojshme që Kosova të vijë me një propozim, mesa e kam kuptuar, kryeministri Kurti e ka cilësuar të pamundur modelin e propozuar në Kroaci.

    Ai duhet të vijë dhe të dalë me një propozim i cili duhet të jetë në përputhje me kushtetutën e Kosovës, megjithatë mendoj se është e nevojshme që të vijë diçka nga Prishtina, jo nga Beogradi apo nga Edi Rama”,-tha Daniel Serwer.

  • Lëvizja “Tani Evropa”, fituese e zgjedheve në Malin e Zi

    Lëvizja “Tani Evropa”, fituese e zgjedheve në Malin e Zi

    Qytetarët e Malit të Zi gjatë ditës së diel dhanë verdiktin e tyre se kush do t’i drejtojë ata në katër vitet e ardhshme.

    Nga rezultatet e numërimit të votave del se Lëvizja “Tani Evropa”, e presidentit Jakov Milatoviq, është fituese e zgjedhjeve parlamentare atje, që ka arritur t’i marrë 26 për qind e votave.

    Kjo lëvizje kandidat për kryeministër e ka Milojko Spajiqin.

    Në vendin e dytë renditet koalicioni “Së bashku” e përbërë nga (DPS-SD-LP dhe DUA), që ka 23 për qind.

    Në vendin e tretë është “Për të ardhmen e Malit të Zi” me 15.1 për qind.

    Koalicioni mes Lëvizjes “Ura” të kryeministrit aktual Dritan Abazoviq, dhe demokratëve të Aleksa Beçiqit, i kanë 13 për qind.

    Derisa dy listat shqiptare, Aleanca Shqiptare, i ka 1.5 për qind, kurse Forumi Shqiptar i ka 1.7 për qind.

    Mbi 500 mijë qytetarë kishin të drejtë vote në këto zgjedhje parlamentare atje.

    Sipas raportimeve mbi 50 për qind e shfrytëzuan të drejtën për të hedhur votën dhe zgjedhur qeverinë e re malazeze.

  • Koalicioni ku bën pjesë Dritan Abazoviq do t’i ketë 12 deputetë

    Koalicioni ku bën pjesë Dritan Abazoviq do t’i ketë 12 deputetë

    Koalicioni ku bën pjesë kryeministri aktual i Malit të Zi Dritan Abazoviq, do të ketë 12 mandate në Parlamentin e Malit të Zi.

    Kështu tha Aleksa Beçiq, bartësi i koalicionit “Hrabro se broji” apo “Guximi numërohet”.

    Sipas Beçiqit, ky është rezultati më i mirë deri më tani për ata në zgjedhje parlamentare.

    Ai tha se këtë rezultat e ka pretenduar edhe para zgjedhjeve.

    “Ky është një rezultat vërtet mbresëlënës me të cilin jemi shumë të kënaqur. Nuk ka asnjë dilemë, çfarë kemi pretenduar para zgjedhjeve, nuk ka shumicë pa “Hrabro se roji”, tha ai.

    Ka përfunduar numërimi i votave në Mal të Zi.

    Fitues i këtyre zgjedhjeve është Lëvizja “Tani Evropa”, i presidentit Jakov Milatoviq, që ka arritur të marrë 26 për qind të votave.

  • Hoti: Njohja nga Izraeli historike, ndodhi nga Shtëpia e Bardhë

    Hoti: Njohja nga Izraeli historike, ndodhi nga Shtëpia e Bardhë

    Deputeti i Lidhjes Demokratike të Kosovës Avdullah Hoti, ka thënë se njohja e Kosovës nga Izraeli ishte historike.

    Hoti tha se kjo njohje kishte ndodhur nga Shtëpia e Bardhë.

    Ngjarja e madhe kishte ndodhur më 4 shtator në Washington, në kohën sa ai ishte kryeministër.

    “Në këtë vizitë historike në Izrael na bashkohen edhe një grup i bizneseve të Kosovës, të cilat do të vizitojnë odat ekonomike në Izrael dhe do të zhvillojnë takime individuale me biznese për të parë mundësitë e bashkëpunimit. Delegacioni i bizneseve është nën organizimin e Odës Ekonomike Kosovë-Izrael, që operon tash e një vit në Prishtinë”, tha Hoti.

  • Prepolli: Guardiola le t’ia len amanet nipit nëse don me i mbërri numrin e Championsit të R. Madridit

    Prepolli: Guardiola le t’ia len amanet nipit nëse don me i mbërri numrin e Championsit të R. Madridit

    Analisti i futbollit, Arsim Prepolli ka komentuar deklaratën e fundit të Pep Guardiolës.

    “Më pëlqej një deklaratë e Guardiolës që u tregua shumë optimist. Me i thonë atij leja amanet nipit nëse don me arritë numrin e Champions League që ka Real Madridit”, tha Prepolli në Ekipi A.

    Për më shumë mund të ndiqni emisionin e plotë:

  • Latifi: Arsyeja e ftesës së Rrahmanit është se një nga lojtarët nuk ka pasur vizë Schengen

    Latifi: Arsyeja e ftesës së Rrahmanit është se një nga lojtarët nuk ka pasur vizë Schengen

    Driton Latifi jep informacionet e fundit se pse Albion Rrahmani është ftuar me vonesë

    “Arsyeja e ftesës së Albion Rrahmanit është çështje teknike. Sipas informacioneve që kam është se një nga lojtarët e grumbulluar nuk ka vizë Schengen. Andaj në çdo situatë të paparashikuar, Rrahmani të jetë rezervë. Përgjegjësia është definitivisht e lojtarit”, tha Latifi në Ekipi A.

    Për më shumë mund të ndiqni emisionin e plotë:

  • Latifi: Rumania më shumë i sheh shanset te Kosova se te Zvicra

    Latifi: Rumania më shumë i sheh shanset te Kosova se te Zvicra

    Analisti i futbollit, Driton Latifi thekson se edhe Rumania i sheh shanset e veta kundër Kosovës, andaj sipas tij duhet të kemi kujdes.

    “Pas dy ndeshjeve, Rumania sheh shanse më shumë te Kosova se te Zvicra në takimin e radhës. Për ne besoj që mund ta tejkalojmë ‘bllokimin e portës’ që të shënojmë gola”, tha Latifi në Ekipi A.

    Për më shumë mund të ndiqni emisionin e plotë:

  • Gegollaj: Rumania nuk ka lojtarë me kualitet siç ka Kosova

    Gegollaj: Rumania nuk ka lojtarë me kualitet siç ka Kosova

    Gazetarja, Enkelida Gegollaj thekson se Rumania nuk ka lojtarë të kualitetit ashtu siç i ka Kosova.

    “Rumania nuk ka lojtarë të kualitetin siç ka Kosova. Edhe në ndeshjen kundër Andorrën kemi pasur euforinë se kemi me fitu, mirëpo në fund ata dolën fitimtar. Në stadium pas asaj ndeshje kemi parë njerëz pesimist se pas kësaj ndeshje më nuk do të vijnë”, the Gegollaj në Ekipi A.

    Për më shumë mund të ndiqni emisionin e plotë:

  • Prej 13 futbollistëve shqiptar në Evropë e Amerikë, si pranuan vetëm 4 të jenë pjesë e kampit

    Prej 13 futbollistëve shqiptar në Evropë e Amerikë, si pranuan vetëm 4 të jenë pjesë e kampit

    Arbnor Morina jep detaje për refuzimin që pati nga lojtarët e rinj për të qenë pjesë e kampit në Kombëtaren U17 të Kosovës.

    “Të premten, me Isa Sadriun, koordinatorin e Kombëtares U17. Për një mbrëmje kemi kontaktuar me 13 futbollistë. Prej tyre vetëm 4 kanë pranuar të vijnë në kamp, i cili duhet të mbahet në muajin korrik. Pjesa tjetër na ka thënë ju japim përgjegje pas një jave apo janë në pritje të një kombëtareje tjetër”, tha Morina në Ekipi A.

    Për më shumë mund të ndiqni emisionin e plotë